• Home
  • »
  • News
  • »
  • business
  • »
  • RBI Monetary Policy: ರೆಪೊ ದರ ಮತ್ತೆ ಶೇ 0.50ರಷ್ಟು ಹೆಚ್ಚಳ, ಜನಸಾಮಾನ್ಯರಿಗೆ ಮತ್ತಷ್ಟು ಹೊರೆಯಾಗಲಿದೆ ಗೃಹ ಸಾಲ!

RBI Monetary Policy: ರೆಪೊ ದರ ಮತ್ತೆ ಶೇ 0.50ರಷ್ಟು ಹೆಚ್ಚಳ, ಜನಸಾಮಾನ್ಯರಿಗೆ ಮತ್ತಷ್ಟು ಹೊರೆಯಾಗಲಿದೆ ಗೃಹ ಸಾಲ!

ಆರ್‌ಬಿಐ

ಆರ್‌ಬಿಐ

RBI Monetary Policy: ಆರ್‌ಬಿಐ ಹಣಕಾಸು ನೀತಿ ಸಮಿತಿ (RBI Monetary Policy Committee) ಯ ಪರಿಶೀಲನಾ ಸಭೆಯಲ್ಲಿ ಬಡ್ಡಿದರಗಳ ಮೇಲೆಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ. ರೆಪೊ ದರ (Repo Rate) ಇನ್ನೂ 50 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಾಗಿದೆ.

  • Share this:

ಭಾರತೀಯ ರಿಸರ್ವ್ ಬ್ಯಾಂಕ್(RBI)  ಜನಸಾಮಾನ್ಯರಿಗೆ ಶಾಕ್ (Shock) ನೀಡಿದೆ. ಆರ್‌ಬಿಐ ಹಣಕಾಸು ನೀತಿ ಸಮಿತಿ (RBI Monetary Policy Committee) ಯ ಪರಿಶೀಲನಾ ಸಭೆಯಲ್ಲಿ ಬಡ್ಡಿದರಗಳ ಮೇಲೆಮಹತ್ವದ ನಿರ್ಧಾರ ಕೈಗೊಳ್ಳಲಾಗಿದೆ. ರೆಪೊ ದರ (Repo Rate) ಇನ್ನೂ 50 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಾಗಿದೆ. ಇದರೊಂದಿಗೆ ರೆಪೊ ದರ ಶೇ.5.90ಕ್ಕೆ ಏರಿಕೆಯಾಗಿದೆ. ಕಳೆದ ತಿಂಗಳಲ್ಲೂ ರೆಪೊ ದರದಲ್ಲಿ 50 ಬೇಸಿಸ್ ಪಾಯಿಂಟ್ (Repo Rate Basis Points) ಗಳಷ್ಟು ಏರಿಕೆ ಕಂಡಿರುವುದು ಗೊತ್ತೇ ಇದೆ. ಈಗಲೂ ಬಡ್ಡಿ ದರ 50 ಬೇಸಿಸ್ ಪಾಯಿಂಟ್‌ಗಳಷ್ಟು ಹೆಚ್ಚಾಗಿದೆ. 100 ಮೂಲ ಅಂಕಗಳು 1 ಪ್ರತಿಶತಕ್ಕೆ ಸಮನಾಗಿರುತ್ತದೆ. ಅಂದರೆ ಈಗಿನ ಬಡ್ಡಿ ಶೇಕಡಾ ಅರ್ಧದಷ್ಟು ಹೆಚ್ಚಾಗಿದೆ. ಈ ಕಾರಣದಿಂದಾಗಿ, EMI ಗಳು ಭಾರೀ ಪ್ರಮಾಣದಲ್ಲಿ ಹೆಚ್ಚಾಗಲಿವೆ.


ಮತ್ತೆ ರೆಪೊ ದರ ಹೆಚ್ಚಿಸಿದ ಆರ್​ಬಿಐ!


ಕೊರೋನಾ ವೈರಸ್ ಸಾಂಕ್ರಾಮಿಕ ರೋಗದಿಂದಾಗಿ ಆರ್‌ಬಿಐ ಇದು ಎರಡು ವರ್ಷಗಳವರೆಗೆ ಬಡ್ಡಿದರಗಳನ್ನು ನಿಗದಿಪಡಿಸಿತು. ಈ ಹಿಂದೆ ಬಡ್ಡಿದರಗಳನ್ನು ತೀವ್ರವಾಗಿ ಇಳಿಸಲಾಗಿತ್ತು. ಆದರೆ ಇತ್ತೀಚೆಗೆ ಹಣದುಬ್ಬರದಲ್ಲಿ ಭಾರಿ ಏರಿಕೆಯಾಗಿರುವುದರಿಂದ ಬಡ್ಡಿದರಗಳನ್ನು ಹೆಚ್ಚಿಸುವ ನಿರ್ಧಾರವನ್ನು ತೆಗೆದುಕೊಳ್ಳಲಾಗಿದೆ. ಈ ವರ್ಷದ ಮೇ ತಿಂಗಳಿನಿಂದ ಬಡ್ಡಿದರಗಳು ಕ್ರಮೇಣ ಹೆಚ್ಚಾಗುತ್ತಿವೆ. ಮೇ 4 ರಂದು 40 ಮೂಲಾಂಕ, ಜೂನ್ 8 ರಂದು 50 ಮೂಲಾಂಕ ಮತ್ತು ಆಗಸ್ಟ್ 5 ರಂದು 50 ಬೇಸಿಸ್ ಪಾಯಿಂಟ್‌ಗಳಷ್ಟು ಬಡ್ಡಿದರವನ್ನು ಹೆಚ್ಚಿಸಲಾಗಿದೆ ಎಂದು ತಿಳಿದಿದೆ. ಈಗ ಬಡ್ಡಿ ದರದಲ್ಲಿ ಮತ್ತೆ 50 ಬೇಸಿಸ್ ಪಾಯಿಂಟ್ ಏರಿಕೆಯಾಗಿದೆ.


ಐದು ತಿಂಗಳಲ್ಲಿ ಒಟ್ಟು 190 ಬೇಸಿಸ್ ಪಾಯಿಂಟ್ ಹೆಚ್ಚಳ!


ಇದು ಐದು ತಿಂಗಳಲ್ಲಿ ಒಟ್ಟು 190 ಬೇಸಿಸ್ ಪಾಯಿಂಟ್‌ಗಳಷ್ಟು ಅಂದರೆ ಶೇಕಡಾ 1.90 ರಷ್ಟು ಬಡ್ಡಿದರವನ್ನು ಹೆಚ್ಚಿಸಿದೆ. RBI ಬಡ್ಡಿದರಗಳನ್ನು ಹೆಚ್ಚಿಸಬೇಕೇ? ಕಡಿಮೆ ಮಾಡುವುದೇ? ಎಂಬುದನ್ನು ವಿತ್ತೀಯ ನೀತಿ ಸಮಿತಿಯು ಪರಿಶೀಲನಾ ಸಭೆಯಲ್ಲಿ ನಿರ್ಧಾರವನ್ನು ತೆಗೆದುಕೊಳ್ಳುತ್ತದೆ. ಈ ಸಭೆ ಎರಡು ತಿಂಗಳಿಗೊಮ್ಮೆ ನಡೆಯುತ್ತದೆ. ಬ್ಯಾಂಕ್‌ಗಳಿಗೆ ನೀಡುವ ಸಾಲದ ಮೇಲೆ ಆರ್‌ಬಿಐ ವಿಧಿಸುವ ಬಡ್ಡಿಯನ್ನು ರೆಪೊ ದರ ಎಂದು ಕರೆಯಲಾಗುತ್ತದೆ.


ಇದನ್ನೂ ಓದಿ: ನಿಮ್​ ಹತ್ರ 2 ಪ್ಯಾನ್​ ಕಾರ್ಡ್ ಇದ್ರೆ ಹೀಗೆ ಮಾಡಿ, ಇಲ್ಲದಿದ್ದರೆ 6 ತಿಂಗಳು ಜೈಲು-10 ಸಾವಿರ ದಂಡ!


ಆರ್ ಬಿಐ ರೆಪೋ ದರ ಹೆಚ್ಚಿಸಿದರೆ ಬ್ಯಾಂಕ್ ಗಳು ನೀಡುವ ಸಾಲದ ಬಡ್ಡಿ ದರವೂ ಹೆಚ್ಚಾಗಲಿದೆ. ಇದರಿಂದ ಇಎಂಐ ಗ್ರಾಹಕರಿಗೆ ಹೊರೆಯಾಗಲಿದೆ. ಗೃಹ ಸಾಲ,ವೈಯಕ್ತಿಕ ಸಾಲ, ಇತರ ಸಾಲಗಳ ಮೇಲಿನ ಬಡ್ಡಿದರಗಳು ಹೆಚ್ಚಾಗುತ್ತವೆ. ಹೊಸ ಸಾಲಗಾರರಿಗೆ ಹೆಚ್ಚಿನ ಬಡ್ಡಿ ದರ ಅನ್ವಯಿಸುತ್ತದೆ. ಪರಿಣಾಮವಾಗಿ ಇಎಂಐಗಳು ಹೊರೆಯಾಗುತ್ತವೆ.


ಮತ್ತಷ್ಟು ಹೆಚ್ಚಾಗಲಿದೆ ಗೃಹ ಸಾಲ!


ವಿಶೇಷವಾಗಿ ಗೃಹ ಸಾಲಗಳನ್ನು ಆರ್‌ಬಿಐ ರೆಪೋ ದರಕ್ಕೆ ಲಿಂಕ್ ಮಾಡಿರುವುದರಿಂದ ಗೃಹ ಸಾಲವು ಹೊರೆಯಾಗಲಿದೆ. ಇದರ ಪರಿಣಾಮ ರಿಯಲ್ ಎಸ್ಟೇಟ್ ಕ್ಷೇತ್ರದ ಮೇಲೆ ಆಗಲಿದೆ. ಹೋಮ್ ಲೋನ್ ಎರವಲುದಾರರು ರೆಪೋ ದರ ಲಿಂಕ್ಡ್ ಲೆಂಡಿಂಗ್ ದರಗಳನ್ನು ಆರಿಸಿಕೊಳ್ಳುತ್ತಾರೆ. ರೆಪೋ ದರ ಕಡಿಮೆಯಾದರೆ ಈ ಬಡ್ಡಿ ಕಡಿಮೆಯಾಗುತ್ತದೆ. ರೆಪೋ ದರ ಹೆಚ್ಚಾದರೆ ಈ ಬಡ್ಡಿದರವೂ ಹೆಚ್ಚಲಿದೆ.


ಇದನ್ನೂ ಓದಿ: EPFO ಬಡ್ಡಿ ಹಣ ಹೂಡಿಕೆದಾರರ ಖಾತೆಗೆ ಇನ್ನೂ ಬಂದಿಲ್ಲ! ಕಾರಣ ಇದು



ಜಿಡಿಪಿ ಬೆಳವಣಿಗೆ ದರ ಶೇ 7: ಆರ್‌ಬಿಐ!


23ನೇ ಹಣಕಾಸು ವರ್ಷದ ಜಿಡಿಪಿ ಬೆಳವಣಿಗೆ ದರ ಶೇ 7ರಷ್ಟು ಇರಲಿದೆ ಎಂದು ಆರ್‌ಬಿಐ ಅಂದಾಜಿಸಿದೆ. ಗ್ರಾಹಕ ದರ ಸೂಚ್ಯಂಕ ಆಧಾರಿತ (ಸಿಪಿಐ) ಹಣದುಬ್ಬರ ಶೇ 6.7ರಷ್ಟು ಇರಲಿದೆ ಎಂದು ಆರ್‌ಬಿಐ ಹೇಳಿದೆ.


Published by:ವಾಸುದೇವ್ ಎಂ
First published: