LinkedIn Best Workplace ಪಟ್ಟಿಯಲ್ಲಿ ಅಮೆಜಾನ್ ಹಿಂದಿಕ್ಕೆ ಟಾಪ್ ಸ್ಥಾನ ಪಡೆದುಕೊಂಡ TCS ಕಂಪನಿ!

ಆಕರ್ಷಕ ಆಫೀಸ್, ಜ್ಯೂಸ್ ಬಾರ್, ಕೆಫೆಟೇರಿಯಾ ಅಂತೆಯೇ ಇನ್ನಿತರ ಸೌಲಭ್ಯಗಳನ್ನೊದಗಿಸುವ ಗೂಗಲ್ ಹಾಗೂ ಟ್ವಿಟರ್‌ನಂತಹ ಕಂಪನಿಗಳು ಟೆಕ್ ವಲಯದಲ್ಲೇ ಅತ್ಯುತ್ತಮ ಉದ್ಯೋಗ ತಾಣಗಳು ಎಂಬ ಹೆಸರು ಗಿಟ್ಟಿಸಿಕೊಂಡಿದ್ದವು. ಇಲ್ಲಿ ಉದ್ಯೋಗ ದೊರೆತರೆ ಅದು ಉದ್ಯೋಗಿಯ (Employee) ಅದೃಷ್ಟ ಎಂದೇ ಭಾವಿಸಲಾಗಿತ್ತು ಆದರೆ ಕೋವಿಡ್‌ನ ನಂತರ ಲಾಕ್‌ಡೌನ್ (Lockdown) ಪ್ರಭಾವಕ್ಕೊಳಗಾದ ಕಂಪನಿಗಳು ಉದ್ಯೋಗಿ ವಜಾಗೊಳಿಸುವಿಕೆಯಂತಹ ಕಠಿಣ ಕ್ರಮಗಳನ್ನು ಕೈಗೊಂಡವು ಅಂತೆಯೇ ಉದ್ಯೋಗ ಸಂಸ್ಥೆಗಳನ್ನು ಉದ್ಯೋಗಿ ನೋಡುವ ವಿಧವೇ ಬದಲಾಯಿತು.

ಉದ್ಯೋಗಿಗಳೇ ತಮ್ಮ ಪ್ರಾಶಸ್ತ್ಯ ಎಂದು ಹೇಳಿಕೊಳ್ಳುತ್ತಿದ್ದ ಅದೆಷ್ಟೋ ಸಂಸ್ಥೆಗಳು ನಿರ್ದಾಕ್ಷಿಣ್ಯವಾಗಿ ಉದ್ಯೋಗಿಗಳನ್ನು ಸಂಸ್ಥೆಗಳಿಂದ ಕಿತ್ತುಹಾಕುತ್ತಿವೆ. ಇನ್ನು ಕೆಲವು ಸಂಸ್ಥೆಗಳು ಉದ್ಯೋಗಿಗಳನ್ನು ಇಂತಹ ಸಂಕಷ್ಟದ ಸಮಯದಲ್ಲಿ ವಜಾಗೊಳಿಸದೆಯೇ ಇರಿಸಿಕೊಂಡಿವೆ ಹಾಗೂ ಉದ್ಯೋಗ ಕಡಿತವನ್ನು ವಿರೋಧಿಸಿವೆ.

ಭಾರತದ 25 ಅತ್ಯುತ್ತಮ ಕಂಪನಿಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿ ಟಾಟಾ ಕನ್ಸಲ್ಟೆನ್ಸಿ

ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (TCS) ಲಿಂಕ್ಡ್‌ಇನ್‌ನ ಭಾರತದ 25 ಅತ್ಯುತ್ತಮ ಕಂಪನಿಗಳ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ. ತಂತ್ರಜ್ಞಾನದಿಂದ ಆರಂಭಿಸಿ ಹಣಕಾಸು, ಗೇಮಿಂಗ್ ಕ್ಷೇತ್ರದವರೆಗೆ ಲಿಂಕ್ಡ್‌ಇನ್ ಟಾಪ್ ಕಂಪನಿಗಳ ಏಳನೇ ವಾರ್ಷಿಕ ಆವೃತ್ತಿಯು ವಿವಿಧ ಉದ್ಯಮ ಸಂಸ್ಥೆಗಳನ್ನೊಳಗೊಂಡಿದೆ.

ಪಟ್ಟಿಯಲ್ಲಿ ಸ್ಥಾನ ಪಡೆಯಲು ಲಿಂಕ್ಡ್‌ಇನ್ ಮಾನದಂಡಗಳಿಗೆ ಒಳಪಟ್ಟಿರಬೇಕು

ಈ ವರ್ಷದ ಪಟ್ಟಿಯಲ್ಲಿ ಸಂಸ್ಥೆಯು ಕೆಲವೊಂದು ಬದಲಾವಣೆಗಳನ್ನು ಮಾಡಿದ್ದು ಕಳೆದ ವರ್ಷ ಪ್ರಾಬಲ್ಯ ಹೊಂದಿದ್ದ ಟೆಕ್ ಕಂಪನಿಗಳ ಬದಲಿಗೆ ಹಣಕಾಸು ಸೇವೆಗಳು, ಉತ್ಪಾದನೆ ಮತ್ತು ಗೇಮಿಂಗ್‌ನಂತಹ ಕ್ಷೇತ್ರಗಳಿಗೆ ಪ್ರಾಶಸ್ತ್ಯ ನೀಡಿದೆ.

ಇದನ್ನೂ ಓದಿ: Vir Bike: ಒಂದೇ ಒಂದು ರೂಪಾಯಿಗೆ 14 ಕಿಮೀ ಸಂಚರಿಸುತ್ತೆ ಈ ಎಲೆಕ್ಟ್ರಿಕ್​ ಸೈಕಲ್!

ಟಾಪ್ ಕಂಪನಿಯನ್ನು ಗುರುತಿಸಲು ಲಿಂಕ್ಡ್‌ಇನ್ ಕೆಲವೊಂದು ಮಾನದಂಡಗಳನ್ನು ಅಳವಡಿಸಿದ್ದು ಸಂಸ್ಥೆಯು ಆ ಮಾನದಂಡಗಳಿಗೆ ಹೊಂದಿರುವುದು ಕಡ್ಡಾಯವಾಗಿದೆ. ಕಂಪನಿಯ ಸಾಮರ್ಥ್ಯ, ಕೌಶಲ್ಯಗಳ ಬೆಳವಣಿಗೆ; ಕಂಪನಿಯ ಸ್ಥಿರತೆ; ಅವಕಾಶ, ದೇಶದಲ್ಲಿ ಶೈಕ್ಷಣಿಕ ಹಿನ್ನೆಲೆ ಹಾಗೂ ಉದ್ಯೋಗಿ ಉಪಸ್ಥಿತಿ, ವಜಾಗೊಳಿಸುವಿಕೆ, ಉದ್ಯೋಗಿ ಕ್ಷೀಣತೆ ಮೊದಲಾದ ಅಂಶಗಳಿಗೂ ಪ್ರಾಧಾನ್ಯತೆ ನೀಡಿ ಇದೆಲ್ಲವನ್ನೂ ಗಮನದಲ್ಲಿರಿಸಿಕೊಂಡು ಟಾಪ್ ಕಂಪನಿಗಳನ್ನು ಆಯ್ಕೆಮಾಡಿಕೊಂಡಿದೆ.

ಲಿಂಕ್ಡ್‌ಇನ್ ಪಟ್ಟಿಗೆ ಅರ್ಹಗೊಳ್ಳಲು ಕಂಪನಿಯು ಡಿಸೆಂಬರ್ 31, 2022 ರಿಂದ ಇಲ್ಲಿಯವರೆಗೆ ಕನಿಷ್ಠ 500 ಉದ್ಯೋಗಿಗಳನ್ನು ಹೊಂದಿರಬೇಕು.

ಲಿಂಕ್ಡ್‌ಇನ್ ಅನರ್ಹತೆಯನ್ನು ಗುರುತಿಸಿದ್ದು ಹೇಗೆ?

ಜನವರಿ 1, 2022 ಮತ್ತು ಪಟ್ಟಿ ಬಿಡುಗಡೆಯ ನಡುವಿನ ಸಾರ್ವಜನಿಕ ಪ್ರಕಟಣೆಗಳ ಆಧಾರದ ಮೇಲೆ ತನ್ನ ಉದ್ಯೋಗಿಗಳ 10% ಕ್ಕಿಂತ ಹೆಚ್ಚು ವಜಾಗಳನ್ನು ಘೋಷಿಸಿದ ಕಂಪನಿಗಳನ್ನು ಅನರ್ಹವೆಂದು ಪರಿಗಣಿಸಲಾಗಿದೆ. ಅದೇ ರೀತಿ, ಮೆಥಡಾಲಜಿ ಕಾಲಾವಧಿಯಲ್ಲಿ 10% ಕ್ಕಿಂತ ಹೆಚ್ಚಿನ ಅಟ್ರಿಷನ್ ದರವನ್ನು ಹೊಂದಿರುವ ಕಂಪನಿಗಳನ್ನು ಸಹ ಅನರ್ಹವೆಂದು ಪರಿಗಣಿಸಲಾಗಿದೆ.

2023 ರ ಭಾರತದ ಅಗ್ರ ಕಂಪನಿಗಳು ಎಂದು ಸ್ಥಾನ ಪಡೆದುಕೊಂಡಿರುವ ಸಂಸ್ಥೆಗಳು ಈ ರೀತಿ ಇವೆ ಹಾಗೂ ಅದರಲ್ಲಿ ಅಮೆಜಾನ್ ಅನ್ನು ಮೀರಿ ಟಿಸಿಎಸ್ ಪ್ರಥಮ ಸ್ಥಾನ ಗಿಟ್ಟಿಸಿಕೊಂಡಿದೆ.

1.ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್

2. ಅಮೆಜಾನ್


3. ಮೋರ್ಗನ್ ಸ್ಟಾನ್ಲಿ


4. ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್


5. ಮ್ಯಾಕ್ವಾರಿ ಗ್ರೂಪ್


6. ಡೆಲಾಯ್ಟ್


7. NAV ಫಂಡ್ ಅಡ್ಮಿನಿಸ್ಟ್ರೇಷನ್ ಗ್ರೂಪ್


8. ಷ್ನೇಯ್ಡರ್ ಎಲೆಕ್ಟ್ರಿಕ್


9. ವಯಾಟ್ರಿಸ್


10. ರಾಯಲ್ ಕೆರಿಬಿಯನ್ ಗ್ರೂಪ್


11. ವಿಟೆಸ್ಕೋ ಟೆಕ್ನಾಲಜೀಸ್


12. HDFC ಬ್ಯಾಂಕ್


13. ಮಾಸ್ಟರ್ ಕಾರ್ಡ್


14. ಯುಬಿ


15. ಐಸಿಐಸಿಐ ಬ್ಯಾಂಕ್


16. ಜೆಪ್ಟೊ


17. ಎಕ್ಸ್ಪೀಡಿಯಾ ಗ್ರೂಪ್


18. EY


19. ಜೆಪಿ ಮೋರ್ಗಾನ್ ಚೇಸ್ & ಕಂ.


20. ಡ್ರೀಮ್11 (ಡ್ರೀಮ್ ಸ್ಪೋರ್ಟ್ಸ್)


21. ಸಿಂಕ್ರೊನಿ


22. ಗೋಲ್ಡ್ಮನ್ ಸ್ಯಾಚ್ಸ್


23. ವೆರಿಂಟ್


24. ಗೇಮ್ಸ್24x7


25. ಟೀಚ್ಮಿಂಟ್

ಪ್ರಸ್ತುತ ಈ ಕಂಪನಿಗಳು ಭಾರತದಲ್ಲಿ ಉತ್ತಮ ಕ್ರಮಾಂಕ ಪಡೆದಿದ್ದು ಉದ್ಯೋಗಿಗಳು ಸ್ವಲ್ಪನಾದ್ರು ಸಮಾಧಾನದ ನಿಟ್ಟುಸಿರು ಬಿಡುವಂತೆ ಮಾಡಿವೆ ಎನ್ನಬಹುದು. ಯಾವುದಕ್ಕೂ ನಿಮ್ಮ ಕಂಪನಿಯು ಈ ಲಿಸ್ಟಿನಲ್ಲಿ ಇದೆಯಾ ಎಂದೊಮ್ಮೆ ನೋಡಿಕೊಳ್ಳಿ.