Maison de Couture ಬ್ರಾಂಡ್ ಅನ್ನು ಪ್ರಾರಂಭಿಸಲಿರುವ ರಿಲಯನ್ಸ್ ಬ್ರಾಂಡ್ಸ್ ಮತ್ತು ಇಟಲಿಯ ಮೈಸನ್ ವ್ಯಾಲೆಂಟಿನೋ

ಮುಂಬೈ, ಜುಲೈ 22, 2022: ರಿಲಯನ್ಸ್ ಬ್ರಾಂಡ್ಸ್ ಲಿಮಿಟೆಡ್ (RBL) ಮತ್ತು ಇಟಲಿಯ ಮೈಸನ್ ವ್ಯಾಲೆಂಟಿನೋ (valentino) ದೀರ್ಘಾವಧಿಯ ವಿತರಣಾ ಒಪ್ಪಂದವನ್ನು ಮಾಡಿಕೊಂಡಿವೆ. ಒಪ್ಪಂದದ ಅಡಿಯಲ್ಲಿ, ಎರಡೂ ಕಂಪನಿಗಳು (Company) ಪಾಲುದಾರಿಕೆಯಲ್ಲಿ ಭಾರತದಲ್ಲಿ ಇಟಾಲಿಯನ್ ಬ್ರಾಂಡ್  (Italian Brand)ಮೈಸನ್ ಡಿ ಕೌಚರ್ ಅನ್ನು ಪ್ರಾರಂಭಿಸುತ್ತವೆ. ಈ ವರ್ಷ ದೆಹಲಿಯಲ್ಲಿ ಮೊದಲ ಮಳಿಗೆಯನ್ನು ತೆರೆಯಲಾಗುವುದು, ಕೆಲವು ತಿಂಗಳ ನಂತರ ಮುಂಬೈನಲ್ಲಿ (Mumbai) ಎರಡನೇ ಪ್ರಮುಖ ಮಳಿಗೆಯನ್ನು ತೆರೆಯಲಾಗುವುದು. ಮಳಿಗೆಗಳು ಬ್ರಾಂಡ್‌ನ ಮಹಿಳಾ ಉಡುಪುಗಳು, ಪುರುಷರ ಉಡುಪುಗಳು, ಪಾದರಕ್ಷೆಗಳು (Footwear) ಮತ್ತು ಅಕ್ಸೆಸರಿಗಳನ್ನು ಒಳಗೊಂಡಿರುತ್ತವೆ. ಗ್ರಾಹಕರಿಗೆ ಅಂತರಾಷ್ಟ್ರೀಯ ಅನುಭವವನ್ನು ನೀಡಲು, ಅಂಗಡಿಯನ್ನು ಅನನ್ಯವಾಗಿ ವಿನ್ಯಾಸಗೊಳಿಸಲಾಗುವುದು.

ರಿಲಯನ್ಸ್ ಬ್ರಾಂಡ್ಸ್ ಲಿಮಿಟೆಡ್‌ನ ಎಂಡಿ ದರ್ಶನ್ ಮೆಹ್ತಾ, “ವ್ಯಾಲೆಂಟಿನೋಗೆ ಭಾರತದಲ್ಲಿ ಪರಿಚಯ ಮಾಡಿಕೊಡುವ ಅಗತ್ಯವೇ ಇಲ್ಲ. ಬ್ರ್ಯಾಂಡ್‌ನ ಸಿಗ್ನೇಚರ್ ಕೋಡ್ ಮತ್ತು ಬಣ್ಣಗಳನ್ನು ಭಾರತಕ್ಕೆಂದೇ ತಯಾರಿಸಲಾಗಿದೆ. ಈ ಪಾಲುದಾರಿಕೆಯು ಭಾರತೀಯ ಗ್ರಾಹಕರಿಗೆ ಬ್ರ್ಯಾಂಡ್ ಅನ್ನು ಹೆಚ್ಚು ಪಡೆದುಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ವ್ಯಾಲೆಂಟಿನೋ ಉತ್ಪನ್ನಗಳಿಗೆ ಹೊಸ ಪೀಳಿಗೆಯ ಅಭಿಮಾನಿಗಳನ್ನು ಸೃಷ್ಟಿಸುತ್ತದೆ.

ಮೈಸನ್ ವ್ಯಾಲೆಂಟಿನೋ ಸಿಇಒ ಜಾಕೊಪೊ ವೆಂಚುರಿನಿ ಅವರು, “ಐಷಾರಾಮಿ ಚಿಲ್ಲರೆ ವ್ಯಾಪಾರದಲ್ಲಿ ಭಾರತದ ಅಗ್ರಗಣ್ಯ ರಿಲಯನ್ಸ್ ಬ್ರಾಂಡ್ಸ್ ಲಿಮಿಟೆಡ್ (ಆರ್‌ಬಿಎಲ್‌) ನೊಂದಿಗೆ ಸಹಯೋಗ ಹೊಂದಲು ನಾವು ಸಂತೋಷಪಡುತ್ತೇವೆ ಮತ್ತು ಹೊಸ ಅವಕಾಶಗಳಿಂದ ತುಂಬಿರುವ ಈ ಪ್ರಮುಖ ಮಾರುಕಟ್ಟೆಯಲ್ಲಿ ನಮ್ಮ ಹಂಚಿಕೆಯ ದೃಷ್ಟಿಯನ್ನು ವಿಸ್ತರಿಸಲು ನಮ್ಮೊಂದಿಗೆ ಸೇರಿಸಿಕೊಳ್ಳುತ್ತೇವೆ. ಸ್ಟೋರ್‌ಗಳನ್ನು ತೆರೆಯುವುದು ವ್ಯಾಲೆಂಟಿನೋದ ಜಾಗತಿಕ ಕಾರ್ಯತಂತ್ರದಲ್ಲಿ ಪ್ರಮುಖ ಹೆಜ್ಜೆಯಾಗಿದೆ.

ಇದನ್ನೂ ಓದಿ: Ola Electric Sports Car: ಶೀಘ್ರವೇ ಭಾರತದಲ್ಲೂ ಬರಲಿದೆಯಂತೆ ಓಲಾ ಸಂಸ್ಥೆಯ ಎಲೆಕ್ಟ್ರಿಕ್ ಸ್ಪೋರ್ಟ್ಸ್ ಕಾರ್

ದೆಹಲಿಯಲ್ಲಿ ವ್ಯಾಲೆಂಟಿನೋ ಡಿಎಲ್‌ಎಫ್‌ ಎಂಪೋರಿಯೊದಲ್ಲಿ 162 ಚದರ ಮೀಟರ್ ಅಂಗಡಿಯನ್ನು ತೆರೆಯುತ್ತದೆ. ಇದರಲ್ಲಿ ಮಹಿಳೆಯರ ಮತ್ತು ಪುರುಷರ ವಸ್ತುಗಳ ವಿಶೇಷ ಸಂಗ್ರಹಗಳು ಇರಲಿದೆ. ಇಡೀ ವ್ಯಾಲೆಂಟಿನೋ ಸಂಗ್ರಹವೇ ಮುಂಬೈನ ಮಳಿಗೆಯಲ್ಲಿ ಇರಲಿದೆ. ಮಹಿಳೆಯರ ಉಡುಪುಗಳು, ಪುರುಷರ ಉಡುಪುಗಳು, ಪಾದರಕ್ಷೆಗಳು, ವ್ಯಾಲೆಂಟಿನೋ ಗರವಾನಿ ಬಿಡಿಭಾಗಗಳು ಬೂಟುಗಳು, ಚೀಲಗಳು, ಸಣ್ಣ ಚರ್ಮದ ವಸ್ತುಗಳು, ಕನ್ನಡಕಗಳು, ಶಿರೋವಸ್ತ್ರಗಳು, ಟೈಗಳು ಮತ್ತು ಸುಗಂಧ ದ್ರವ್ಯಗಳನ್ನು ಒಳಗೊಂಡಿರುತ್ತದೆ. ಬ್ರ್ಯಾಂಡ್‌ ಸದ್ಯ 212 ವ್ಯಾಲೆಂಟಿನೋ ನೇರವಾಗಿ ನಿರ್ವಹಿಸುವ ಬುಟೀಕ್‌ಗಳ ಮೂಲಕ 144 ಸ್ಥಳಗಳಲ್ಲಿದೆ ಮತ್ತು 1300 ಕ್ಕೂ ಹೆಚ್ಚು ಕಡೆಗಳಲ್ಲಿ ಮಾರಾಟವನ್ನು ಹೊಂದಿದೆ.

ಇದನ್ನೂ ಓದಿ: Google Photos: ಗೂಗಲ್‌ನಲ್ಲಿ ನಿಮ್ಮ ಪೋಟೋ ಸುರಕ್ಷಿತವಾಗಿರಬೇಕೆ? ಹಾಗಿದ್ರೆ ಈ 10 ಸರಳ ಹಂತಗಳನ್ನು ಫಾಲೋ ಮಾಡಿ

ದಕ್ಷಿಣ ಆಫ್ರಿಕಾ ಟಿ20 ಕ್ರಿಕೆಟ್‌ ಲೀಗ್‌ನಲ್ಲಿ ಫ್ರಾಂಚೈಸಿ ಖರೀದಿ ಮಾಡಿದ ರಿಲಾಯನ್ಸ್ ಇಂಡಸ್ಟ್ರೀಸ್‌

ಮುಂಬೈ ಇಂಡಿಯನ್ಸ್‌ ಬ್ರ್ಯಾಂಡ್ ಅನ್ನು ಇನ್ನಷ್ಟು ವಿಸ್ತರಿಸುವ ನಿಟ್ಟಿನಲ್ಲಿ ಕ್ರಿಕೆಟ್ ಜಗತ್ತಿನಲ್ಲಿ ರಿಲಾಯನ್ಸ್‌ ಇಂಡಸ್ಟ್ರೀಸ್ ಮತ್ತೊಂದು ಮಹತ್ವದ ಮೈಲಿಗಲ್ಲನ್ನು ಇಟ್ಟಿದೆ. ದಕ್ಷಿಣ ಆಫ್ರಿಕಾದ ಟಿ20 ಲೀಗ್‌ನಲ್ಲಿ ಒಂದು ಫ್ರಾಂಚೈಸಿಯನ್ನು ರಿಲಾಯನ್ಸ್ ಇಂಡಸ್ಟ್ರೀಸ್ ಖರೀದಿ ಮಾಡಿದೆ. ಅಷ್ಟೇ ಅಲ್ಲ, ಯುಎಇ ಮೂಲದ ಅಂತಾರಾಷ್ಟ್ರೀಯ ಲೀಗ್‌ ಟಿ-20 ತಂಡವನ್ನು ಖರೀದಿಸುವ ಸನಿಹದಲ್ಲೂ ಇದು ಇದೆ.

ಭಾರತದಲ್ಲಿ ಕ್ರಿಕೆಟ್ ಫ್ರಾಂಚೈಸಿಗಳನ್ನು ಖರೀದಿ ಮಾಡುವುದು, ಫುಟ್‌ಬಾಲ್‌ ಲೀಗ್‌ ನಡೆಸುವುದು, ಕ್ರೀಡೆಯ ಪ್ರಾಯೋಜಕತ್ವ, ಕನ್ಸಲ್ಟನ್ಸಿ ಹಾಗೂ ಅಥ್ಲೀಟ್ ಪ್ರತಿಭಾ ನಿರ್ವಹಣೆ ಮತ್ತು ಉದ್ಯಮದ ಉತ್ತಮ ಅಭ್ಯಾಸಗಳನ್ನು ಅಳವಡಿಸುವುದೂ ಸೇರಿದಂತೆ ಕ್ರೀಡಾ ವಲಯದಲ್ಲಿ ರಿಲಾಯನ್ಸ್ ಇಂಡಸ್ಟ್ರೀಸ್‌ ಮಹತ್ವದ ಪಾತ್ರ ವಹಿಸುತ್ತದೆ. ಮುಂದುವರಿದು, ರಿಲಾಯನ್ಸ್ ಫೌಂಡೇಶನ್‌ ಸ್ಪೋರ್ಟ್ಸ್‌ ಎಂಬ ಆರ್‌ಐಎಲ್‌ನ ಸಿಎಸ್‌ಆರ್‌ ವಿಭಾಗವು ಭಾರತದ ಒಲಿಂಪಿಕ್‌ ಚಳವಳಿಯನ್ನು ಮುನ್ನಡೆಸುತ್ತಿದೆ. ದೇಶದ ವಿವಿಧೆಡೆಯ ಅಥ್ಲೀಟ್‌ಗಳು ವಿವಿಧ ಕ್ರೀಡೆಗಳಲ್ಲಿ ಚಾಂಪಿಯನ್‌ ಆಗಲಿ ಇದು ಅವಕಾಶ ಒದಗಿಸುತ್ತಿದೆ ಮತ್ತು ಜಾಗತಿಕ ಕ್ರೀಡಾ ಕಾರ್ಯಕ್ರಮಗಳನ್ನು ನಡೆಸುವುದರಲ್ಲಿ ಭಾರತಕ್ಕೆ ಹೆಚ್ಚಿನ ಅವಕಾಶವನ್ನು ಒದಗಿಸಲು ಪ್ರಯತ್ನಿಸುತ್ತಿವೆ. ಈ ವರ್ಷದ ಆರಂಭದಲ್ಲಿ, 40 ವರ್ಷಗಳ ನಂತರದಲ್ಲಿ 2023 ರಲ್ಲಿ ಮುಂಬೈನಲ್ಲಿ ಇಂಟರ್‌ನ್ಯಾಷನಲ್‌ ಒಲಿಂಪಿಕ್‌ ಕಮಿಟಿ ಸೆಷನ್‌ ಅನ್ನು ನಡೆಸಲು ಯಶಸ್ವಿಯಾಗಿ ಪ್ರಯತ್ನ ನಡೆಸಿದೆ.

ರಿಲಾಯನ್ಸ್ ಇಂಡಸ್ಟ್ರೀಸ್‌ನ ನಿರ್ದೇಶಕಿ ನೀತಾ ಅಂಬಾನಿ ಮಾತನಾಡಿ “ರಿಲಾಯನ್ಸ್‌ ಕುಟುಂಬಕ್ಕೆ ಹೊಸ ಟಿ20 ತಂಡವನ್ನು ಸ್ವಾಗತಿಸಲು ನಾನು ಉತ್ಸುಕನಾಗಿದ್ದೇನೆ. ಮುಂಬೈ ಇಂಡಿಯನ್ಸ್‌ ಬ್ರ್ಯಾಂಡ್ ಅನ್ನು ದಕ್ಷಿಣ ಆಫ್ರಿಕಾಗೆ ತೆಗೆದುಕೊಂಡು ಹೋಗಲು ನಾವು ಬಯಸಿದ್ದೇವೆ. ಭಾರತದಷ್ಟೇ ದಕ್ಷಿಣ ಆಪ್ರಿಕಾ ಕೂಡ ಕ್ರಿಕೆಟ್ಟನ್ನು ಪ್ರೀತಿಸುತ್ತದೆ! ದಕ್ಷಿಣ ಆಫ್ರಿಕಾದಲ್ಲಿ ಉತ್ತಮ ಕ್ರೀಡಾ ಪರಿಸರವಿದೆ. ಈ ಸಹಭಾಗಿತ್ವ ಶಕ್ತಿ ಮತ್ತು ಸಹಭಾಗಿತ್ವವನ್ನು ನಾವು ಬಳಸಿಕೊಳ್ಳಲು ಎದುರು ನೋಡುತ್ತಿದ್ದೇವೆ” ಎಂದಿದ್ದಾರೆ.