Property Tax: ಖರೀದಿಸಿದ್ದಕ್ಕಿಂತ ಹೆಚ್ಚಿನ ಬೆಲೆಗೆ ಆಸ್ತಿಯನ್ನು ಮಾರುವಾಗ ಈ ರೀತಿ ತೆರಿಗೆಯನ್ನು ಉಳಿಸಿ

ಒಂದು ವೇಳೆ ನಿಮಗೆ ನಿಮ್ಮಲ್ಲಿರುವ ಆಸ್ತಿಯನ್ನು ಮಾರಾಟ ಮಾಡುವ ಆಲೋಚನೆ ಇದ್ದಲ್ಲಿ, ನೀವು ಬಂಡವಾಳ ಲಾಭ ತೆರಿಗೆ (Capital Gains Tax) ಬಗ್ಗೆ ತಿಳಿದುಕೊಂಡರೆ ಒಳ್ಳೆಯದು.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:
    ಆಸ್ತಿ ಮಾರಾಟ (Property Sale) ಮತ್ತು ಖರೀದಿಯ (Property Buying) ಸಂದರ್ಭದಲ್ಲಿ, ಆ ಪ್ರಕ್ರಿಯೆಗೆ ಸಂಬಂಧಿಸಿದ ತೆರಿಗೆಗಳ (Tax) ಬಗ್ಗೆ ತಿಳಿದುಕೊಂಡಿರುವುದು ಅತ್ಯಂತ ಅಗತ್ಯ ಎಂಬುವುದು ನಿಮಗೆಲ್ಲರಿಗೂ ಗೊತ್ತೇ ಇದೆ. ಅದರಲ್ಲೂ, ಒಂದು ವೇಳೆ ನಿಮಗೆ ನಿಮ್ಮಲ್ಲಿರುವ ಆಸ್ತಿಯನ್ನು ಮಾರಾಟ ಮಾಡುವ ಆಲೋಚನೆ ಇದ್ದಲ್ಲಿ, ನೀವು ಬಂಡವಾಳ ಲಾಭ ತೆರಿಗೆ ( Capital Gains Tax) ಬಗ್ಗೆ ತಿಳಿದುಕೊಂಡರೆ ಒಳ್ಳೆಯದು. ನೀವು ಯಾವುದೇ ಆಸ್ತಿಯನ್ನು ಖರೀದಿಸಿದ, ಎರಡು ವರ್ಷಗಳಲ್ಲಿ ಮಾರಾಟ ಮಾಡಿ, ಪಡೆಯುವ ಲಾಭವನ್ನು “ಅಲ್ಪಾವಧಿಯ ಬಂಡವಾಳ ಲಾಭ” ಎಂದು ವರ್ಗೀಕರಿಸಲಾಗಿದೆ. ಆಸ್ತಿ ಮಾಲೀಕರ ಆ ವರ್ಷದ ವಾರ್ಷಿಕ ಆದಾಯಕ್ಕೆ ಈ ಮೊತ್ತ ಸೇರ್ಪಡೆಗೊಳ್ಳುತ್ತದೆ ಮತ್ತು ಆಸ್ತಿ ಮಾರಾಟಗಾರರ ಆದಾಯ ತೆರಿಗೆ ಬ್ರಾಕೆಟ್ ಪ್ರಕಾರ ತೆರಿಗೆ ಪಾವತಿಗೆ ಒಳಪಡುತ್ತದೆ. ಒಂದು ವೇಳೆ ನೀವು, ನಿಮಗೆ ಸೇರಿದ ವಸತಿ ಆಸ್ತಿಯನ್ನು, ಖರೀದಿಸಿದ ಎರಡು ವರ್ಷಗಳ ನಂತರ ಮಾರಾಟ ಮಾಡಿದರೆ, ಅದರಿಂದ ಬರುವ ಲಾಭವನ್ನು ‘ದೀರ್ಘಾವಧಿಯ ಬಂಡವಾಳ ಗಳಿಕೆ (ಎಲ್‍ಟಿಸಿಜಿ)’ ಎಂದು ಕರೆಯಲಾಗುತ್ತದೆ. ಅದಕ್ಕೆ ಹಣದುಬ್ಬರದ ಅಂಶವನ್ನು ಹೊಂದಿರುವ ಸೂಚ್ಯಂಕದ ನಂತರ ಶೇಕಡಾ 20 ರಷ್ಟು ತೆರಿಗೆ ವಿಧಿಸಲಾಗುತ್ತದೆ.

    ಇದನ್ನೂ ಓದಿ: Post Office Scheme: ಕೇವಲ 5 ವರ್ಷದಲ್ಲಿ 14 ಲಕ್ಷ ರೂ. ನೀಡುವ ಸೂಪರ್ ಯೋಜನೆ ಇಲ್ಲಿದೆ..

    ನೋಂದಣಿಗೆ ವಿನಾಯಿತಿ ಇರುವುದಿಲ್ಲ

    ಆಸ್ತಿ ಮಾರಾಟಕ್ಕೆ ಸಂಬಂಧಿಸಿದಂತೆ ನೀವು ಗಮನದಲ್ಲಿ ಇಟ್ಟುಕೊಳ್ಳಬೇಕಾದ ಇನ್ನೂ ಒಂದು ವಿಷಯವಿದೆ. ಅದೇನೆಂದರೆ, ನೀವು ಖರೀದಿಸಿದ ಆಸ್ತಿಯನ್ನು, ಅದನ್ನು ಖರೀದಿಸಿದ ಆರ್ಥಿಕ ವರ್ಷದ ಅಂತ್ಯದ , ಐದು ವರ್ಷಗಳ ಒಳಗೆ ಮಾರಾಟ ಮಾಡಿದಲ್ಲಿ, ಅಸಲು ಮರುಪಾವತಿ, ಸ್ಟ್ಯಾಂಪ್ ಡ್ಯೂಟಿ ಮತ್ತು 80 ಸಿ ಅಡಿಯಲ್ಲಿ ದಾಖಲಾದ ನೋಂದಣಿಗೆ ವಿನಾಯಿತಿ ಇರುವುದಿಲ್ಲ ಮತ್ತು ಮೊತ್ತವು ಮಾರಾಟ ಮಾಡಿದ ವರ್ಷದಲ್ಲಿ ತೆರಿಗೆಗೆ ಒಳಪಡುತ್ತದೆ.

    ಕನಿಷ್ಟ ಐದು ವರ್ಷ ಮನೆ ಮಾರಬೇಡಿ..

    ಮಾರಾಟದಾರನಿಗೆ ಅನುಕೂಲವಾಗುವ ಏಕೈಕ ಸಂಗತಿ ಎಂದರೆ, ಸೆಕ್ಷನ್ 24 ಬಿ ಅಡಿಯಲ್ಲಿ ಕ್ಲೈಮ್ ಮಾಡಲಾದ ಗೃಹ ಸಾಲ ಬಡ್ಡಿ ಪಾವತಿಗಳ ಕಡಿತದ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂಬುವುದು. ಒಂದು ವೇಳೆ, ನೀವು ಗೃಹ ಸಾಲ ಪಡೆದು ಮನೆ ಖರೀದಿಸಿದ್ದರೆ ಮತ್ತು ಸೆಕ್ಷನ್ 80 ಸಿ ಯ ಪ್ರಯೋಜನಗಳನ್ನು ಕ್ಲೈಮ್ ಮಾಡಿದ್ದರೆ, ನೀವು ಕನಿಷ್ಟ ಐದು ವರ್ಷಗಳವರೆಗೆ ಆ ಮನೆಯನ್ನ ಮಾರದೆ ಇರುವುದು ಒಳ್ಳೆಯದು. ನಿವು ಸೆಕ್ಷನ್ 80 ಸಿ ಯ ಪ್ರಯೋಜನಗಳನ್ನು ಪಡೆದಿಲ್ಲ ಎಂದಿಟ್ಟುಕೊಳ್ಳಿ, ಆಗಲೂ ಕನಿಷ್ಟ ಎರಡು ವರ್ಷಗಳವರೆಗಾದರೂ ಆಸ್ತಿಯನ್ನು ಮಾರಾಟ ಮಾಡದೆ ಇರುವುದು ಸರಿಯಾದ ಆಯ್ಕೆ ಎನಿಸಿಕೊಳ್ಳುತ್ತದೆ.

    ಇದನ್ನೂ ಓದಿ: Price Hike: ಜನಸಾಮಾನ್ಯರಿಗೆ ಬೆಲೆ ಏರಿಕೆ ಶಾಕ್: ಮ್ಯಾಗಿ, ಕಾಫಿ, ಟೀ ಪುಡಿ ರೇಟ್ ಹೆಚ್ಚಳ.. ಯಾವುದು ಎಷ್ಟಾಗಿದೆ ನೋಡಿ

    ನೀವು ಎರಡು ವರ್ಷಗಳ ನಂತರ ಮಾರಾಟ ಮಾಡಿದರೆ, ಬರುವ ಲಾಭವನ್ನು ದೀರ್ಘಾವಧಿಯ ಬಂಡವಾಳ ಗಳಿಕೆ ಎಂದು ಪರಿಗಣಿಸಿ, ಸೂಚ್ಯಂಕದ ನಂತರ ಶೇಕಡಾ 20 ರಷ್ಟು ತೆರಿಗೆ ವಿಧಿಸಲಾಗುತ್ತದೆ. ಇದು ಹಿಡುವಳಿಯ ಅವಧಿಯಲ್ಲಿ ಹಣದುಬ್ಬರವನ್ನು ಲೆಕ್ಕ ಹಾಕಲು, ಖರೀದಿ ಬೆಲೆಯನ್ನು ಹೆಚ್ಚಿಸುತ್ತದೆ. ಅದರಿಂದಾಗಿ ನೀವು ಪಾವತಿಸಬೇಕಾದ ದೀರ್ಘಾವಧಿಯ ಬಂಡವಾಳ ಗಳಿಕೆ ಮೊತ್ತವನ್ನು ಕಡಿಮೆ ಮಾಡುತ್ತದೆ.

    ಈ ರೀತಿ ತೆರಿಗೆಯಿಂದ ವಿನಾಯಿತಿ ಪಡೆಯಬಹುದು

    ಆಸ್ತಿ ಮಾರಾಟದ ಮೇಲೆ, ದೀರ್ಘಾವಧಿಯ ಬಂಡವಾಳ ಗಳಿಕೆ ತೆರಿಗೆ ಪಾವತಿಸುವುದರಿಂದ ವಿನಾಯಿತಿಯನ್ನು ಕೂಡ ಪಡೆಯುವುದು ಸಾಧ್ಯವಿದೆ. ಆದರೆ ಅದು ಸಾಧ್ಯವಾಗಬೇಕಿದ್ದರೆ, ನೀವು ಆಸ್ತಿ ಮಾರಾಟ ಮಾಡಿದ ಸಂಪೂರ್ಣ ಹಣದಿಂದ 2 ವರ್ಷದ ಒಳಗೆ ಮತ್ತೊಂದು ಮನೆಯನ್ನು ಖರೀದಿಸಬೇಕು ಅಥವಾ ಮೂರು ವರ್ಷದಲ್ಲಿ ಇನ್ನೊಂದು ಮನೆಯನ್ನು ಕಟ್ಟಬೇಕು. ಮೊದಲ ಆಸ್ತಿಯನ್ನು ಮಾರಾಟ ಮಾಡುವ ಒಂದು ವರ್ಷದ ಮೊದಲೇ ನೀವು ಆಸ್ತಿಯನ್ನು ಖರೀದಿಸಿದ್ದರೆ, ದೀರ್ಘಾವಧಿಯ ಬಂಡವಾಳ ಗಳಿಕೆ ತೆರಿಗೆಯಿಂದ ವಿನಾಯಿತಿ ಪಡೆಯಬಹುದು.

    ಈ ರೀತಿಯೂ ತೆರಿಗೆ ತಪ್ಪಿಸಬಹುದು

    ಒಂದು ವೇಳೆ ನಿಮಗೆ ಇನ್ನೊಂದು ಆಸ್ತಿ ಖರೀದಿಸಲು ಇಷ್ಟವಿಲ್ಲ ಅಥವಾ ಸಾಧ್ಯವಾಗಿಲ್ಲ ಎಂದಾದಲ್ಲಿ, ಬಂಡವಾಳ ಲಾಭಗಳ ತೆರಿಗೆ ವಿನಾಯಿತಿ ಬಾಂಡ್‍ಗಳಲ್ಲಿ ಹೂಡಿಕೆ ಮಾಡುವ ಮೂಲಕ ಎಲ್‍ಟಿಸಿಜಿ ತೆರಿಗೆ ಪಾವತಿಯಿಂದ ತಪ್ಪಿಸಿಕೊಳ್ಳಬಹುದು. ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 54 ಇಸಿ ಅಡಿಯಲ್ಲಿ, ಈ ಬಾಂಡ್‍ಗಳಲ್ಲಿ ಹೂಡಿಕೆ ಮಾಡುವುದರಿಂದ ನಿಮಗೆ ದೀರ್ಘಾವಧಿಯ ಬಂಡವಾಳ ಗಳಿಕೆ ತೆರಿಗೆಯನ್ನು ಪಾವತಿಸುವುದನ್ನು ತಪ್ಪಿಸಿಕೊಳ್ಳುವ ಅವಕಾಶ ಸಿಗುತ್ತದೆ.

    ಒಂದು ಹಣಕಾಸು ವರ್ಷದಲ್ಲಿ, ಗರಿಷ್ಟ 50 ಲಕ್ಷ ರೂ.ಗಳನ್ನು 54ಇಸಿ ಬಾಂಡ್‍ಗಳಲ್ಲಿ ಹೂಡಿಕೆ ಮಾಡಬಹುದು. ಈ ಬಾಂಡ್‍ಗಳನ್ನು, ದ ರೂರಲ್ ಎಲೆಕ್ಟ್ರಿಫಿಕೇಶನ್ ಕಾರ್ಪೊರೇಶನ್ (ಆರ್‌ಇಸಿ) ಮತ್ತು ನ್ಯಾಶನಲ್ ಹೈವೇ ಅಥಾರಿಟಿ ಆಫ್ ಇಂಡಿಯಾ (ಎನ್‍ಎಚ್‍ಎಐ) ವಿತರಿಸುತ್ತದೆ. ಈ ಎರಡೂ ಬಾಂಡ್‍ಗಳು, ಶೇಕಡಾ 5.75 ರಷ್ಟು ವಾರ್ಷಿಕ ಬಡ್ಡಿಯನ್ನು ಪಾವತಿಸುತ್ತವೆ, ವರ್ಷಕ್ಕೆ ಒಮ್ಮೆ ಅದನ್ನು ಪಾವತಿಸಲಾಗುತ್ತದೆ ಮತ್ತು ಅವು ಐದು ವರ್ಷಗಳ ಲಾಕ್ –ಇನ್ ಅವಧಿಯನ್ನು ಹೊಂದಿರುತ್ತವೆ. ಈ ಬಾಂಡ್‍ಗಳ ಮೇಲಿನ ಬಡ್ಡಿಯು ತೆರಿಗೆಗೆ ಒಳಪಟ್ಟಿರುವುದರಿಂದ, ಬಡ್ಡಿಯಿಂದ ಯಾವುದೇ ಟಿಡಿಎಸ್ ತೆಗೆದುಕೊಳ್ಳುವುದಿಲ್ಲ ಎಂಬುವುದು ನಿಮಗೆ ತಿಳಿದಿರಲಿ.
    Published by:Kavya V
    First published: