• Home
  • »
  • News
  • »
  • business
  • »
  • Pension: ಹಳೆ ಪಿಂಚಣಿ ಯೋಜನೆ ವಿರುದ್ಧ RBIನಿಂದ ರಾಜ್ಯಗಳಿಗೆ ಎಚ್ಚರಿಕೆ!

Pension: ಹಳೆ ಪಿಂಚಣಿ ಯೋಜನೆ ವಿರುದ್ಧ RBIನಿಂದ ರಾಜ್ಯಗಳಿಗೆ ಎಚ್ಚರಿಕೆ!

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಜನವರಿ 1, 2004 ರಂದು ಅಥವಾ ನಂತರ ಸೇವೆಗೆ ಸೇರುವ ಕೇಂದ್ರ ಸರ್ಕಾರಿ ನೌಕರರಿಗೆ NPS ಕಡ್ಡಾಯವಾಗಿದೆ ಮತ್ತು ಬಹುತೇಕ ಎಲ್ಲಾ ರಾಜ್ಯ ಸರ್ಕಾರಗಳು ತಮ್ಮ ಉದ್ಯೋಗಿಗಳಿಗೆ ಇದನ್ನು ಅಳವಡಿಸಿಕೊಂಡಿವೆ. ಎನ್‌ಪಿಎಸ್, ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರದಿಂದ (ಪಿಎಫ್‌ಆರ್‌ಡಿಎ) ನಿಯಂತ್ರಿಸಲ್ಪಡುತ್ತದೆ, ಇದು ಕೊಡುಗೆಯ ಪಿಂಚಣಿ ಯೋಜನೆಯಾಗಿದ್ದು, ಇದರ ಅಡಿಯಲ್ಲಿ ನೌಕರರು ತಮ್ಮ ಸಂಬಳದ ಶೇಕಡಾ 10 ರಷ್ಟು ಕೊಡುಗೆ ನೀಡುತ್ತಾರೆ.

ಮುಂದೆ ಓದಿ ...
  • News18 Kannada
  • 2-MIN READ
  • Last Updated :
  • Karnataka, India
  • Share this:

ಹಳೆಯ ಪಿಂಚಣಿ ಯೋಜನೆಗಳನ್ನು ಮುಂದುವರಿಸುವ ಕೆಲವು ರಾಜ್ಯಗಳ ನಿರ್ಧಾರದ ಮೇಲೆ ಆರ್‌ಬಿಐ (RBI) ಅಸಮಾಧಾನಗೊಂಡಿದ್ದು ಮುಂಬರುವ ವರ್ಷಗಳಲ್ಲಿ ರಾಜ್ಯಗಳ ಹಣಕಾಸಿನ ಹೊರೆಯನ್ನು ಹೆಚ್ಚಿಸುತ್ತದೆ ಎಂದು ಎಚ್ಚರಿಸಿದೆ. ರಾಷ್ಟ್ರೀಯ ಪಿಂಚಣಿ (Pension) ಯೋಜನೆ (NPS) ಬದಲಿಗೆ ಹಳೆಯ ಪಿಂಚಣಿ ವ್ಯವಸ್ಥೆಯನ್ನು ಆಯ್ಕೆಮಾಡಿಕೊಳ್ಳುವುದು ಮುಂದೆ ಅಪಾಯಕಾರಿಯಾಗಿ ಪರಿಣಮಿಸಬಹುದು ಎಂದು ಕೇಂದ್ರ ಬ್ಯಾಂಕ್ (Bank) ಸೂಚಿಸಿದೆ.


ರಾಜ್ಯದ ಬೊಕ್ಕಸಕ್ಕೆ ಹಾನಿ


ಹಿರಿಯ ಅರ್ಥಶಾಸ್ತ್ರಜ್ಞ ಮತ್ತು ಯೋಜನಾ ಆಯೋಗದ ಮಾಜಿ ಉಪಾಧ್ಯಕ್ಷ ಮೊಂಟೆಕ್ ಸಿಂಗ್ ಅಹ್ಲುವಾಲಿಯಾ ಅವರು ಹಳೆಯ ಪಿಂಚಣಿ ಯೋಜನೆಗೆ ಹಿಂತಿರುಗುವುದು ರಾಜ್ಯದ ಬೊಕ್ಕಸಕ್ಕೆ ಹಾನಿಕಾರಕ ಎಂದು ಎಚ್ಚರಿಸಿದ್ದಾರೆ.


ಹಳೆಯ ಪಿಂಚಣಿ ಯೋಜನೆ ಬಗ್ಗೆ ಆರ್‌ಬಿಐ ಹೇಳಿದ್ದೇನು?


ಆರ್‌ಬಿಐ ಪ್ರಕಾರ, ಹಳೆಯ ಪಿಂಚಣಿ ಯೋಜನೆಗಳಿಗೆ ರಾಜ್ಯಗಳು ಮರಳುವುದು ಹಣಕಾಸಿನ ಸಮಸ್ಯೆಯನ್ನುಂಟು ಮಾಡಬಹುದು ಎಂದು ತಿಳಿಸಿದೆ. ಈ ಯೋಜನೆಯಿಂದ ಹಣಕಾಸಿನ ವಾರ್ಷಿಕ ಉಳಿತಾಯ ಅಲ್ಪಾವಧಿಯದ್ದಾಗಿರುತ್ತದೆ ಎಂದು ಆರ್‌ಬಿಐ ತಿಳಿಸಿದೆ. ಪ್ರಸ್ತುತ ವೆಚ್ಚಗಳನ್ನು ಮುಂದಕ್ಕೆ ಹಾಕುವ ಮೂಲಕ ಮುಂಬರುವ ವರ್ಷಗಳಲ್ಲಿ ರಾಜ್ಯಗಳು ನಿಧಿಯಿಲ್ಲದ ಪಿಂಚಣಿ ಹೊಣೆಗಾರಿಕೆಗಳ ಶೇಖರಣೆಗೆ ಅಪಾಯವನ್ನುಂಟುಮಾಡುತ್ತವೆ ಎಂಬುದಾಗಿ ಆರ್‌ಬಿಐ ತನ್ನ ರಾಜ್ಯ ಹಣಕಾಸು ವರದಿಯಲ್ಲಿ ಉಲ್ಲೇಖಿಸಿದೆ.


ಇದನ್ನೂ ಓದಿ: Ajit Dovel: ಇಂಡಿಯನ್​ ಜೇಮ್ಸ್​ ಬಾಂಡ್​ ಅಜಿತ್​ ದೋವಲ್​​ ಹುಟ್ಟುಹಬ್ಬ, ಅವರ ಬಗ್ಗೆ ನಿಮ್ಗೆ ಗೊತ್ತಿರದ ಸಂಗತಿ ಇಲ್ಲಿದೆ!


ಒಟ್ಟಾರೆಯಾಗಿ, ರಾಜ್ಯಗಳ ಪಿಂಚಣಿ ಪಾವತಿಗಳಿಗೆ ರಾಜ್ಯದ ಸ್ವಂತ ತೆರಿಗೆ ಆದಾಯವನ್ನೇ ವಿನಿಯೋಗಿಸುತ್ತಿವೆ ಎಂದು ಪತ್ರಿಕೆ ವರದಿ ಮಾಡಿದೆ. ಕೆಲವು ರಾಜ್ಯಗಳಿಗೆ, ಈ ಪ್ರಮಾಣ ತುಂಬಾ ಹೆಚ್ಚಾಗಿದೆ. ಹಿಮಾಚಲ ಪ್ರದೇಶಕ್ಕೆ ಸುಮಾರು 80% (ರಾಜ್ಯದ ಸ್ವಂತ ತೆರಿಗೆ ಆದಾಯದ ಶೇಕಡಾವಾರು ಪಿಂಚಣಿ); ಪಂಜಾಬ್‌ಗೆ, ಇದು ಸುಮಾರು 35%; ಛತ್ತೀಸ್‌ಗಢಕ್ಕೆ 24%; ಮತ್ತು ರಾಜಸ್ಥಾನಕ್ಕೆ 30% ಎಂದು ವರದಿಯಾಗಿದೆ.


ಆದಾಗ್ಯೂ, ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಸುಖವಿಂದರ್ ಸಿಂಗ್ ಸುಖು ಅವರು ಒಪಿಎಸ್ ವೆಚ್ಚದ ನಿಯಂತ್ರಣವನ್ನು ಆರ್ಥಿಕ ಶಿಸ್ತು ಮತ್ತು ಸರ್ಕಾರಿ ವೆಚ್ಚಗಳನ್ನು ಕಡಿತಗೊಳಿಸುವ ಮೂಲಕ ಸಾಧಿಸಲಾಗುವುದು ಎಂದು ತಿಳಿಸಿದ್ದಾರೆ.


ಪಿಂಚಣಿ ವೆಚ್ಚ 16% ಏರಿಕೆ


2022-23 ರ ಬಜೆಟ್ ಅಂದಾಜಿನ ಪ್ರಕಾರ, ಹಿಂದಿನ ವರ್ಷದ 399,813 ಕೋಟಿ ರೂಪಾಯಿಗಳಿಗೆ ಹೋಲಿಸಿದರೆ, ರಾಜ್ಯಗಳು 2022-23 ರಲ್ಲಿ 463,436 ಕೋಟಿ ರೂಪಾಯಿಗಳಿಗೆ ಪಿಂಚಣಿ ವೆಚ್ಚದಲ್ಲಿ 16% ರಷ್ಟು ಏರಿಕೆಯಾಗುವ ನಿರೀಕ್ಷೆಯಿದೆ ಎಂದು RBI ತಿಳಿಸಿದೆ.




ಎಸ್‌ಬಿಐ ರಿಸರ್ಚ್ ವರದಿಯ ಪ್ರಕಾರ, ಎಫ್‌ವೈ 22ಕ್ಕೆ ಕೊನೆಗೊಂಡ 12 ವರ್ಷಗಳ ಪಿಂಚಣಿ ಬಾಧ್ಯತೆಯು ವಾರ್ಷಿಕ ಬೆಳವಣಿಗೆ ದರ (ಸಿಎಜಿಆರ್) ಎಲ್ಲಾ ರಾಜ್ಯ ಸರ್ಕಾರಗಳಿಗೆ 34% ಆಗಿದೆ ಎಂದು ತಿಳಿಸಿದೆ.


ಹಳೆಯ ಪಿಂಚಣಿ ಯೋಜನೆಗಳಿಗೆ ಹೆಚ್ಚಿನ ರಾಜ್ಯಗಳು ಮರಳುತ್ತಿರುವುದೇಕೆ?


ರಾಷ್ಟ್ರೀಯ ಪಿಂಚಣಿ ಯೋಜನೆ (NPS) ಬದಲಿಗೆ OPS ಅನ್ನು ಮರಳಿ ತರಲು ಹೆಚ್ಚಿನ ರಾಜ್ಯಗಳು ಒಲವು ತೋರಿಸಿದ್ದು ಈ ಹಿನ್ನಲೆಯಲ್ಲಿ ಆರ್‌ಬಿಐ ಎಚ್ಚರಿಕೆ ನೀಡಿದೆ. ರಾಜಸ್ಥಾನ, ಛತ್ತೀಸ್‌ಗಢ, ಜಾರ್ಖಂಡ್ ಮತ್ತು ಪಂಜಾಬ್ ನಂತರ, ಹಿಮಾಚಲ ಪ್ರದೇಶವು OPS (ಹಳೆಯ ಪಿಂಚಣಿ ಯೋಜನೆ) ಅನ್ನು ಆಯ್ಕೆ ಮಾಡುವ ಉದ್ದೇಶವನ್ನು ಪ್ರಕಟಿಸಿದೆ.


ಹಳೆಯ ಪಿಂಚಣಿ ಯೋಜನೆಗಳಿಗೆ ಮರಳುತ್ತಿರುವ ರಾಜ್ಯಗಳಾವುವು?


ಹಿಮಾಚಲ ಪ್ರದೇಶವು ಹಳೆಯ ಪಿಂಚಣಿ ಯೋಜನೆಯನ್ನು ಮರುಸ್ಥಾಪಿಸಲು ಘೋಷಿಸಿದ ಇತ್ತೀಚಿನ ರಾಜ್ಯಗಳಲ್ಲಿ ಒಂದಾಗಿದೆ. ರಾಜಸ್ಥಾನ ಮತ್ತು ಛತ್ತೀಸ್‌ಗಢದ ನಂತರ ಇದು ಕಾಂಗ್ರೆಸ್ ಆಡಳಿತದ ಮೂರನೇ ರಾಜ್ಯವಾಗಿದೆ. ಕಾಂಗ್ರೆಸ್ ಆಡಳಿತಾರೂಢ ಮೈತ್ರಿಕೂಟದ ಮಿತ್ರ ಪಕ್ಷವಾಗಿರುವ ಜಾರ್ಖಂಡ್ ಕೂಡ ಹಳೆಯ ವ್ಯವಸ್ಥೆಗೆ ಮರಳಿದ್ದು, ಆಮ್ ಆದ್ಮಿ ಪಕ್ಷದ ಆಡಳಿತವಿರುವ ಪಂಜಾಬ್ ಕೂಡ ಅದನ್ನು ಪರಿಗಣಿಸುತ್ತಿದೆ.


ಹಳೆಯ ಪಿಂಚಣಿ ಅನುಕೂಲಕರ


ಸೇವೆ ಸಲ್ಲಿಸುತ್ತಿರುವ ನೌಕರರಿಂದ ಸಂಗ್ರಹಿಸಿದ ಹಣದಿಂದ ಹಳೆಯ ಪಿಂಚಣಿದಾರರಿಗೆ ಪಿಂಚಣಿ ಪಾವತಿಸುವುದು ರಾಜ್ಯಗಳು ಅನುಕೂಲಕರವೆಂದು ಕಂಡುಕೊಂಡಿವೆ. ಹಳೆಯ ವ್ಯವಸ್ಥೆಗೆ ಮರಳುತ್ತಿರುವ ರಾಜ್ಯಗಳು ಸಾಮಾಜಿಕ ಭದ್ರತೆ ಮತ್ತು ತಮ್ಮ ಉದ್ಯೋಗಿಗಳ ಕಲ್ಯಾಣಕ್ಕಾಗಿ ಇದನ್ನು ಮಾಡುತ್ತಿದ್ದೇವೆ ಎಂದು ಹೇಳುತ್ತಿವೆ. ಹೀಗಾಗಿ ರಾಜ್ಯಗಳು ಹಳೆಯ ಪಿಂಚಣಿ ಯೋಜನೆಗೆ ಮರಳಿವೆ ಎಂಬುದು ತಿಳಿದು ಬಂದಿರುವ ಮಾಹಿತಿಯಾಗಿದೆ.


ಆರ್ಥಿಕ ತಜ್ಞರು ಕಳವಳ ವ್ಯಕ್ತಪಡಿಸಿರುವುದೇಕೆ?


ಆದಾಗ್ಯೂ, ಕೆಲವು ಅರ್ಥಶಾಸ್ತ್ರಜ್ಞರು ಹಳೆಯ ಪಿಂಚಣಿ ಯೋಜನೆಯನ್ನು ರಾಜ್ಯಗಳು ಆಯ್ದುಕೊಂಡಿರುವುದರ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. ರಾಜ್ಯಗಳು ಇದಕ್ಕಾಗಿ ಯಾವುದೇ ಸಂಗ್ರಹಣೆಯನ್ನು ನಿರ್ಮಿಸುವುದಿಲ್ಲ ಮತ್ತು ಸಮಯದೊಂದಿಗೆ ಹಣವಿಲ್ಲದ ಹೊಣೆಗಾರಿಕೆಯು ಬೆಳೆಯುತ್ತಲೇ ಇರುತ್ತದೆ, ಇದು ಭವಿಷ್ಯದಲ್ಲಿ ದುರಂತವನ್ನು ಮಾತ್ರ ಆಹ್ವಾನಿಸುತ್ತದೆ ಎಂಬ ಎಚ್ಚರಿಕೆಯನ್ನು ನೀಡಿದ್ದಾರೆ.


ಆರ್ಥಿಕವಾಗಿ ಹಳೆಯ ಪಿಂಚಣಿ ಯೋಜನೆ ಸಮರ್ಥನೀಯವಲ್ಲ


OPS ಅಡಿಯಲ್ಲಿ, ನಿವೃತ್ತ ನೌಕರರು ತಮ್ಮ ಕೊನೆಯ ಸಂಬಳದ 50% ವನ್ನು ಮಾಸಿಕ ಪಿಂಚಣಿಯಾಗಿ ಪಡೆದಿದ್ದಾರೆ. OPS ಅನ್ನು ಆರ್ಥಿಕವಾಗಿ ಸಮರ್ಥನೀಯವಲ್ಲ ಎಂದು ಪರಿಗಣಿಸಲಾಗಿದೆ ಮತ್ತು ರಾಜ್ಯ ಸರ್ಕಾರಗಳಿಗೆ ಹಣ ನೀಡಲು ಸಮಸ್ಯೆಯಾಗಿದೆ. OPS ಪಿಂಚಣಿ ಬಾಧ್ಯತೆಗಳಿಗಾಗಿ ಯಾವುದೇ ಸಂಚಿತ ನಿಧಿಗಳು ಅಥವಾ ಉಳಿತಾಯದ ಸ್ಟಾಕ್ ಅನ್ನು ಹೊಂದಿರಲಿಲ್ಲ ಮತ್ತು ಆದ್ದರಿಂದ ಇದು ಸ್ಪಷ್ಟ ಹಣಕಾಸಿನ ಬಾಧ್ಯತೆ ಎಂದೆನಿಸಿದೆ.


ರಾಜಕೀಯ ಪಕ್ಷಗಳಿಗೆ ಲಾಭಕರ ಅಂಶ


ಕುತೂಹಲಕಾರಿಯಾಗಿ, ಎಸ್‌ಬಿಐ ಸಂಶೋಧನಾ ವರದಿಯ ಪ್ರಕಾರ, ಈ ಯೋಜನೆಯು ರಾಜಕೀಯ ಪಕ್ಷಗಳಿಗೆ ಇದು ಲಾಭಕರವಾಗಿದೆ ಏಕೆಂದರೆ ಪ್ರಸ್ತುತ ವಯಸ್ಸಾದ ಜನರು ಪಿಂಚಣಿ ಕಿಟ್ಟಿಗೆ ಕೊಡುಗೆ ನೀಡದಿದ್ದರೂ ಸಹ ಇದರ ಪ್ರಯೋಜನವನ್ನು ಪಡೆಯಬಹುದು.


ಹಳೆಯ ಪಿಂಚಣಿ ಯೋಜನೆ ವರ್ಸಸ್ ಹೊಸ ಪಿಂಚಣಿ ಯೋಜನೆ


ಹಳೆಯ ಪಿಂಚಣಿ ಯೋಜನೆ (OPS), ಸಾಮಾನ್ಯವಾಗಿ PAYG ಯೋಜನೆ ಎಂದು ಕರೆಯಲಾಗಿದೆ. ಪಿಂಚಣಿ ಪ್ರಯೋಜನಗಳನ್ನು ನೀಡುವ ನಿಧಿಯಿಲ್ಲದ ಪಿಂಚಣಿ ಯೋಜನೆ ಎಂದು ವ್ಯಾಖ್ಯಾನಿಸಲಾಗಿದೆ. ಈ ಯೋಜನೆಯಡಿಯಲ್ಲಿ ಪ್ರಸ್ತುತ ಕಾರ್ಮಿಕರ ಕೊಡುಗೆಯನ್ನು ಅಸ್ತಿತ್ವದಲ್ಲಿರುವ ಪಿಂಚಣಿದಾರರ ಪಿಂಚಣಿಗಳನ್ನು ಪಾವತಿಸಲು ಬಳಸಲಾಗುತ್ತಿದೆ.


OPS ಪ್ರಸ್ತುತ ಪೀಳಿಗೆಯ ತೆರಿಗೆದಾರರಿಂದ ಪಿಂಚಣಿದಾರರಿಗೆ ಧನಸಹಾಯ ನೀಡಲು ಸಂಪನ್ಮೂಲಗಳ ನೇರ ವರ್ಗಾವಣೆಯನ್ನು ಒಳಗೊಂಡಿತ್ತು. 1990 ರ ದಶಕದ ಮೊದಲು ಹೆಚ್ಚಿನ ದೇಶಗಳಲ್ಲಿ PAYG ಯೋಜನೆಯು ಚಾಲ್ತಿಯಲ್ಲಿದ್ದಾಗ, ಪಿಂಚಣಿ ಸಾಲದ ಸಮರ್ಥನೀಯತೆ, ವಯಸ್ಸಾದವರ ಸಂಖ್ಯೆ, ಮೊದಲಾದ ಸಮಸ್ಯೆಯಿಂದಾಗಿ ಇದನ್ನು ನಿಲ್ಲಿಸಲಾಯಿತು. ಭವಿಷ್ಯದ ಪೀಳಿಗೆ ಮತ್ತು ಆರಂಭಿಕ ನಿವೃತ್ತಿಗಾಗಿ ಪ್ರೋತ್ಸಾಹ (ಕೊನೆಯದಾಗಿ ಪಡೆದ ಸಂಬಳದಲ್ಲಿ ಪಿಂಚಣಿ ನಿಗದಿಪಡಿಸಲಾಗಿದೆ) ಎಂದು SBI ಸಂಶೋಧನಾ ವರದಿ ಹೇಳಿದೆ.


ಹೊಸ ಪಿಂಚಣಿ ಯೋಜನೆ ಬೇಡ ಎಂದು ಹೇಳಲು ಕಾರಣಗಳೇನು?


ಹೊಸ ಪಿಂಚಣಿ ಯೋಜನೆಯಲ್ಲಿ ಪಿಂಚಣಿ ಯೋಜನೆಗೆ ಕೊಡುಗೆ ನೀಡಬೇಕಾಗಿದೆ. ಉದ್ಯೋಗದಲ್ಲಿರುವಾಗ ನಿವೃತ್ತಿ ಯೋಜನೆಯನ್ನು ಕೈಗೊಳ್ಳಲು ಇದು ಉದ್ಯೋಗಿಗಳನ್ನು ಸಕ್ರಿಯಗೊಳಿಸುತ್ತದೆ. ವ್ಯವಸ್ಥಿತ ಹೂಡಿಕೆ ಹಾಗೂ ಉಳಿತಾಯ ಇದರಲ್ಲಿದೆ.


ಹೊಸ ಪಿಂಚಣಿ ಯೋಜನೆಯನ್ನು ಹೇಗೆ ವಿನ್ಯಾಸಗೊಳಿಸಲಾಗಿದೆ?


ಎನ್‌ಪಿಎಸ್ ಉದ್ಯೋಗಿಯ ಕೆಲಸದ ಅವಧಿಯಲ್ಲಿ ಪಿಂಚಣಿ ಆರ್ಥಿಕತೆಯ ಸಂಗ್ರಹಣೆಯನ್ನು ಸುಗಮಗೊಳಿಸುತ್ತದೆ. ವೃದ್ಧಾಪ್ಯದಲ್ಲಿ ಅಥವಾ ನಿವೃತ್ತಿಯ ನಂತರ ಸಾಕಷ್ಟು ನಿವೃತ್ತಿ ಆದಾಯವನ್ನು ಹೊಂದುವ ಸುಸ್ಥಿರ ಪರಿಹಾರವನ್ನು ನೀಡಲು NPS ಅನ್ನು ವಿನ್ಯಾಸಗೊಳಿಸಲಾಗಿದೆ.


NPS ಅನ್ನು ಕಡ್ಡಾಯಗೊಳಿಸಲಾಗಿದೆ


ಜನವರಿ 1, 2004 ರಂದು ಅಥವಾ ನಂತರ ಸೇವೆಗೆ ಸೇರುವ ಕೇಂದ್ರ ಸರ್ಕಾರಿ ನೌಕರರಿಗೆ NPS ಕಡ್ಡಾಯವಾಗಿದೆ ಮತ್ತು ಬಹುತೇಕ ಎಲ್ಲಾ ರಾಜ್ಯ ಸರ್ಕಾರಗಳು ತಮ್ಮ ಉದ್ಯೋಗಿಗಳಿಗೆ ಇದನ್ನು ಅಳವಡಿಸಿಕೊಂಡಿವೆ. ಎನ್‌ಪಿಎಸ್, ಪಿಂಚಣಿ ನಿಧಿ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರದಿಂದ (ಪಿಎಫ್‌ಆರ್‌ಡಿಎ) ನಿಯಂತ್ರಿಸಲ್ಪಡುತ್ತದೆ, ಇದು ಕೊಡುಗೆಯ ಪಿಂಚಣಿ ಯೋಜನೆಯಾಗಿದ್ದು, ಇದರ ಅಡಿಯಲ್ಲಿ ನೌಕರರು ತಮ್ಮ ಸಂಬಳದ ಶೇಕಡಾ 10 ರಷ್ಟು ಕೊಡುಗೆ ನೀಡುತ್ತಾರೆ.


ಉದ್ಯೋಗಿಗಳ ಎನ್‌ಪಿಎಸ್ ಖಾತೆಗಳಿಗೆ ಸರ್ಕಾರವು 14% ದಷ್ಟು ಕೊಡುಗೆ ನೀಡುತ್ತದೆ. ಡಿಸೆಂಬರ್ 2022 ರ ಹೊತ್ತಿಗೆ, 4.27 ಲಕ್ಷ ಕೋಟಿ ರೂ ಒಟ್ಟು ಆಸ್ತಿ ನಿರ್ವಹಣೆಯೊಂದಿಗೆ 59.78 ಲಕ್ಷ ರಾಜ್ಯ ಸರ್ಕಾರಿ ನೌಕರರು ಎನ್‌ಪಿಎಸ್‌ನ ಭಾಗವಾಗಿದ್ದಾರೆ.


ಯೋಜನೆಯ ಮರುಸ್ಥಾಪನೆಯು ರಾಷ್ಟ್ರೀಯ ಪಿಂಚಣಿ ವ್ಯವಸ್ಥೆಗೆ (ಎನ್‌ಪಿಎಸ್) ತಮ್ಮ ಪಾಲನ್ನು ನೀಡುತ್ತಿದ್ದ ಸುಮಾರು 1.36 ಲಕ್ಷ ಸರ್ಕಾರಿ ನೌಕರರಿಗೆ ಪ್ರಯೋಜನವನ್ನು ನೀಡುತ್ತದೆ. ಸದ್ಯಕ್ಕೆ ರಾಜ್ಯಗಳು ಸೇವೆ ಸಲ್ಲಿಸುತ್ತಿರುವ ನೌಕರರಿಂದ ಸಂಗ್ರಹಿಸಿದ ಹಣದಿಂದ ಹಳೆಯ ಪಿಂಚಣಿದಾರರಿಗೆ ಪಾವತಿಸುವುದನ್ನು ಅಳವಡಿಸಿಕೊಂಡಿವೆ.


OPS ಅನ್ನು ಪುನಃಸ್ಥಾಪಿಸಲು ಯಾರು ಬಯಸುತ್ತಾರೆ?


ಕಳೆದ ವರ್ಷ ನವೆಂಬರ್‌ನಲ್ಲಿ, ಕೇಂದ್ರ ಸರ್ಕಾರಿ ನೌಕರರ ಸಂಘಗಳ ಒಕ್ಕೂಟವು ಕ್ಯಾಬಿನೆಟ್ ಕಾರ್ಯದರ್ಶಿಗೆ ಒಪಿಎಸ್ ಅನ್ನು ಮರುಸ್ಥಾಪಿಸುವಂತೆ ವಿನಂತಿಸಿವೆ ಹಾಗೂ ಹೊಸ ಪಿಂಚಣಿ ಯೋಜನೆ ನಿವೃತ್ತ ನೌಕರರಿಗೆ ವಿಪತ್ತನ್ನುಂಟು ಮಾಡುತ್ತದೆ ಎಂದು ತಿಳಿಸಿದೆ.

First published: