Gas Cylinder: ಡೆಲಿವರಿ ಮಾಡುವ ವ್ಯಕ್ತಿ ಹೆಚ್ಚುವರಿ ಹಣ ಕೇಳ್ತಿದ್ದಾರಾ? ಇಲ್ಲಿ ದೂರು ನೀಡಿ

ಏರುತ್ತಿರುವ ಹಣದುಬ್ಬರದಿಂದ ಸಾಮಾನ್ಯ ನಾಗರಿಕರ ಬಜೆಟ್ (Budget) ಕುಸಿಯುತ್ತಿದೆ. ದಿನೇ ದಿನೇ ಹೆಚ್ಚುತ್ತಿರುವ ಬೆಲೆಗಳನ್ನು ನೋಡಿ ಎಷ್ಟೋ ಜನ ಎಷ್ಟು ಸಾಧ್ಯವೋ ಅಷ್ಟು ಉಳಿಸಲು ಪ್ರಯತ್ನಿಸುತ್ತಾರೆ. ಆದರೆ, ಗ್ಯಾಸ್ ಸಿಲಿಂಡರ್ (Gas Cylinder) ನಂತಹ ಅಗತ್ಯ ವಸ್ತುಗಳನ್ನು ಎಷ್ಟೇ ದುಬಾರಿಯಾದರೂ ಖರೀದಿಸಬೇಕು. ಕೆಲವು ಸಿಲಿಂಡರ್ ವಿತರಣೆ ಮಾಡುವವರು ಸಾಮಾನ್ಯ ಜನರ ಈ ಅಗತ್ಯದ ಲಾಭವನ್ನು ಪಡೆದುಕೊಳ್ಳುತ್ತಿದ್ದಾರೆ. ಈ ಸಿಲಿಂಡರ್ ಡೆಲಿವರಿ (Cylinder Delivery) ಮಾಡುವವರು ಗ್ರಾಹಕರಿಂದ 25-30 ರೂ.ಗಳನ್ನು ಹೆಚ್ಚುವರಿಯಾಗಿ ವಸೂಲಿ ಮಾಡುತ್ತಾರೆ ಎಂದು ಹಲವರು ಹೇಳಿರುವುದನ್ನು ನೀವು ಕೇಳಿರುತ್ತೀರಾ. ಈ ರೀತಿ ಹೆಚ್ಚುವರಿ ಹಣ ಕೇಳುವುದು ಕಾನೂನು ಬಾಹಿರ. ನೀವು ಈ ಬಗ್ಗೆ ಕೂಡಲೇ ಎಚ್ಚೆತ್ತುಕೊಳ್ಳಬೇಕು.

ಎಕ್ಸ್ಟ್ರಾ ದುಡ್ಡು ಕೇಳಿದ್ರೆ ಕೊಡ್ಬೇಡಿ!

ಬೆಂಗಳೂರಿನಲ್ಲಿ ಗ್ಯಾಸ್ ಸೇವೆಗಳನ್ನು ಭಾರತ್ ಗ್ಯಾಸ್, ಇಂಡೇನ್ ಗ್ಯಾಸ್ ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ (HP) ಒದಗಿಸುತ್ತದೆ. ಅದರಲ್ಲಿ ಭಾರತ್ ಗ್ಯಾಸ್ ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ ಗ್ರಾಹಕರ ಸಂಖ್ಯೆಯೇ ಹೆಚ್ಚು. ಈ ಸಿಲಿಂಡರ್‌ಗಳನ್ನು ಮನೆ ಮನೆಗೆ ತಲುಪಿಸುವ ನೌಕರರಿಗೆ ಮಾಸಿಕ ವೇತನ ನೀಡಲಾಗುತ್ತದೆ. ಅದರ ನಂತರವೂ ಗ್ರಾಹಕರಿಂದ ಹೆಚ್ಚುವರಿ ಹಣಕ್ಕೆ ಬೇಡಿಕೆ ಇಡುತ್ತಾರೆ, ಯಾರಾದರೂ ಅಂತಹ ಬೇಡಿಕೆ ಇಟ್ಟರೆ ಟೋಲ್ ಫ್ರೀ ಸಂಖ್ಯೆಗೆ ದೂರು ನೀಡಬಹುದು ಎಂದು ಗ್ಯಾಸ್ ಏಜೆನ್ಸಿ ನೌಕರರು ತಿಳಿಸಿದ್ದಾರೆ.

ಈ ನಂಬರ್​ಗೆ ಕರೆ ಮಾಡಿ ಕಂಪ್ಲೇಂಟ್​ ಮಾಡಿ!

ಭಾರತ್ ಗ್ಯಾಸ್ - 1800224344

ಇಂಡೇನ್ ಗ್ಯಾಸ್ - 18002333555

ಹಿಂದೂಸ್ತಾನ್ ಪೆಟ್ರೋಲಿಯಂ (HP) - 18002333555

ಸಂಬಂಧಪಟ್ಟ ನೌಕರನ ವಿರುದ್ಧ ಕ್ರಮ ಜರುಗಿಸುತ್ತೆ!