Halwa Ceremony: ಕೇಂದ್ರ ಬಜೆಟ್​ಗೂ ಮುನ್ನ ನಡೆಯುತ್ತೆ ಸಾಂಪ್ರದಾಯಿಕ ಹಲ್ವಾ ಸಮಾರಂಭ, ಮಾಹಿತಿ ತಿಳಿಯಿರಿ

ನವದೆಹಲಿ: ಹಣಕಾಸು ಸಚಿವೆ ನಿರ್ಮಲಾ ಸೀತರಾಮನ್ (Finance Minister Nirmala Sitharaman) ಫೆಬ್ರವರಿ 1 ರಂದು ಈ ವರ್ಷದ ​ಕೇಂದ್ರ ಬಜೆಟ್​ (Union Budget) ಮಂಡನೆ ಮಾಡಲಿದ್ದಾರೆ. ಇದು 2024ರ ಸಾರ್ವತ್ರಿಕ ಚುನಾವಣೆಗೂ ಮುನ್ನ ನರೇಂದ್ರ ಮೋದಿ (Narendra Modi) ಸರ್ಕಾರದಿಂದ ಮಂಡನೆಯಾಗಲಿರುವ ಕೊನೆಯ ಬಜೆಟ್​ ಆಗಲಿದೆ. ಹಾಗಾಗಿ ದೇಶದ ಜನತೆಗೆ ಈ ಬಾರಿಯ ಬಜೆಟ್​ ಸಾಕಷ್ಟು ನಿರೀಕ್ಷೆಗಳನ್ನು ಮೂಡಿಸಿದೆ. ಬಜೆಟ್​ ಮಂಡನೆ ಮಾಡುವುದಕ್ಕೂ ಮುನ್ನ ಹಲವು ವರ್ಷಗಳಿಂದ ಸಾಂಪ್ರದಾಯಿಕ ಹಲ್ವಾ ಸಮಾರಂಭ (Halwa Ceremony) ನಡೆಸಿಕೊಂಡು ಬರಲಾಗುತ್ತಿದೆ. ಈ ವರ್ಷದ ಹಲ್ವಾ ಸಮಾರಂಭ ನಾಳೆ ನಡೆಯಲಿದೆ. ಕಳೆದ ವರ್ಷ ಕೊರೊನಾ ಕಾರಣದಿಂದ ಸಮಾರಣಭ ನಡೆದಿರಲಿಲ್ಲ. ಆದರೆ ಈ ಬಾರಿ ಆಚರಣೆ ಮಾಡಲಾಗುತ್ತಿದೆ.

ಹಲ್ವಾ ಸಮಾರಂಭದ ಬಗ್ಗೆ ಮಾಹಿತಿ

ಕೇಂದ್ರ ಸರ್ಕಾರದ ಬಜೆಟ್ ಮಂಡನೆಗೂ ಮುನ್ನ ಕೆಲವು ವರ್ಷಗಳಿಂದ ಹಣಕಾಸು ಇಲಾಖೆ ಈ ಅಲ್ವಾ ಸಮಾರಂಭವನ್ನು ಆಯೋಜಿಸಿಕೊಂಡು ಬರುತ್ತಿದೆ. ಈ ಸಮಾರಂಭದ ಮೂಲಕವೇ ಕೇಂದ್ರ ಬಜೆಟ್​ ಪ್ರತಿ ಮುದ್ರಣಾ ಕಾರ್ಯಕ್ಕೆ ಇಲಾಖೆ ಅಧಿಕೃತ ಚಾಲನೆ ನೀಡುತ್ತದೆ. ಅದರಂತೆ ಈ ಬಾರಿಯೂ ಜನವರಿ 26ರಂದ ನಿರ್ಮಲಾ ಸೀತಾರಾಮನ್​ ಅವರು ಹಲ್ವಾ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಗಿದ್ದಾರೆ.

ಬಜೆಟ್​ ಪ್ರತಿ ಮುದ್ರಣದಲ್ಲಿ ತೊಡಗಿಸಿಕೊಳ್ಳುವುದು

ಪ್ರತಿವರ್ಷ ಈ ಕಾರ್ಯಕ್ರಮವನ್ನು ನಡೆಸಿಕೊಂಡು ಬರಲಾಗುತ್ತಿದೆ. ಆದರೆ ಹಲ್ವಾ ಸಮಾರಂಭದ ಇತಿಹಾಸದ ಬಗ್ಗೆ ಯಾವುದೇ ಸ್ಪಷ್ಟ ಮಾಹಿತಿಯಿಲ್ಲ ಅಥವಾ ಹಿನ್ನಲೆಯಿಲ್ಲ. ಆದರೆ ಶುಭಕಾರ್ಯಕ್ಕೂ ಮುನ್ನ ಸಿಹಿ ಹಂಚುವ ಸಂಪ್ರದಾಯದಂತೆ ಈ ಸಂಪ್ರದಾಯವೂ ನಡೆದುಕೊಂಡು ಬಂದಿದೆ. ಹಣಕಾಸು ಇಲಾಖೆ ಪ್ರಕಾರ ಸಿಬ್ಬಂದಿ ಬಜೆಟ್​ ಪ್ರತಿ ಮುದ್ರಣಾ ಕಾರ್ಯದಲ್ಲಿ ತೊಡಗಿಸಿಕೊಳ್ಳುವ ಕಾರ್ಯಕ್ರಮವನ್ನು ಹಲ್ವಾ ಸಮಾರಂಭ ಎಂಬುದಾಗಿದೆ.

ಇದನ್ನೂ ಓದಿ:  Union Budget: ಹೊಸ ತೆರಿಗೆ ಪದ್ಧತಿ ಹೇಗಿರಲಿದೆ? ಆದಾಯ ತೆರಿಗೆ ಕುರಿತು ನೀವು ತಿಳಿಯಬೇಕಾದ ಪ್ರಮುಖ ಮಾಹಿತಿಗಳಿವು

ಬಂಧಿಗಳಾಗುವ ಸಿಬ್ಬಂದಿ

ಹಲ್ವಾ ಸಮಾರಂಭ ಮುಗಿದ ಕೂಡಲೇ ದೆಹಲಿಯ ನಾರ್ಥ್ ಬ್ಲಾಕ್​ನಲ್ಲಿರುವ ತಳ ಅಂತಸ್ತಿನ ಹಣಕಾಸು ಸಚಿವಾಲಯದ ಮುಖ್ಯ ಕಚೇರಿಯಲ್ಲಿ ಹಣಕಾಸು ಇಲಾಖೆ ಸಿಬ್ಬಂದಿಗಳೆಲ್ಲಾ ಬಜೆಟ್ ಮಂಡನೆಯಾಗುವವರೆಗೂ ಇರಬೇಕಾಗತ್ತದೆ. ಬಜೆಟ್​ ಮಂಡನೆಯಾಗುವವರೆಗೂ ಬಾಹ್ಯ ಜಗತ್ತಿನ ಸಂಪರ್ಕ​ ಕಡಿತವಾಗುತ್ತದೆ. ಬಜೆಟ್ ಮಾಹಿತಿಯ ಗೌಪ್ಯತೆ ಕಾಪಾಡಿಕೊಳ್ಳುವುದಕ್ಕಾಗಿ ಈ ನಿಯಮ ಅನುಸರಿಸಲಾಗುತ್ತಿದೆ. ಬಜೆಟ್​ ಮುಗಿಯುವವರೆಗೆ ಕುಟುಂಬಸ್ಥರೊಂದಿಗೂ ಸಿಬ್ಬಂದಿಗಳು ಮಾತನಾಡಲು ಸಾಧ್ಯವಿಲ್ಲ. ಸಚಿವರು ಹಾಗೂ ಕೆಲವು ಮೇಲಧಿಕಾರಿಗಳು ಮಾತ್ರ ಹೊರಬರಲು ಹಾಗೂ ಕುಟುಂಬಸ್ಥರೊಂದಿಗೆ ಮಾತನಾಡುವ ಅವಕಾಶ ಹೊಂದಿದ್ದಾರೆ.

ಸಿಬ್ಬಂದಿಗಳನ್ನು ಉತ್ತೇಜಿಸುವ ಉದ್ದೇಶ

ಬಜೆಟ್​ ಸಿದ್ಧಪಡಿಸಿದ ನಂತರ ಹಾಗೂ ಮಂಡನೆಗೂ ಮೊದಲು ಹಲ್ವಾ ಸಮಾರಂಭ ನಡೆಸಲಾಗುತ್ತದೆ. ಬಜೆಟ್ ಪ್ರತಿಗಳ ಅಂತಿಮ ಹಂತದ ಸಿದ್ಧತೆಯಲ್ಲಿರುವ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳನ್ನ ಉತ್ತೇಜಿಸುವುದಕ್ಕಾಗಿ ಈ ಕಾರ್ಯಕ್ರಮವನ್ನು ಸಿಬ್ಬಂದಿಗಳಿದ್ದ ಸ್ಥಳದಲ್ಲೇ ನಡೆಸಲಾಗುತ್ತದೆ. ಒಂದು ದೊಡ್ಡ ಕಡಾಯಿಯಲ್ಲಿ ಹಲ್ವಾ ತಯಾರಿಸಲಾಗುತ್ತದೆ. ಹಣಕಾಸು ಸಚಿವರು ಕಾರ್ಯಕ್ರಮಕ್ಕೆ ಚಾಲನೆ ನೀಡಿ, ಇಲಾಖೆಯ 100ಕ್ಕೂ ಹೆಚ್ಚು ಸಿಬ್ಬಂದಿಗಳಿಗೆ ಹಲ್ವಾ ಹಂಚುತ್ತಾರೆ. ನಂತರ ಸಿಬ್ಬಂದಿಗಳು ಕಚೇರಿಯಲ್ಲಿ 10 ದಿನಗಳ ಕಾಲ ಲಾಕ್​ ಆಗುತ್ತಾರೆ. ಬಜೆಟ್ ಮಂಡನೆಯ ನಂತರವಷ್ಟೆ ಹೊರ ಬರಲಿದ್ದಾರೆ.

ಕಳೆದ ವರ್ಷ ಹಲ್ವಾ ಬದಲಿಗೆ ಸಿಹಿ ತಿನಿಸು​

021ರಲ್ಲಿ ಕೋವಿಡ್ ಸಾಂಕ್ರಾಮಿಕದ ಕಾರಣ ಕಾಗದ ರಹಿತ ಬಜೆಟ್​ ಮಂಡಿಸಲಾಗಿತ್ತು. ಈ ಹಲ್ವಾ ಸಮಾರಂಭ ನಡೆಸಿರಲಿಲ್ಲ. ಬಜೆಟ್ ಡಿಜಿಟಲ್ ಮೂಲಕ ಮಂಡಿಸಲಾಗಿತ್ತು. ಬಜೆಟ್​ ತಯಾರಿಕೆ ಪ್ರಕ್ರಿಯೆಯ ಅಂತಿಮ ಹಂತವನ್ನು ಗುರುತಿಸುವ ಸಲುವಾಗಿ ಪ್ರತಿಬಾರಿಯ ಹಲ್ವಾ ಸಮಾರಂಭದ ಬದಲಿಗೆ ಬಂಧಿಯಾಗಿದ್ದ ಸಿಬ್ಬಂದಿಗಳಿಗೆ ಸಿಹಿತಿಂಡಿಗಳನ್ನು ಹಂಚಿಕೆ ಮಾಡಲಾಗಿತ್ತು.