Interesting Facts: ರೈಲು ಎರಡಲ್ಲ, ಮೂರು ಹಳಿಗಳ ಮೇಲೆ ಓಡುತ್ತೆ! ಇನ್ನೊಂದ್​ ಟ್ರ್ಯಾಕ್​ ಇಲ್ಲಿರುತ್ತೆ!

ರೈಲ್ವೆ ಪ್ರಯಾಣವು (Train Journey) ತುಂಬಾ ಆರಾಮದಾಯಕವಾಗಿರುತ್ತೆ. ಪ್ರತಿನಿತ್ಯ ರೈಲಿನಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಜನ ಪ್ರಯಾಣಿಸುತ್ತಾರೆ.  ಒಂದು ಸ್ಥಳದಿಂದ ಮತ್ತೊಂದು ಸ್ಥಳಕ್ಕೆ ಹೋಗಬೇಕು ಅಂದ್ರೆ ಎಲ್ಲರೂ ಟ್ರೈನ್​ ಬೆಸ್ಟ್​ (Train Best) ಅಂತಾರೆ.  ಪ್ರಯಾಣದ ಸಮಯದಲ್ಲಿ ಎರಡು ಹಳಿಗಳ (Two Tracks) ಮೇಲೆ ರೈಲು ವೇಗವಾಗಿ ಓಡುವುದನ್ನು ನೀವು ನೋಡಿರಬೇಕು. ಆದರೆ ರೈಲು ಕೇವಲ ಎರಡು ಹಳಿಗಳಲ್ಲಿ ಮಾತ್ರವಲ್ಲದೆ ಮೂರು ಹಳಿಗಳಲ್ಲಿಯೂ (Three Tracks) ಚಲಿಸುತ್ತದೆ ಅಂತ ಗೊತ್ತಿದ್ಯಾ? ಇದೇನ್​ ಗುರು ತಮಾಷೆ ಮಾಡ್ತೀರಾ ಅಂತ ನೀವು ಕೇಳಬಹುದು.

ನಿಜಕ್ಕೂ ರೈಲುಗಳು ಮೂರ ಹಳಿಗಳ ಮೇಲೆ ಓಡುತ್ತೆ.  ಈ ಹಳಿಯನ್ನು ಡ್ಯುಯಲ್ ಗೇಜ್ ರೈಲ್ವೆ ಟ್ರ್ಯಾಕ್ ಎಂದು ಕರೆಯಲಾಗುತ್ತದೆ. ಡ್ಯುಯಲ್ ಗೇಜ್ ರೈಲ್ವೇ ಟ್ರ್ಯಾಕ್ ಅನ್ನು ಭಾರತದಲ್ಲಿ ಬಳಸಲಾಗುವುದಿಲ್ಲ, ಆದರೆ ನೀವು ಅದನ್ನು ನೆರೆಯ ಬಾಂಗ್ಲಾದೇಶದಲ್ಲಿ ಸುಲಭವಾಗಿ ನೋಡಬಹುದು.

ಭಾರತದಲ್ಲಿ ರೈಲುಗಳ 4 ಗೇಜ್‌ನಲ್ಲಿ ಚಲಿಸುತ್ತವೆ!

ಎರಡು ಹಳಿಗಳ ಒಳಭಾಗಗಳ ನಡುವಿನ ಅಂತರವನ್ನು 'ರೇಲ್ವೇ ಹಳಿಗಳ ಗೇಜ್' ಎಂದು ಕರೆಯಲಾಗುತ್ತದೆ. ಪ್ರತಿಯೊಂದು ರೈಲ್ವೆ ಹಳಿಯನ್ನು ಗೇಜ್ ಪ್ರಕಾರ ತಯಾರಿಸಲಾಗುತ್ತದೆ. ಗೇಜ್ ಪ್ರಕಾರ ಟ್ರ್ಯಾಕ್‌ನ ಅಗಲವನ್ನು ನಿರ್ಧರಿಸಲಾಗುತ್ತದೆ. ಭಾರತದಲ್ಲಿ 4 ವಿಧದ ಗೇಜ್‌ಗಳನ್ನು ಬಳಸಲಾಗುತ್ತದೆ. ಬ್ರಾಡ್ ಗೇಜ್, ಮೀಟರ್ ಗೇಜ್, ನ್ಯಾರೋ ಗೇಜ್ ಮತ್ತು ಸ್ಟ್ಯಾಂಡರ್ಡ್ ಗೇಜ್ ಎಂದು ಕರೆಯಲಾಗುತ್ತೆ.

ದೆಹಲಿ ಮೆಟ್ರೋ ಸ್ಟ್ಯಾಂಡರ್ಡ್ ಗೇಜ್ ಅನ್ನು ಬಳಸುತ್ತದೆ. ನೀವು ಸಣ್ಣ ಲೈನ್ ಅನ್ನು ನ್ಯಾರೋ ಗೇಜ್ ಎಂದು ಕರೆಯಲಾಗುತ್ತೆ. ಇದು ಎರಡು ಟ್ರ್ಯಾಕ್‌ಗಳ ನಡುವೆ 2 ಅಡಿ 6 in (762 mm) ಮತ್ತು 2 ft (610 mm) ಅಂತರವನ್ನು ಹೊಂದಿದೆ. ಆದ್ದರಿಂದ ಬ್ರಾಡ್ ಗೇಜ್ ಅನ್ನು ದೊಡ್ಡ ರೇಖೆ ಎಂದು ಕರೆಯಲಾಗುತ್ತದೆ. ಸ್ಟ್ಯಾಂಡರ್ಡ್ ಗೇಜ್ (1,435 ಮಿಮೀ) ವಿಶ್ವದ 60 ಪ್ರತಿಶತ ದೇಶಗಳಲ್ಲಿ ಬಳಸಲಾಗುತ್ತದೆ.

ಡ್ಯುಯಲ್ ಗೇಜ್ ರೈಲ್ವೇ ಟ್ರ್ಯಾಕ್ ಎಂದರೇನು?

ಡ್ಯುಯಲ್ ಗೇಜ್ ರೈಲು ಹಳಿ ಎರಡಲ್ಲ ಮೂರು ಹಳಿಗಳನ್ನು ಹೊಂದಿರುತ್ತದೆ. ಈ ರೈಲ್ವೆ ಹಳಿಯಲ್ಲಿ ಎರಡು ವಿಭಿನ್ನ ಗೇಜ್ ರೈಲುಗಳು ಒಂದೇ ಹಳಿಯಲ್ಲಿ ಚಲಿಸುತ್ತವೆ. ಬ್ರಾಡ್ ಗೇಜ್ ಮತ್ತು ಮೀಟರ್ ಗೇಜ್ ಅನ್ನು ಸಂಯೋಜಿಸಿ ಇದನ್ನು ತಯಾರಿಸಲಾಗುತ್ತದೆ. ಇದು ಎರಡು ಗೇಜ್ ರೈಲು ಹಳಿಗಳನ್ನು ಹೊಂದಿದೆ.

ಇದನ್ನೂ ಓದಿ: ಇನ್ಮುಂದೆ ರೈಲಿನಲ್ಲಿ ಪ್ರಯಾಣಿಸುವವರಿಗೆ ಊಟ ಫ್ರೀ!

ಆದ್ದರಿಂದ, ಮೂರನೆಯದು ಸಾಮಾನ್ಯ ಗೇಜ್ ಆಗಿದೆ. ಈ ಸಾಮಾನ್ಯ ಗೇಜ್ ಸಹಾಯದಿಂದ, ವಿವಿಧ ಗೇಜ್​​ಗಳ ರೈಲುಗಳು ಈ ಟ್ರ್ಯಾಕ್​ನಲ್ಲಿ ಓಡಬಹುದು. ಬಾಂಗ್ಲಾದೇಶವನ್ನು ಹೊರತುಪಡಿಸಿ ಕೆಲವು ದೇಶಗಳಲ್ಲಿ ಡ್ಯುಯಲ್ ಗೇಜ್ ರೈಲು ಹಳಿಗಳನ್ನು ಸಹ ಬಳಸಲಾಗುತ್ತದೆ.

ಟರ್ ಗೇಜ್‌ನಿಂದ ಬ್ರಾಡ್ ಗೇಜ್‌ಗೆ ಪರಿವರ್ತಿಸೋದು ದುಬಾರಿ!

ಮೊದಲು, ಬಾಂಗ್ಲಾದೇಶದಲ್ಲಿ ಮೀಟರ್ ಗೇಜ್ ಅನ್ನು ಬಳಸಲಾಗುತ್ತಿತ್ತು, ಆದರೆ ಕಾಲಾನಂತರದಲ್ಲಿ, ಬ್ರಾಡ್ ಗೇಜ್​​ನ ಅಗತ್ಯವು ಉದ್ಭವಿಸಲು ಪ್ರಾರಂಭಿಸಿತು. ಮೀಟರ್ ಗೇಜ್‌ನಿಂದ ಬ್ರಾಡ್ ಗೇಜ್‌ಗೆ ಪರಿವರ್ತಿಸಲು ಸಾಕಷ್ಟು ಹಣ ಖರ್ಚಾಗುತ್ತದೆ.

ಆದ್ದರಿಂದ ವೆಚ್ಚವನ್ನು ಮಿತಿಗೊಳಿಸಲು ಡ್ಯುಯಲ್ ಗೇಜ್ ರೈಲು ಹಳಿಗಳನ್ನು ರಚಿಸಲಾಗಿದೆ. ಹೀಗಾಗಿ ಮೀಟರ್ ಗೇಜ್ ಇರುವ ಬ್ರಾಡ್ ಗೇಜ್ ಅಗಲವನ್ನು ಗಮನದಲ್ಲಿಟ್ಟುಕೊಂಡು ಮತ್ತೊಂದು ಟ್ರ್ಯಾಕ್ ಹಾಕಲಾಗಿದೆ. ಹೀಗಾಗಿ ಮೀಟರ್ ಮತ್ತು ಬ್ರಾಡ್ ಗೇಜ್ ಎರಡನ್ನೂ ಸಂಯೋಜಿಸಿ ಡ್ಯುಯಲ್ ಗೇಜ್ ರೈಲು ಹಳಿ ರಚಿಸಲಾಗಿದೆ.