ITR Filing: ತೆರಿಗೆ ರಿಟರ್ನ್ ಸಲ್ಲಿಸಲು ನಾಳೆಯೇ ಕೊನೆ ದಿನಾಂಕ, ಐಟಿಆರ್ ಫೈಲಿಂಗ್‍ಗೆ ಬೇಕಾದ ಪ್ರಮುಖ 10 ದಾಖಲೆಗಳು ಯಾವುವು?

ಐಟಿಆರ್ ಫೈಲಿಂಗ್ (ITR Filing) ಎವೈ 2022-23: 2022-23 ರ ಮೌಲ್ಯ ಮಾಪನ ವರ್ಷಕ್ಕೆ ನಿಮ್ಮ ಆದಾಯ ತೆರಿಗೆ (Income Tax ) ರಿಟನ್ರ್ಸ್ ಸಲ್ಲಿಸಲು ಕೇವಲ ಇವತ್ತು ಮತ್ತು ನಾಳೆ ಮಾತ್ರ ಸಮಯ. ಆದಾಯ ತೆರಿಗೆ ಇಲಾಖೆಯು ತೆರಿಗೆದಾರರನ್ನು ನಿಗದಿತ ದಿನಾಂಕದೊಳಗೆ ಐಟಿಆರ್ ಸಲ್ಲಿಸುವಂತೆ ಒತ್ತಾಯಿಸುತ್ತಿದೆ. ಐಟಿಆರ್ ಸಲ್ಲಿಸಲು ಕೊನೆಯ ದಿನಾಂಕ  (Last Date) ಜುಲೈ 31 (July 31).  ತೆರಿಗೆದಾರರು ಈ ಮಹತ್ವದ ಕೆಲಸವನ್ನು ಪೂರ್ಣಗೊಳಿಸಲು ಶನಿವಾರ ಮತ್ತು ಭಾನುವಾರ ಅಷ್ಟೇ ಸಮಯ ಇರೋದು. ತೆರಿಗೆದಾರರು ಆನ್‍ಲೈನ್‍ಲ್ಲಿ (Online) ಅಥವಾ ಆಫ್‍ಲೈನ್‍ (Offline)ನಲ್ಲಿ ಐಟಿಆರ್ ಫೈಲ್ ಮಾಡಬಹುದು. ಎರಡೂ ಸಂದರ್ಭಗಳಲ್ಲಿ, ವ್ಯಕ್ತಿಯು ಐಟಿಆರ್ ಫಾರ್ಮ್ ಅನ್ನು ಅವಲಂಬಿಸಿ ನಿರ್ದಿಷ್ಟ ದಾಖಲೆಗಳ ಸೆಟ್ ಅನ್ನು ಒದಗಿಸಬೇಕಾಗುತ್ತದೆ. ಸರ್ಕಾರ ಮತ್ತು ಐಟಿ ಇಲಾಖೆಯು ಐಟಿಆರ್ ಕೊನೆ ದಿನಾಂಕವನ್ನು ವಿಸ್ತರಿಸಲು ಚಿಂತಿಸಿಲ್ಲ. 

 ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಲು ಅಗತ್ಯವಿರುವ 10 ದಾಖಲೆಗಳು

1. ನಮೂನೆ 16
ಫಾರ್ಮ್ 16 ಎನ್ನುವುದು ಉದ್ಯೋಗಿಗೆ ಅವನ ಅಥವಾ ಅವಳ ಉದ್ಯೋಗದಾತರಿಂದ ನೀಡಲಾದ ಮೂಲದಲ್ಲಿ ಕಡಿತಗೊಳಿಸಿದ (ಟಿಡಿಎಸ್) ಪ್ರಮಾಣ ಪತ್ರ. ಅದು ಪಾವತಿಸಿದ ಸಂಬಳ, ಸಂಬಂಧಿತ ಹಣಕಾಸು ವರ್ಷದ ಅವಧಿಯಲ್ಲಿ ಕಡಿತಗೊಳಿಸಿದ ಮತ್ತು ಠೇವಣಿ ಮಾಡಿದ ತೆರಿಗೆಗಳ ವಿವರಗಳನ್ನು ಒದಗಿಸುತ್ತದೆ.

Over 4.52 crore ITRs filed till 29th July, 2022 & more than 43 lakh ITRs filed on 29th July, 2022 itself.
Hope you have filed yours too! If not, pl #FileNow
Due date to file ITR for AY 2022-23 is 31st July, 2022.
Pl visit: https://t.co/GYvO3mStKf#ITR @FinMinIndia

— Income Tax India (@IncomeTaxIndia) July 30, 2022

2. ಇತರ ಟಿಡಿಎಸ್ ಪ್ರಮಾಣ ಪತ್ರಗಳು
ಐಟಿಆರ್ ಅನ್ನು ಸಲ್ಲಿಸಲು ವ್ಯಕ್ತಿಗಳು ಫಾರ್ಮ್ 16 ಎ ಮತ್ತು ಇತರ ಟಿಡಿಎಸ್ ಪ್ರಮಾಣ ಪತ್ರಗಳನ್ನು ಸಹ ಒದಗಿಸಬೇಕಾಗುತ್ತದೆ. ಮ್ಯೂಚುವಲ್ ಫಂಡ್ ಕಂಪನಿಗಳು ಮತ್ತು ಬ್ಯಾಂಕ್‍ಗಳು ಫಾರ್ಮ್ 16ಂ ಅನ್ನು ನೀಡುತ್ತವೆ, ಆದರೆ ಫಾರ್ಮ್ 16ಅ ಅನ್ನು ತಮ್ಮ ಆಸ್ತಿಯನ್ನು ಬಾಡಿಗೆಗೆ ನೀಡುವವರು ಒದಗಿಸಬೇಕು. ಇದಲ್ಲದೆ, ಜಮೀನು ಮಾರಾಟ ಮಾಡುವವರು ನಮೂನೆ 16 ಬಿ ಅನ್ನು ಸಂಗ್ರಹಿಸಬೇಕಾಗುತ್ತದೆ.

3. ವಾರ್ಷಿಕ ಮಾಹಿತಿ ಹೇಳಿಕೆ
ವಾರ್ಷಿಕ ಮಾಹಿತಿ ಹೇಳಿಕೆ (ಎಐಎಸ್) ಫಾರ್ಮ್ 26 ಎಎಸ್ ನಲ್ಲಿ ಪ್ರದರ್ಶಿಸಲಾದ ತೆರಿಗೆದಾರರಿಗೆ ಮಾಹಿತಿಯ ಸಮಗ್ರ ನೋಟವಾಗಿದೆ. ಇದು ಪ್ರತಿ ವಿಭಾಗದ ಅಡಿಯಲ್ಲಿ (ಅಂದರೆ ಟಿಡಿಎಸ್, ಎಸ್‍ಎಟಿ, ಇತರ ಮಾಹಿತಿ) ವರದಿ ಮಾಡಿದ ಮೌಲ್ಯ ಮತ್ತು ಮಾರ್ಪಡಿಸಿದ ಮೌಲ್ಯ ಎರಡನ್ನೂ ತೋರಿಸುತ್ತದೆ.

ಇದನ್ನೂ ಓದಿ: Income Tax Filing: ಗಡುವು ಮೀರಿದ್ರೂ, ಇವ್ರು ಮಾತ್ರ ದಂಡ ಇಲ್ಲದೇ ಐಟಿಆರ್​ ಸಲ್ಲಿಸಬಹುದು!

4. ಫಾರ್ಮ್ 26 ಎಎಸ್
ಇದನ್ನು ಹೊಸ ಆದಾಯ ತೆರಿಗೆ ಪೆÇೀರ್ಟಲ್‍ನಿಂದ ಡೌನ್‍ಲೋಡ್ ಮಾಡಬೇಕು. ಮತ್ತು ತೆರಿಗೆದಾರರ ಪ್ಯಾನ್ ವಿರುದ್ಧ ತೆರಿಗೆ ಕಡಿತ ಮತ್ತು ಠೇವಣಿ ವಿವರಗಳನ್ನು ಒಳಗೊಂಡಿರುತ್ತದೆ. ಫಾರ್ಮ್ 26ಎಎಸ್ ಆಸ್ತಿ ಖರೀದಿಗಳು, ಹೆಚ್ಚಿನ ಮೌಲ್ಯದ ಹೂಡಿಕೆಗಳು ಮತ್ತು ಆರ್ಥಿಕ ವರ್ಷದಲ್ಲಿ ನಡೆಸಲಾದ ಟಿಡಿಎಸ್/ಟಿಸಿಎಸ್ ವಹಿವಾಟುಗಳ ವಿವರಗಳನ್ನು ತೋರಿಸುತ್ತದೆ.

5.ಬಡ್ಡಿ ಪ್ರಮಾಣ ಪತ್ರಗಳು
ತೆರಿಗೆದಾರರು ಉಳಿತಾಯ ಖಾತೆಗಳು, ಸ್ಥಿರ ಠೇವಣಿಗಳು ಇತ್ಯಾದಿ ಸೇರಿದಂತೆ ವಿವಿಧ ಮೂಲಗಳಿಂದ ಗಳಿಸಿದ ಬಡ್ಡಿ ಆದಾಯದ ವಿಘಟನೆಯನ್ನು ಒದಗಿಸಬೇಕು. ಮತ್ತು ಬ್ಯಾಂಕ್‍ಗಳು, ಅಂಚೆ ಕಚೇರಿಗಳಿಂದ ಸಂಗ್ರಹಿಸಿದ ಬಡ್ಡಿ ಪ್ರಮಾಣ ಪತ್ರಗಳನ್ನು ಸಲ್ಲಿಸಬೇಕು.

6. ಪಟ್ಟಿ ಮಾಡದ ಷೇರು ಹೂಡಿಕೆ ಪುರಾವೆ
ಸಂಬಂಧಿತ ಹಣಕಾಸು ವರ್ಷದಲ್ಲಿ ನೀವು ಪಟ್ಟಿ ಮಾಡದ ಷೇರುಗಳನ್ನು ಹೊಂದಿದ್ದರೆ ನೀವು ಮಾಹಿತಿಯನ್ನು ಬಹಿರಂಗಪಡಿಸಬೇಕು. ಮತ್ತು ಅದನ್ನು ಮಾಡಲು ಐಟಿಆರ್-2 ಅನ್ನು ಸಲ್ಲಿಸಬೇಕು. ಕಂಪನಿಯ ವಿವರಗಳು, ಹೂಡಿಕೆ ಮಾಡಿದ ಮೊತ್ತ ಮತ್ತು ಸ್ವೀಕರಿಸಿದ ಮೊತ್ತವು ಇದರ ಅಡಿಯಲ್ಲಿ ಬಹಿರಂಗಪಡಿಸಬೇಕಾದ ಕೆಲವು ವಿಷಯಗಳು.

ಇದನ್ನೂ ಓದಿ: Income Tax Notice: ಸಿಕ್ಕ ಸಿಕ್ಕ ಕಡೆ ಕ್ರೆಡಿಟ್​ ಕಾರ್ಡ್ ಸ್ವೈಪ್​ ಮಾಡ್ತಾ ಇದ್ದೀರಾ? ಎಚ್ಚರ, ಇನ್​ಕಮ್​ ಟ್ಯಾಕ್ಸ್​ನಿಂದ ಬರುತ್ತೆ ನೋಟಿಸ್!

7. ತೆರಿಗೆ-ಉಳಿತಾಯ ಹೂಡಿಕೆಯ ಪುರಾವೆ, ಖರ್ಚು
ತೆರಿಗೆ ಉಳಿಸುವ ಹೂಡಿಕೆ ಮತ್ತು ವೆಚ್ಚವನ್ನು ಹಳೆಯ ತೆರಿಗೆ ಪದ್ಧತಿಯ ಅಡಿಯಲ್ಲಿ ಕ್ಲೈಮ್ ಮಾಡಬಹುದು ಮತ್ತು ಅದರ ಪುರಾವೆಗಳನ್ನು ಸಲ್ಲಿಸುವುದು ಮುಖ್ಯವಾಗಿದೆ

8. ಗಳಿಸಿದ ಬಂಡವಾಳ ಲಾಭಗಳು
ಆಸ್ತಿಗಳು, ಮ್ಯೂಚುವಲ್ ಫಂಡ್‍ಗಳು ಅಥವಾ ಷೇರುಗಳನ್ನು ಮಾರಾಟ ಮಾಡುವ ಮೂಲಕ ಬಂಡವಾಳ ಲಾಭವನ್ನು ಐಟಿಆರ್-2 ಅಥವಾ 3 ಮೂಲಕ ಅನ್ವಯಿಸುವಂತೆ ಘೋಷಿಸಬೇಕು ಮತ್ತು ಪ್ರತಿ ಹೂಡಿಕೆಯ ವಿವರಗಳನ್ನು ಒದಗಿಸಬೇಕಾಗುತ್ತದೆ.

9. ಆಧಾರ್ ಸಂಖ್ಯೆ
ಆದಾಯ ತೆರಿಗೆ ಕಾಯಿದೆ, 1961 ರ ಸೆಕ್ಷನ್ 139ಂಂ ಅಡಿಯಲ್ಲಿ ಐಟಿಆರ್ ಅನ್ನು ಸಲ್ಲಿಸುವಾಗ ತೆರಿಗೆದಾರರು ತಮ್ಮ ಆಧಾರ್ ಸಂಖ್ಯೆಯನ್ನು ಉಲ್ಲೇಖಿಸಬೇಕಾಗುತ್ತದೆ.

10. ಬ್ಯಾಂಕ್ ವಿವರಗಳು
ಸಂಬಂಧಿತ ಹಣಕಾಸು ವರ್ಷದಲ್ಲಿ ಖಾತೆಯನ್ನು ಮುಚ್ಚಿದ್ದರೂ ಸಹ, ಐಟಿಆರ್ ಫೈಲಿಂಗ್ ಸಮಯದಲ್ಲಿ ಎಲ್ಲಾ ಬ್ಯಾಂಕ್ ಖಾತೆ ವಿವರಗಳನ್ನು ಒದಗಿಸುವುದು ಕಡ್ಡಾಯವಾಗಿದೆ.