• Home
  • »
  • News
  • »
  • business
  • »
  • Budget 2023: ಚಿನ್ನಾಭರಣ ಸೇರಿ 35 ವಸ್ತುಗಳ ಸುಂಕ ಏರಿಕೆ ಸಾಧ್ಯತೆ: ಅನಗತ್ಯ ಆಮದಿಗೆ ಕಡಿವಾಣ ಹಾಕಲು ಕ್ರಮ

Budget 2023: ಚಿನ್ನಾಭರಣ ಸೇರಿ 35 ವಸ್ತುಗಳ ಸುಂಕ ಏರಿಕೆ ಸಾಧ್ಯತೆ: ಅನಗತ್ಯ ಆಮದಿಗೆ ಕಡಿವಾಣ ಹಾಕಲು ಕ್ರಮ

ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್

ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್

ಭಾರತದಲ್ಲಿ ಉತ್ಪಾದನೆಯನ್ನು ಉತ್ತೇಜಿಸಲು ಮತ್ತು ಅನಿವಾರ್ಯವಲ್ಲದ ವಸ್ತುಗಳ ಆಮದನ್ನು ತಡೆಯುವ ಉದ್ದೇಶದಿಂದ ಕೇಂದ್ರವು ಮುಂಬರುವ ಬಜೆಟ್‌ನಲ್ಲಿ ಆಭರಣಗಳು ಮತ್ತು ಅತ್ಯಾಧುನಿಕ ಎಲೆಕ್ಟ್ರಾನಿಕ್ ವಸ್ತುಗಳು ಸೇರಿದಂತೆ ಕೆಲವು ವಸ್ತುಗಳ ಮೇಲೆ ಕಸ್ಟಮ್ಸ್ ಸುಂಕ ಹೆಚ್ಚಳವನ್ನು ಘೋಷಿಸಬಹುದು ಎನ್ನಲಾಗಿದೆ

ಮುಂದೆ ಓದಿ ...
  • Trending Desk
  • 5-MIN READ
  • Last Updated :
  • Bangalore [Bangalore], India
  • Share this:

    ಹೊಸದಿಲ್ಲಿ: 2023-24ನೇ ಸಾಲಿನ ಬಜೆಟ್‌ (Union Budget 2023) ಫೆಬ್ರವರಿ ಒಂದರಂದು ಮಂಡನೆಯಾಗಲಿದ್ದು, ಕೇಂದ್ರದ ಬಜೆಟ್‌ಗೆ ದಿನಗಣನೆ ಆರಂಭವಾಗಿದೆ. ಕೇಂದ್ರ ಬಜೆಟ್‌ಗಾಗಿ ಎಲ್ಲ ವಲಯಗಳು ಕಾತುರದಿಂದ ಕಾಯುತ್ತಿದ್ದು, ಯಾವೆಲ್ಲಾ ಕ್ಷೇತ್ರಗಳಿಗೆ ಹೆಚ್ಚು ಹಣ ನೀಡಲಿದೆ, ರೈತರಿಗೆ ಏನು ಪ್ರಯೋಜನ ಸಿಗಲಿದೆ ಹೀಗೆ ಅನೇಕ ವಿಷಯಗಳತ್ತ ಜನಸಾಮಾನ್ಯರ ಕಣ್ಣು ನೆಟ್ಟಿದೆ. ಬಜೆಟ್‌ ಮಂಡನೆಗೂ ಮುನ್ನ ಸರ್ಕಾರ ಸಿದ್ಧ ಮಾಡಿರುವ ಪಟ್ಟಿಯನುಸಾರ ಚಿನ್ನಾಭರಣ ಸೇರಿ ಸುಮಾರು 35 ಕ್ಕೂ ಹೆಚ್ಚು ವಸ್ತುಗಳ ಸುಂಕ ಏರಿಕೆ ಆಗಬಹುದು ಎಂದು ಅಂದಾಜಿಸಲಾಗಿದೆ. ಕಳೆದ ಬಜೆಟ್‌ನಲ್ಲಿಯೂ ಆಮದು (Import) ಸುಂಕ ಹೆಚ್ಚಿಸಿದ್ದ ಕೇಂದ್ರ ಈ ಬಾರಿಯೂ ಅದೇ ಕ್ರಮಕ್ಕೆ ಮುಂದಾಗಿದೆ.


    ಅನಗತ್ಯ ಆಮದು ತಡೆಗೆ ಈ ಕ್ರಮ


    ಭಾರತದಲ್ಲಿ ಉತ್ಪಾದನೆಯನ್ನು ಉತ್ತೇಜಿಸಲು ಮತ್ತು ಅನಿವಾರ್ಯವಲ್ಲದ ವಸ್ತುಗಳ ಆಮದನ್ನು ತಡೆಯುವ ಉದ್ದೇಶದಿಂದ ಕೇಂದ್ರವು ಮುಂಬರುವ ಬಜೆಟ್‌ನಲ್ಲಿ ಆಭರಣಗಳು ಮತ್ತು ಅತ್ಯಾಧುನಿಕ ಎಲೆಕ್ಟ್ರಾನಿಕ್ ವಸ್ತುಗಳು ಸೇರಿದಂತೆ ಕೆಲವು ವಸ್ತುಗಳ ಮೇಲೆ ಕಸ್ಟಮ್ಸ್ ಸುಂಕ ಹೆಚ್ಚಳವನ್ನು ಘೋಷಿಸಬಹುದು ಎನ್ನಲಾಗಿದೆ. ಸಚಿವಾಲಯಗಳು ನೀಡುವ ಶಿಫಾರಸುಗಳನ್ನು ಆಧರಿಸಿ 2023-23ರ ಕೇಂದ್ರ ಬಜೆಟ್‌ನಲ್ಲಿ 35 ಕ್ಕೂ ಹೆಚ್ಚು ವಸ್ತುಗಳ ಆಮದು ಸುಂಕವನ್ನು ಏರಿಸುವ ಸಾಧ್ಯತೆಗಳು ಇವೆ.


    ಇದನ್ನೂ ಓದಿ: Budget Planning: ವೈಯಕ್ತಿಕ ಬಜೆಟ್ ಪ್ಲಾನ್ ಮಾಡುವಾಗ ಈ 5 ಪ್ರಮುಖ ಅಂಶಗಳನ್ನು ನೆನಪಿನಲ್ಲಿಟ್ಟುಕೊಳ್ಳಿ


    ಯಾವೆಲ್ಲಾ ವಸ್ತುಗಳು ಪಟ್ಟಿಯಲ್ಲಿವೆ?


    ಫೆಬ್ರವರಿ 1 ರಂದು ಘೋಷಿಸಲಿರುವ ಬಜೆಟ್‌ನಲ್ಲಿ ಕಸ್ಟಮ್ಸ್ ಸುಂಕ ಹೆಚ್ಚಳವನ್ನು ಕಾಣಬಹುದಾದ 35 ಕ್ಕೂ ಹೆಚ್ಚು ವಸ್ತುಗಳ ಪಟ್ಟಿಯು ಖಾಸಗಿ ಜೆಟ್‌ಗಳು, ಆಭರಣಗಳು, ಹೆಲಿಕಾಪ್ಟರ್‌ಗಳು, ಪ್ಲಾಸ್ಟಿಕ್ ವಸ್ತುಗಳು, ಉನ್ನತ-ಮಟ್ಟದ ಎಲೆಕ್ಟ್ರಾನಿಕ್ ವಸ್ತುಗಳು, ಹೈ-ಗ್ಲಾಸ್ ಪೇಪರ್ ಮತ್ತು ವಿಟಮಿನ್‌ಗಳನ್ನು ಒಳಗೊಂಡಿದೆ.




    "ಪರಿಶೀಲಿಸುತ್ತಿರುವ ವಿವಿಧ ಸಚಿವಾಲಯಗಳ ಒಳಹರಿವಿನ ಆಧಾರದ ಮೇಲೆ ಪಟ್ಟಿಯನ್ನು ರಚಿಸಲಾಗಿದೆ" ಎಂದು ಸರ್ಕಾರಿ ಅಧಿಕಾರಿಯೊಬ್ಬರು ಸುದ್ದಿ ಮಾಧ್ಯಮಗಳಿಗೆ ತಿಳಿಸಿದ್ದಾರೆ. ಈ ವಸ್ತುಗಳ ಮೇಲಿನ ಕಸ್ಟಮ್ಸ್ ಸುಂಕವನ್ನು ಹೆಚ್ಚಿಸುವ ಕ್ರಮವು ಈ ಕೆಲವು ಉತ್ಪನ್ನಗಳ ಸ್ಥಳೀಯ ಉತ್ಪಾದನೆಗೆ ಉತ್ತೇಜನ ನೀಡುವ ಜೊತೆಗೆ ಆಮದುಗಳನ್ನು ಕಡಿಮೆ ಮಾಡುವ ಗುರಿಯನ್ನು ಹೊಂದಿದೆ ಎಂದು ಅವರು ಹೇಳಿದ್ದಾರೆ.


    ಸಿಎಡಿ ಹೆಚ್ಚಳ


    ಪ್ರಸಕ್ತ ಸಾಲಿನ ದೇಶದ ಚಾಲ್ತಿ ಖಾತೆ ಕೊರತೆ (ಸಿಎಡಿ) ಮೊದಲ ತ್ರೈಮಾಸಿಕದಲ್ಲಿ ಜಿಡಿಪಿಯ 2.2 ಪ್ರತಿಶತದಿಂದ ಸೆಪ್ಟೆಂಬರ್‌ಗೆ ಕೊನೆಗೊಂಡ ಎರಡನೇ ತ್ರೈಮಾಸಿಕದಲ್ಲಿ ಜಿಡಿಪಿಯ ಶೇಕಡಾ 4.4 ಕ್ಕೆ ವೃದ್ಧಿಸಿದ್ದು, ಇದು ಒಂಬತ್ತು ವರ್ಷಗಳ ಇತಿಹಾಸದಲ್ಲಿ ಮೊದಲ ಬಾರಿ ಗರಿಷ್ಠ ಮಟ್ಟಕ್ಕೆ ಜಿಗಿದಿದೆ. ಇದರಿಂದಲೇ ಸರ್ಕಾರ ಆಮದನ್ನು ತಗ್ಗಿಸಿ ರಫ್ತನ್ನು ಹೆಚ್ಚಿಸಲು ಆಮದು ಸುಂಕ ಹೆಚ್ಚಳಕ್ಕೆ ಚಿಂತನೆ ನಡೆಸಿದೆ.


    ಈ ವಿದ್ಯಾಮಾನವನ್ನು ಗಮನಿಸಿದ ಡೆಲಾಯ್ಟ್ ವರದಿ ಹೆಚ್ಚಿನ ಆಮದು ಮತ್ತು ನಿಧಾನ ರಫ್ತುಗಳ ಪ್ರಸ್ತುತ ಸನ್ನಿವೇಶದಿಂದಾಗಿ ಸಿಎಡಿ ಮತ್ತಷ್ಟು ಹದಗೆಡಲಿದೆ ಎಂದು ಎಚ್ಚರಿಸಿದೆ.


    ಪಟ್ಟಿ ಸಿದ್ಧತೆಗೆ ಸೂಚಿಸಿದ್ದ ಪಿಯೂಷ್ ಗೋಯಲ್


    ಕಳೆದ ತಿಂಗಳು, ಪಿಯೂಷ್ ಗೋಯಲ್ ನೇತೃತ್ವದ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವಾಲಯವು ವಿವಿಧ ಸಚಿವಾಲಯಗಳಿಗೆ ಅನಿವಾರ್ಯವಲ್ಲದ ವಸ್ತುಗಳ ಪಟ್ಟಿಯನ್ನು ಸಿದ್ಧಪಡಿಸಲು ನಿರ್ದೇಶನ ನೀಡಿತ್ತು. ಇದರನುಸಾರ ಪಟ್ಟಿ ತಯಾರಾಗಿದ್ದು, ಆಭರಣಗಳು, ಹೆಲಿಕಾಪ್ಟರ್‌ಗಳು, ಪ್ಲಾಸ್ಟಿಕ್ ವಸ್ತುಗಳು ಸೇರಿ ಹಲವು ವಸ್ತುಗಳ ಆಮದು ಸುಂಕವನ್ನು ಹೆಚ್ಚಿಸಿ ಇದರ ಮೂಲಕ ಅನಗತ್ಯ ಆಮದು ಪ್ರಕ್ರಿಯೆಗೆ ಬ್ರೇಕ್‌ ಹಾಕಲು ಸರ್ಕಾರ ನಿರ್ಧರಿಸಿದೆ.


    ಇದನ್ನೂ ಓದಿ: Asus Laptops: ಬಜೆಟ್​ ಬೆಲೆಯ ಅಸುಸ್​ ಕಂಪನಿಯಿಂದ ಹೊಸ ಲ್ಯಾಪ್​ಟಾಪ್ ಬಿಡುಗಡೆ, ಫೀಚರ್ಸ್​ ಹೇಗಿದೆ?


    ಮೇಕ್ ಇನ್ ಇಂಡಿಯಾ, ಆತ್ಮನಿರ್ಭರ್ ಭಾರತ್ ಯೋಜನೆಗೆ ಈ ಮೂಲಕ ಬೆಂಬಲ


    ಭಾರತವನ್ನು ಉತ್ಪನ್ನಗಳ ತಯಾರಿಕಾ ಕೇಂದ್ರವನ್ನಾಗಿ ರೂಪಿಸುವ ಪ್ರಮುಖ ಉದ್ದೇಶದಿಂದ ಮೇಕ್ ಇನ್ ಇಂಡಿಯಾ ಯೋಜನೆಯನ್ನು ದೇಶವು 2014 ರಿಂದ ಅಳವಡಿಸಿಕೊಂಡಿದೆ. ಈ ಯೋಜನೆಯಡಿ ಭಾರತದಲ್ಲಿ ಎಲ್ಲ ಉತ್ಪನ್ನಗಳನ್ನು ತಯಾರಿಸಲು ಮತ್ತು ಇತರೆ ದೇಶಗಳಿಗೆ ರಫ್ತು ಮಾಡಲು ಸರ್ಕಾರ ಉತ್ತೇಜನ ನೀಡುತ್ತಿದೆ. ಹೀಗಾಗಿ ಕೇಂದ್ರ ಸರ್ಕಾರದ ಬಹು ಮತ್ವಕಾಂಕ್ಷೆಯ ಯೋಜನೆಗಳಲ್ಲಿ ಒಂದಾದ ಮೇಕ್ ಇನ್ ಇಂಡಿಯಾ ಉಪಕ್ರಮವನ್ನು ಉತ್ತೇಜಿಸುವ ಪ್ರಯತ್ನದಲ್ಲಿ ಹಲವಾರು ಸರಕುಗಳ ಮೇಲಿನ ಕಸ್ಟಮ್ಸ್ ಸುಂಕಗಳನ್ನು ಹೆಚ್ಚಿಸುವುದಾಗಿ ಘೋಷಿಸಿದೆ. ಈ ಮೂಲಕ ಮೇಕ್‌ ಇನ್‌ ಇಂಡಿಯಾ ಮಾತ್ರವಲ್ಲದೇ ಆತ್ಮನಿರ್ಭರ್ ಭಾರತ್ ಯೋಜನೆಯನ್ನು ತರುವಾಯ ಬೆಂಬಲಿಸುವ ಗುರಿಯನ್ನು ಹೊಂದಿದೆ.


    ಕಳೆದ ಬಜೆಟ್‌ನಲ್ಲಿಯೂ ಆಮದು ಸುಂಕ ಹೆಚ್ಚಿಸಿದ್ದ ಕೇಂದ್ರ


    ಕಳೆದ ಬಜೆಟ್‌ನಲ್ಲಿ ಕೇಂದ್ರವು ಸ್ಥಳೀಯ ಉತ್ಪಾದನೆಗೆ ಉತ್ತೇಜನ ನೀಡಲು ಅನುಕರಣೆ ಆಭರಣಗಳು, ಛತ್ರಿಗಳು ಮತ್ತು ಇಯರ್‌ಫೋನ್‌ಗಳು ಸೇರಿದಂತೆ ವಿವಿಧ ವಸ್ತುಗಳ ಮೇಲೆ ಆಮದು ಸುಂಕವನ್ನು ಹೆಚ್ಚಿಸಿತ್ತು. ಏತನ್ಮಧ್ಯೆ, ಅದರ ಆಮದುಗಳನ್ನು ಕಡಿಮೆ ಮಾಡಲು ಸರ್ಕಾರವು ಕಳೆದ ವರ್ಷವೂ ಚಿನ್ನದ ಮೇಲಿನ ಆಮದು ಸುಂಕವನ್ನು ಹೆಚ್ಚಿಸಿತ್ತು.

    Published by:Precilla Olivia Dias
    First published: