Money Saving Tips: ಈ 8 ಅಭ್ಯಾಸಗಳು ನಿಮ್ಮನ್ನು ಶಾಶ್ವತವಾಗಿ ಬಡವರನ್ನಾಗಿ ಮಾಡಬಹುದು! ಅದಕ್ಕೂ ಮುನ್ನ ಎಚ್ಚೆತ್ತುಕೊಳ್ಳಿ

ಹಣದ (Money) ಕುರಿತಾಗಿನ ಒಳ್ಳೆಯ ಮತ್ತು ತಪ್ಪು ಅಭ್ಯಾಸಗಳು ನಿಮ್ಮ ಆರ್ಥಿಕ ಭವಿಷ್ಯವನ್ನು ನಿರ್ಧರಿಸುವಲ್ಲಿ ಪ್ರಮುಖ ಪಾತ್ರವಹಿಸುತ್ತವೆ. ಹಣದ ತಪ್ಪು ಅಭ್ಯಾಸಗಳು ನಿಮ್ಮನ್ನು ಹಣಕಾಸಿನ ತೊಂದರೆಯಲ್ಲಿ ಸಿಲುಕಿಸಬಹುದು. ಆದರೆ ಉತ್ತಮ ಹಣದ ಅಭ್ಯಾಸಗಳು ನಿಮ್ಮನ್ನು ಆರ್ಥಿಕ ಸಮೃದ್ಧಿಯ (Economics) ಹಾದಿಯಲ್ಲಿ ನಡೆಸಬಹುದು. ಇದು ಸರಳವಾದ ತತ್ವವಾಗಿದೆ. ಆದರೆ ಅದನ್ನು ಸರಿಯಾಗಿ ಅನುಸರಿಸಲು ಶಿಸ್ತು, ಜ್ಞಾನ ಮತ್ತು ದೀರ್ಘಾವಧಿಯ ಆರ್ಥಿಕ ಆರೋಗ್ಯಕ್ಕೆ ಬದ್ಧತೆಯ ಅಗತ್ಯವಿರುತ್ತದೆ.

ಹಣಕಾಸಿನ ತಪ್ಪು ಅಭ್ಯಾಸಗಳು ನಿಮ್ಮನ್ನು ಮುಳುಗಿಸಿಬಿಡಬಹುದು!

ಹಣದ ಕುರಿತಾಗಿನ ತಪ್ಪು ಅಭ್ಯಾಸಗಳು ಕಾಲಾನಂತರದಲ್ಲಿ ನಿಮ್ಮ ಸಂಪತ್ತನ್ನು ಕಡಿಮೆ ಮಾಡಬಹುದು. ಜೊತೆಗೆ ಆರ್ಥಿಕ ಅಸ್ಥಿರತೆಯನ್ನು ಸೃಷ್ಟಿಸಬಹುದು. ಉದಾಹರಣೆಗೆ, ಖರ್ಚು ಮಾಡುವಲ್ಲಿ ಶಿಸ್ತು ಇರದೇ ಹೋಗುವುದರಿಂದ ಸಾಕಷ್ಟು ಸವಾಲುಗಳನ್ನು ಎದುರಿಸುವಂತಾಗಬಹುದು. ಹಠಾತ್ ಖರೀದಿಯು ನಿಮ್ಮನ್ನು ಸಾಲದಲ್ಲಿ ಮುಳುಗಿಸಬಹುದು. ನಿಮ್ಮ ಆದಾಯವನ್ನು ತಿನ್ನುವ ಬಡ್ಡಿ ಪಾವತಿಗಳೊಂದಿಗೆ ನಿಮ್ಮನ್ನು ಸಿಲುಕಿಸಿಬಿಡಬಹುದು.

ಶಿಕ್ಷಣ ಅಥವಾ ಕೌಶಲ್ಯ-ನಿರ್ಮಾಣದ ಮೂಲಕ ನಿಮ್ಮ ಗಳಿಕೆಯ ಶಕ್ತಿಯಲ್ಲಿ ಹೂಡಿಕೆ ಮಾಡದಿರುವುದು ನಿಮ್ಮ ಆದಾಯದ ಸಾಮರ್ಥ್ಯವನ್ನು ಮಿತಿಗೊಳಿಸುತ್ತದೆ. ಜೀವನ ವೆಚ್ಚಗಳು ಹೆಚ್ಚಾದಂತೆ ನೀವು ಹಿಂದೆ ಬೀಳಬಹುದು.

ಇದನ್ನೂ ಓದಿ: ಸಿಲಿಂಡರ್​​ನಲ್ಲಿ ಎಷ್ಟು ಗ್ಯಾಸ್ ಉಳಿದಿದೆ ಅಂತ ಹೀಗೆ ಚೆಕ್​ ಮಾಡಿ, ನಿಮಗ್ಯಾರಿಗೂ ಗೊತ್ತಿರದ ಹ್ಯಾಕ್ ಇದು!

ಹಣದ ವಿಷಯದಲ್ಲಿ ಒಳ್ಳೆಯ ಅಭ್ಯಾಸಗಳಿಂದ ಇದೆಲ್ಲ ಸಾಧ್ಯ!

ಉತ್ತಮ ಹಣದ ಅಭ್ಯಾಸಗಳಿಂದ ನೀವು ಕಾಲ ಕಾಲಕ್ಕೆ ಸಂಪತ್ತನ್ನು ಸಂಗ್ರಹಿಸಬಹುದು. ಆರ್ಥಿಕ ಸ್ಥಿರತೆ ಮತ್ತು ಬೆಳವಣಿಗೆ ಹೊಂದಬಹುದು. ಖರ್ಚು ಮಾಡುವಾಗ ಒಂದು ಲೆಕ್ಕಾಚಾರ ಇರುವುದು ಹಾಗೂ ಶಿಸ್ತಿರುವುದು ನೀವಂದುಕೊಂಡಂತೆ ಬದುಕಲು ಮತ್ತು ಭವಿಷ್ಯದ ಅಗತ್ಯಗಳಿಗಾಗಿ ಉಳಿಸಲು ಸಹಾಯ ಮಾಡುತ್ತದೆ.

ನಿಮ್ಮ ಗಳಿಕೆಯ ಶಕ್ತಿಯಲ್ಲಿ ಹೂಡಿಕೆ ಮಾಡುವುದರಿಂದ ಕಾಲಾನಂತರದಲ್ಲಿ ಹೆಚ್ಚಿನ ಆದಾಯವನ್ನು ಪಡೆಯಬಹುದು. ನಿಯಮಿತ ಉಳಿತಾಯ ಮತ್ತು ಹೂಡಿಕೆಯು ಸಣ್ಣ ಪ್ರಮಾಣದ ಹಣವನ್ನು ಗಮನಾರ್ಹ ಸಂಪತ್ತಾಗಿ ಪರಿವರ್ತಿಸಬಹುದು.

ಆದ್ದರಿಂದ ನಿಮ್ಮ ಹಣಕಾಸಿನ ನಿರ್ಧಾರಗಳ ಮೇಲೆ ಯಾರು ಪ್ರಭಾವ ಬೀರುತ್ತಾರೆ ಎಂಬುದನ್ನು ಗಮನದಲ್ಲಿಟ್ಟುಕೊಳ್ಳುವುದು ಉತ್ತಮ ಹಣದ ಅಭ್ಯಾಸಗಳನ್ನು ಅಳವಡಿಸಿಕೊಳ್ಳಲು ಸಹಾಯ ಮಾಡುತ್ತದೆ. ಹಾಗಿದ್ದರೆ ಹಣದ ಕುರಿಯಾಗಿ ಮಾಡಬಹುದಾದ ಸಾಮಾನ್ಯ ತಪ್ಪು ಅಭ್ಯಾಸಗಳು ಯಾವವು ಅನ್ನೋದನ್ನು ನೋಡೋಣ.

1. ಖರ್ಚು- ಶಿಸ್ತಿನ ಕೊರತೆ: ಸರಿಯಾದ ಪ್ಲಾನ್‌ ಇಲ್ಲದೇ ಹೇಗೆಂದರಲ್ಲಿ ಹಾಗೆ ಖರ್ಚು ಮಾಡುವುದು ಹಣದ ತಪ್ಪು ಅಭ್ಯಾಸಗಳಲ್ಲಿ ಪ್ರಮುಖವಾದದ್ದು. ಖರ್ಚು ಮಾಡುವಲ್ಲಿನ ಶಿಸ್ತಿನ ಕೊರತೆಯು ಸೋರುವ ಬಕೆಟ್‌ನಂತೆ.

ನೀವು ಸಾಕಷ್ಟು ಗಳಿಸುತ್ತೀರಾದರೂ ಹಣವು ಅನಗತ್ಯ ವೆಚ್ಚಗಳ ರಂಧ್ರಗಳ ಮೂಲಕ ಖಾಲಿಯಾಗುತ್ತದೆ. ಪ್ರತಿದಿನ ಬೆಳಗ್ಗೆ ಹೊರಗೆ ಕುಡಿಯುವ ಕಾಫಿಯ ಲೆಕ್ಕವನ್ನೇ ಇಟ್ಟರೆ ನಿಮಗೆ ಅರ್ಥವಾಗುತ್ತದೆ. ಪ್ರತಿದಿನ ಎಷ್ಟು. ಅದು ತಿಂಗಳಿಗೆ ಎಷ್ಟಾಗುತ್ತದೆ... ಹಾಗೆಯೇ ವರ್ಷಕ್ಕೆ ಬರೀ ಕಾಫಿಯ ಮೇಲೆ ಖರ್ಚಾಗುವ ಹಣವೆಷ್ಟು ಅನ್ನೋದನ್ನು ಲೆಕ್ಕ ಹಾಕಿ.

ಅದೇ ನೀವು ಮನೆಯಲ್ಲಿ ಕಾಫಿ ಕುಡಿದು ಬಂದರೆ ಸುಖಾಸುಮ್ಮನೆ ಖರ್ಚಾಗುವ ಇಂಥ ಹಣವನ್ನು ಉಳಿಸಬಹುದು. ಇದು ಹೆಚ್ಚು ಪ್ರಮುಖ ಆರ್ಥಿಕ ಗುರಿಗಳಿಗಾಗಿ ಹಣವನ್ನು ಮುಕ್ತಗೊಳಿಸುತ್ತದೆ. ನಿಮ್ಮ ಬಜೆಟ್‌ನಲ್ಲಿ ಇಲ್ಲದ ಹಲವಾರು ತಪ್ಪಾದ ಖರ್ಚಿನ ಅಭ್ಯಾಸಗಳು ನಿಮ್ಮ ಹಣವನ್ನು ಖಾಲಿ ಮಾಡಿಸುತ್ತವೆ.

2. ಗಳಿಕೆಯ ಶಕ್ತಿಯ ಕೊರತೆ: ಕಡಿಮೆ ಸಂಬಳದ ಕೆಲಸಕ್ಕೆ ಅಂಟಿಕೊಳ್ಳುವುದು ಅಥವಾ ನಿಮ್ಮ ಆದಾಯವನ್ನು ಹೆಚ್ಚಿಸಲು ಅವಕಾಶಗಳನ್ನು ಹುಡುಕದಿರುವುದು ಎಂದರೆ ನೀವು ಬಡತನದಲ್ಲೇ ಇರುವಂಥ ಸಾಧ್ಯತೆ ಇದೆ. ಇದು ಕಟುವಾದ ಸತ್ಯ.

ನಿಮ್ಮ ಕೌಶಲ್ಯಗಳನ್ನು ನೀವು ಸುಧಾರಿಸದಿದ್ದರೆ, ನಿಮ್ಮ ಮೌಲ್ಯವನ್ನು ಹೆಚ್ಚಿಸುವುದು ಮತ್ತು ಹೆಚ್ಚು ಗಳಿಸುವುದು ನಿಮಗೆ ಕಷ್ಟವಾಗುತ್ತದೆ. ನಿರಂತರ ಕಲಿಕೆ ಮತ್ತು ಶ್ರದ್ಧೆಯು ವೃತ್ತಿ ಬೆಳವಣಿಗೆಗೆ ಹಾಗೂ ಈ ಕೆಟ್ಟ ಚಕ್ರದಿಂದ ಪಾರಾಗಲು ಸಹಾಯ ಮಾಡುತ್ತದೆ. ನಿಮ್ಮ ಗಳಿಕೆಯ ಶಕ್ತಿಯನ್ನು ಹೆಚ್ಚಿಸಲು ಕೌಶಲ್ಯ, ಜ್ಞಾನ, ಅನುಭವ, ಜವಾಬ್ದಾರಿಗಳು ಮತ್ತು ಶಿಕ್ಷಣ ಪ್ರಮುಖವಾಗಿದೆ.

3. ಕೆಲಸದಲ್ಲಿ ಶಿಸ್ತಿನ ಕೊರತೆ: ಕೆಲಸದ ಶಿಸ್ತಿನ ಕೊರತೆಯು ನಿಮ್ಮ ಗಳಿಕೆಯ ಶಕ್ತಿಗೆ ನೇರವಾಗಿ ಸಂಬಂಧಿಸಿದೆ. ನಿಮ್ಮ ಉದ್ಯೋಗದಲ್ಲಿ ಸಾಕಷ್ಟು ಬೆಳವಣಿಗೆಯ ಅವಕಾಶಗಳನ್ನು ಹೊಂದಿರಬಹುದು. ಆದರೆ ಸಮರ್ಪಣೆ ಮತ್ತು ಕಠಿಣ ಪರಿಶ್ರಮವಿಲ್ಲದೆ, ನಿಮ್ಮ ಗಳಿಕೆಯು ನಿಶ್ಚಲವಾಗಿರುತ್ತದೆ.

ಡೆಡ್‌ಲೈನ್‌ಗಳನ್ನು ಸತತವಾಗಿ ಕಳೆದುಕೊಳ್ಳುವ ಅಥವಾ ಕಳಪೆ ಪ್ರದರ್ಶನ ನೀಡುವ ವ್ಯಕ್ತಿಯು ಪ್ರಮೋಷನ್‌ಗಳನ್ನು ಅಥವಾ ಹೈಕ್‌ಗಳನ್ನು ಪಡೆಯುವುದಿಲ್ಲ. ಆದ್ದರಿಂದ ಬಲವಾದ ಕೆಲಸದ ನೀತಿಯನ್ನು ಬೆಳೆಸಿಕೊಳ್ಳಿ. ಇದರಿಂದ ಕಾಲಾನಂತರದಲ್ಲಿ ಇದು ನಿಮ್ಮ ಸಂಬಳದಲ್ಲಿ ಪ್ರತಿಫಲಿಸುತ್ತದೆ.

4. ಆರ್ಥಿಕ ಸಾಕ್ಷರತೆಯ ಕೊರತೆ: ಹಣಕಾಸಿನ ಸಾಕ್ಷರತೆ ನಿರ್ಣಾಯಕವಾಗಿದೆ. ಇದು ಹಣವನ್ನು ಗಳಿಸುವುದು ಮತ್ತು ಉಳಿಸುವುದು ಮಾತ್ರವಲ್ಲ, ಅದರಿಂದ ಹೇಗೆ ಅಭಿವೃದ್ಧಿ ಹೊಂದುವುದು ಎನ್ನುವುದು ಅರ್ಥಮಾಡಿಕೊಳ್ಳುವುದಾಗಿದೆ. ಆರ್ಥಿಕವಾಗಿ ಸಾಕ್ಷರತೆಯನ್ನು ಹೊಂದಿರದ ವ್ಯಕ್ತಿಯು ಹೆಚ್ಚಿನ ಹಣವನ್ನು ಉಳಿಸಬಹುದು.

ಆದ್ದರಿಂದ ಹಣಕಾಸಿನ ಪುಸ್ತಕಗಳು ಮತ್ತು ಬ್ಲಾಗ್‌ಗಳನ್ನು ಓದುವುದನ್ನು ಪ್ರಾರಂಭಿಸಿ. ಆರ್ಥಿಕ ಸಲಹೆಗಾರರೊಂದಿಗೆ ಮಾತನಾಡಿ. ವಿಶೇಷವಾಗಿ ಹಣದ ವಿಷಯಕ್ಕೆ ಬಂದಾಗ ಜ್ಞಾನವು ಶಕ್ತಿ ಎಂಬುದನ್ನು ನೆನಪಿಡಿ.

5. ನೀವು ಮೊದಲು ಪಾವತಿಸುವುದು : ನಿಮಗಾಗಿ ನೀವು ಹಣವನ್ನು ಖರ್ಚು ಮಾಡುವುದಕ್ಕಿಂತ ಮೊದಲು ಬೇರೆಯವರಿಗೆ ಪಾವತಿಸುವುದು ಬಹು ದೊಡ್ಡ ಟ್ರಾಪ್‌ ಎನ್ನಬಹುದು. ಉದಾಹರಣೆಗೆ ಸಂಬಳ ನಿಮ್ಮ ಕೈಗೆ ಸೇರುತ್ತಿದ್ದಂತೇ ಮೊದಲು ಬಾಡಿಗೆಗೆ, ಕ್ರೆಡಿಟ್‌ ಕಾರ್ಡ್‌ ಮೊತ್ತ, ಯುಟಿಲಿಟಿ ಪೂರೈಕೆದಾರರಿಗೆ ಹೀಗೆ ಎಲ್ಲದಕ್ಕೂ ಮೊದಲು ಪಾವತಿಸುವಂಥ ಅಭ್ಯಾಸವು ಉಳಿತಾಯ ಅಥವಾ ಹೂಡಿಕೆಯ ಮೇಲೆ ಪರಿಣಾಮ ಬೀರುತ್ತದೆ.

ಈ ಮಾದರಿಯನ್ನು ಅನುಸರಿಸುವ ವ್ಯಕ್ತಿಯು ಸಾಮಾನ್ಯವಾಗಿ ಹಣದ ಚೆಕ್‌ನಿಂದ ಸಂಬಳಕ್ಕಾಗಿ ಬದುಕುತ್ತಾನೆ, ಸಂಪತ್ತನ್ನು ನಿರ್ಮಿಸಲು ಹೆಣಗಾಡುತ್ತಾನೆ. ನಿಮ್ಮ ಬಿಲ್‌ಗಳನ್ನು ಪಾವತಿಸುವ ಮೊದಲು ನಿಮ್ಮ ಆದಾಯದ ಒಂದು ಭಾಗವನ್ನು ಉಳಿಸಲು ಅಥವಾ ಹೂಡಿಕೆ ಮಾಡಲು ಪ್ರಯತ್ನಿಸಿ. ಇದು ಆರಂಭದಲ್ಲಿ ಸವಾಲು ಎನಿಸಬಹುದು. ಆದರೆ ನಂತರ ನಿಮಗೇ ಅರ್ಥವಾಗಿ ನೀವೇ ಖುಷಿಪಡುತ್ತೀರಿ.

6. ಹಠಾತ್ ಖರೀದಿ: ಹಠಾತ್ ಖರೀದಿಯು ಖಾಲಿ ಬ್ಯಾಂಕ್ ಖಾತೆಗೆ ಕಾರಣವಾಗಬಹುದು. ಹಠಾತ್‌ ಖರೀದಿಯು ನಿಮಗೆ ಥ್ರಿಲ್ ಅಥವಾ ಹೆಚ್ಚಿನ ಸಂತೋಷವನ್ನು ನೀಡಬಹುದು.

ಆದರೆ ಇಂಥ ಕೆಲಸವು ನಿಮಗೆ ಅಗತ್ಯವಿಲ್ಲದ ಅಥವಾ ಖರೀದಿಸಲು ಸಾಧ್ಯವಾಗದ ಖರೀದಿಗಳಿಗೆ ಕಾರಣವಾಗಬಹುದು. ಉದಾಹರಣೆಗೆ ನೀವು ಪ್ರತಿ ತಿಂಗಳು ಹೊಸ ಜೋಡಿ ಬೂಟುಗಳನ್ನು ಖರೀದಿಸುತ್ತಿದ್ದರೆ, ಅದು ಅಗತ್ಯವಿದೆಯೇ ಎಂದು ಮೊದಲು ಪ್ರಶ್ನಿಸಿಕೊಳ್ಳಿ. ಇಲ್ಲ ಎಂದಾದಲ್ಲಿ ಅದನ್ನು ದೀರ್ಘಾವಧಿಯ ಮೌಲ್ಯಕ್ಕಾಗಿ ಉಳಿಸಿ ಅಥವಾ ಹೆಚ್ಚಿನ ಲಾಭಕ್ಕಾಗಿ ಆ ಹಣವನ್ನು ಹೂಡಿಕೆ ಮಾಡಿ.

7. ನಕಾರಾತ್ಮಕ ಜನರು ಬೀರುವ ಪ್ರಭಾವ: ನಿಮ್ಮ ಸುತ್ತ ಇರುವ ಜನರು ನಿಮ್ಮ ಹಣಕಾಸು ಪರಿಸ್ಥಿತಿಯ ಮೇಲೆ ಹೆಚ್ಚು ಪರಿಣಾಮ ಬೀರಬಹುದು. ಹಣದ ವಿಚಾರದಲ್ಲಿ ತಪ್ಪು ಅಭ್ಯಾಸಗಳನ್ನು ಹೊಂದಿರುವಂಥ ವ್ಯಕ್ತಿಗಳು ನಿಮ್ಮ ಸುತ್ತಮುತ್ತಲಿದ್ದರೆ ಅವರ ಪ್ರಭಾವವು ನಿಮ್ಮ ಮೇಲೆ ಉಂಟಾಗಬಹುದು.

ಆದಷ್ಟು ಬೇಗ ಇಂಥ ಜನರನ್ನು ದೂರ ಮಾಡಿ. ಹಾಗೆಯೇ ತಪ್ಪು ಅಭ್ಯಾಸಗಳನ್ನು ಹೊಂದಿರುವಂಥ ಜನರಿಂದ ಸಲಹೆಗಳನ್ನೂ ತೆಗೆದುಕೊಳ್ಳಬೇಡಿ. ಅದಕ್ಕೆ ಬದಲಾಗಿ ಆರ್ಥಿಕವಾಗಿ ಸುರಕ್ಷಿತವಾಗಿರುವ ಮತ್ತು ಸರಿಯಾದ ಮಾರ್ಗದರ್ಶನ ಮಾಡುವಂಥ, ಧನಾತ್ಮಕ ಪ್ರಭಾವ ಒದಗಿಸುವಂಥ ಸ್ನೇಹಿತರನ್ನು ಹುಡುಕಿ.

8. ಹೆಚ್ಚು ಆದಾಯ ಗಳಿಸಲು ಪ್ರಯತ್ನಿಸದೇ ಇರುವುದು: ನೀವು ಕೆಲಸ ಮಾಡುವ ಸಮಯಕ್ಕೆ ಅಥವಾ ಗಂಟೆಯ ಆಧಾರದ ಮೇಲೆ ಮಾಡುವ ಕೆಲಸಕ್ಕೆ ಬರುವ ಆದಾಯವು ನಿಮ್ಮ ಏಕೈಕ ಆದಾಯ ಮೂಲವಾಗಿದ್ದರೆ ನೀವು ಯೋಚಿಸಬೇಕಿದೆ.

ಏಕೆಂದರೆ ನಿಮ್ಮ ಗಳಿಕೆಯ ಸಾಮರ್ಥ್ಯವನ್ನು ಮಿತಿಗೊಳಿಸುವ ಚಕ್ರದಲ್ಲಿ ನೀವು ಸಿಕ್ಕಿಬೀಳುತ್ತಿರಬಹುದು. ಆದ್ದರಿಂದ ಒಂದು ದಿನದಲ್ಲಿ ಕೇವಲ 24 ಗಂಟೆಗಳಿವೆ. ಹಾಗಾಗಿ ವೆಬ್‌ಸೈಟ್‌ಗಳು, ಯೂಟ್ಯೂಬ್ ಚಾನೆಲ್‌ಗಳು ಅಥವಾ ಆನ್‌ಲೈನ್ ವ್ಯವಹಾರಗಳಂತಹ ಹೆಚ್ಚುವರಿ ಆದಾಯ ನೀಡುವಂಥ ಕೆಲಸಗಳನ್ನು ಆರಂಭಿಸಿ.

ಹಣದ ಬಗೆಗಿನ ಶಿಸ್ತಿನ ಅಭ್ಯಾಗಳು

• ಖರ್ಚು ಮಾಡುವ ಶಿಸ್ತನ್ನು ಬೆಳೆಸಿಕೊಳ್ಳಿ ಮತ್ತು ಅನಗತ್ಯ ವೆಚ್ಚಗಳನ್ನು ತಪ್ಪಿಸಿ.


• ನಿಮ್ಮ ಕೌಶಲ್ಯಗಳನ್ನು ಸುಧಾರಿಸಿಕೊಳ್ಳಿ. ನಿಮ್ಮ ಆದಾಯವನ್ನು ಹೆಚ್ಚಿಸಲು ಅವಕಾಶಗಳನ್ನು ಹುಡುಕಿ.


• ನಿಮ್ಮ ಗಳಿಕೆಯ ಸಾಮರ್ಥ್ಯವನ್ನು ಹೆಚ್ಚಿಸಲು ನಿಮ್ಮ ಕೆಲಸದಲ್ಲಿ ಸಮರ್ಪಣೆ ಮತ್ತು ಕಠಿಣ ಪರಿಶ್ರಮವನ್ನು ತೋರಿಸಿ.


• ನಿಮ್ಮ ಹಣವನ್ನು ನಿಮಗಾಗಿ ಹೇಗೆ ಬಳಸಿಕೊಳ್ಳುವುದು ಎಂಬುದನ್ನು ಅರ್ಥಮಾಡಿಕೊಳ್ಳಲು ಹಣಕಾಸಿನ ಸಾಕ್ಷರತೆಯನ್ನು ಪಡೆದುಕೊಳ್ಳಿ.


• ಉಳಿತಾಯ ಮತ್ತು ಹೂಡಿಕೆಗಳನ್ನು ನಿರ್ಮಿಸುವುದಕ್ಕಾಗಿ ಮೊದಲು ನೀವೇ ಪಾವತಿಸಲು ಆದ್ಯತೆ ನೀಡಿ.


• ಹಠಾತ್ ಖರೀದಿಯನ್ನು ನಿಲ್ಲಿಸಿ.


• ಧನಾತ್ಮಕ ಪ್ರಭಾವಕ್ಕಾಗಿ ಆರ್ಥಿಕವಾಗಿ ಸುರಕ್ಷಿತ ವ್ಯಕ್ತಿಗಳೊಂದಿಗೆ ಸ್ನೇಹ ಸಂಪಾದಿಸಿ.


• ಹೆಚ್ಚುವರಿ ಆದಾಯ ಬರುವಂಥ ಕೆಲಸಗಳನ್ನು ಮಾಡಿ.

ಒಟ್ಟಾರೆಯಾಗಿ ಉತ್ತಮ ಹಣದ ಅಭ್ಯಾಸವನ್ನು ಅಳವಡಿಸಿಕೊಳ್ಳುವುದು ಬಹಳ ಮುಖ್ಯ. ಅಲ್ಲದೇ ಹೋದಲ್ಲಿ ನಿಮ್ಮ ಭವಿಷ್ಯ ಅನಿಶ್ಚಿತತೆಯಿಂದ ಕೂಡಿರುವುದು ನಿಶ್ಚಿತ. ಆದ್ದರಿಂದ ಮೇಲೆ ಹೇಳಿದಂತ ಸಲಹೆಗಳನ್ನು ನಿಮ್ಮ ಜೀವನದಲ್ಲಿ ಅಳವಡಿಸಿಕೊಳ್ಳಲು ಪ್ರಯತ್ನಿಸಿ.