Savings Tips: ಇಬ್ಬರೂ ಸೇರಿ ಸೇವಿಂಗ್ಸ್ ಮಾಡ್ತಿರೋ ದಂಪತಿಗಳೇ ಹೆಚ್ಚು ಖುಷಿಯಾಗಿರೋದಂತೆ!

ಮದುವೆ (Marriage) ಮಾಡಿ ನೋಡಿ, ಮನೆ (Home) ಕಟ್ಟಿ ನೋಡಿ ಅಂತಾರೆ. ಯಾಕೆಂದರೆ ಮದುವೆಯಾಗಲಿ, ಮನೆ ಕಟ್ಟುವುದಾಗಲಿ ಎರಡೂ ಸುಲಭದ ಮಾತಲ್ಲ. ಆದರೆ ಮದುವೆಯಾದ ಜೋಡಿಗಳನ್ನು ಕೇಳಿ, ಅವರು ಹೇಳೋದು ಮದುವೆಯಾದ ಮೇಲೆ ಜೀವನ ನಡೆಸೋದು ಸುಲಭದ ಮಾತಲ್ಲ ಅಂತಾರೆ. ಯಾಕೆಂದರೆ ಈಗಿನ ಕಾಲದಲ್ಲಿ ಗಂಡ-ಹೆಂಡತಿ (Husband Wife) ಇಬ್ಬರೂ ಸೇವಿಂಗ್ಸ್ (Savings)​ ಮಾಡಿದ್ರೂ  ಸಾಲೋದಿಲ್ಲ. ಕಾಸ್ಟ್​ ಆಫ್​ ಲಿವೀಂಗ್​ (Cost of Living) ಹೆಚ್ಚಾಗಿದೆ. ಇಬ್ಬರಲ್ಲಿ ಒಬ್ಬರು ಮನೆ ಖರ್ಚು ವೆಚ್ಚಗಳನ್ನು ನೋಡಿಕೊಂಡರೇ, ಮತ್ತೊಬ್ಬರು ಸೇವಿಂಗ್ಸ್​ ಮಾಡೋಣ ಅಂತ ಅಂದುಕೊಂಡಿರುತ್ತಾರೆ. ಆದರೆ ಇದೀಗ ಹೊಸ ಸಮೀಕ್ಷೆ (New Survey) ಯೊಂದು ವರದಿ ಮಾಡಿರುವ ವಿಚಾರ ಸಖತ್​ ಕ್ಯೂರಿಯಾಸಿಟಿ ಹುಟ್ಟಿಸುತ್ತೆ. ಹೌದು ಗಂಡ-ಹೆಂಡತಿ ಇಬ್ಬರೂ ಒಟ್ಟಿಗೆ ಸೇರಿ ಸೇವಿಂಗ್ಸ್​ ಮಾಡಿದ ಜೋಡಿ ತುಂಬಾ ಸಂತೋಷವಾಗಿರುತ್ತಾರಂತೆ.

ಆರ್ಥಿಕ ಗುರಿಗಳನ್ನು ಒಟ್ಟಿಗೆ ಉಳಿಸುವ ಅಥವಾ ಅದರ ಬಗ್ಗೆ ಕಾರ್ಯತಂತ್ರ ರೂಪಿಸುವ ಸಂಗಾತಿಗಳು ಆರ್ಥಿಕವಾಗಿ ಸಂತೋಷವಾಗಿರುತ್ತಾರೆ ಎಂದು ಅಮೇರಿಕಾದಲ್ಲಿ ನಡೆಸಿದ ಸಮೀಕ್ಷೆ ಹೇಳಿದೆ. ಏಕೆಂದರೆ ಜೀವನಕ್ಕೆ ಸಂಬಂಧಿಸಿದ ನಿರ್ಧಾರಗಳನ್ನು ಗಂಡ ಮತ್ತು ಹೆಂಡತಿ ಒಟ್ಟಿಗೆ ತೆಗೆದುಕೊಳ್ಳುತ್ತಾರೆ, ನಂತರ ಹಣವನ್ನು ಉಳಿಸುವ ವಿಷಯಕ್ಕೆ ಬಂದಾಗ, ನಾವು ಏಕೆ ಹೆಚ್ಚಾಗಿ ಹಿಂದುಳಿಯುತ್ತೇವೆ.

ಸಿಂಗಲ್ಸ್​ಗಿಂತ ಕಪಲ್ಸ್​ ಬಳಿ ಇರುತ್ತಂತೆ ಸಂಪತ್ತು!

ಬ್ಯಾಂಕ್, ಕ್ರೆಡಿಟ್ ಕಾರ್ಡ್ ಮತ್ತು ಜಂಟಿ ಹೂಡಿಕೆ ಖಾತೆಗಳನ್ನು ತೆರೆಯುವ ದಂಪತಿಗಳು ದೀರ್ಘಾವಧಿಯಲ್ಲಿ ಸಂತೋಷವಾಗಿರುತ್ತಾರೆ. ಮನೆ ಖರೀದಿಸುವುದರಿಂದ ಹಿಡಿದು ನಿವೃತ್ತಿ ಜೀವನದವರೆಗೆ ಪ್ರತಿಯೊಂದು ಪ್ರಮುಖ ಗುರಿಯನ್ನು ಪೂರೈಸಲು ಸಾಧ್ಯವಾಗುತ್ತದೆ. ವಿವಾಹಿತ ದಂಪತಿಗಳು ಅವಿವಾಹಿತರಿಗಿಂತ ನಾಲ್ಕು ಪಟ್ಟು ಹೆಚ್ಚು ಸಂಪತ್ತನ್ನು ಹೊಂದಿದ್ದಾರೆ ಎಂದು ಸಮೀಕ್ಷೆ ಬಹಿರಂಗಪಡಿಸಿದೆ. ಹಾಗಿದ್ದಲ್ಲಿ, ನೀವು ಯಾಕೆ ಬೇಗ ಮದುವೆಯಾಗಬಾರದು?

ಸಂಶೋಧನೆಯ ಪ್ರಕಾರ, ಬ್ಯಾಂಕ್ ಖಾತೆಗಳನ್ನು ವಿಲೀನಗೊಳಿಸುವುದರಿಂದ ಕೆಲವು ಪ್ರಯೋಜನಗಳಿವೆ. ಹಣವನ್ನು ಹಂಚಿಕೊಳ್ಳುವ ದಂಪತಿಗಳು ತಮ್ಮ ಸಂಬಂಧದಲ್ಲಿ ಹೆಚ್ಚಿನ ತೃಪ್ತಿಯನ್ನು ಪಡೆಯುತ್ತಾರಂತೆ. ಆರ್ಥಿಕವಾಗಿ ಹೆಚ್ಚು ಜವಾಬ್ದಾರರಾಗಿರುತ್ತಾರೆ ಮತ್ತು ಪರಸ್ಪರರ ಖರ್ಚು ಮತ್ತು ಉಳಿತಾಯದ ಅಭ್ಯಾಸಗಳ ಬಗ್ಗೆ ಹೆಚ್ಚು ಪರಿಶೀಲಿಸುತ್ತಾರೆ ಎಂದು ಸಂಶೋಧನೆಯು ಕಂಡುಹಿಡಿದಿದೆ.

ಇದನ್ನೂ ಓದಿ: ಈ ಯೋಜನೆಗೆ ಸೇರಿದ್ರೆ 25 ವರ್ಷ ಉಚಿತ ವಿದ್ಯುತ್​, ಎಲ್ರೂ ಅಪ್ಲೈ ಮಾಡ್ಬಹುದು! ನೀವೂ ಮಾಡಿ

ಜಂಟಿ ಖಾತೆ

ವೈವಾಹಿಕ ಜೀವನದಲ್ಲಿ ಪರಸ್ಪರ ಖರ್ಚುಗಳನ್ನು ನಿಯಂತ್ರಿಸಲು ಮತ್ತು ಮೇಲ್ವಿಚಾರಣೆ ಮಾಡಲು ಜಂಟಿ ಬ್ಯಾಂಕ್ ಖಾತೆಯನ್ನು ತೆರೆಯುವುದು ಒಳ್ಳೆಯದು. ಸಂಬಳದ ಒಂದು ಭಾಗವನ್ನು ಮನೆಯ ಖರ್ಚಿಗಾಗಿ ಈ ಖಾತೆಯಲ್ಲಿ ಇಡಬೇಕು. ಹೆಚ್ಚುವರಿಯಾಗಿ, ಇಬ್ಬರೂ ತಮ್ಮದೇ ಆದ ವೈಯಕ್ತಿಕ ಖಾತೆಗಳನ್ನು ಹೊಂದಬಹುದು, ತಮ್ಮದೇ ಆದ ಖರ್ಚು ಹಣವನ್ನು ಠೇವಣಿ ಮಾಡಬಹುದು.

ಹಣಕಾಸಿನ ಬಜೆಟ್

ಹಣಕಾಸಿ ಬಜೆಟ್​ ಅನ್ನು ಒಟ್ಟಿಗೆ ನಿರ್ಧರಿಸಿ- ವ್ಯರ್ಥ ಖರ್ಚು ತಪ್ಪಿಸಲು ಬಜೆಟ್ ಅನ್ನು ಒಟ್ಟಿಗೆ ಮಾಡಬೇಕು,  ಅದು ಒಳ್ಳೆಯದು, ಇದು ಹಣಕಾಸಿನ ಗುರಿಗಳನ್ನು ಹೊಂದಿಸಲು ಸಹಾಯ ಮಾಡುತ್ತದೆ, ಎರಡೂ ಪಾಲುದಾರರು ಒಟ್ಟಿಗೆ ಕುಳಿತು ಯೋಜನೆ ಮಾಡಬೇಕಾಗುತ್ತದೆ.

ಇದನ್ನೂ ಓದಿ: ಟೆಸ್ಲಾ ಷೇರು ಖರೀದಿಸೋರಿಲ್ಲ, ಎಲಾನ್​ ಮಸ್ಕ್​ಗೂ ಶುರುವಾಯ್ತು ಡವ ಡವ!

ಹಣ ಇದ್ರೆ ಶಾಪಿಂಗ್ ಮಾಡಿ, ಕ್ರೆಡಿಟ್ ಕಾರ್ಡ್ ಬಳಸಬೇಡಿ

ಕ್ರೆಡಿಟ್ ಕಾರ್ಡ್ ಬದಲಿಗೆ ನಗದು ಶಾಪಿಂಗ್ ಹಣವನ್ನು ಉಳಿಸಲು ಸಹಾಯ ಮಾಡುತ್ತದೆ. ಖರ್ಚು ನಿಯಂತ್ರಣದಲ್ಲಿಲ್ಲದಿದ್ದರೆ, ಕ್ರೆಡಿಟ್ ಕಾರ್ಡ್ ಅನ್ನು ಇರಿಸಿಕೊಳ್ಳಲು ನಿಮ್ಮ ಸಂಗಾತಿಯನ್ನು ನೀವು ಕೇಳಬಹುದು. ಆನ್‌ಲೈನ್ ಶಾಪಿಂಗ್ ಅನ್ನು ಕಡಿಮೆ ಮಾಡಲು ಪ್ರಯತ್ನಿಸಿ. ನಿಮ್ಮ ಜೀವನದ ಸಂಗಾತಿಗೂ ಅದೇ ರೀತಿ ಮಾಡಲು ನೀವು ಕೇಳಬಹುದು.