Cash Deposit Rules: ವರ್ಷಕ್ಕೆ ₹20 ಲಕ್ಷಕ್ಕಿಂತ ಹೆಚ್ಚಿನ ನಗದು ಠೇವಣಿ ಇಡಬೇಕೇ? ಈ ನಿಯಮ ಅನುಸರಿಸುವುದು ಕಡ್ಡಾಯ!

ನಗದು ಠೇವಣಿ ಮಾಡುವಾಗ ವ್ಯಕ್ತಿಗಳು ಪ್ಯಾನ್ ವಿವರಗಳನ್ನು ಒದಗಿಸುವ ಮೊದಲು ದಿನಕ್ಕೆ ₹ 50,000 ಮಿತಿಯನ್ನು ಹೊಂದಿದ್ದರೂ ಆದಾಯ ತೆರಿಗೆ ಇಲಾಖೆಯು ವಾರ್ಷಿಕ ಮಿತಿಯನ್ನು ನಿಗದಿಪಡಿಸಲಿಲ್ಲ.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ಸರ್ಕಾರವು ಅಕ್ರಮ ಮತ್ತು ಲೆಕ್ಕಕ್ಕೆ ಇರದ ನಗದು ವಹಿವಾಟುಗಳಿಗೆ ಕಡಿವಾಣ ಹಾಕಲು ವರ್ಷದ ಆರಂಭದಲ್ಲಿ ನಗದು ಮಿತಿ, ನಿಯಮಗಳನ್ನು ತಿದ್ದುಪಡಿ ಮಾಡಿತ್ತು. ನಿಗದಿತ ಮಿತಿಗಿಂತ ಹೆಚ್ಚಿನ ಹಣವನ್ನು (Money) ಪಾವತಿಸುವುದು ಅಥವಾ ಸ್ವೀಕರಿಸುವುದು ಪಾವತಿಸಿದ ಅಥವಾ ಸ್ವೀಕರಿಸಿದ ಮೊತ್ತದ ಶೇಕಡಾ 100 ರಷ್ಟು ಶಿಕ್ಷಾರ್ಹ ದಂಡವಾಗಿದೆ ಎಂದು ತಿಳಿಸಿತ್ತು. ನೇರ ತೆರಿಗೆಗಳ ಕೇಂದ್ರೀಯ ಮಂಡಳಿ (CBDT) ನಿಗದಿಪಡಿಸಿದ ಹೊಸ ನಿಯಮಗಳು (New Rules) ಮತ್ತು ನಿಬಂಧನೆಗಳ ಅಡಿಯಲ್ಲಿ, ವರ್ಷಕ್ಕೆ ₹20 ಲಕ್ಷಕ್ಕಿಂತ ಹೆಚ್ಚು ಠೇವಣಿ ಮಾಡಲು ಬಯಸುವ ವ್ಯಕ್ತಿಗಳು ಈಗ ತಮ್ಮ ಪ್ಯಾನ್ ಕಾರ್ಡ್‌ನ (Pan Card) ವಿವರಗಳು ಮತ್ತು ಅವರ ಆಧಾರ್ ಕಾರ್ಡ್ ಅನ್ನು (Aadhar Card) ಕಡ್ಡಾಯವಾಗಿ ನೀಡಬೇಕಾಗಿದೆ.

ನಗದು ಠೇವಣಿ ಮಾಡುವಾಗ ವ್ಯಕ್ತಿಗಳು ಪ್ಯಾನ್ ವಿವರಗಳನ್ನು ಒದಗಿಸುವ ಮೊದಲು ದಿನಕ್ಕೆ ₹ 50,000 ಮಿತಿಯನ್ನು ಹೊಂದಿದ್ದರೂ, ಆದಾಯ ತೆರಿಗೆ ಇಲಾಖೆಯು ವಾರ್ಷಿಕ ಮಿತಿಯನ್ನು ನಿಗದಿಪಡಿಸಲಿಲ್ಲ.

ಇನ್ಮುಂದೆ ನಗದು ಠೇವಣಿ ಮಾಡುವಾಗ ಹೊಸ ನಿಯಮಗಳೇನು
ಆದರೆ ಹೊಸ ನಿಯಮಗಳ ಅಡಿಯಲ್ಲಿ, ಒಂದೇ ಅಥವಾ ಬಹು ಬ್ಯಾಂಕ್‌ಗಳಲ್ಲಿ ಒಂದೇ ವರ್ಷದಲ್ಲಿ ನಗದು ಹಿಂಪಡೆಯುವಿಕೆ ಮತ್ತು ದೊಡ್ಡ ಮೊತ್ತದ ಹಣದ ಠೇವಣಿಗಳನ್ನು ಟ್ರ್ಯಾಕ್ ಮಾಡಬಹುದಾದ ವಿವರಗಳನ್ನು ರಚಿಸಲು ಪ್ಯಾನ್ ಮತ್ತು ಆಧಾರ್ ವಿವರಗಳನ್ನು ನೀಡಬೇಕಿರುವ ನಿಯಮವನ್ನು ಠೇವಣಿದಾರರು ಅನುಸರಿಸಬೇಕಾಗುತ್ತದೆ.

ನೊಟೀಸ್​ನಲ್ಲಿ ಏನಿದೆ?
"ಪ್ರತಿಯೊಬ್ಬ ವ್ಯಕ್ತಿಯು, ನಿರ್ದಿಷ್ಟಪಡಿಸಿದ ವಹಿವಾಟು ನಡೆಸುವ ಸಮಯದಲ್ಲಿ, ಅಂತಹ ವ್ಯವಹಾರಕ್ಕೆ ಸಂಬಂಧಿಸಿದ ದಾಖಲೆಗಳಲ್ಲಿ ಮತ್ತು ನಿರ್ದಿಷ್ಟಪಡಿಸಿದ ಪ್ರತಿಯೊಬ್ಬ ವ್ಯಕ್ತಿಯು ಸಂದರ್ಭಾನುಸಾರವಾಗಿ ತನ್ನ ಪ್ಯಾನ್‌ ಕಾರ್ಡ್‌ ಸಂಖ್ಯೆ ಅಥವಾ ಆಧಾರ್ ಸಂಖ್ಯೆಯನ್ನು ಉಲ್ಲೇಖಿಸಬೇಕು. ಅಂತಹ ದಾಖಲೆಯನ್ನು ಸ್ವೀಕರಿಸುವವರು ಆ ಸಂಖ್ಯೆಯು ಸರಿಯಾಗಿ ಉಲ್ಲೇಖವಾಗಿದೆ ಮತ್ತು ಅದನ್ನು ದೃಢೀಕರಿಸಲಾಗಿದೆ ಎಂದು ಖಚಿತಪಡಿಸಿಕೊಳ್ಳಬೇಕು ” ಎಂದು ನೇರ ತೆರಿಗೆಗಳ ಕೇಂದ್ರೀಯ ಮಂಡಳಿ (CBDT) ಯು ಮೇ 10 ರ ತನ್ನ ನೋಟೀಸ್‌ನಲ್ಲಿ ತಿಳಿಸಿದೆ.

ಈ ನಿಯಮ ಜಾರಿಗೊಳಿಸಲು ಮುಖ್ಯ ಕಾರಣವೇನು 
ಪ್ಯಾನ್ ಕಾರ್ಡ್‌ ಹೊಂದಿರದ ವ್ಯಕ್ತಿಗಳು ದಿನಕ್ಕೆ ₹ 50,000 ಕ್ಕಿಂತ ಹೆಚ್ಚು ಅಥವಾ ಆರ್ಥಿಕ ವರ್ಷದಲ್ಲಿ ₹ 20 ಲಕ್ಷಕ್ಕಿಂತ ಹೆಚ್ಚಿನ ಯಾವುದೇ ವಹಿವಾಟನ್ನು ನಮೂದಿಸುವ ಮೊದಲು ಕನಿಷ್ಠ ಏಳು ದಿನಗಳ ಮೊದಲು ಪ್ಯಾನ್‌ಗೆ ಅರ್ಜಿ ಸಲ್ಲಿಸಬೇಕಾಗುತ್ತದೆ. ಆದಾಯ ತೆರಿಗೆ ಇಲಾಖೆಯು ಕೇಂದ್ರ ಸರ್ಕಾರದ ಇತರ ಇಲಾಖೆಗಳೊಂದಿಗೆ ಕಳೆದ ಕೆಲವು ವರ್ಷಗಳಿಂದ ಹಣಕಾಸಿನ ವಂಚನೆ, ಅಕ್ರಮ ಹಣದ ವಹಿವಾಟು ಮತ್ತು ಇತರ ಹಣದ ಅಪರಾಧಗಳ ಅಪಾಯವನ್ನು ಕಡಿಮೆ ಮಾಡಲು ನಿಯಮಗಳನ್ನು ನವೀಕರಿಸುತ್ತಿದೆ ಮತ್ತು ತಿದ್ದುಪಡಿ ಮಾಡುತ್ತಿದೆ.

ಇದನ್ನೂ ಓದಿ: IT Refund: ಹೀಗಾದ್ರೆ, ನಿಮಗೆ ಒಂದು ರೂಪಾಯಿನೂ ಆದಾಯ ತೆರಿಗೆ ಮರುಪಾವತಿ ಸಿಗುವುದಿಲ್ಲ! ಯಾಕೆ ಅಂತ ನೋಡಿ

ಹೆಚ್ಚಿನ ಮೌಲ್ಯದ ವಹಿವಾಟುಗಳಲ್ಲಿ ನಗದು ಬಳಕೆಯನ್ನು ನಿರ್ಬಂಧಿಸಲು ₹ 2 ಲಕ್ಷಕ್ಕಿಂತ ಹೆಚ್ಚಿನ ಮೌಲ್ಯದ ನಗದು ಸ್ವೀಕರಿಸುವುದನ್ನು ಸರ್ಕಾರ ನಿಷೇಧಿಸಿದೆ. ಆದ್ದರಿಂದ, ಒಬ್ಬ ವ್ಯಕ್ತಿಯು ಇನ್ನೊಬ್ಬ ವ್ಯಕ್ತಿ ಹತ್ತಿರದ ಕುಟುಂಬದಿಂದಲೂ ಕೂಡ ₹ 2 ಲಕ್ಷಕ್ಕಿಂತ ಹೆಚ್ಚಿನ ಹಣವನ್ನು ಸ್ವೀಕರಿಸಲು ಸಾಧ್ಯವಿಲ್ಲ.

ಗಂಭೀರ ಪರಿಣಾಮ ಉಂಟುಮಾಡುತ್ತೆ
ಕಪ್ಪುಹಣವನ್ನು ಕಡಿಮೆ ಮಾಡಬೇಕೆಂದು ಸರ್ಕಾರವು ನಗದು ವಹಿವಾಟಿನ ಮೇಲೆ ವಿವಿಧ ಮಿತಿಗಳನ್ನು ಹೇರುತ್ತಿದೆ. ಇದರಿಂದ ಗಂಭೀರ ಪರಿಣಾಮಗಳನ್ನು ಉಂಟುಮಾಡುವ ಕೆಲವು ನಗದು ವಹಿವಾಟುಗಳನ್ನು ಇಲ್ಲಿವೆ.

  • ಭಾರತದ ಆದಾಯ ತೆರಿಗೆ ಕಾನೂನುಗಳು ಯಾವುದೇ ಕಾರಣಕ್ಕೂ ₹ 2 ಲಕ್ಷಕ್ಕಿಂತ ಹೆಚ್ಚಿನ ನಗದು ವಹಿವಾಟುಗಳನ್ನು ನಿಷೇಧಿಸುತ್ತವೆ. ಉದಾಹರಣೆಗೆ, ನೀವು ಒಂದೇ ವಹಿವಾಟಿನಲ್ಲಿ ₹ 3 ಲಕ್ಷ ಮೌಲ್ಯದ ಚಿನ್ನಾಭರಣವನ್ನು ಖರೀದಿಸಿದರೆ, ನೀವು ಚೆಕ್, ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್ ಅಥವಾ ಬ್ಯಾಂಕ್ ವರ್ಗಾವಣೆ ಮೂಲಕ ಪಾವತಿ ಮಾಡಬೇಕು.

  • ನೀವು ಕುಟುಂಬದ ಯಾವುದೇ ಸದಸ್ಯರಿಂದ ಹಣವನ್ನು ಸ್ವೀಕರಿಸಿದರೂ ಕೂಡ ನೀವು ಈ ಮಾರ್ಗಸೂಚಿಗಳನ್ನು ಅನುಸರಿಸಬೇಕು.


ಇದನ್ನೂ ಓದಿ: Explained: ಡಾಲರ್ ಎದುರು ರೂಪಾಯಿ ಮೌಲ್ಯ ಕುಸಿಯಲು ಕಾರಣವೇನು?

  • ಒಂದೇ ಸಂದರ್ಭದಲ್ಲಿ ಒಬ್ಬ ದಾನಿಯಿಂದ ₹ 2 ಲಕ್ಷಕ್ಕಿಂತ ಹೆಚ್ಚಿನ ನಗದು ಉಡುಗೊರೆಯನ್ನು ಸ್ವೀಕರಿಸಲು ಸಾಧ್ಯವಿಲ್ಲ. ಈ ನಿಯಮವನ್ನು ಉಲ್ಲಂಘಿಸಿ ₹ 2 ಲಕ್ಷಕ್ಕಿಂತ ಹೆಚ್ಚಿನ ಹಣವನ್ನು ಸ್ವೀಕರಿಸುವವರು ಸ್ವೀಕರಿಸಿದ ಮೊತ್ತಕ್ಕೆ ಸಮಾನವಾದ ದಂಡವನ್ನು ಕಟ್ಟಬೇಕಾಗುತ್ತದೆ.

Published by:Ashwini Prabhu
First published: