Success Story: ಒಂದು ದಿನಕ್ಕೆ 25 ಲಕ್ಷ ಸಂಬಳ ತೆಗೆದುಕೊಳ್ಳುವ ಪ್ರತಿಷ್ಠಿತ ಬ್ಯಾಂಕ್​ ಸಿಇಒ! ಪಿಯೂಷ್​ ಗುಪ್ತಾರ ಡಾಲರ್ಸ್​​​​ ಸ್ಟೋರಿ ಇಲ್ಲಿದೆ ಓದಿ

ಡಿಬಿಎಸ್​​ ಗ್ರೂಪ್​​ನ (DBS Group) ಮುಖ್ಯ ಕಾರ್ಯನಿರ್ವಾಹ ಅಧಿಕಾರಿ ಪಿಯೂಷ್​ ಗುಪ್ತಾ (Piyush Gupta) ಅವರ ಸಾಧನೆ ಯುವಕರಿಗೆ ಸ್ಫೂರ್ತಿ. ಪರಿಶ್ರಮ, ಛಲದಿಂದ ಇವರು ಅಪಾರ ಮನ್ನಣೆಗಳಿಸಿದ್ದಾರೆ. 500 ಶತಕೋಟಿ ಡಾಲರ್​ಗಿಂತಲೂ ಹೆಚ್ಚು ಹಣಕಾಸು ಮೌಲ್ಯದ ಡಿಬಿಎಸ್ ಬ್ಯಾಂಕಿನಲ್ಲೂ ಸಿಇಒ(DBS Bank Ceo) ಸ್ಥಾನ ಅಲಂಕರಿಸಿ ಅದು ಉತ್ತುಂಗಕ್ಕೇರುವಂತೆ ಮಾಡುವಲ್ಲಿ ಇವರ ಪಾತ್ರ ಹಿರಿದಾಗಿದೆ. 1960ರ ದಶಕದಲ್ಲಿ ಜನಿಸಿದ ಇವರು ಇವತ್ತಿಗೂ ಯಶಸ್ವಿ ಕಾರ್ಪೊರೇಟ್​​ ಲೀಡರ್​​ ಆಗಿ ಗೆಲುವಿನ ಮುನ್ನಡೆಯಲ್ಲಿದ್ದಾರೆ. ಆ ಮೂಲಕ ಇಂದಿನ ಯುವಪೀಳಿಗೆಗೆ ಮಾದರಿಯಾಗಿದ್ದಾರೆ.

ಪಿಯೂಷ್​​ ಅವರು ಬ್ಯಾಂಕಿಂಗ್​ ಕ್ಷೇತ್ರದಲ್ಲಿ ಕಾರ್ಯನಿರ್ವಹಿಸಿದ ರೀತಿಗೆ ಇಂದು ವಿಶ್ವಮಾನ್ಯರಾಗಿದ್ದಾರೆ. ಭಾರತದ ಯುವಕರಿಗೆ ಸ್ಫೂರ್ತಿಯಾಗಿದ್ದಾರೆ. ಹಾಗಾದ್ರೆ ಅವರ ಬದುಕಿನ ಜರ್ನಿ ಹೇಗಿತ್ತು? ಬ್ಯಾಂಕ್​ ಬ್ಯಾಲೆನ್ಸ್​ ಡಾಲರ್ಸ್​​ನಿಂದ ತುಂಬಿ ಹೋದ ಕಥೆ ಏನು ಎಲ್ಲವೂ ಇಲ್ಲಿದೆ.

ಕಲಾವಿಭಾದಿಂದ ಬ್ಯುಸಿನೆಸ್​ ಹಾದಿ!

ದೆಹಲಿಯಲ್ಲಿ ಶಾಲಾ ವ್ಯಾಸಂಗ ಮುಗಿಸಿದ ಗುಪ್ತಾ ಅವರು ಸೇಂಟ್​ ಕೊಲಂಬಾಸ್​ ನಲ್ಲಿ ಹೈಸ್ಕೂಲ್​​ ಶಿಕ್ಷಣ ಸಂಪೂರ್ಣಗೊಳಿಸಿದರು. ಸೇಂಟ್​ ಸ್ಟೀಫನ್​ ಕಾಲೇಜಿನಲ್ಲಿ ಪದವಿ ಶಿಕ್ಷಣದಲ್ಲಿ ಕರಗತರಾದರು. ಜೊತೆಗೆ ಕಲಾ ವಿಭಾಗದಲ್ಲಿ ಪದವಿ ಶಿಕ್ಷಣವನ್ನು ಮಗಿಸಿದರು. ಇಷ್ಟೇ ಆಗಿದ್ದರೆ ಗುಪ್ತಾ ಅವರ ಸಾಧನೆ ಬೇರೆಯೇ ಇರುತ್ತಿತ್ತೋ ಏನೋ? ಆದರೆ ಅವರ ನಾಯಕತ್ವದ ಮನೋಭಾವ ಅವರನ್ನು ಎಮ್​ಬಿಎ ಮಾಡಲು ಪ್ರೋತ್ಸಾಹಿಸಿತು.

ಕಾರ್ಪೊರೇಟ್​ ಜಗತ್ತಿನ ಹೆಸರು ಮಾಡಿದ್ದೇ ರೋಚಕ!

ಅಹಮದಬಾದ್​ನ ಪ್ರತಿಷ್ಠಿತ ಐಐಎಮ್​ ಅಂದರೆ ಇಂಡಿಯನ್​ ಇನ್​​ಸ್ಟಿಟ್ಯೂಟ್​​ ಆಫ್​ ಮ್ಯಾನೇಜ್​ಮೆಂಟ್​​ ಮೆಟ್ಟಿಲೇರಿದರು. ಕಾರ್ಪೊರೇಟ್​ ಜಗತ್ತಿನ ಜ್ಞಾನ ಮತ್ತು ಕೌಶಲ್ಯದ ಎಲ್ಲಾ ಅರಿವನ್ನು ಪಡೆದುಕೊಂಡರು.

ಅವರ ಶೈಕ್ಷಣಿಕ ಆಸಕ್ತಿ ಅವರಿಗೆ ಚಿನ್ನದ ಪದಕವನ್ನು ತಂದುಕೊಟ್ಟಿತು. 2 ವರ್ಷದ ಪದವಿಯಲ್ಲೂ ಪ್ರಥಮ ಸ್ಥಾನದಲ್ಲಿ ಉತ್ತೀರ್ಣರಾಗುವ ಮೂಲಕ ತಾವು ಭವಿಷ್ಯದ ಭರವಸೆ ಎನ್ನುವುದನ್ನು ಮನವರಿಕೆ ಮಾಡಿಕೊಟ್ಟರು.

ಸಿಟಿ ಬ್ಯಾಂಕ್​ ಸಿಟಿಓ!

ಶಿಕ್ಷಣವನ್ನು ಮುಗಿಸಿದ ಬಳಿಕ ಪಿಯೂಷ್​ ವ್ಯಾಪಾರಿ ಜಗತ್ತಿಗೆ ಕಾಲಿಟ್ಟರು. ಇಲ್ಲಿನ ಆಳ ಅಗಲವನ್ನು ಅರ್ಥಮಾಡಿಕೊಂಡರು. ಹಣಕಾಸು ಕ್ಷೇತ್ರದಲ್ಲಿ ತಮ್ಮ ಜ್ಞಾನವನ್ನು ಧಾರೆಯೆರೆದರು.

ಇದನ್ನೂ ಓದಿ: ಫಾರಿನ್​ ಬಿಟ್ಟು ತಾಯ್ನಾಡಿಗೆ ಬಂದು ಕೋಟ್ಯಾಧಿಪತಿಯಾದ ಉದ್ಯಮಿ! ಅಷ್ಟಕ್ಕೂ ಯಾರವರು?

ಸಿಟಿ ಬ್ಯಾಂಕ್ (ಸ್ಟ್ಯಾಂಡರ್ಡ್​​ ಚಾರ್ಟರ್ಡ್​​ ಬ್ಯಾಂಕ್)​ ನಲ್ಲಿ ಅತ್ಯುತ್ತಮ ಸೇವೆ ಸಲ್ಲಿಸಲು ಸನ್ನದ್ದರಾದರು. ಈ ಶ್ರಮ ಅವರಿಗೆ ಬೇರೆ ಬೇರೆ ಬ್ಯಾಂಕ್​ ಶಾಖೆಗಳಲ್ಲಿ ಕೆಲಸ ಮಾಡಲು ಅವಕಾಶಗಳನ್ನು ತಂದುಕೊಟ್ಟಿತು. ಅಲ್ಲದೇ ಬ್ಯಾಂಕ್​ನ ಆಗ್ನೇಯ ಏಷ್ಯಾ ವಿಭಾಗದ ಸಿಟಿಓ ಆಗುವ ಮಟ್ಟಕ್ಕೆ ಬೆಳೆದರು.

ವಿದೇಶಿ ಬ್ರ್ಯಾಂಚ್​ಗಳಲ್ಲಿ ಗೆಲುವಿನ ಹಾದಿ

ಸಿಟಿ ಬ್ಯಾಂಕ್​ ಮೂಲಕ 1982ರಲ್ಲಿ ವೃತ್ತಿ ಬದುಕಿಗೆ ಕಾಲಿಟ್ಟಾಗ ಅವರ ವಯಸ್ಸು ಕೇವಲ 22 ವರ್ಷ. ಸಿಂಗಾಪುರ್​ನಲ್ಲಿ ಏಷ್ಯಾ ಹೆಡ್​​ ಆಗಿ ಗುರುತಿಸಿಕೊಂಡರು. ಅಲ್ಲದೇ ಮಲೇಷಿಯಾದಲ್ಲೂ ಕಂಪನಿಯನ್ನು ಉತ್ತಂಗಕ್ಕೇರಿಸಿದರು. ಜೊತೆಗೆ ವಿವಿಧ ದೇಶಗಳಲ್ಲಿರುವ ಸಿಟಿ ಬ್ಯಾಂಕ್​ನ ಸಿಇಒ ಆಗಿ ಮಾಡಿರುವ ಕೆಲಸಗಳು ಇವತ್ತಿಗೂ ಸ್ಮರಣೀಯ. ಸೌತ್​​ ಈಸ್ಟ್​ ಏಷ್ಯಾ, ಆಸ್ಟ್ರೇಲಿಯಾ, ನ್ಯೂಜಿಲ್ಯಾಂಡ್​​ ನಲ್ಲಿ ಅಲ್ಲಿನ ಸವಾಲುಗಳನ್ನು ಗೆದ್ದು ತಮ್ಮ ತನವನ್ನು ಸಾಧಿಸಿ ತೋರಿಸಿದ್ದಾರೆ.

ಡಿಬಿಎಸ್​ ಬ್ಯಾಂಕ್​ ಸಿಇಓ

2009 ರಲ್ಲಿ ಡಿಬಿಎಸ್​​ ಬ್ಯಾಂಕ್​​ನ ಸಿಇಒ ಆಗುವ ಮೂಲಕ ಅವರು ಅದ್ಭುತ ಗೆಲುವು ಸಾಧಿಸಿರು. ತಮ್ಮ ನಾಯಕತ್ವದಲ್ಲಿ ಬ್ಯಾಂಕ್​ ಅನ್ನು ಉತ್ತಮಮಟ್ಟಕ್ಕೆ ಬೆಳೆಸಿದರು. ದೊಡ್ಡ ಮೊತ್ತದ ಆದಾಯವನ್ನು ಗಳಿಸಿದರು. ಕಾರ್ಪೊರೇಟ್​ ಕ್ಷೇತ್ರದ ಪ್ರಭಾವಿ ಮತ್ತು ಅಗ್ರಗಣ್ಯ ವ್ಯಕ್ತಿಯಾಗಿಯೂ ಬೆಳೆದಿದ್ದಾರೆ.