Royal Enfield: ಮುಚ್ಚಲು ಹೊರಟಿದ್ದ ರಾಯಲ್​ ಎನ್​ಫೀಲ್ಡ್​​ಗೆ ಮರುಜೀವ ಕೊಟ್ಟ ಸಿದ್ಧಾರ್ಥ್! 54000 ಕೋಟಿ ಒಡೆಯನ ಸ್ಟ್ರಾಟಜಿ ಏನಿತ್ತು?

ರಾಯಲ್​ ಎನ್​ಫೀಲ್ಡ್ (Royal Enfield)​ ಪ್ರತಿಷ್ಠೆಯ ಸಂಕೇತ. ಈ ಬೈಕ್​ ಹೊಂದಿರುವವರಿಗೆ ಸಮಾಜದಲ್ಲಿ ವಿಶೇಷ ಸ್ಥಾನ. ಅದರಲ್ಲೂ ಯುವಜನತೆ ರಾಯಲ್​ ಎನ್​ಫೀಲ್ಡ್​ ಎಂದರೆ ಬೆರಗುಗಣ್ಣಿನಿಂದ ನೋಡುತ್ತಾರೆ. ಇವತ್ತಿಗೂ ಹೊಸ ವರ್ಷನ್​ಗಳಲ್ಲಿ ಅಪ್​ಗ್ರೇಡ್ (Upgrade) ಆಗಿ ​ ಬರುತ್ತಿರುವ ಈ ಮೋಟಾರ್​ ಸೈಕಲ್ (Motor Cycle) ಸಾಕಷ್ಟು ಏಳು ಬೀಳು ಕಂಡಿದೆ. ಮಾರುಕಟ್ಟೆಯ ಹೊಡೆತ, ಬೆಲೆ ಈ ಎಲ್ಲಾ ವಿಚಾರಗಳನ್ನು ಮೀರಿ ಇಂದಿಗೂ ರಾಯಲ್​ ಪರಂಪರೆ ಮುಂದುವರೆದಿದೆ. ಇದಕ್ಕೆ ಕಾರಣ ರಾಯಲ್​​ ಕುಟುಂಬದ ಏಕೈಕ ವ್ಯಕ್ತಿ. ಇನ್ನೇನು ರಾಯಲ್​ ಗ್ಯಾರೇಜ್​ಗೆ ಎನ್ನುವಷ್ಟರಲ್ಲಿ ಮತ್ತೆ ಶೋರೂಂ (Showroom) ದಾರಿಗೆ ಬಂದ ರೋಚಕ ಕಥೆಯೇ ಆಸಕ್ತಿಕರವಾಗಿದೆ.

ರಾಯಲ್​ ಲಕ್ ಬದಲಾಯ್ತು!

ಈ ಅತ್ಯಂತ ಹಳೆಯ ಜಾಗತಿಕ ಮೋಟಾರ್​ ಬ್ರ್ಯಾಂಡ್​ ಒಂದು ಕಾಲದಲ್ಲಿ ತನ್ನ ಪಯಣ ನಿಲ್ಲಿಸಲು ಸಜ್ಜಾಗಿತ್ತು. ಇನ್ನು ಮುಂದೆ ರಾಯಲ್​ ಎನ್​ಫೀಲ್ಡ್​​ಗಳು ರಸ್ತೆಗೆ ಇಳಿಯುವುದಿಲ್ಲ ಎನ್ನುವಂತಹ ಪರಿಸ್ಥಿತಿ ನಿರ್ಮಾಣವಾಗಿತ್ತು. ಆಗಲೇ ನೋಡಿ ರಾಯಲ್ ಎನ್​ಫೀಲ್ಡ್​ ಲಕ್​ ಬದಲಿಸೋ ಸರದಾರನ ಎಂಟ್ರಿಯಾಗಿದ್ದು.

ರಾಯಲ್​ ಪರಂಪರೆ ಉಳಿಸಿದರು!

ಸಿದ್ಧಾರ್ಥ್​ ಲಾಲ್​ ಅವರ ಈ ಕಥೆ ನಿಜಕ್ಕೂ ಇವತ್ತಿನ ಯುವ ಜನತೆಗೆ ಮಾದರಿ ಎನಿಸುವಂಥದ್ದು. ಆಗಲೇ ಮಾರುಕಟ್ಟೆಗೆ ಪ್ರವೇಶ ಪಡೆದಿದ್ದ ಅದ್ಭುತ ದ್ವಿಚಕ್ರವಾಹನಗಳು, ಇಂಧನ ಸಮರ್ಥ ಉತ್ಪನ್ನಗಳು ಇವೆಲ್ಲದರ ನಡುವೆ ರಾಯಲ್​ ಎನ್​ಫೀಲ್ಡ್​​​ ಮೂಲೆಗುಂಪಾಗಿತ್ತು.

ಇದೇ ಸಮಯದಲ್ಲಿ ತಮ್ಮ ಕುಟುಂಬದ ಮೋಟಾರ್​ ಸೈಕಲ್ ನೇಪಥ್ಯಕ್ಕೆ ಸರಿಯುವುದನ್ನು ಒಪ್ಪಿಕೊಳ್ಳದ ಸಿದ್ಧಾರ್ಥ್ ರಾಯಲ್​ ಎನ್​ಫೀಲ್ಡ್​ಗೆ ಹೊಸ ರಾಯಲ್ ಲುಕ್​ ನೀಡಿ ಮತ್ತೆ ಮೊದಲಿನ ಸ್ಥಾನಕ್ಕೆ ತಂದರು. ಇದರ ಹಿಂದಿನ ಅವರ ಶ್ರಮ, ಸಂಶೋಧನೆ, ನಿರ್ಣಯಗಳು ನಿಜಕ್ಕೂ ಅದ್ಭುತವೆನಿಸುತ್ತದೆ.

ರಾಯಲ್​ ಎನ್​ಫೀಲ್ಡ್​ ಮುಚ್ಚಿ!

ಅದು 2000 ನೇ ಇಸವಿ, ಅಧ್ಯಕ್ಷ ವಿಕ್ರಮ್​ ಲಾಲ್​ ಅವರು ರಾಯಲ್​ ಎನ್​ಫೀಲ್ಡ್​ ಅನ್ನು ಮುಚ್ಚುವಂತೆ ಆಡಳಿತ ಮಂಡಳಿಗೆ ಸಲಹೆ ನೀಡಿದರು. ಆದರೆ ಸಿದ್ಧಾರ್ಥ್​ ಅವರು ಇದನ್ನು ಒಪ್ಪಲಿಲ್ಲ. ಒಂದಿಷ್ಟು ಬದಲಾವಣೆಗೆ 6 ತಿಂಗಳ ಕಾಲಾವಕಾಶ ಕೇಳಿದರು. ಆಗಲೇ ಸಿದ್​ ಲಾಲ್​ ಅವರಿಗೆ ರಾಯಲ್​ ಎನ್​ಫೀಲ್ಡ್​ನ ಸಿಇಓ ಜವಾಬ್ದಾರಿ ವಹಿಸಲಾಯಿತು.

ತಿಂಗಳುಗಟ್ಟಲೇ ಸುತ್ತಾಡಿ ಅಭಿಪ್ರಾಯ ಸಂಗ್ರಹ!

ತಿಂಗಳುಗಟ್ಟಲೇ ಮೋಟಾರ್​ ಸೈಕಲ್​ ಓಡಿಸುತ್ತಾ, ಜನರ ಅಭಿಪ್ರಾಯ ಸಂಗ್ರಹಿಸಲು ಆರಂಭಿಸಿದರು. ಯುವಕರ ಇಷ್ಟಗಳ ಬಗ್ಗೆ ತಿಳಿದುಕೊಂಡರು. ಮೋಟಾರ್​ಸೈಕಲ್​ ಸುಧಾರಿಸಿದರು. ಬುಲೆಟ್​ ನ ಪರಿಚಯ ಮಾಡಿಕೊಟ್ಟರು. ಅಲ್ಲಿಂದ ಇಲ್ಲಿಯತನಕ ರಾಯಲ್​ ಎನ್​ಫೀಲ್ಡ್​​ ಮುನ್ನುಗುತ್ತಲೇ ಇದೆ.

ಇದನ್ನೂ ಓದಿ: 18,700 ರುಪಾಯಿಗೆ ಸಿಗುತ್ತೆ ಬುಲೆಟ್​ ಬೈಕ್​! ವೈರಲ್​ ಆಯ್ತು ಬಿಲ್

15 ಸಂಸ್ಥೆಗಳಲ್ಲಿ 13 ಸಂಸ್ಥೆ ಮುಚ್ಚಿದರು!

ರಾಯಲ್​ ಎನ್​ಫೀಲ್ಡ್​ ಅನ್ನು ಮತ್ತೆ ಮೊದಲಿನ ಚಾರ್ಮ್​​ಗೆ ತರಲು ಸಿದ್ಧಾರ್ಥ್​ ಅವರು ಬಹಳ ಫೋಕಸ್ ಮಾಡಬೇಕಿತ್ತು. ಇದೇ ಕಾರಣಕ್ಕೆ 15 ಸಂಸ್ಥೆಗಳಲ್ಲಿ 13 ಸಂಸ್ಥೆಗಳನ್ನು ಮುಚ್ಚಿದರು.

ಆ ಎಲ್ಲಾ ಶಕ್ತಿ, ಸಮಯ ಮತ್ತು ಏಕಾಗ್ರತೆಯನ್ನು ರಾಯಲ್​ ಎನ್​ಫೀಲ್ಡ್​ಗೆ ವಹಿಸಿದರು. ಈ ಎಲ್ಲಾ ನಿರ್ಣಯಗಳ ಪರಿಣಾಮ 2006 ರಲ್ಲಿ ಐಷರ್​ ಮೋಟಾರ್ಸ್​​ನ ಸಿಇಓ ಮತ್ತು ಎಂಡಿ ಆದರು.

ಸಾಧನೆಗಳ ಪರ್ವ

2014 ರಹೊತ್ತಿಗೆ ರಾಯಲ್​ ಎನ್​ಫೀಲ್ಡ್​​ ಆದಾಯ ಐಷರ್​​​ ಮೋಟಾರ್ಸ್​​ ಲಿಮಿಟೆಡ್​​ ಗ್ರೂಪ್​​ನ ಆದಾಯ 80 ಪ್ರತಿಶತದಷ್ಟು ಏರಿಸಿತು. 2022ರ ಡಿಸೆಂಬರ್​ನಲ್ಲಿ ತ್ರೈಮಾಸಿಕದಲ್ಲಿ ಗ್ರೂಪ್​ನ ಲಾಭವು 714 ಕೋಟಿ ರೂಗಳಾಗಿತ್ತು. ಕಳೆದ ಹಣಕಾಸು ವರ್ಷದಲ್ಲಿ ಕಂಪನಿಯು 8,34,895 ಮೋಟಾರ್​​ಸೈಕಲ್​​ ಅನ್ನು ಯಶಸ್ವಿಯಾಗಿ ಮಾರಾಟ ಮಾಡಿತ್ತು. 2005 ರಲ್ಲಿ ತಮ್ಮ ಟ್ರ್ಯಾಕ್ಟರ್​​ ವ್ಯಾಪಾರವನ್ನು ಟ್ರ್ಯಾಕ್ಟರ್ಸ್​​ ಮತ್ತು ಫಾರ್ಮ್​ ಇಕ್ವಿಪ್​ಮೆಂಟ್​ ಲಿಮಿಟೆಡ್​​ಗೆ ಮಾರಾಟ ಮಾಡಿದ್ದು ಸಿದ್ಧಾರ್ಥ್​ ಅವರ ಅತ್ಯುತ್ತಮ ನಿರ್ಣಯ.

ಗುಂಪಿನ ಹಣಕಾಸಿನ ಉನ್ನತಿಗೆ 2008 ರಲ್ಲಿ ಸ್ವೀಡಿಷ್​​ ವೋಲ್ವೋ ಗ್ರೂಪ್​ಗೆ ತಮ್ಮ ಟ್ರಕ್ ವ್ಯಾಪಾರದ 46 ಪ್ರತಿಶತ ಮಾರಾಟ ಮಾಡಿದರು.

ಬೆಲೆ ವಿಚಾರದಲ್ಲಿ ಆತುರವಿರಲಿಲ್ಲ

ಲೆಸ್​ ಇಸ್​ ಮೋರ್​ ಎನ್ನುವುದು ಸಿದ್ಧಾರ್ಥ್ ಅವರ ಫಿಲಾಸಫಿ. ಕೈಗೆಟುಕುವ ದರ ನಿಗದಿ ಪಡಿಸುವುದರ ಮೂಲಕ ಮೋಟಾರ್​​​ ಸೈಕಲ್​ಗಳಿಗೆ ಬೇಡಿಕೆ ಹೆಚ್ಚಿಸಿದರು ಅದನ್ನು ದುರ್ಬಳಕೆ ಮಾಡಿಕೊಳ್ಳಲಿಲ್ಲ.

ಹೆಚ್ಚಿನ ಮಾರಾಟದ ಮೂಲಕ ಮಾರ್ಜಿನ್ ಹೆಚ್ಚಳ ಅವರ ತತ್ವ. ಬುಲೆಟ್​350 ಮತ್ತು ಕ್ಲಾಸಿಕ್​​350 ಮಾತ್ರ ಅಲ್ಲದೇ ಅವಳಿ ಸಿಲಿಂಡರ್​​ ಎಂಜಿನ್​ಗಳು ಭಾರತದಲ್ಲಿ, ವಿದೇಶದಲ್ಲಿ ಬೇಡಿಕೆ ಹೊಂದಿವೆ.

ವಿದ್ಯಾಭ್ಯಾಸ ಏನು?

ಡೂನ್ ಶಾಲೆಯಲ್ಲಿ ವ್ಯಾಸಂಗ, ದೆಹಲಿಯ ಸೇಂಟ್​ ಸ್ಟೀಫನ್​​ ಕಾಲೇಜಿನಲ್ಲಿ ಅರ್ಥಶಾಸ್ತ್ರ ಅಭ್ಯಾಸ, ಕ್ರಾನ್​ಫೀಲ್ಡ್​​ ವಿಶ್ವವಿದ್ಯಾಲಯದಿಂದ ಮೆಕ್ಯಾನಿಕಲ್ ಎಂಜಿನಿಯರಿಂಗ್​ನಲ್ಲಿ ಸ್ನಾತಕೋತ್ತರ ಡಿಪ್ಲೋಮಾ ಮಾಡಿದ್ದಾರೆ. ಯುಕೆಯ ಲೀಡ್ಸ್​ ವಿಶ್ವವಿದ್ಯಾಲಯದಿಂದ ಆಟೋ ಇಂಜಿನಿಯರಿಂಗ್ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ.

45,000 ಕೋಟಿಯ ನಿವ್ವಳ ಮೌಲ್ಯ

2015 ರಿಂದ ಯುಕೆಯಲ್ಲಿ ಕಾರ್ಯ ನಿರ್ವಹಣೆ, 2021 ರಲ್ಲಿ ವಾರ್ಷಿಕ 21,12 ಕೋಟಿ ಪ್ಯಾಕೇಜ್ ವಿವಾದವನ್ನು ಐಷರ್​​ ಮೋಟಾರ್ಸ್​ ನಾಮನಿರ್ದೇಶನ ಮತ್ತು ಸಂಭಾವನೆ ಸಮಿತಿಯು ಬಗೆಹರಿಸಿ 12 ಕೋಟಿಗೆ ಇಳಿಸಿತ್ತು. 2021 ರಲ್ಲಿ 7.38 ಕೋಟಿ ಗಳಿಸಿದ್ದಾರೆ. ಫೋರ್ಬ್ಸ್​​ ಪ್ರಕಾರ ವಿಕ್ರಮ್​ಲಾಲ್​ ಕುಟುಂಬದ ನಿವ್ವಳ ಮೌಲ್ಯ 2022 ರಲ್ಲಿ 6.6 ಬಿಲಿಯನ್​ ಅಂದರೆ 54,000 ಕೋಟಿಯಾಗಿದೆ.