CIBIL Score: ಸಿಕ್ಕ ಸಿಕ್ಕ ಕಡೆಯಲ್ಲಾ ಕ್ರೆಡಿಟ್​ ಕಾರ್ಡ್ ಉಜ್ಜಬೇಡಿ! ಸಿಬಿಲ್​ ಸ್ಕೋರ್​ ಮೇಲೆ ಸ್ವಲ್ಪ ಗಮನ ಇರಲಿ

ನೀವು ಯಾವುದೇ ಬ್ಯಾಂಕಿ (Bank) ನಲ್ಲಿ ಸಾಲ ಅಥವಾ ಕ್ರೆಡಿಟ್ ಕಾರ್ಡ್ (Credit Card) ತೆಗೆದುಕೊಳ್ಳಲು ಹೋದರೆ , ಬ್ಯಾಂಕ್ ಅಥವಾ ಹಣಕಾಸು ಸಂಸ್ಥೆಯು ಮೊದಲು ನಿಮ್ಮ CIBIL ಸ್ಕೋರ್ ಅನ್ನು ಪರಿಶೀಲಿಸುತ್ತದೆ . ನೀವು ಬ್ಯಾಂಕ್ ಅಥವಾ ಹಣಕಾಸು ಕಂಪನಿಯಿಂದ ಎಷ್ಟು ಬಡ್ಡಿ (Interest) ಯನ್ನು ಪಡೆಯುತ್ತೀರಿ, ಎಷ್ಟು ಸಾಲವನ್ನು (Loan) ನೀವು ಪಡೆಯುತ್ತೀರಿ ಎಂಬುದು ನಿಮ್ಮ CIBIL ಸ್ಕೋರ್ ಎಷ್ಟು ಉತ್ತಮವಾಗಿದೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ. ಜೊತೆಗೆ ನಿಮ್ಮ ಸಿಬಿಲ್​ ಸ್ಕೋರ್ (CIBIL Score)​ ಹೆಚ್ಚಿದ್ದೆರೆ ಮಾತ್ರ ನಿಮಗೆ ಸಾಲ ಹಾಗೂ ಕ್ರೆಡಿಟ್​ ಕಾರ್ಡ್ ನೀಡುತ್ತಾರೆ.  CIBIL (ಕ್ರೆಡಿಟ್ ಇನ್ಫರ್ಮೇಷನ್ ಬ್ಯೂರೋ ಲಿಮಿಟೆಡ್) ಸ್ಕೋರ್ ವ್ಯಕ್ತಿಯ ಹಣಕಾಸು ಯೋಜನೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ.

ಸಿಬಿಲ್​ ಸ್ಕೋರ್​ ಹೆಚ್ಚಿದ್ರೆನೇ ಸಿಗೋದು ಸಾಲ!

ಸಿಬಿಲ್ ಸ್ಕೋರ್ ಉತ್ತಮವಾದಷ್ಟೂ ಬಡ್ಡಿದರ ಕಡಿಮೆಯಾಗುತ್ತದೆ. ಸಾಲ ಕೆಟ್ಟಾಗ ಸಾಲ ಸಿಗುವುದು ಕಷ್ಟ, ಸಾಲ ಪಡೆದರೆ ಹೆಚ್ಚಿನ ಬಡ್ಡಿ ದರದಲ್ಲಿ ಸಿಗುತ್ತದೆ. ಸಿಬಿಲ್ ಸ್ಕೋರ್ ವರದಿಯು ನಿಮ್ಮ ಎಲ್ಲಾ ವೈಯಕ್ತಿಕ ಮಾಹಿತಿ, ಉದ್ಯೋಗದ ವಿವರಗಳು, ಬ್ಯಾಂಕ್ ಖಾತೆ ಮತ್ತು ಹಳೆಯ ಸಾಲದ ಮಾಹಿತಿಯನ್ನು ಒಳಗೊಂಡಿರುತ್ತದೆ. ಸಿಬಿಲ್ ಸಾಲಗಳು ಮತ್ತು ಕ್ರೆಡಿಟ್ ಕಾರ್ಡ್ ಪಾವತಿಗಳ ವರದಿಗಳನ್ನು ಸಂಗ್ರಹಿಸುತ್ತದೆ. ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳು ಪ್ರತಿ ತಿಂಗಳು CIBIL ಗೆ ಸಾಲಗಾರರ ವಿವರಗಳನ್ನು ಒದಗಿಸುತ್ತವೆ. ಈ ವಿವರಗಳ ಆಧಾರದ ಮೇಲೆ ಸಿಬಿಲ್ ಈ ವ್ಯಕ್ತಿಗಳಿಗೆ ಕ್ರೆಡಿಟ್ ಸ್ಕೋರ್‌ಗಳನ್ನು ಒದಗಿಸುತ್ತದೆ.

ಕ್ರೆಡಿಟ್​ ಸ್ಕೋರ್​ ಕಡಿಮೆ ಮಾಡಿಕೊಳ್ಳಬೇಡಿ!

ಸಾಲವನ್ನು ಮರುಪಾವತಿಸಲು ಸಮಸ್ಯೆಗಳಿದ್ದರೂ ಸಹ, ಸಾಲಗಳು ಅವಧಿ ಮೀರಿದ್ದರೂ ಸಹ CIBIL ಅಂಕಗಳ ಮೇಲೆ ಅವುಗಳ ಪರಿಣಾಮವನ್ನು ಕಾಣಬಹುದು. ಸಿಬಿಲ್ ಸ್ಕೋರ್ ಸಾಮಾನ್ಯವಾಗಿ 300 ರಿಂದ 900 ಆಗಿದೆ. ಹೆಚ್ಚಿನ ರೇಟಿಂಗ್, ವ್ಯಕ್ತಿಯ ಆರ್ಥಿಕ ಸ್ಥಿತಿ ಉತ್ತಮವಾಗಿರುತ್ತದೆ. ಹೊಸ ಸಾಲಗಳನ್ನು ಪಡೆಯುವುದು ಮತ್ತು ಕ್ರೆಡಿಟ್ ಕಾರ್ಡ್‌ಗಳನ್ನು ನೀಡುವುದು ಇದನ್ನು ಅವಲಂಬಿಸಿರುತ್ತದೆ. 2000 ರಲ್ಲಿ ಸ್ಥಾಪಿತವಾದ CIBIL ಅನ್ನು ಎಲ್ಲಾ ಬ್ಯಾಂಕ್‌ಗಳು ಮತ್ತು ಹಣಕಾಸು ಸಂಸ್ಥೆಗಳು ಮಾನದಂಡವಾಗಿ ಅಳವಡಿಸಿಕೊಂಡಿವೆ.

ಇದನ್ನೂ ಓದಿ: ನೀವು 5 ಸಾವಿರ ಉಳಿಸಿದ್ರೆ, ತಿಂಗಳಿಗೆ 1 ಲಕ್ಷ ಸಿಗುತ್ತೆ! ಈ ಪಿಂಚಣಿ ಯೋಜನೆ ಬಗ್ಗೆ ಇಲ್ಲಿ ಪೂರ್ತಿ ತಿಳಿದುಕೊಳ್ಳಿ

ಸರಿಯಾದ ಟೈಮ್​ಗೆ ಇಎಂಐ ಕಟ್ಟಿ!

CIBIL ಸ್ಕೋರ್ ಅನ್ನು ಸುಧಾರಿಸಲು ಸಾಲಗಳು ಅಥವಾ EMI ಗಳನ್ನು ಸಕಾಲಿಕವಾಗಿ ಪಾವತಿಸುವುದು ಉತ್ತಮ. ಒಂದು ಕ್ಲೀನ್ ರೆಕಾರ್ಡ್ ಉತ್ತಮವಾಗಿ ಕಾಣುವುದು ಮಾತ್ರವಲ್ಲದೆ CIBIL ಸ್ಕೋರ್ ಮೇಲೆ ಧನಾತ್ಮಕ ಪರಿಣಾಮ ಬೀರುತ್ತದೆ. ಸಾಲ ತೀರಿಸದೇ ಇದ್ದಷ್ಟೂ ಸಿಬಿಲ್ ಮೇಲೆ ಪರಿಣಾಮ ಬೀರುತ್ತದೆ. ಕ್ರೆಡಿಟ್ ಕಾರ್ಡ್ ಪಾವತಿಗಳ ಮೇಲೆ ಕೇಂದ್ರೀಕರಿಸಿ ಮತ್ತು ಆದಾಯದ ಮಿತಿಯಲ್ಲಿ ಉಳಿಯಿರಿ.

ಇದನ್ನೂ ಓದಿ: ಸರ್ಕಾರಿ ನೌಕರರಿಗೆ ಗುಡ್​ ನ್ಯೂಸ್​, ಜುಲೈ 1ರಂದು ನಿಮ್ಮ ಖಾತೆಗೆ ಬರಬಹುದು ಒಂದೂವರೆ ಲಕ್ಷ!

ಸಿಬಿಲ್​ ಸ್ಕೋರ್​ ಹೆಚ್ಚಿಸಿಕೊಳ್ಳುವುದು ಹೇಗೆ?

- ಸಾಲಕ್ಕಾಗಿ ನೀವು ಎಷ್ಟು ಬಾರಿ ಬ್ಯಾಂಕ್‌ಗಳು ಅಥವಾ ಹಣಕಾಸು ಸಂಸ್ಥೆಗಳೊಂದಿಗೆ ವಿಚಾರಿಸಿದ್ದೀರಿ ಎಂಬುವ ಈ ಮಾಹಿತಿಯನ್ನು ಈ ಕಂಪನಿಗಳು ಕಲೆ ಹಾಕುತ್ತವೆ.
- ಸಾಲವನ್ನು ಸಮಯಕ್ಕೆ ಪಾವತಿಸಿ. ಪ್ರತಿಯೊಂದ ಕಂತನ್ನು ತಡ ಮಾಡದೇ ಕಟ್ಟಿ
- ನಿಮ್ಮ ಆದಾಯದ 30% ಕ್ಕಿಂತ ಹೆಚ್ಚು ಸಾಲ ಮಾಡಬೇಡಿ
- ಸುಖಾಸುಮ್ಮನೆ ಸಾಲಕ್ಕೆ ಅರ್ಜಿ ಸಲ್ಲಿಸಬೇಡಿ.
- ನಿಮಗೆ ಅಗತ್ಯವಿರುವ ಸಾಲವನ್ನು ತೆಗೆದುಕೊಳ್ಳಿ
- ಲಾಭದಾಯಕ ಕೊಡುಗೆಗಳು ಮತ್ತು ಆಕರ್ಷಕ ಬಡ್ಡಿದರಗಳ ಕಾರಣದಿಂದಾಗಿ ಸಾಲವನ್ನು ತೆಗೆದುಕೊಳ್ಳಬೇಡಿ.
- ದೀರ್ಘಾವಧಿ ಸಾಲ ತೆಗೆದುಕೊಳ್ಳಿ. ಇದರಿಂದ ಕಂತು ಕೂಡ ಕಡಿಮೆಯಾಗುತ್ತದೆ. ಇದು ಪಾವತಿಸಲು ಸುಲಭವಾಗುತ್ತದೆ.