Organic Farming Training: 30 ದಿನಗಳಲ್ಲಿ ಸಾವಯವ ಕೃಷಿ ಕಲಿಯಿರಿ! ಇಲ್ಲಿ ಅಪ್ಲೈ ಮಾಡಿ

ರಾಷ್ಟ್ರೀಯ ಸಾವಯವ ಕೃಷಿ ಕೇಂದ್ರವು (National Centre of Organic Farming) ಸಾವಯವ ಕೃಷಿಯ ಕುರಿತು 30 ದಿನಗಳ ತರಬೇತಿ ನೀಡಿ ಪ್ರಮಾಣಪತ್ರ ನೀಡುವ ಕಾರ್ಯಕ್ರಮ ಹಮ್ಮಿಕೊಂಡಿದೆ. ಸಾವಯವ ಕೃಷಿ ದಿನದಿಂದ ದಿನಕ್ಕೆ ಜನಪ್ರಿಯವಾಗುತ್ತಿರುವುದರಿಂದ ಸರ್ಕಾರವೂ ಯುವಕರನ್ನು ರಾಸಾಯನಿಕ ಮುಕ್ತ ಕೃಷಿ (Organic Farming)  ಮತ್ತು ಗುಣಮಟ್ಟದ ಬೆಳೆಗಳನ್ನು ಕೈಗೆತ್ತಿಕೊಳ್ಳುವಂತೆ ಪ್ರೋತ್ಸಾಹಿಸುತ್ತಿದೆ. ಕೃಷಿ ಮತ್ತು ರೈತ ಕಲ್ಯಾಣ ಸಚಿವಾಲಯವು ಸಾವಯವ ಕೃಷಿ ಕೈಗೊಳ್ಳಲು ಯುವಕರಿಗೆ ತರಬೇತಿಯನ್ನು (Certificate Training Course) ನೀಡುತ್ತಿದೆ. ಇಂತಹುದೇ ಒಂದು ಮಹತ್ವದ ಸಾವಯವ ತರಬೇತಿ ಕಾರ್ಯಕ್ರಮದ ವಿವರ ಇಲ್ಲಿದೆ.  ನೀವೂ ಅಪ್ಲೈ ಮಾಡಿ ಸಾವಯವ ಕೃಷಿ ಪರಿಣಿತರಾಗಿ.

ರಾಷ್ಟ್ರೀಯ ಸಾವಯವ ಕೃಷಿ ಕೇಂದ್ರವು ಕೃಷಿ ಮತ್ತು ರೈತರ ಕಲ್ಯಾಣ ಇಲಾಖೆ, ಕೃಷಿ ಮತ್ತು ರೈತರ ಕಲ್ಯಾಣ ಸಚಿವಾಲಯ, ಭಾರತ ಸರ್ಕಾರದ ಅಡಿಯಲ್ಲಿ ಸಾವಯವ ಕೃಷಿಯನ್ನು ಉತ್ತೇಜಿಸುವ ಒಂದು ನೋಡಲ್ ಸಂಸ್ಥೆಯಾಗಿದ್ದು, ಸುಸ್ಥಿರ ಕೃಷಿಯ ರಾಷ್ಟ್ರೀಯ ಮಿಷನ್ (NMSA) ಮಣ್ಣಿನ ಆರೋಗ್ಯ ನಿರ್ವಹಣಾ ಘಟಕದ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ.

ತರಬೇತಿಯ ಉದ್ದೇಶಗಳು ಹೀಗಿವೆ
ಸಾವಯವ ಬೆಳೆಗಾರರು, ಪಾಲುದಾರರು ಮತ್ತು ಉದ್ಯಮಿಗಳಾಗಿ ಸಾವಯವ ಮಾರುಕಟ್ಟೆಯಲ್ಲಿ ಗ್ರಾಮೀಣ ಯುವಕರಿಗೆ ಗ್ರಾಮೀಣ ಮಟ್ಟದಲ್ಲಿ ಉದ್ಯೋಗಾವಕಾಶಗಳನ್ನು ಹೆಚ್ಚಿಸುವುದು.

ಗ್ರಾಮೀಣ ಮಟ್ಟದಲ್ಲಿ ಮೊದಲ ತಲೆಮಾರಿನ ಸಾವಯವ ಕೃಷಿ ವಿಸ್ತರಣಾ ಕಾರ್ಯಕರ್ತರು, ಕ್ಷೇತ್ರ ಕಾರ್ಯಕರ್ತರು ಮತ್ತು ಸಾವಯವ ಉತ್ಪಾದಕರಿಗೆ ತರಬೇತಿ ನೀಡುವುದು.

ಗ್ರಾಮೀಣ ಮಟ್ಟದಲ್ಲಿ ರೈತರ ಆದಾಯ ದ್ವಿಗುಣಗೊಳಿಸವ ಮಹತ್ವಾಕಾಂಕ್ಷೆ
ಗ್ರಾಮೀಣ ಮಟ್ಟದಲ್ಲಿ ರೈತರ ಆದಾಯವನ್ನು ದ್ವಿಗುಣಗೊಳಿಸಲು ಸಹಾಯ ಮಾಡುವುದು,  ಅಗತ್ಯ  ಮಾರ್ಗದರ್ಶನ ನೀಡಿ  ಕಲಿಯುವ ಕಾರ್ಯಪಡೆಯನ್ನು ನಿರ್ಮಿಸುವುದು.  ಉದಾಹರಣೆಗೆ ಕಡಿಮೆಯಾದ ಇನ್‌ಪುಟ್ ವೆಚ್ಚ, ಇನ್‌ಪುಟ್ ನಿರ್ವಹಣೆ, ಬಹುಪದರದ ಬೆಳೆ, ಬೆಳೆ ತ್ಯಾಜ್ಯ ನಿರ್ವಹಣೆ, ಪೋಷಕಾಂಶಗಳ ನಿರ್ವಹಣೆ, ನೀರು ನಿರ್ವಹಣೆಗಳ ಮಾಹಿತಿ ಒದಗಿಸುವುದು. 

ಅನುಷ್ಠಾನಗೊಳಿಸುವ ಸಂಸ್ಥೆ
ರಾಷ್ಟ್ರೀಯ/ಪ್ರಾದೇಶಿಕ ಸಾವಯವ ಕೃಷಿ ಕೇಂದ್ರ (NCOF/RCOFs).

ಕಾರ್ಯಕ್ರಮದ ಅವಧಿ
ಕ್ಷೇತ್ರ ತರಬೇತಿಯೊಂದಿಗೆ 30 ದಿನಗಳ ಅವಧಿಯ ವಸತಿ ತರಬೇತಿ ಕೋರ್ಸ್.

ಭಾಗವಹಿಸುವಿಕೆಗೆ ಅರ್ಹತೆ ಹೀಗಿದೆ.
ಮಹಿಳಾ ಅಭ್ಯರ್ಥಿಗಳು (GOI ನಿಯಮಗಳ ಪ್ರಕಾರ ಮೀಸಲಾತಿ ನೀತಿಗಳು- {15% SC (04 ಸೀಟುಗಳು), 7.5% STಗಳು (02 ಸ್ಥಾನಗಳು), 27% OBC ಗಳು (08 ಸ್ಥಾನಗಳು) ಸೇರಿದಂತೆ 4.5 % ಸೇರಿದಂತೆ ಗ್ರಾಮೀಣ ಯುವಕರಿಗೆ ಅಲ್ಪಸಂಖ್ಯಾತರು (1 ಸ್ಥಾನ)}.

ವಯಸ್ಸು: ಯಾವುದೇ ವಯಸ್ಸಿನ ಮಿತಿ ಇಲ್ಲ.

ಸಾವಯವ ಕೃಷಿ ತರಬೇತಿಗೆ ಅರ್ಜಿ ಸಲ್ಲಿಸುವುದು ಹೇಗೆ?
ಅರ್ಹ ಅಭ್ಯರ್ಥಿಗಳು ಕೆಳಗೆ ನೀಡಿರುವ ಲಿಂಕ್ ಅನ್ನು ಕ್ಲಿಕ್ ಮಾಡುವ ಮೂಲಕ ಅರ್ಜಿ ನಮೂನೆಯನ್ನು ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಸರಿಯಾಗಿ ಭರ್ತಿ ಮಾಡಿದ ಅರ್ಜಿ ನಮೂನೆ, ಅಗತ್ಯ ದಾಖಲಾತಿಗಳೊಂದಿಗೆ ರಾಷ್ಟ್ರೀಯ ಅಥವಾ ಸಂಬಂಧಪಟ್ಟ ಪ್ರಾದೇಶಿಕ ಕೇಂದ್ರಗಳ ಅಧಿಕೃತ ಇ-ಮೇಲ್ ಐಡಿಗೆ ಸಲ್ಲಿಸಬೇಕು.

ಅರ್ಜಿ ಸಲ್ಲಿಸಲು ಇಲ್ಲಿ ಕ್ಲಿಕ್ ಮಾಡಿ:

ಅವಶ್ಯಕ ದಾಖಲೆಗಳು
2 ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರ
ಗುರುತಿನ ಪುರಾವೆಯ ಸ್ವಯಂ-ದೃಢೀಕರಿಸಿದ ಪ್ರತಿ (ಮತದಾರ ID/ಚಾಲನಾ ಪರವಾನಗಿ/PAN ಕಾರ್ಡ್/ಆಧಾರ್ ಕಾರ್ಡ್)
10 ನೇ ಪಾಸ್ ಪ್ರಮಾಣಪತ್ರದ ಸ್ವಯಂ-ದೃಢೀಕರಿಸಿದ ಪ್ರತಿ
ಅರ್ಹ ಡಾಕ್ಯುಮೆಂಟ್ ಮತ್ತು ಅಂಕಗಳ ಹಾಳೆಯ ಸ್ವಯಂ-ದೃಢೀಕರಿಸಿದ ಪ್ರತಿ

Credit Cards: ಬೇಡ ಬೇಡ ಅಂದ್ರೂ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಕೊಟ್ರೆ ಹೀಗೆ ಮಾಡಿ

ಹೆಚ್ಚಿನ ಮಾಹಿತಿಗಾಗಿ
ಹಾಪುರ್ ರಸ್ತೆ, ಸಿಬಿಐ ಅಕಾಡೆಮಿ ಹತ್ತಿರ, ಸೆಕ್ಟರ್ 19,
ಕಮಲಾ ನೆಹರು ನಗರ್, ಘಾಜಿಯಾಬಾದ್
ಉತ್ತರ ಪ್ರದೇಶ 201002

ದೂರವಾಣಿ ಸಂಪರ್ಕ: ಆಸಕ್ತ ಯುವ ಕೃಷಿಕರು ಈ ನಂಬರ್​ಗೆ ಕರೆ ಮಾಡಬಹುದು: 0120- 2764906

ಇಮೇಲ್ ಐಡಿ: nbdc@nic.in

ಇದನ್ನೂ ಓದಿ: SBI Alert: ಹುಷಾರ್! ಈ 2 ನಂಬರ್​ಗಳಿಂದ ಕಾಲ್ ಬಂದ್ರೆ ನಿಮ್ಮ ಹಣ ಆಗುತ್ತೆ ಢಮಾರ್!

ಈ ಸಾವಯವ ಕೃಷಿ ತರಬೇತಿ ಯೋಜನೆಯಡಿ ನೀವೂ ಭಾಗವಹಿಸಿ ಸಾವಯವ ಕೃಷಿ ಪರಿಣಿತಿ ಗಳಿಸಬಹುದು. ನಿಮ್ಮ ಆದಾಯ ದ್ವಿಗುಣಗೊಳ್ಳಬಹುದು!.