Investment Plans: ನಿಯಮಿತ ಆದಾಯ ಕೊಡುವ ದೀರ್ಘಕಾಲಿಕ ಹೂಡಿಕೆ: ಯಾವ ಪ್ಲಾನ್​ ಬೆಸ್ಟ್​​? ಇಲ್ಲಿದೆ ವಿವರ

ನಿಮ್ಮ ಬಳಿ ಒಂದು ದೊಡ್ಡ ಮೊತ್ತದ ಹಣವಿದೆ. ಅದನ್ನು ಎಫ್​​ಡಿ (FD)​ ಅಥವಾ ಆರ್​​ಡಿಯಲ್ಲಿ (RD) ಸಂಪೂರ್ಣವಾಗಿ ಇಡುವುದಕ್ಕಿಂತಲೂ ಉತ್ತಮ ಆಯ್ಕೆಗಳನ್ನು ಹುಡುಕುತ್ತಿದ್ದರೆ ಈ ಕೆಳಗಿನ ಅಂಶಗಳನ್ನು ಯೋಚಿಸಿ ಪರಿಗಣಿಸಬಹುದು. ಇದು ನಿಮ್ಮ ಮುಂದಿನ ಜೀವನಕ್ಕೆ ಬಹುದೊಡ್ಡ ಮಟ್ಟದಲ್ಲಿ ಲಾಭವನ್ನು (Profit) ನೀಡುತ್ತದೆ. ಹಾಗಿದ್ರೆ ಹೂಡಿಕೆ (Investment) ಮಾಡಲಿರುವಂತಹ ಬೆಸ್ಟ್​ ಯೋಜನೆಗಳು ಯಾವುದೆಲ್ಲಾ ಎಂಬುದನ್ನು ಈ ಲೇಖನದಲ್ಲಿದೆ ಓದಿ.

ಸೂಚ್ಯಂಕ ನಿಧಿ ಮತ್ತು ಎಸ್​​ಡಬ್ಲೂಪಿ

ಸೂಚ್ಯಂಕ ನಿಧಿಯು ನಿಫ್ಟಿ 50 ಅಥವಾ ಸೆನ್ಸೆಕ್ಸ್​​​ನಂತಹ ಸೂಚ್ಯಂಕವವನ್ನು ಅನುಸರಿಸುವ ಒಂದು ರೀತಿಯ ಹೂಡಿಕೆಯಾಗಿದೆ. ಸೂಚ್ಯಂಕ ನಿಧಿಯಲ್ಲಿ ಹೂಡಿಕೆ ಮಾಡುವ ಮೂಲಕ ಅದು ಟ್ರ್ಯಾಕ್​ ಮಾಡುವ ಇಂಡೆಕ್ಸ್​​ನ ಕಾರ್ಯಕ್ಷಮತೆಯಂತೆಯೇ ನೀವು ಆದಾಯವನ್ನು ಸ್ವೀಕರಿಸಲು ನಿರೀಕ್ಷಿಸಬಹುದು.

ಎಸ್​​ಡಬ್ಲೂಪಿ ವ್ಯವಸ್ಥಿತ ವಾಪಸಾತಿ ಯೋಜನೆ ಅಂದರೆ ಕಾಲ ಕ್ರಮೇಣ ನಿಮ್ಮ ಹೂಡಿಕೆಗಳನ್ನು ಹಿಂತೆಗೆದುಕೊಳ್ಳುವ ಒಂದು ವಿಧಾನವಾಗಿದೆ. ಎಸ್​​ಡಬ್ಲೂಪಿಯೊಂದಿಗೆ ನೀವು ನಿಯಮಿತವಾಗಿ ನಿರ್ದಿಷ್ಟ ಮೊತ್ತದ ಹಣವನ್ನು ಹಿಂಪಡೆಯಬಹುದಾಗಿದೆ.

ಇದನ್ನೂ ಓದಿ: ನಿಮ್ಮ ಬ್ಯಾಂಕ್​ ಅಕೌಂಟ್​ನಿಂದಲೂ 436 ರೂಪಾಯಿ ಕಟ್​ ಆಗಿದ್ಯಾ? ಇದೇ ಕಾರಣ!

ಉದಾ: ನೀವು ನಿಯತಕಾಲಿಕವಾಗಿ ನಿಗದಿತ ಮೊತ್ತದ ಹಣವನ್ನು ಹಿಂಪಡೆಯಬಹುದು. ಅಂದರೆ ಹತ್ತು ತಿಂಗಳವರೆಗೆ ಪ್ರತಿ ತಿಂಗಳು 10,000 ರೂ ನಂತೆ ಒಟ್ಟು 1 ಲಕ್ಷವನ್ನು ನೀವು ಪಡೆಯಬಹುದು.

ಎಸ್​ಐಪಿ

ನಿಮ್ಮ ಬಳಿ ಒಂದು ದೊಡ್ಡ ಮೊತ್ತವಿದ್ದರೆ ಅದನ್ನು ನೀವು ಈಕ್ವಿಟಿ ಫಂಡ್​ನಲ್ಲಿ ಹೂಡಿಕೆ ಮಾಡಲು ಬಯಸಿದರೆ ಅದನ್ನು ಎಸ್​ಐಪಿ ಅಂದರೆ ವ್ಯವಸ್ಥಿತ ಹೂಡಿಕೆ ಯೋಜನೆಯಲ್ಲಿ 6 ರಿಂದ 12 ತಿಂಗಳ ಅವಧಿಯಲ್ಲಿ ಹೂಡಿಕೆ ಮಾಡಲು ಆರ್ಥಿಕ ಸಲಹೆಗಾರರು ಸಲಹೆ ನೀಡುತ್ತಾರೆ.

ಅಂದರೆ ಸಂಪೂರ್ಣ ಮೊತ್ತವನ್ನು ಒಂದೇ ಬಾರಿಗೆ ಹೂಡಿಕೆ ಮಾಡುವ ಬದಲಿಗೆ, ಪ್ರತಿ ತಿಂಗಳು ಒಟ್ಟು ಮೊತ್ತದ ಒಂದು ಭಾಗವನ್ನು ಹೂಡಿಕೆ ಮಾಡುತ್ತೀರಿ. ಈ ವಿಧಾನವು ನಿಮ್ಮ ಹೂಡಿಕೆಯ ಮೇಲೆ ಮಾರುಕಟ್ಟೆಯ ಏರಿಳಿತದ ಪರಿಣಾಮವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಜೊತೆಗೆ ದೀರ್ಘಾವಧಿಯಲ್ಲಿ ಆದಾಯವನ್ನು ಸಮರ್ಥವಾಗಿ ಸುಧಾರಿಸುತ್ತದೆ.

ನಿಯಮಿತ ಆದಾಯ ಯೋಜನೆಯನ್ನು ಆರಂಭಿಸಲು ನೀವು ಈ ತತ್ವಗಳನ್ನು ಅನುಸರಿಸಬಹುದು.

ಈಕ್ವಿಟಿ

ನಿಮ್ಮ ಹಣದ ಮೂರನೇ ಒಂದು ಭಾಗವನ್ನು ಈಕ್ಷಿಟಿಗಳಲ್ಲಿ ಹೂಡಿಕೆ ಮಾಡಿ. ಫ್ಲೆಕ್ಸಿ ಕ್ಯಾಪ್​ ಫಂಡ್​ಗಳಿಗೆ ಆದ್ಯತೆಗಳೊಂದಿಗೆ ನಿಮ್ಮ ಹೂಡಿಕೆಯ ಮೂರನೇ ಒಂದು ಭಾಗವನ್ನು ಈಕ್ಷಿಟಿಗೆ ನಿಯೋಜಿಸುವುದು ಸರಳ ಹೂಡಿಕೆಯಾಗಿದೆ. ಸಂಪ್ರದಾಯವಾದಿ ಹೂಡಿಕೆದಾರರಿಗೆ ದೊಡ್ಡ ಕ್ಯಾಪ್​ ನಿಧಿಗಳು ಅಥವಾ ಸೂಚ್ಯಂಕ ನಿಧಿಗಳು ಸಹ ಸೂಕ್ತವಾದ ಆಯ್ಕೆಯಾಗಿದೆ.

ಸಾಂಕೇತಿಕ ಚಿತ್ರ

ಅಂದರೆ ನಿಮ್ಮ ಮೂರನೇ ಎರಡು ಭಾಗದ ಮೊತ್ತ ಬಾಂಡ್​ಗಳು ಅತವಾ ನಗದು ಮುಂತಾದ ಇತರ ಆಸ್ತಿ ವರ್ಗಗಳಲ್ಲಿ ಹೂಡಿಕೆ ಮಾಡಲಾಗುವುದು. ಈ ವಿಧಾನವು ನಿಮ್ಮ ಹೂಡಿಕೆ ಬಂಡವಾಳವನ್ನು ವೈವಿಧ್ಯಗೊಳಿಸಲು ಸಹಾಯ ಮಾಡುತ್ತದೆ ಜೊತೆಗೆ ದೀರ್ಘಾವಧಿಯಲ್ಲಿ ಉತ್ತಮ ಆದಾಯ ನಿರೀಕ್ಷಿಸಬಹುದು.

ಲಿಕ್ವಿಡ್​ ಫಂಡ್​​

ನಿಮ್ಮ ವಾರ್ಷಿಕ ಆದಾಯದ ಅಗತ್ಯಗಳನ್ನು ಲಿಕ್ವಿಡ್​ ಫಂಡ್​ನಲ್ಲಿ ಹೂಡಿಕೆ ಮಾಡುವುದು ಸೂಕ್ತ. ಈ ಮೊತ್ತವು ನಿಮ್ಮ ಒಟ್ಟು ಹೂಡಿಕೆ ಬಂಡವಾಳದ 6% ನಷ್ಟು ಮೀರಬಾರದು. ಹೀಗೆ ಮಾಡುವುದರಿಂದ ತುರ್ತು ಸಂದರ್ಭದಲ್ಲಿ ಹಣಕಾಸಿನ ಅಗತ್ಯದಲ್ಲಿ ನಿಮಗೆ ಇದು ನೆರವಾಗುತ್ತದೆ.

ಅಲ್ಪಾವಧಿ ಬಾಂಡ್​ಗಳು

ಉಳಿದ ಮೊತ್ತವನ್ನು ಸ್ಥಿರ ಆದಾಯದಲ್ಲಿ, ಅಲ್ವಾವಧಿಯ ನಿಧಿಗಳಲ್ಲಿ ಹೂಡಿಕೆ ಮಾಡಿ. ಅಂದರೆ ಮೇಲೆ ತಿಳಿಸಿರುವ ಹೂಡಿಕೆಗಳ ನಂತರ ಉಳಿದ ಹಣವನ್ನು ಬಾಂಡ್​ಗಳು ಅಥವಾ ಸಾಲ ನಿಧಿಗಳಂತಹ ಸ್ಥಿರ ಆದಾಯದ ಭದ್ರತೆಗಳಲ್ಲಿ ಹೂಡಿಕೆ ಮಾಡಬಹುದು. ಈ ಅವಧಿ 1 ರಿಂದ 3 ವರ್ಷವಿದ್ದರೆ ಉತ್ತಮ.

ಪೋರ್ಟ್​​ಪೋಲಿಯೋ ಮರುಸಮತೋಲನಗೊಳಿಸಿ

ಈಕ್ವಿಟಿಗಳು ಶೇಕಡಾ 33-35 ರಷ್ಟು ಹಂಚಿಕೆ ಹೊಂದಿದೆ ಎನ್ನವುದನ್ನು ಅರಿತುಕೊಂಡು ಪ್ರತಿ ವರ್ಷ ನಿಮ್ಮ ಪೋರ್ಟ್​​ಪೋಲಿಯೋ ಮರು ಸಮತೋಲನಕ್ಕೆ ಒಳಪಡಿಸಿ.

ಆದಾಯ ಲಿಕ್ವಿಡ್​ ಫಂಡ್​ಗಳಿಗೆ ವರ್ಗಾಯಿಸಿ

ಪ್ರತಿ ವರ್ಷ ಅಗತ್ಯವಿರುವ ವಾರ್ಷಿಕ ಆದಾಯವನ್ನು ಲಿಕ್ವಿಡ್​​ ಫಂಡ್​ಗಳಿಗೆ ವರ್ಗಾಯಿಸುವುದು ಉತ್ತಮ. ಇದು 6% ನಷ್ಟಿರಬೇಕು.