• Home
  • »
  • News
  • »
  • business
  • »
  • Layoff: 21 ವರ್ಷ ಸೇವೆ ಸಲ್ಲಿಸಿದ ವ್ಯಕ್ತಿಯನ್ನು ಕೆಲಸದಿಂದ ವಜಾಗೊಳಿಸಿದ ಮೈಕ್ರೋಸಾಫ್ಟ್!

Layoff: 21 ವರ್ಷ ಸೇವೆ ಸಲ್ಲಿಸಿದ ವ್ಯಕ್ತಿಯನ್ನು ಕೆಲಸದಿಂದ ವಜಾಗೊಳಿಸಿದ ಮೈಕ್ರೋಸಾಫ್ಟ್!

ಮೈಕ್ರೋಸಾಫ್ಟ್‌

ಮೈಕ್ರೋಸಾಫ್ಟ್‌

ಮೈಕ್ರೋಸಾಫ್ಟ್ ಇತ್ತೀಚೆಗೆ 10,000 ಉದ್ಯೋಗಿಗಳನ್ನು ವಜಾಗೊಳಿಸುವುದಾಗಿ ಘೋಷಿಸಿದೆ ಮತ್ತು ಅವರಲ್ಲಿ ಹಲವರು ಲಿಂಕ್ಡ್ಇನ್ ನಲ್ಲಿ ಈಗಾಗಲೇ ಜಾಬ್​​ ಲೀಡ್ ಗಳಿಗಾಗಿ ಪೋಸ್ಟ್ ಮಾಡಲು ಪ್ರಾರಂಭಿಸಿದ್ದಾರೆ.

  • Share this:

ಈಗಂತೂ ಈ ಐಟಿ ಕಂಪನಿಗಳಲ್ಲಿ(IT Companies) ಬರೀ ಕೆಲಸದಿಂದ ವಜಾಗೊಳಿಸಿರುವುದರ(Layoff) ಸುದ್ದಿಗಳೇ ಹೆಚ್ಚಾಗಿ ಹರಿದಾಡುತ್ತಿವೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಯಾವಾಗ? ಯಾವ ಕಂಪನಿಯವರು? ಎಷ್ಟು ಜನ ಉದ್ಯೋಗಿಗಳನ್ನ ಏಕಾಏಕಿ ಕೆಲಸದಿಂದ ವಜಾಗೊಳಿಸುತ್ತಾರೆ ಅಂತ ಊಹೆ(Imagine) ಸಹ ಮಾಡುವುದಕ್ಕೆ ಆಗುತ್ತಿಲ್ಲ ನೋಡಿ. ಒಟ್ಟಿನಲ್ಲಿ ಹೇಳುವುದಾದರೆ ಐಟಿ ಕಂಪನಿಗಳಲ್ಲಿ ಕೆಲಸ ಮಾಡುವ ಉದ್ಯೋಗಿಗಳು(Employees) ಒಂದು ರೀತಿ ಆತಂಕದಲ್ಲಿಯೇ ಕೆಲಸ ಮಾಡುತ್ತಿದ್ದಾರೆ ಅಂತ ಹೇಳಬಹುದು.


ಮೈಕ್ರೋಸಾಫ್ಟ್ ಇತ್ತೀಚೆಗೆ 10,000 ಉದ್ಯೋಗಿಗಳನ್ನು ವಜಾಗೊಳಿಸುವುದಾಗಿ ಘೋಷಿಸಿದೆ ಮತ್ತು ಅವರಲ್ಲಿ ಹಲವರು ಲಿಂಕ್ಡ್ಇನ್ ನಲ್ಲಿ ಈಗಾಗಲೇ ಉದ್ಯೋಗ ಲೀಡ್ ಗಳಿಗಾಗಿ ಪೋಸ್ಟ್ ಮಾಡಲು ಪ್ರಾರಂಭಿಸಿದ್ದಾರೆ.


ಅವರಲ್ಲಿ ಒಬ್ಬರು ಭಾರತೀಯ ವ್ಯಕ್ತಿಯಾಗಿದ್ದು, ಅವರು ತಮ್ಮ ಜೀವನದ 21 ವರ್ಷಗಳನ್ನು ಮೈಕ್ರೋಸಾಫ್ಟ್ ಗೆ ನೀಡಿದ ನಂತರವೂ ಕಂಪನಿಯಿಂದ ವಜಾಗೊಂಡಿದ್ದಾರೆ. ಪ್ರತಿಷ್ಠಿತ ಟೆಕ್ ಸಂಸ್ಥೆಯಲ್ಲಿ ಕೆಲಸ ಕಳೆದುಕೊಂಡ ಪ್ರಶಾಂತ್ ಕಮಾನಿ, ಲಿಂಕ್ಡ್ಇನ್ ನಲ್ಲಿ ತನ್ನ ಕೆಲಸದಿಂದ ತೆಗೆದು ಹಾಕಿದ ಸುದ್ದಿಯನ್ನು ಹಂಚಿಕೊಂಡಿದ್ದಾರೆ.


ಕಮಾನಿ ಮೈಕ್ರೋಸಾಫ್ಟ್ ನಲ್ಲಿ 21 ವರ್ಷ ಕೆಲಸ ಮಾಡಿದ್ರಂತೆ


ಕಮಾನಿ ಮೈಕ್ರೋಸಾಫ್ಟ್ ಕಂಪನಿಯಲ್ಲಿ ಪ್ರಿನ್ಸಿಪಲ್ ಸಾಫ್ಟ್‌ವೇರ್ ಡೆವಲಪ್ಮೆಂಟ್ ಮ್ಯಾನೇಜರ್ ಆಗಿದ್ದರು ಮತ್ತು ಅವರನ್ನು ಕೆಲಸ ಬಿಡಲು ಹೇಳಿದರಂತೆ.


ಕಂಪನಿಯು ನಡೆಸುತ್ತಿರುವ ವಜಾ ಪ್ರಕ್ರಿಯೆಯಿಂದ ಭಾರತೀಯ ವ್ಯಕ್ತಿ ನಿರಾಶೆಗೊಂಡಿದ್ದರೆ, ಅಲ್ಲಿ ಕೆಲಸ ಮಾಡುವಾಗ ಪಡೆದ ಮಾನ್ಯತೆ ಮತ್ತು ಅವಕಾಶಗಳಿಂದಾಗಿ ಅವರು ಕಂಪನಿಗೆ ಕೃತಜ್ಞತೆಯನ್ನು ಸಹ ವ್ಯಕ್ತಪಡಿಸಿದರು. ಇದು ಮೈಕ್ರೋಸಾಫ್ಟ್ ನಲ್ಲಿ "ತೃಪ್ತಿದಾಯಕ" ಮತ್ತು "ಪ್ರತಿಫಲದಾಯಕ" ಅನುಭವವಾಗಿದೆ ಎಂದು ಅವರು ಹೇಳಿದರು.


ಇದನ್ನೂ ಓದಿ: Layoffs: ಕೆಲಸದಿಂದ ವಜಾಗೊಂಡ ಸುದ್ದಿಯನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡುತ್ತಿರುವ ಉದ್ಯೋಗಿಗಳು, ಕಾರಣ ಏನು?


ಮೈಕ್ರೋಸಾಫ್ಟ್ ನಲ್ಲಿ ಅನೇಕ ರೀತಿಯ ಕೆಲಸಗಳನ್ನು ಮಾಡಿದ್ದ ಕಮಾನಿ


"ನಾನು ಎಲ್ಲಕ್ಕಿಂತ ಹೆಚ್ಚಾಗಿ ಕೃತಜ್ಞತೆಯ ಭಾವನೆಯನ್ನು ಅನುಭವಿಸುತ್ತೇನೆ. ಕಾಲೇಜಿನ ನಂತರ ಮೈಕ್ರೋಸಾಫ್ಟ್ ನನ್ನ ಮೊದಲ ಕೆಲಸವಾಗಿತ್ತು ಮತ್ತು ಜೀವನದಲ್ಲಿ ನನಗೆ ಮುಂದೆ ಯಾವ ರೀತಿಯ ಅವಕಾಶಗಳು ಸಿಗುತ್ತವೆ ಅಂತ ಯೋಚಿಸುತ್ತಾ ಭಯಭೀತ ಮತ್ತು ಉತ್ಸಾಹದಿಂದ ವಿದೇಶಕ್ಕೆ ಬಂದದ್ದು ನನಗೆ ಇನ್ನೂ ಸರಿಯಾಗಿ ನೆನಪಿದೆ.


ಮೈಕ್ರೋಸಾಫ್ಟ್ ನಲ್ಲಿ 21 ವರ್ಷಗಳ ಕಾಲ, ಅನೇಕ ಪಾತ್ರಗಳಲ್ಲಿ, ಬಹು ಸಂಸ್ಥೆಗಳಲ್ಲಿ, ಐಸಿಯಾಗಿ ಮತ್ತು ಮ್ಯಾನೇಜರ್, ಕ್ಲೈಂಟ್, ಹೈಬ್ರಿಡ್ ಮತ್ತು ಸೇವೆಗಳ ಸಾಫ್ಟ್‌ವೇರ್, ವಿ 1 ಉತ್ಪನ್ನಗಳು ಮತ್ತು ವಿ 10 +, ಯುಎಕ್ಸ್, ಬ್ಯಾಕ್ ಎಂಡ್ ಮತ್ತು ಎಲ್ಲದರ ನಡುವೆ ಕೆಲಸ ಮಾಡಿದ ನಂತರ, ಇದು ತುಂಬಾ ತೃಪ್ತಿದಾಯಕ ಮತ್ತು ಲಾಭದಾಯಕವಾಗಿತ್ತು ಎಂದು ನಾನು ನಿಜವಾಗಿಯೂ ಹೇಳಬಲ್ಲೆ" ಎಂದು ಅವರು ಲಿಂಕ್ಡ್ಇನ್ ನಲ್ಲಿ ಬರೆದಿದ್ದಾರೆ.


"ನಾನು ತುಂಬಾ ವಿಷಯಗಳನ್ನು ಕಲಿತಿದ್ದೇನೆ ಮತ್ತು ಅದಕ್ಕೆ ತಕ್ಕಂತೆ ವೃತ್ತಿಜೀವನದಲ್ಲಿ ಪರಿಣಾಮಕಾರಿಯಾಗಿ ಬೆಳೆದಿದ್ದೇನೆ. ಮೈಕ್ರೋಸಾಫ್ಟ್ ನನಗೆ ನನ್ನ ಕೌಶಲ್ಯಗಳನ್ನು ವಿಸ್ತರಿಸಿಕೊಳ್ಳಲು ನನಗೆ ಅನೇಕ ಅವಕಾಶಗಳನ್ನು ನೀಡಿತು ಮತ್ತು ನಾನು ಅವುಗಳ ಸಂಪೂರ್ಣ ಲಾಭವನ್ನು ಪಡೆಯಲು ಸಾಧ್ಯವಾಯಿತು.


ನನ್ನ ವೃತ್ತಿಜೀವನದುದ್ದಕ್ಕೂ ನಾನು ಗಳಿಸಿದ ಅನುಭವದ ಸಂಪತ್ತನ್ನು ವರ್ಷಗಳಲ್ಲಿ ಅಳೆಯಲು ಸಾಧ್ಯವಿಲ್ಲ, ಅದು ನಿಜವಾಗಿಯೂ ಅಳೆಯಲಾಗದು. ಅದಕ್ಕಾಗಿ, ನಾನು ಮೈಕ್ರೋಸಾಫ್ಟ್ ಗೆ ನಿಜವಾಗಿಯೂ ಕೃತಜ್ಞನಾಗಿದ್ದೇನೆ" ಎಂದು ಅವರು ಹೇಳಿದರು.


ಕಮಾನಿ ಓದಿದ್ದು ದೆಹಲಿ ಮತ್ತು ಪುಣೆಯಲ್ಲಿ ಅಂತೆ


ಕಮಾನಿ ದೆಹಲಿಯ ಸೇಂಟ್ ಸ್ಟೀಫನ್ಸ್ ಕಾಲೇಜಿನಿಂದ ರಸಾಯನಶಾಸ್ತ್ರದಲ್ಲಿ ಬ್ಯಾಚುಲರ್ ಪದವಿ ಪಡೆದಿದ್ದಾರೆ. ಅವರು ಸಾವಿತ್ರಿಬಾಯಿ ಫುಲೆ ಪುಣೆ ವಿಶ್ವವಿದ್ಯಾಲಯದಿಂದ ಕಂಪ್ಯೂಟರ್ ಸೈನ್ಸ್ ಸ್ನಾತಕೋತ್ತರ ಪದವಿ ಪಡೆದರು.



ಅವರು ತಮ್ಮ ಟಿಪ್ಪಣಿಯಲ್ಲಿ ಬಹಿರಂಗಪಡಿಸಿದಂತೆ, ಕಮಾನಿ ಅವರ ಮೊದಲ ಕೆಲಸ ಮೈಕ್ರೋಸಾಫ್ಟ್ ಆಗಿತ್ತು ಮತ್ತು ಇದಕ್ಕಾಗಿ ಅವರನ್ನು ಯುಎಸ್ ಗೆ ಕಳುಹಿಸಲಾಯಿತು. ಕಮಾನಿ ಈ ಟೆಕ್ ಕಂಪನಿಯಲ್ಲಿ 15 ವರ್ಷಗಳಿಗಿಂತ ಹೆಚ್ಚು ಕಾಲ ಕೆಲಸ ಮಾಡಿದರು ಮತ್ತು ನಂತರ ಅವರು ಅಮೆಜಾನ್ ನಲ್ಲಿ ಎರಡು ವರ್ಷಗಳಿಗಿಂತ ಹೆಚ್ಚು ಕಾಲ ಕೆಲಸ ಮಾಡಿದರು.


2018 ರಲ್ಲಿ ಮತ್ತೆ ಮೈಕ್ರೋಸಾಫ್ಟ್ ಸೇರಿದರು. ಅಂದಿನಿಂದ, ಅವರು ಸುಮಾರು 5 ವರ್ಷಗಳಿಂದ ಈ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದಾರೆ ಎಂದು ಅವರ ಲಿಂಕ್ಡ್ಇನ್ ಪ್ರೊಫೈಲ್ ತಿಳಿಸಿದೆ. ಕಮಾನಿ ಅವರು ಕೈಯಲ್ಲಿ ಯಾವುದೇ ಆಫರ್ ಗಳಿವೆಯೇ ಅಥವಾ ಯಾವುದೇ ಆರ್ಥಿಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆಯೇ ಎಂದು ಉಲ್ಲೇಖಿಸಲಿಲ್ಲ.

Published by:Latha CG
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು