Nepal Economic Crisis: ನೇಪಾಳವನ್ನು ಕಾಪಾಡಲಿದೆಯೇ ದೊಡ್ಡಣ್ಣ ಭಾರತ?

ನೇಪಾಳದ ಆರ್ಥಿಕ ಅಸ್ಥಿರತೆಯ ಬಗ್ಗೆ ವದಂತಿಗಳನ್ನು ತಳ್ಳಿಹಾಕಿದ ನೇಪಾಳ ಹಣಕಾಸು ಸಚಿವ ಜನಾರ್ದನ್ ಶರ್ಮಾ ಅವರು, ಉತ್ಪಾದನೆ ಮತ್ತು ಆದಾಯ ವ್ಯವಸ್ಥೆಯಲ್ಲಿ ದೇಶದ ಆರ್ಥಿಕತೆಯು ತುಲನಾತ್ಮಕವಾಗಿ ಉತ್ತಮ ಸ್ಥಿತಿಯಲ್ಲಿದೆ ಎಂದು ಹೇಳಿದರು.

ನೇಪಾಳ (ಸಾಂಕೇತಿಕ ಚಿತ್ರ)

ನೇಪಾಳ (ಸಾಂಕೇತಿಕ ಚಿತ್ರ)

  • Share this:
    ಶ್ರೀಲಂಕಾ (Sri Lanka) ತನ್ನ ಅತ್ಯಂತ ಕೆಟ್ಟ ಆರ್ಥಿಕ ಬಿಕ್ಕಟ್ಟಿನೊಂದಿಗೆ (Financial Crisis) ಹೋರಾಡುತ್ತಿರುವ ಸಂದರ್ಭ ಜಗತ್ತಿನ ಇತರ ದೇಶಗಳಲ್ಲಿ ಎಚ್ಚರಿಕೆಯನ್ನು ಹುಟ್ಟುಹಾಕಿದೆ. ಹಲವು ಸರ್ಕಾರಗಳು ತಮ್ಮ ಆರ್ಥಿಕ ನೀತಿಗಳನ್ನು ಮರು ಪರಿಶೀಲಿಸುವಂತೆ ಮಾಡಿದೆ. ಆದರೆ ಇದೇ ಸಂದರ್ಭದಲ್ಲಿ ದಕ್ಷಿಣ ಏಷ್ಯಾದ (South Asia)  ಮತ್ತೊಂದು ದೇಶ ನೇಪಾಳ ಆರ್ಥಿಕ ದುಸ್ಥಿತಿಯತ್ತ (Nepal Economic Crisis) ಹೆಜ್ಜೆ ಹಾಕಿವ ಎಲ್ಲ ಲಕ್ಷಣಗಳು ಇವೆ ಎಂದು ಆರ್ಥಿಕ ಪರಿಣಿತರು ಸೂಚಿಸಿದ್ದಾರೆ.  ನೇಪಾಳದ ಪ್ರಮುಖ ವಿರೋಧ ಪಕ್ಷವಾದ ಸಿಪಿಎನ್-ಯುಎಂಎಲ್ ತಕ್ಷಣ ಪರಿಣಾಮಕಾರಿ ಕ್ರಮಗಳನ್ನು ತೆಗೆದುಕೊಳ್ಳದಿದ್ದರೆ ಮುಂಬರುವ ದಿನಗಳಲ್ಲಿ ತಮ್ಮ ಆರ್ಥಿಕತೆಯು ಇನ್ನಷ್ಟು ಹದಗೆಡುತ್ತದೆ ಎಂದು ಆತಂಕ ಹೊರಹಾಕಿದೆ.

    ಶ್ರೀಲಂಕಾ ಸ್ವಾತಂತ್ರ್ಯದ ನಂತರದ ಅತ್ಯಂತ ಕೆಟ್ಟ ಆರ್ಥಿಕ ಕುಸಿತಕ್ಕೆ ಸಾಕ್ಷಿಯಾಗುತ್ತಿದೆ, ವಿದ್ಯುತ್ ಬ್ಲಾಕೌಟ್ ಮತ್ತು ಆಹಾರ, ಇಂಧನ ಮತ್ತು ಔಷಧಗಳ ತೀವ್ರ ಕೊರತೆ. ಬಿಕ್ಕಟ್ಟಿನಿಂದ ಬಳಲುತ್ತಿರುವ ದ್ವೀಪ ರಾಷ್ಟ್ರದಂತೆ, ನೇಪಾಳವು ಸಹ ಗಂಭೀರ ಆರ್ಥಿಕ ಬಿಕ್ಕಟ್ಟಿನತ್ತ ಸಾಗುತ್ತಿದೆ. ಶ್ರೀಲಂಕಾಕ್ಕೆ ನೆರವು ನೀಡಿದಂತೆಯೇ ನೇಪಾಳಕ್ಕೂ ಭಾರತ ನೆರವಾಗಲಿದೆಯೇ ಎಂಬ ಕುತೂಹಲ ಹೆಚ್ಚುತ್ತಿದೆ.

    ನೇಪಾಳ ಹಣಕಾಸು ಸಚಿವರು ಏನಂತಾರೆ?
    ನೇಪಾಳವು ಕುಸಿತದ ಅಂಚಿನಲ್ಲಿದೆ. ಅಪಾಯಕಾರಿ ನಕಾರಾತ್ಮಕ್ಕೆ ಆರ್ಥಿಕ ತಿರುವು ಪಡೆಯುತ್ತಿದೆ ಎಂದು ಪ್ರತಿಪಕ್ಷಗಳು ಮತ್ತು ಅನೇಕ ತಜ್ಞರು ಹೇಳುತ್ತಿದ್ದಾರೆ. ಆದರೆ ದೇಶದ ಹಣಕಾಸು ಸಚಿವ ಜನಾರ್ದನ್ ಶರ್ಮಾ ಅವರು ತಮ್ಮ ಆರ್ಥಿಕತೆಯು ಶ್ರೀಲಂಕಾದಂತೆಯೇ ಹಿಂದುಳಿಯುವುದಿಲ್ಲ ಎಂದು ಪ್ರತಿಪಾದಿಸಿದ್ದಾರೆ.

    ನೇಪಾಳವು ದೊಡ್ಡ ವಿದೇಶಿ ಸಾಲದ ಹೊರೆಯಿಂದ ತುಂಬಿಲ್ಲ: ಸಮರ್ಥನೆ
    ನೇಪಾಳದ ಆರ್ಥಿಕ ಅಸ್ಥಿರತೆಯ ಬಗ್ಗೆ ವದಂತಿಗಳನ್ನು ತಳ್ಳಿಹಾಕಿದ ನೇಪಾಳ ಹಣಕಾಸು ಸಚಿವ ಜನಾರ್ದನ್ ಶರ್ಮಾ ಅವರು, ಉತ್ಪಾದನೆ ಮತ್ತು ಆದಾಯ ವ್ಯವಸ್ಥೆಯಲ್ಲಿ ದೇಶದ ಆರ್ಥಿಕತೆಯು ತುಲನಾತ್ಮಕವಾಗಿ ಉತ್ತಮ ಸ್ಥಿತಿಯಲ್ಲಿದೆ ಎಂದು ಹೇಳಿದರು. ಐಷಾರಾಮಿ ವಸ್ತುಗಳ ಹೆಚ್ಚಿನ ಆಮದುಗಳಿಂದಾಗಿ ದೇಶದ ವಿದೇಶಿ ವಿನಿಮಯ ಮೀಸಲು ಒತ್ತಡದಲ್ಲಿದೆ ಎಂದು ಅವರು ಒಪ್ಪಿಕೊಂಡಿದ್ದಾರೆ. ಆದರೆ ನೇಪಾಳವು ದೊಡ್ಡ ವಿದೇಶಿ ಸಾಲದ ಹೊರೆಯಿಂದ ತುಂಬಿಲ್ಲ ಎಂದು ಅವರು ಸಮರ್ಥಿಸಿಕೊಂಡಿದ್ದಾರೆ.

    ಇದನ್ನೂ ಓದಿ: ಡಾ.ಅಂಬೇಡ್ಕರ್​ರಿಂದ 500 ಜನರಿಗೆ 1 ರೂಪಾಯಿಗೆ 1 ಲೀಟರ್ ಪೆಟ್ರೋಲ್ ಸಿಕ್ತು!

    ಜಂಟಿ ಮಾಧ್ಯಮಗೋಷ್ಠಿಯಲ್ಲಿ, ನೇಪಾಳದ ಕಮ್ಯುನಿಸ್ಟ್ ಪಾರ್ಟಿಗೆ (ಯೂನಿಫೈಡ್ ಮಾರ್ಕ್ಸಿಸ್ಟ್-ಲೆನಿನಿಸ್ಟ್) ಸೇರಿದ ಮೂವರು ನಾಯಕರು - ಈ ಹಿಂದೆ ನೇಪಾಳದ ಹಣಕಾಸು ಮಂತ್ರಿಗಳಾಗಿ ಸೇವೆ ಸಲ್ಲಿಸಿದ ಬಿಷ್ಣು ಪೌಡೆಲ್, ಸುರೇಂದ್ರ ಪಾಂಡೆ ಮತ್ತು ಡಾ ಯುಬರಾಜ್ ಖತಿವಾಡ ಅವರು ಭಾನುವಾರ ದೇಶದ ಆರ್ಥಿಕತೆಯು ಕುಸಿತದತ್ತ ಸಾಗುತ್ತಿದೆ ಎಂದು ಆತಂಕ ವ್ಯಕ್ತಪಡಿಸಿದರು. ಆದರೆ ಧನಾತ್ಮಕ ನಿರ್ಧಾರಗಳಿಂದ ಭವಿಷ್ಯದಲ್ಲಿ ಆಗಬಹುದಾದ ಆರ್ಥಿಕ ಬಿಕ್ಕಟ್ಟಿನಿಂದ ಹೊರಬರಬಹುದು. ಈಕುರಿತು ಸರ್ಕಾರ ಸರಿಯಾದ ನಿರ್ಧಾರ ಕೈಗೊಳ್ಳಬೇಕು ಎಂದು ಈ ನಾಯಕರು ಆಗ್ರಹಿಸಿದ್ದಾರೆ.

    ಅರ್ಥಶಾಸ್ತ್ರಜ್ಞರು, ಪತ್ರಕರ್ತರು ಮತ್ತು ಇತರ ಸಂಬಂಧಿತ ಅಧಿಕಾರಿಗಳಿಗೆ ಕರೆ
    CPN-UML ನ ಉಪಾಧ್ಯಕ್ಷರಾಗಿರುವ ಪೌಡೆಲ್, ದೇಶದ ಆರ್ಥಿಕತೆಯನ್ನು ಮತ್ತಷ್ಟು ಹದಗೆಡದಂತೆ ರಕ್ಷಿಸಲು ಧನಾತ್ಮಕ ಮಧ್ಯಸ್ಥಿಕೆಗೆ ಕರೆ ನೀಡಿದರು. ದೇಶವು ಆರ್ಥಿಕ ಬಿಕ್ಕಟ್ಟಿಗೆ ಧುಮುಕುವುದನ್ನು ತಡೆಯಲು ಸರ್ಕಾರದ ಮೇಲೆ ಒತ್ತಡ ಹೇರುವಂತೆ ಅವರು ಅರ್ಥಶಾಸ್ತ್ರಜ್ಞರು, ಪತ್ರಕರ್ತರು ಮತ್ತು ಇತರ ಸಂಬಂಧಿತ ಅಧಿಕಾರಿಗಳಿಗೆ ಕರೆ ನೀಡಿದರು.

    ಇದನ್ನೂ ಓದಿ: Scholarship: ಮೀನುಗಾರರ ಮಕ್ಕಳೇ, ಈ ಸ್ಕಾಲರ್​ಶಿಪ್ ಬಿಡಬೇಡಿ, ಅರ್ಜಿ ಹಾಕೋದು ಹೇಗೆ ತಿಳಿಯಿರಿ

    ಸಿಪಿಎನ್-ಯುಎಂಎಲ್‌ನ ಉಪಾಧ್ಯಕ್ಷರೂ ಆಗಿರುವ ಪಾಂಡೆ, ಎಲ್ಲಾ ಉತ್ಪನ್ನಗಳ ಬೆಲೆಯಲ್ಲಿನ ಏರಿಕೆಯಿಂದಾಗಿ ಹಣದುಬ್ಬರವು ಈ ವರ್ಷ ಎರಡಂಕಿ ತಲುಪುವ ನಿರೀಕ್ಷೆಯಿದೆ ಎಂದು ಹೇಳಿದರು. "ಕೃಷಿ ಉತ್ಪಾದನೆಯಲ್ಲಿನ ಕುಸಿತ, ಬ್ಯಾಂಕ್‌ಗಳ ಹೆಚ್ಚುವರಿ ಹೂಡಿಕೆ ಸಾಮರ್ಥ್ಯದ ಕೊರತೆ, ಖಾಸಗಿ ವಲಯದ ಕಡಿಮೆ ನೈತಿಕತೆ ಮತ್ತು ಸರ್ಕಾರದ ಅಭಿವೃದ್ಧಿ ವೆಚ್ಚ ಕುಸಿಯುತ್ತಿರುವ ಕಾರಣ, ರಾಜ್ಯವು ಬಂಡವಾಳ ವೆಚ್ಚವನ್ನು ಹೆಚ್ಚಿಸಲು ಸಾಧ್ಯವಾಗುವುದಿಲ್ಲ" ಎಂದು ಪಾಂಡೆ ಹೇಳಿದ್ದಾಗಿ ಪಿಟಿಐ ವರದಿ ಮಾಡಿದೆ.
    Published by:guruganesh bhat
    First published: