Mobile Game: ಮಕ್ಕಳ ಕೈಲಿ ಮೊಬೈಲ್​ ಕೊಡೋ ಮುನ್ನ ಹುಷಾರ್​, ಈ ಹುಡುಗ ಗೇಮ್ ಆಡುತ್ತಲೇ ಕಳೆದುಬಿಟ್ಟ 44 ಲಕ್ಷ!

ಅದೆಷ್ಟೋ ಭಾರಿ ಮಕ್ಕಳು ತಂದೆ, ತಾಯಂದಿರು ಮೊಬೈಲ್​ಗಳಲ್ಲಿ ಗೇಮ್​ ಆಡುವಾಗ ಹಣ (Money) ಕಳೆದುಕೊಂಡಿರುವ ಪ್ರಸಂಗಗಳು ನಡೆದಿವೆ. ಇಲ್ಲೂ ಕೂಡ ಮೊಮ್ಮಗನೊಬ್ಬ ತಾತನ ಮೊಬೈಲ್​ನಲ್ಲಿ ಗೇಮ್​ ಆಡಿ ಲಕ್ಷ ಲಕ್ಷ ಕಳೆದಿದ್ದಾನೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಈಗಿನ ಕಾಲದ ಮಕ್ಕಳ ಮೊಬೈಲ್ (Mobile)​ ಸಿಕ್ಕಿಬಿಟ್ರೆ ಕಥೆ ಮುಗಿತು. ಊಟ ತಿಂಡಿ ಏನು ಬೇಡ ಮೊಬೈಲ್​ ಇದ್ದರೆ ಸಾಕು ಇನ್ನೂ ಏನೂ ಬೇಡ. ಈ ಮೊಬೈಲ್​ನಲ್ಲಿ ಗೇಮ್ (Mobile Game)​ ಆಡಿಕೊಂಡೇ ಕಾಳ ಕಳೆದು ಬಿಡುತ್ತಾರೆ. ಒಂದು ಕಾಲದಲ್ಲಿ ಮನೆಯಿಂದ ಆಚೆ ಬಂದು ಬುಗುರಿ, ಗೋಲಿ, ಕ್ರಿಕೆಟ್ (Cricket) ​, ಕಣ್ಣಾ ಮುಚ್ಚಾಲೆ, ಖೋ ಖೋ, ಕಬ್ಬಡಿ ಸೇರಿದಂತೆ ಹಲವು ಆಟಗಳನ್ನು 90ರ ದಶದ ಮಕ್ಕಳು ಆಡುತ್ತಿದ್ದರು. ಇದೀಗ ಎಲ್ಲವೂ ಬದಲಾಗಿದೆ. ಈಗ ಏನಿದ್ದರೂ ಪಬ್​ಜಿ (PUBG) , ಕಾಲ್​ ಆಫ್​ ಡ್ಯೂಟಿ (Call of Duty),  ಫ್ರೀಫೈರ್​ (Free Fire) ಈ ರೀತಿಯ ಗೇಮ್​ಗಳನ್ನು ಆಡಲು ಇಷ್ಟ ಪಡುತ್ತಾರೆ. ಅಷ್ಟರ ಮಟ್ಟಿಗೆ ಮಕ್ಕಳ ಮನಸ್ಸಿನಲ್ಲಿ ಮೊಬೈಲ್​ ಸ್ಥಾನ ಪಡೆದುಕೊಂಡಿದೆ. ಅದೆಷ್ಟೋ ಭಾರಿ ಮಕ್ಕಳು ತಂದೆ, ತಾಯಂದಿರು ಮೊಬೈಲ್​ಗಳಲ್ಲಿ ಗೇಮ್​ ಆಡುವಾಗ ಹಣ (Money) ಕಳೆದುಕೊಂಡಿರುವ ಪ್ರಸಂಗಗಳು ನಡೆದಿವೆ. ಇಲ್ಲೂ ಕೂಡ ಮೊಮ್ಮಗನೊಬ್ಬ ತಾತನ ಮೊಬೈಲ್​ನಲ್ಲಿ ಗೇಮ್​ ಆಡಿ ಲಕ್ಷ ಲಕ್ಷ ಕಳೆದಿದ್ದಾನೆ.

44 ಲಕ್ಷ ಸ್ವಾಹ ಮಾಡಿದ ಮೊಮ್ಮಗ!

ಮೊಬೈಲ್​​ನಲ್ಲಿ ಗೇಮ್​​ ಆಡುವೆ ಎಂದು ತಾತನ ಮೊಬೈಲ್​ ಪಡೆಯುತ್ತಿದ್ದ ಬಾಲಕನೊಬ್ಬ ಬ್ಯಾಂಕ್​ ಖಾತೆಯಲ್ಲಿರುವ 44 ಲಕ್ಷ ರೂ. ಹಣವನ್ನು ಸ್ವಾಹಾ ಮಾಡಿದ್ದಾನೆ. ಇದನ್ನು ಕೇಳಿದರೆ ಶಾಕ್​ ಆಹಬಹುದು. ನಿಜಕ್ಕೂ ಇದು ಸಾಧ್ಯನಾ? ಎಂಬ ಪ್ರಶ್ನೆ ಕೂಡ ಮೂಡಿರಬಹುದು. ಆದರೂ, ಇದು ನಿಜ ನೀವು ನಂಬಲೇ ಬೇಕು. ಹೈದರಾಬಾದ್​ನ ಅಂಬರ್​ಪೇಟ್​​ನಲ್ಲಿ ಈ ವಿಚಿತ್ರ ಘಟನೆ ನಡೆದಿದೆ. ಇಷ್ಟೊಂದು ಹಣವನ್ನು ಕಳೆದುಕೊಂಡಿದ್ದು ಓರ್ವ ನಿವೃತ್ತ ಪೊಲೀಸ್ ಅನ್ನೋದು ಮತ್ತೊಂದು ಶಾಕಿಂಗ್​.

ಫ್ರೀಫೈರ್​ ಗೇಮ್​ ಆಡಿ ಹಣ ಕಳೆದ ಮೊಮ್ಮಗ!

ತಾತನ ಮೊಬೈಲ್​​ನಲ್ಲಿ ಫ್ರೀಫೈರ್​​ ಗೇಮ್​ ಆ್ಯಪ್​ ಡೌನ್​ಲೋಡ್​ ಮಾಡಿದ ಮೊಮ್ಮಗ 10 ಸಾವಿರದಿಂದ ಲಕ್ಷಗಳವವರೆಗೂ ಗೇಮ್​ ಆಡಿ, ಅಜ್ಜನ ಬ್ಯಾಂಕ್​ ಖಾತೆಯಲ್ಲಿದ್ದ ಹಣವನ್ನೆಲ್ಲ ಖಾಲಿ ಮಾಡಿದ್ದಾನೆ. ನಿವೃತ್ತ ಪೊಲೀಸ್ ​ ಆಗಿರುವ ತಾತ ಮೊಮ್ಮಗ ಏನೋ ಪ್ರೀತಿಯಿಂದ ಮೊಬೈಲ್​ ಕೇಳುತ್ತಿದ್ದಾನೆ ಎಂದು ತಿಳಿದುಕೊಂಡು ಕೊಟ್ಟಿದ್ದಾರೆ. ಮೊಮ್ಮಗನಿಗೆ ಗೇಮ್ ಆಡುವುದು ಅಂದ್ರೆ ಸಖತ್​ ಇಷ್ಟವಂತೆ. ಯಾವುದೇ ಗೇಮ್ ಆಡಿದರೂ ಮೊಮ್ಮಗನಿಗೆ ತಾತ ಏನೂ ಹೇಳುತ್ತಿರಲಿಲ್ಲವಂತೆ. ಒಂದು ದಿನ ಫ್ರೀಫೈರ್​​ ಗೇಮ್​ ಆ್ಯಪ್​ನ್ನು ಮೊಮ್ಮಗ ಡೌನ್​ಲೋಡ್​ ಮಾಡಿಕೊಂಡಿದ್ದ.

ಇದನ್ನೂ ಓದಿ: ನಿಮ್ಮ ಪಾಲಿಸಿ ಲ್ಯಾಪ್ಸ್​ ಆಗಿದ್ಯಾ? ಏನ್​ ಮಾಡ್ಬೇಕು ಅಂತ ಗೊತ್ತಾಗ್ತಿಲ್ವಾ? ಹೀಗ್​ ಮಾಡಿ

ತಾತ ಇದೇ ಮೊಬೈಲ್​ನಲ್ಲಿ ಡಿಜಿಟಲ್​​ ಪೇಮೆಂಟ್, ನೆಟ್​​ ಬ್ಯಾಂಕಿಂಗ್​ ಸಹ ಬಳಕೆ ಮಾಡುತ್ತಿದ್ದರು. ಮೊಮ್ಮಗ ಗೇಮ್​ ಆಡುತ್ತಿರುವಾಗ ಪೇಮೆಂಟ್ ಎಂದು ಬಂದಾಗ ನೇರವಾಗಿ ಬ್ಯಾಂಕ್​ ಅಕೌಂಡ್​ಗೆ ಲಿಂಕ್​ ಆಗಿದೆ. ಫಸ್ಟ್​ ಟೈಮ್​ 10 ಸಾವಿರ ರೂಪಾಯಿ ಕಟ್ ಆಗಿದೆ. ಇದರಿಂದ ಮೊಮ್ಮಗ 60 ಬಾರಿ ಆಟ ಆಟವಾಡಿದ್ದಾನೆ. ಮುಂದೆ ಬೇರೆ ಬೇರೆ ಹಂತಕ್ಕೆ ತಲುಪಿದಾಗ ಅಕೌಂಟ್​ ಲಿಂಕ್​ ಆಗಿದ್ದರಿಂದ ತನ್ನಷ್ಟಕ್ಕೆ ತಾನೇ ಬ್ಯಾಂಕ್​ ಅಕೌಂಟ್​ನಿಂದ ಹಣ ಕಟ್ ಆಗಿದೆ. 50 ಸಾವಿರ ರೂ., 1,25 ಲಕ್ಷ ರೂ., 1.45 ಲಕ್ಷ ರೂ., 1.60 ಲಕ್ಷ ರೂ., 1.95 ಲಕ್ಷ ರೂ. ಹಾಗೂ 2 ಲಕ್ಷ ರೂ.ವರೆಗೂ ಹಣ ಕಡಿತವಾಗಿ ಒಟ್ಟಾರೆ 44 ಲಕ್ಷ ರೂ. ಸ್ವಾಹ ಆಗಿದೆ.

ಇದನ್ನೂ ಓದಿ: ಶಟ್​ ಡೌನ್ ಆದ 'ಉದಯ್​'! ಸಾವಿರಾರು ಕನಸು ಹೊತ್ತಿದ್ದ ಸ್ಟಾರ್ಟ್​ಅಪ್​ ಕಂಪನಿ ಎಡವಿದ್ದು ಇಲ್ಲಿ


ಹಣ ವಿತ್​ ಡ್ರಾ ಮಾಡಲು ಹೋದ ತಾತನಿಗೆ ಶಾಕ್​!

ಹೀಗೆ ಒಂದು ದಿನ ಹಣ ವಿತ್ ಡ್ರಾ ಮಾಡಲು ತಾತ ಬ್ಯಾಂಕ್​ ಹೋಗಿದ್ದಾರೆ. ಆಗ ತಾತನಿಗೆ ಶಾಕ್​ ಆಗಿತ್ತು. ನಿಮ್ಮ ಖಾತೆಯಲ್ಲಿ ಹಣವೇ ಇಲ್ಲ ಎಂದು ಬ್ಯಾಂಕ್​ನವರು ಹೇಳಿದ್ದಾರೆ. ಇದರಿಂದ ಗಾಬರಿಯಾದ ತಾತ  ಬ್ಯಾಂಕ್​ ಅಕೌಂಟ್ ವಿವರಗಳನ್ನು ತೆಗೆಸಿದ್ದಾರೆ. ಆಗ ಫ್ರೀಫೈರ್​​ ಗೇಮ್​​ನಿಂದ ಹಣ ಕಡಿತವಾಗಿರುವುದು ಗೊತ್ತಾಗಿದೆ.
Published by:Vasudeva M
First published: