Post Office RD: ತಿಂಗಳಿಗೆ 10 ಸಾವಿರ ಕಟ್ಟಿ, ಕೊನೆಯಲ್ಲಿ 16 ಲಕ್ಷ ಗಳಿಸಿ! ಸೂಪರ್​ ಸೇವಿಂಗ್ಸ್-ರಿಸ್ಕ್​ ಕೂಡ ಕಮ್ಮಿ​​

ಹೆಚ್ಚಿನ ಆದಾಯ (Profit) , ಹೆಚ್ಚಿನ ಅಪಾಯ. ಆದರೆ ಪ್ರತಿಯೊಬ್ಬರೂ ಹೆಚ್ಚಿನ ಅಪಾಯ (Danger) ವನ್ನು ತೆಗೆದುಕೊಳ್ಳಲು ಇಷ್ಟಪ ಪಡುವುದಿಲ್ಲ. ಆದರೆ ಹೆಚ್ಚಿನ ಲಾಭವನ್ನು ಮಾತ್ರ ನಿರೀಕ್ಷೆ ಮಾಡುತ್ತಾರೆ. ಜೊತೆಗೆ ಹೂಡಿಕೆದಾರರು (Investors) ಮೊದಲು ತಮ್ಮ ಹಣ (Money) ಸೇಫ್​ ಇದೆಯಾ ಅಥವಾ ಇಲ್ಲವಾ ಎಂಬುದರ ಬಗ್ಗೆ ಯೋಚಿಸುತ್ತಾರೆ. ಏನು ತಿಳಿದುಕೊಳ್ಳದೇ ಏಕಾಏಕಿ ಹೂಡಿಕೆ ಮಾಡಲು ಇಷ್ಟಪಡುವುದಿಲ್ಲ. ಅದು ಯಾವ ಕ್ಷೇತ್ರವಾದರೂ ಸರಿಯೇ. ಅನೇಕ ಹೂಡಿಕೆದಾರರು ಹೂಡಿಕೆಯು ಸುರಕ್ಷಿತವಾಗಿರಬೇಕು ಮತ್ತು ಆದಾಯವು ಅಧಿಕವಾಗಿರಬೇಕು ಎಂದು ಬಯಸುತ್ತಾರೆ . ಅಂತಹ ಹೂಡಿಕೆದಾರರಿಗಾಗಿ ಪೋಸ್ಟ್ ಆಫೀಸ್ (Post Office) ಯೋಜನೆಯ ಬಗ್ಗೆ ಮಾಹಿತಿ ಇಲ್ಲಿದೆ. ಪೋಸ್ಟ್​ ಆಫೀಸ್​ನ ಈ ಹೊಸ ಯೋಜನೆಯಿಂದ ಹಲವರಿಗೆ ಉಪಯೋಗವಾಗಲಿದೆ. ಅಧಿಕ ಹಣ ಕೂಡ ಗಳಿಸಬಹುದು.

ಪೋಸ್ಟ್​ ಆಫೀಸ್​​ ಯೋಜನೆಯಲ್ಲಿ ರಿಸ್ಕ್​ ಕಡಿಮೆ!

ಅಂಚೆ ಇಲಾಖೆಯ ಸಣ್ಣ ಉಳಿತಾಯ ಯೋಜನೆಯ ಲಾಭವನ್ನು ಲಕ್ಷಾಂತರ ಮಂದಿ ಪಡೆಯುತ್ತಿದ್ದಾರೆ. ಕಡಿಮೆ ಅಪಾಯ ಮತ್ತು ಹೆಚ್ಚಿನ ಆದಾಯವನ್ನು ಬಯಸುವ ಹೂಡಿಕೆದಾರರಿಗೆ ಈ ಯೋಜನೆ ಉತ್ತಮ ಆಯ್ಕೆಯಾಗಿದೆ. ಈ ಯೋಜನೆಯಲ್ಲಿ ಅಪಾಯಕಾರಿ ಅಂಶವು ತುಂಬಾ ಕಡಿಮೆಯಾಗಿದೆ ಮತ್ತು ಆದಾಯವು ಹೆಚ್ಚು. ಈ ಪೋಸ್ಟ್ ಆಫೀಸ್ ಯೋಜನೆಯನ್ನು ಪೋಸ್ಟ್ ಆಫೀಸ್ ಮರುಕಳಿಸುವ ಠೇವಣಿ ಎಂದು ಕರೆಯಲಾಗುತ್ತದೆ.

ಪೋಸ್ಟ್ ಆಫೀಸ್ ಆರ್​ಡಿನಲ್ಲಿ ಹೂಡಿಕೆ ಮಾಡುವುದು ಹೇಗೆ?

ಪೋಸ್ಟ್ ಆಫೀಸ್ ಮರುಕಳಿಸುವ ಠೇವಣಿ ಸರ್ಕಾರದ ಖಾತರಿ ಯೋಜನೆಯಾಗಿದೆ. ಇದರಲ್ಲಿ ಬಡ್ಡಿ ಹೆಚ್ಚು ಮತ್ತು ಸಣ್ಣ ಮೊತ್ತವನ್ನು ಕಂತುಗಳಲ್ಲಿ ಠೇವಣಿ ಮಾಡಬಹುದು. ಹೂಡಿಕೆದಾರರು ತಮಗೆ ಇಷ್ಟವಾಗುವ ಮೊತ್ತವನ್ನು ಇಲ್ಲಿ ಹೂಡಿಕೆ ಮಾಡಬಹುದು. ಇದರಲ್ಲಿ ಹೂಡಿಕೆ ಮಾಡಲು ಗರಿಷ್ಠ ಮಿತಿ ಇಲ್ಲ. ನೀವು ಎಷ್ಟು ಸಾಧ್ಯವೋ ಅಷ್ಟು ಹೂಡಿಕೆ ಮಾಡಬಹುದು.

ಇದನ್ನೂ ಓದಿ: CIBIL Score ಅಂದ್ರೆ ಏನು? ಇದನ್ನು ಜಾಸ್ತಿ ಮಾಡಿಕೊಳ್ಳೋದು ಹೇಗೆ? ಉಪಯುಕ್ತ ಮಾಹಿತಿ ಇಲ್ಲಿದೆ

ತ್ರೈಮಾಸಿಕದ ಕೊನೆಯಲ್ಲಿ ನಿಮ್ಮ ಖಾತೆಗೆ ಬಡ್ಡಿ!

ಈ ಯೋಜನೆಯಲ್ಲಿ ಖಾತೆಯನ್ನು ಐದು ವರ್ಷಗಳವರೆಗೆ ತೆರೆಯಲಾಗುತ್ತದೆ. ಆದಾಗ್ಯೂ, ಬ್ಯಾಂಕುಗಳು ಆರ್​ಡಿ ಖಾತೆಗಳನ್ನು ಆರು ತಿಂಗಳು, 1 ವರ್ಷ, 2 ವರ್ಷ, 3 ವರ್ಷಗಳವರೆಗೆ ನೀಡುತ್ತವೆ. ಠೇವಣಿ ಮಾಡಿದ ಹಣದ ಮೇಲಿನ ಬಡ್ಡಿಯನ್ನು ತ್ರೈಮಾಸಿಕವಾಗಿ (ವಾರ್ಷಿಕವಾಗಿ) ಲೆಕ್ಕ ಹಾಕಲಾಗುತ್ತದೆ. ಪ್ರತಿ ತ್ರೈಮಾಸಿಕದ ಕೊನೆಯಲ್ಲಿ ನಿಮ್ಮ ಖಾತೆಗೆ ಬಡ್ಡಿ ಸೇರಿಸಲಾಗುತ್ತದೆ.

ನಿಮಗೆ ಎಷ್ಟು ಬಡ್ಡಿ ಸಿಗುತ್ತದೆ?

ಆರ್​​ಡಿ ಯೋಜನೆಯು ಪ್ರಸ್ತುತ 5.8 ಶೇಕಡಾ ಬಡ್ಡಿಯನ್ನು ಗಳಿಸುತ್ತಿದೆ, ಹೊಸ ದರವು  ಏಪ್ರಿಲ್ 1 2020 ರಿಂದ ಅನ್ವಯಿಸುತ್ತದೆ. ಭಾರತ ಸರ್ಕಾರವು ತನ್ನ ಎಲ್ಲಾ ಸಣ್ಣ ಉಳಿತಾಯ ಯೋಜನೆಗಳಿಗೆ ತ್ರೈಮಾಸಿಕ ಆಧಾರದ ಮೇಲೆ ಬಡ್ಡಿದರಗಳನ್ನು ನಿಗದಿಪಡಿಸುತ್ತದೆ.

ತಿಂಗಳಿಗೆ 10 ಸಾವಿರ ಹೂಡಿಕೆ ಮಾಡಿ 16 ಲಕ್ಷ ಗಳಿಸಿ!

ನೀವು ತಿಂಗಳಿಗೆ 10,000 ರೂಪಾಯಿಗಳನ್ನು ಪೋಸ್ಟ್ ಆಫೀಸ್ ಆರ್‌ಡಿ ಯೋಜನೆಯಲ್ಲಿ 10 ವರ್ಷಗಳವರೆಗೆ ಹೂಡಿಕೆ ಮಾಡಿದರೆ, ನೀವು 10 ವರ್ಷಗಳ ನಂತರ ಶೇಕಡಾ 5.8 ರ ಬಡ್ಡಿದರದಲ್ಲಿ 16 ಲಕ್ಷಕ್ಕಿಂತ ಹೆಚ್ಚಿನದನ್ನು ಪಡೆಯುತ್ತೀರಿ.

ಇದನ್ನೂ ಓದಿ: ಐಟಿ ರಿರ್ಟನ್​ಗೆ ಫೈಲ್​ ಮಾಡ್ತಿದ್ದೀರಾ? ಹಾಗಿದ್ರೆ ಈ 10 ಡಾಕ್ಯುಮೆಂಟ್ಸ್​ನ ಫಸ್ಟ್​ ರೆಡಿ ಮಾಡಿ

ವಿಶೇಷ ಸೂಚನೆ!

ನೀವು ನಿಯಮಿತವಾಗಿ ಖಾತೆಯಲ್ಲಿ ಹಣವನ್ನು ಜಮಾ ಮಾಡಬೇಕು, ನೀವು ಹಣವನ್ನು ಠೇವಣಿ ಮಾಡದಿದ್ದರೆ ನೀವು ಪ್ರತಿ ತಿಂಗಳು  ಶೇಕಡಾ ಒಂದರಷ್ಟು ದಂಡವನ್ನು ಪಾವತಿಸಬೇಕಾಗುತ್ತದೆ. ನೀವು 4 ಕಂತುಗಳನ್ನು ಕಟ್ಟದಿದ್ದರೆ ನಿಮ್ಮ ಖಾತೆಯನ್ನು ಕ್ಲೋಸ್​ ಮಾಡಲಾಗುತ್ತೆ.

ಪೋಸ್ಟ್ ಆಫೀಸ್ RD ಮೇಲಿನ ತೆರಿಗೆ

ಆರ್​ಡಿ ಹೂಡಿಕೆಯ ಮೇಲೆ ಟಿಡಿಎಸ್ ಕಡಿತಗೊಳಿಸಲಾಗುತ್ತದೆ, ಠೇವಣಿ 40,000 ರೂ.ಗಿಂತ ಹೆಚ್ಚಿದ್ದರೆ ವರ್ಷಕ್ಕೆ 10% ದರದಲ್ಲಿ ತೆರಿಗೆ ವಿಧಿಸಲಾಗುತ್ತದೆ. RD ಮೇಲಿನ ಬಡ್ಡಿಯು ಸಹ ತೆರಿಗೆಗೆ ಒಳಪಡುತ್ತದೆ, ಆದರೆ ಪೂರ್ಣ ಪ್ರಮಾಣದ ಮೆಚ್ಯೂರಿಟಿಗೆ ತೆರಿಗೆ ವಿಧಿಸಲಾಗುವುದಿಲ್ಲ. ತೆರಿಗೆಗೆ ಒಳಪಡುವ ಆದಾಯವನ್ನು ಹೊಂದಿರದ ಹೂಡಿಕೆದಾರರು FD ನಂತಹ ಫಾರ್ಮ್ 15G ಅನ್ನು ಭರ್ತಿ ಮಾಡುವ ಮೂಲಕ TDS ನಲ್ಲಿ ರಿಯಾಯಿತಿಯನ್ನು ಪಡೆಯಬಹುದು.