• Home
  • »
  • News
  • »
  • business
  • »
  • RBI MPC Meeting: ಸಾಲ ಪಡೆಯುವುದು ಈಗ ಮತ್ತಷ್ಟು ದುಬಾರಿ, ರಿಸರ್ವ್ ಬ್ಯಾಂಕ್ ರೆಪೋ ದರ ಶೇಕಡಾ 0.35 ರಷ್ಟು ಹೆಚ್ಚಳ!

RBI MPC Meeting: ಸಾಲ ಪಡೆಯುವುದು ಈಗ ಮತ್ತಷ್ಟು ದುಬಾರಿ, ರಿಸರ್ವ್ ಬ್ಯಾಂಕ್ ರೆಪೋ ದರ ಶೇಕಡಾ 0.35 ರಷ್ಟು ಹೆಚ್ಚಳ!

ಆರ್‌ಬಿಐ

ಆರ್‌ಬಿಐ

RBI Monetary Policy: ಸತತ ಐದನೇ ಎಂಪಿಸಿ ಸಭೆಯಲ್ಲಿ ರೆಪೋ ದರವನ್ನು ಹೆಚ್ಚಿಸಲು ರಿಸರ್ವ್ ಬ್ಯಾಂಕ್ ನಿರ್ಧರಿಸಿದೆ. ಈ ಬಾರಿ ರೆಪೋ ದರವನ್ನು ಶೇಕಡಾ 0.35 ರಷ್ಟು ಹೆಚ್ಚಿಸಲಾಗಿದ್ದು, ಇದೀಗ ಈ ದರವು ಶೇಕಡಾ 6.25 ಕ್ಕೆ ಏರಿದೆ. ಈ ಹಿಂದೆ ರಿಸರ್ವ್ ಬ್ಯಾಂಕ್ ರೆಪೊ ದರವನ್ನು ಶೇ.1.90ರಷ್ಟು ಹೆಚ್ಚಿಸಿತ್ತು. ಕೊರೋನಾ ಅವಧಿಯಲ್ಲಿ, ರೆಪೊ ದರವನ್ನು ಸುಮಾರು 2.5 ರಿಂದ 4 ಪ್ರತಿಶತದಷ್ಟು ಕಡಿಮೆ ಮಾಡಲಾಗಿತ್ತು.

ಮುಂದೆ ಓದಿ ...
  • News18 Kannada
  • 2-MIN READ
  • Last Updated :
  • New Delhi, India
  • Share this:

ನವದೆಹಲಿ(ಡಿ.07): ರಿಸರ್ವ್ ಬ್ಯಾಂಕ್ ಗವರ್ನರ್ ಶಕ್ತಿಕಾಂತ ದಾಸ್ (RBI Governor Shaktikanta Das) ನೇತೃತ್ವದ ಮೂರು ದಿನಗಳ ಹಣಕಾಸು ನೀತಿ ಸಮಿತಿ (Monetary Policy Committee) ಫಲಿತಾಂಶ ಬುಧವಾರ ಬೆಳಗ್ಗೆ ಬಹಿರಂಗಗೊಂಡಿದೆ. ಹಣದುಬ್ಬರದ ಒತ್ತಡದ ಹಿನ್ನೆಲೆಯಲ್ಲಿ ಮತ್ತೊಮ್ಮೆ ರೆಪೋ (Repo Rate) ದರವನ್ನು ಶೇ.0.35ರಷ್ಟು ಹೆಚ್ಚಿಸಲಾಗುತ್ತಿದೆ ಎಂದು ಗವರ್ನರ್ ದಾಸ್ ತಿಳಿಸಿದ್ದಾರೆ. ಈ ನಿರ್ಧಾರದಿಂದ ಮುಂದಿನ ದಿನಗಳಲ್ಲಿ ಗೃಹ, ವಾಹನ, ವೈಯಕ್ತಿಕ ಸೇರಿದಂತೆ ಎಲ್ಲಾ ರೀತಿಯ ಲೋನ್​ಗಳು ದುಬಾರಿಯಾಗಲಿವೆ.


ರಿಸರ್ವ್ ಬ್ಯಾಂಕ್ ಇಂದು ಸತತ ಐದನೇ ಬಾರಿಗೆ ರೆಪೋ ದರವನ್ನು ಹೆಚ್ಚಿಸಿದೆ. ಈ ವರ್ಷ ಮೊದಲ ಬಾರಿಗೆ, ಮೇ ತಿಂಗಳಲ್ಲಿ ರೆಪೋ ದರವನ್ನು ಶೇಕಡಾ 0.50 ರಷ್ಟು ಹೆಚ್ಚಿಸಲಾಗಿದೆ. ಅಂದಿನಿಂದ ಇಲ್ಲಿಯವರೆಗೆ ರೆಪೋ ದರ ಶೇ.1.90ರಷ್ಟು ಏರಿಕೆಯಾಗಿದೆ. ಇಂದಿನ ಹೆಚ್ಚಳದ ಮೊದಲು, ರೆಪೋ ದರವು ಶೇಕಡಾ 5.90 ರಷ್ಟಿತ್ತು. ಈಗ ರಿಸರ್ವ್ ಬ್ಯಾಂಕ್‌ನ ಪರಿಣಾಮಕಾರಿ ರೆಪೋ ದರವು 6.25 ಶೇಕಡವಾಗಿದೆ. ರೆಪೋ ದರವು ರಿಸರ್ವ್ ಬ್ಯಾಂಕ್ ಇತರ ಬ್ಯಾಂಕುಗಳಿಗೆ ಸಾಲ ನೀಡುವ ದರವಾಗಿದೆ. ಬ್ಯಾಂಕ್‌ಗಳು ಆರ್‌ಬಿಐನಿಂದ ಸಾಲ ಪಡೆಯುವುದು ದುಬಾರಿಯಾದರೆ, ಬ್ಯಾಂಕ್‌ಗಳು ಅದರ ಹೊರೆಯನ್ನು ಸಾಮಾನ್ಯ ಜನರ ಮೇಲೂ ಹೊರಿಸುತ್ತವೆ ಎಂಬುದು ಸ್ಪಷ್ಟ.


ಇದನ್ನೂ ಓದಿ: ನಿಮ್​ ಹತ್ರ 2 ಪ್ಯಾನ್​ ಕಾರ್ಡ್ ಇದ್ರೆ ಹೀಗೆ ಮಾಡಿ, ಇಲ್ಲದಿದ್ದರೆ 6 ತಿಂಗಳು ಜೈಲು-10 ಸಾವಿರ ದಂಡ!


ಕೊರೋನಾ ಅವಧಿಯಲ್ಲಿ ಇಳಿಕೆಯಾಗಿರಲಿಲ್ಲ ರೆಪೊ ದರ


ಈ ಹಿಂದೆ, ಕೊರೋನಾ ಅವಧಿಯಲ್ಲಿ ಸಾಲದ ಹೊರೆಯನ್ನು ಕಡಿಮೆ ಮಾಡಲು ಮತ್ತು ಸಾಮಾನ್ಯ ಜನರಿಗೆ ಪರಿಹಾರ ನೀಡಲು ರಿಸರ್ವ್ ಬ್ಯಾಂಕ್ ರೆಪೋ ದರದಲ್ಲಿ ದೊಡ್ಡ ಕಡಿತವನ್ನು ಮಾಡಿತ್ತು. ನಂತರ ರೆಪೊ ದರವನ್ನು ಸುಮಾರು ಶೇ.2.50ರಿಂದ ಶೇ.4ಕ್ಕೆ ಇಳಿಸಲಾಗಿತ್ತು. ಕೊರೋನಾ ಅವಧಿಯ ನಂತರ, ಈಗ ರಿಸರ್ವ್ ಬ್ಯಾಂಕ್ ಮತ್ತೆ ರೆಪೋ ದರವನ್ನು ಹೆಚ್ಚಿಸಲು ಪ್ರಾರಂಭಿಸಿದೆ. ಹಣದುಬ್ಬರದ ಒತ್ತಡವೇ ಇದಕ್ಕೆ ದೊಡ್ಡ ಕಾರಣ. ಸೆಪ್ಟೆಂಬರ್‌ನಲ್ಲಿ ಚಿಲ್ಲರೆ ಹಣದುಬ್ಬರದ ದರವು ಶೇಕಡಾ 7.4 ಕ್ಕೆ ತಲುಪಿತ್ತು, ಇದು ಅಕ್ಟೋಬರ್‌ನಲ್ಲಿ 6.7 ಶೇಕಡಾಕ್ಕೆ ಸ್ವಲ್ಪ ಕಡಿಮೆಯಾಗಿದೆ. ಇದೇ ಕಾರಣಕ್ಕೆ ಈ ಬಾರಿಯೂ ಆರ್‌ಬಿಐ ರೆಪೊ ದರವನ್ನು ಹಿಂದಿಗಿಂತ ಕಡಿಮೆ ಮಾಡಿದೆ.


2023ನೇ ಹಣಕಾಸು ವರ್ಷದಲ್ಲಿ ಜಿಡಿಪಿ ಶೇ. 6.8?


 ಇದರೊಂದಿಗೆ ಆರ್‌ಬಿಐ ಗವರ್ನರ್ ಶಕ್ತಿಕಾಂತ ದಾಸ್ 2022-23ರ ಹಣಕಾಸು ವರ್ಷದಲ್ಲಿ ಜಿಡಿಪಿ ಬೆಳವಣಿಗೆ ದರವು ಶೇ 6.8 ಎಂದು ಅಂದಾಜಿಸಿದ್ದಾರೆ. ಈ ಹಿಂದೆ ಕೇಂದ್ರೀಯ ಬ್ಯಾಂಕ್ ಶೇ.7ರಷ್ಟು ಅಂದಾಜು ಮಾಡಿತ್ತು. ಜಾಗತಿಕ ಸವಾಲುಗಳ ನಡುವೆಯೂ ಭಾರತದ ಬೆಳವಣಿಗೆ ದರ ಸಮತೋಲಿತವಾಗಿದೆ ಎಂದರು. ಅದರಲ್ಲೂ ಗ್ರಾಮೀಣ ಪ್ರದೇಶದಲ್ಲಿ ಬೇಡಿಕೆ ಹೆಚ್ಚಿದ್ದು, ಆರ್ಥಿಕತೆಗೆ ಆಸರೆಯಾಗುತ್ತಿದೆ ಎಂದೂ ತಿಳಿಸಿದ್ದಾರೆ.


ಇದನ್ನೂ ಓದಿ: EPFO ಬಡ್ಡಿ ಹಣ ಹೂಡಿಕೆದಾರರ ಖಾತೆಗೆ ಇನ್ನೂ ಬಂದಿಲ್ಲ! ಕಾರಣ ಇದು


ರೆಪೋ ದರ ಏರಿಕೆಯಾಗುವ ನಿರೀಕ್ಷೆ ಇತ್ತು


ರೆಪೊ ದರದಲ್ಲಿ ಏರಿಕೆ ಆಗುವ ಮುನ್ಸೂಚನೆ ಇತ್ತು. ಅನೇಕ ಮಾಧ್ಯಮ ವರದಿಗಳಲ್ಲಿ, ಹಣದುಬ್ಬರದಲ್ಲಿ ಪರಿಹಾರದ ಹೊರತಾಗಿಯೂ, ಕೇಂದ್ರ ಬ್ಯಾಂಕ್ ನೀತಿ ದರಗಳನ್ನು 25-35 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಿಸಬಹುದು ಎಂಬ ಆತಂಕ ತಜ್ಞರು ವ್ಯಕ್ತಪಡಿಸಿದ್ದಾರೆ. ಗಮನಾರ್ಹವಾಗಿ, ದೇಶದಲ್ಲಿ ಹಣದುಬ್ಬರವು ದೀರ್ಘಕಾಲದವರೆಗೆ ಹೆಚ್ಚಿನ ಮಟ್ಟದಲ್ಲಿ ಉಳಿದಿತ್ತಾದರೂ, ಕಳೆದ ಅಕ್ಟೋಬರ್ನಲ್ಲಿ ಅದರಲ್ಲಿ ಇಳಿಕೆ ಕಂಡುಬಂದಿದೆ.


EMI ಮೇಲೆ ರೆಪೋ ದರದ ಪರಿಣಾಮ


ರೆಪೊ ದರವು ಆರ್‌ಬಿಐ ಬ್ಯಾಂಕ್‌ಗಳಿಗೆ ಸಾಲ ನೀಡುವ ದರವಾಗಿದೆ, ಆದರೆ ರಿವರ್ಸ್ ರೆಪೊ ದರವು ಆರ್‌ಬಿಐ ಹಣವನ್ನು ಇರಿಸಿಕೊಳ್ಳಲು ಬ್ಯಾಂಕ್‌ಗಳಿಗೆ ಬಡ್ಡಿಯನ್ನು ನೀಡುವ ದರವಾಗಿದೆ. ರೆಪೊ ದರದಲ್ಲಿನ ಇಳಿಕೆಯಿಂದಾಗಿ, ಸಾಲದ EMI ಕಡಿಮೆಯಾಗುತ್ತದೆ, ಆದರೆ ರೆಪೊ ದರದಲ್ಲಿನ ಹೆಚ್ಚಳವು ಎಲ್ಲಾ ರೀತಿಯ ಸಾಲಗಳನ್ನು ದುಬಾರಿಯನ್ನಾಗಿ ಮಾಡುತ್ತದೆ ಮತ್ತು ಈ ಅನುಕ್ರಮದಲ್ಲಿ, EMI ಯಲ್ಲೂ ಹೆಚ್ಚಳವಾಗುತ್ತದೆ.

Published by:Precilla Olivia Dias
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು