• Home
  • »
  • News
  • »
  • business
  • »
  • Fish Farming: ‘ಭೂ-ಆಧಾರಿತ’ ಮೀನು ಸಾಕಾಣಿಕೆ: ಲಾಭದಾಯಕ ಉದ್ಯಮ ಶುರು ಮಾಡಿದ ಅಸ್ಸಾಂ ಮಹಿಳೆ

Fish Farming: ‘ಭೂ-ಆಧಾರಿತ’ ಮೀನು ಸಾಕಾಣಿಕೆ: ಲಾಭದಾಯಕ ಉದ್ಯಮ ಶುರು ಮಾಡಿದ ಅಸ್ಸಾಂ ಮಹಿಳೆ

ಭೂ-ಆಧಾರಿತ ಮೀನು ಸಾಕಾಣಿಕೆ

ಭೂ-ಆಧಾರಿತ ಮೀನು ಸಾಕಾಣಿಕೆ

ಹೀಗಾಗಿ ಇದ್ದ ಸ್ವಲ್ಪ ಜಾಗದಲ್ಲಿಯೇ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಯೋಗ್ಯವಾದ ಕೃಷಿ ಮಾಡುವತ್ತ ಚಿತ್ತ ಹರಿಸುವುದು ಉತ್ತಮ. ಮೀನು ಸಾಕಣಿಕೆಗೂ ಕೂಡ ವಿಶಾಲವಾದ ಸ್ಥಳವೇ ಬೇಕೆಂದಿಲ್ಲ, ನಿಮ್ಮ ಟೆರೆಸ್‌ ನ ಸಣ್ಣ ಜಾಗದಲ್ಲೂ ಈಗ ಭೂಮಿ ಆಧಾರಿತ ಮೀನು ಉದ್ಯಮ ಆರಂಭಿಸಬಹುದು. ಹೇಗೆ ಅಂತೀರಾ, ಈ ಸಾಧಕಿಯ ಯೋಶೋಗಾಥೆ ಬಗ್ಗೆ ಒಮ್ಮೆ ಇಲ್ಲಿ ಓದಿ.

ಮುಂದೆ ಓದಿ ...
  • Share this:

ಮೀನು ಸಾಕಣಿಕೆ ಪ್ರಸ್ತುತ ಹೆಚ್ಚು ಲಾಭದಾಯಕ ಉದ್ಯಮವಾಗಿದೆ. ಮನೆಯಲ್ಲಿಯೇ ಹಲವಾರು ತಂತ್ರಜ್ಞಾನಗಳನ್ನು (Technology) ಅಳವಡಿಸಿಕೊಂಡು ಮೀನು ಸಾಕಣಿಕೆ ಮಾಡುತ್ತಿರುವವರ ಸಂಖ್ಯೆ ಗಣನೀಯವಾಗಿ ಹೆಚ್ಚಾಗಿದೆ. ಈಗಂತೂ ಕೃಷಿ ಮಾಡುವ ಕೆಲಸಕ್ಕೆ (Work) ಭೂಮಿ ಹುಡುಕುವುದೇ ಕಷ್ಟವಾಗಿದೆ. ಹೀಗಾಗಿ ಇದ್ದ ಸ್ವಲ್ಪ ಜಾಗದಲ್ಲಿಯೇ ತಂತ್ರಜ್ಞಾನಗಳನ್ನು ಬಳಸಿಕೊಂಡು ಯೋಗ್ಯವಾದ ಕೃಷಿ (agriculture) ಮಾಡುವತ್ತ ಚಿತ್ತ ಹರಿಸುವುದು ಉತ್ತಮ. ಮೀನು ಸಾಕಣಿಕೆಗೂ ಕೂಡ ವಿಶಾಲವಾದ ಸ್ಥಳವೇ ಬೇಕೆಂದಿಲ್ಲ, ನಿಮ್ಮ ಟೆರೆಸ್‌ ನ ಸಣ್ಣ ಜಾಗದಲ್ಲೂ ಈಗ ಭೂಮಿ ಆಧಾರಿತ ಮೀನು ಉದ್ಯಮ (Fish Farming) ಆರಂಭಿಸಬಹುದು. ಹೇಗೆ ಅಂತೀರಾ, ಈ ಸಾಧಕಿಯ ಯೋಶೋಗಾಥೆ ಬಗ್ಗೆ ಒಮ್ಮೆ ಇಲ್ಲಿ ಓದಿ.


ರಿಸರ್ಕ್ಯುಲೇಟಿಂಗ್ ಅಕ್ವಾಕಲ್ಚರ್ ಸಿಸ್ಟಮ್ ತಂತ್ರಜ್ಞಾನದ ಮೂಲಕ ಲಾಭದಾಯಕ ಉದ್ಯಮ
ಹೌದು, ಮೀನು ಸಾಕಣಿಕೆಯಲ್ಲಿ ಅದ್ವಿತೀಯ ಸಾಧನೆ ಮಾಡಿದವರ ಪಟ್ಟಿಗೆ ಅಸ್ಸಾಂನ ರಂಜಿತಾ ಸೈಕಿಯಾ ದೇಕಾ ಎಂಬ ಮಹಿಳೆಯದ್ದು ಹೊಸ ಸೇರ್ಪಡೆ ಎನ್ನಬಹುದು. ರಿಸರ್ಕ್ಯುಲೇಟಿಂಗ್ ಅಕ್ವಾಕಲ್ಚರ್ ಸಿಸ್ಟಮ್ (ಆರ್‌ಎಎಸ್) ತಂತ್ರಜ್ಞಾನವನ್ನು ಬಳಸಿಕೊಂಡು ಭೂ-ಆಧಾರಿತ ಮೀನು ಸಾಕಣೆಯನ್ನು ಪ್ರಾರಂಭಿಸಿದ ಇವರು 15 ಲಕ್ಷ ಆದಾಯವನ್ನು ಪಡೆಯುತ್ತಿದ್ದಾರೆ.


ಹಲವು ಏಳು-ಬೀಳು ಕಂಡಿದ್ದ ರಂಜಿತಾ
ಜೀವನದಲ್ಲಿ ಸಾಕಷ್ಟು ಏಳು ಬೀಳುಗಳನ್ನು ಕಂಡಿದ್ದ ರಂಜಿತಾ ಹಲವಾರು ವ್ಯವಹಾರಗಳಿಂದ ಈ ಹಿಂದೆ ಕೈ ಸುಟ್ಟುಕೊಂಡಿದ್ದಾರೆ. ಆದರೆ ಆರ್‌ಎಎಸ್ ತಂತ್ರಜ್ಞಾನ ಬಳಸಿಕೊಂಡ ಭೂ-ಆಧಾರಿತ ಮೀನು ಸಾಕಣೆಕೆ ಉದ್ಯಮ ರಂಜಿತಾ ಜೀವನದಲ್ಲಿ ಹೊಸ ತಿರುವು ನೀಡಿದೆ. ಹೊಸದಾಗಿ ಏನನ್ನಾದರೂ ಮಾಡಬೇಕೆಂಬ ತುಡಿತ ಹೊಂದಿದ್ದ ರಂಜಿತಾ 2005ರಲ್ಲಿ ಇಂಟರ್ನೆಟ್ ಮತ್ತು ಇತರ ಆಧುನಿಕ ತಂತ್ರಜ್ಞಾನಗಳನ್ನು ಬಳಸುವ ಬಗ್ಗೆ ಜಾಗೃತಿ ಮೂಡಿಸುವ ಮತ್ತು ಉಚಿತ ತರಗತಿಗಳನ್ನು ತೆಗೆದುಕೊಳ್ಳಲು ಪ್ರಾರಂಭಿಸಿದರು.




ಅಂತಿಮವಾಗಿ, ಅವರು ಧೇಮಾಜಿ ಜಿಲ್ಲೆಯಲ್ಲಿ ಆನ್‌ಲೈನ್ ಸೇವಾ ಅಂಗಡಿಯನ್ನು ತೆರೆದರು. ಆದರೆ ಕೊರೋನಾ, ನಂತರ ವ್ಯವಹಾರವನ್ನು ಬಿಕ್ಕಟ್ಟಿಗೆ ಸಿಲುಕಿಸಿತು. ಇದಾದ ನಂತರ ಆರ್ಥಿಕವಾಗಿ ನಾನು ದೊಡ್ಡ ಹೊಡೆತ ಅನುಭವಿಸಿದೆ ಎನ್ನುತ್ತಾರೆ ರಂಜಿತಾ.


ಇದನ್ನೂ ಓದಿ: Ravi Modi: ಭಾರತದ ಶ್ರೀಮಂತರ ಪಟ್ಟಿಯಲ್ಲಿ ಉದ್ಯಮಿ ರವಿ ಮೋದಿ; ಇವರ ಆಸ್ತಿ ಬಗ್ಗೆ ಗೊತ್ತಾದ್ರೆ ಶಾಕ್ ಆಗ್ತೀರಾ!


ಈ ಎಲ್ಲಾ ವಿದ್ಯಾಮಾನಗಳಿಂದ ಎದೆಗುಂದದ ರಂಜಿತಾ , 2018 ರಲ್ಲಿ, ಅವರು ಜಲಕೃಷಿ (ಅಕ್ವಾಪೋನಿಕ್ಸ್) ಮಾಡಲು ಪ್ರಾರಂಭಿಸಿದರು. “ಒಂದು ದಿನ ಯೂಟ್ಯೂಬ್‌ ವೀಕ್ಷಿಸುತ್ತಿರುವಾಗ ನಾನು ಅಕ್ವಾಪೋನಿಕ್ಸ್‌ನಲ್ಲಿ ವೀಡಿಯೊವನ್ನು ನೋಡಿದೆ ಮತ್ತು ಅಲ್ಲಿಯೇ ಈ ಆಲೋಚನೆ ನನ್ನ ಮನಸ್ಸಿಗೆ ಬಂದಿತು. ಸಾವಯವ ತರಕಾರಿಗಳು ಮತ್ತು ಮೀನುಗಳನ್ನು ಒಂದೇ ಪರಿಸರದಲ್ಲಿ ಬೆಳೆಯುವ ತಂತ್ರಜ್ಞಾನಕ್ಕೆ ನಾನು ಆಕರ್ಷಿತಳಾದೆ" ಎನ್ನುತ್ತಾರೆ ರಂಜಿತಾ.


ಜಲಕೃಷಿ (ಅಕ್ವಾಪೋನಿಕ್ಸ್) ಯಲ್ಲಿ ಯಶಸ್ಸು
ಕ್ರಮೇಣ ರಂಜಿತಾ ಆರಂಭಿಸಿದ ಅಕ್ವಾಪೋನಿಕ್ಸ್ ವ್ಯವಹಾರವು ದೊಡ್ಡ ಯಶಸ್ಸನ್ನು ಕಂಡಿತು ಮತ್ತು ಇದನ್ನು ಕಂಡ ಮೀನುಗಾರಿಕೆ ಇಲಾಖೆಯು 2017-18 ರಲ್ಲಿ ಭಾರತದ ನೀಲಿ ಕ್ರಾಂತಿಯ ಯೋಜನೆಯಡಿ ಈ ಹೈಟೆಕ್ ಯೋಜನೆಯನ್ನು ಸ್ಥಾಪಿಸಲು ಅವರನ್ನು ಸಂಪರ್ಕಿಸಿತು.


ಯೋಜನೆ ಯಶಸ್ವಿಯಾಗುತ್ತಿದ್ದಂತೆ ಕಳೆದ ಎರಡು ವರ್ಷಗಳಲ್ಲಿ, ಅಸ್ಸಾಂನ ವಿವಿಧ ಮೂಲೆಗಳಿಂದ ಮತ್ತು ಹೊರಗಿನಿಂದ ಜನ ತಂತ್ರಜ್ಞಾನದ ಬಗ್ಗೆ ತಿಳಿದುಕೊಳ್ಳಲು ರಂಜಿತಾ ಅವರನ್ನು ಭೇಟಿ ಮಾಡಲು ಬರುತ್ತಿದ್ದಾರೆ. ತ್ರಿಪುರಾದ ಮಾಜಿ ಮುಖ್ಯಮಂತ್ರಿ ಬಿಪ್ಲಬ್ ದೇಬ್ ಅವರ ಪತ್ನಿ ನೀತಿ ದೇಬ್ ಕೂಡ ರಂಜಿತಾ ಅವರ ಜಮೀನಿಗೆ ಭೇಟಿ ನೀಡಿದ್ದು, ತಮ್ಮ ತಾಯ್ನಾಡಿನಲ್ಲಿ ಯೋಜನೆಯನ್ನು ಪ್ರಾರಂಭಿಸಲು ಉತ್ಸುಕತೆಯನ್ನು ತೋರಿಸಿದ್ದಾರೆ.


"ಪ್ರಾಮಾಣಿಕವಾಗಿ ಹೇಳಬೇಕೆಂದರೆ, ಆಕ್ವಾಪೋನಿಕ್ಸ್‌ನ ನನ್ನ ಪ್ರಯೋಗ ಮತ್ತು ದೋಷ ವಿಧಾನಗಳು ತುಂಬಾ ಜನಪ್ರಿಯವಾಗುತ್ತವೆ ಎಂದು ನಾನು ಎಂದಿಗೂ ಊಹಿಸಿರಲಿಲ್ಲ. ಈ ಯಶಸ್ಸು ಮೀನುಗಾರಿಕಾ ಕ್ಷೇತ್ರದಲ್ಲಿ ಏನಾದರೂ ದೊಡ್ಡದನ್ನು ಮಾಡಲು ನನ್ನ ಆತ್ಮವಿಶ್ವಾಸವನ್ನು ಹೆಚ್ಚಿಸಿತು” ಎಂದು ಅವರು ಹೇಳುತ್ತಾರೆ.


ಏನಿದು ರಿಸರ್ಕ್ಯುಲೇಟಿಂಗ್ ಅಕ್ವಾಕಲ್ಚರ್ ಸಿಸ್ಟಮ್ ತಂತ್ರಜ್ಞಾನ?
ಹೌದು, ಮೀನು ಸಾಕಣೆ ಮಾಡಲು ಈಗ ವಿಶಾಲವಾದ ಭೂಮಿಯೇ ಬೇಕೆಂದೇನಿಲ್ಲ. ಸ್ವಲ್ಪ ಜಾಗವಿದ್ದರೂ ಅದೇ ಮೀನು ಸಾಕಣೆಗೆ ಯೋಗ್ಯ ಸ್ಥಳ. ಇಸ್ರಿಯಲ್ ರಿಸರ್ಕ್ಯುಲೇಟಿಂಗ್ ಅಕ್ವಾಕಲ್ಚರ್ ಸಿಸ್ಟಂ (RAS) ಒಂದು ಹೈಟೆಕ್ ಭೂ-ಆಧಾರಿತ ಮೀನು ಸಾಕಣೆ.


ಇದನ್ನೂ ಓದಿ:  Traditional Pottery: ಸಾವಯವ ಕುಂಬಾರಿಕೆಯಿಂದ ಯಶಸ್ಸು ಕಂಡ ಯುವಕ; ತಿಂಗಳಿಗೆ 2 ಲಕ್ಷ ಆದಾಯ


ಉನ್ನತ ತಂತ್ರಜ್ಞಾನದಡಿ ಪ್ರಾಥಮಿಕವಾಗಿ ಭೂಮಿಯ ಅತ್ಯುತ್ತಮ ಬಳಕೆಯಿಂದ ಮೀನು ಉತ್ಪಾದನೆಯನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ. ಇದು ನೀರಿನ ಸಂರಕ್ಷಣೆಗೂ ಹೆಚ್ಚು ಸಹಾಯ ಮಾಡುತ್ತದೆ. ಭಾರತದಲ್ಲಿ, ಈ ತಂತ್ರಜ್ಞಾನವನ್ನು 2015-16 ರಲ್ಲಿ ನೀಲಿ ಕ್ರಾಂತಿಯ ಯೋಜನೆಯಡಿಯಲ್ಲಿ ಸೇರಿಸಲಾಯಿತು.


ತಂತ್ರಜ್ಞಾನದ ಲಾಭ
ಮೀನು ಸಾಕಣೆ ಮಾಡುವ ತೊಟ್ಟಿಗಳಿಗೆ ಸುಮಾರು 50 ಸಾವಿರ ರೂ .ನಿಂದ 50 ಲಕ್ಷ ರೂ.ವರೆಗೆ ವೆಚ್ಚ ತಗಲುತ್ತದೆ. ಆದರೆ ಆರ್ಎಎಸ್ ತಂತ್ರಜ್ಞಾನದ ಬಳಕೆಯಿಂದಾಗಿ ಕಡಿಮೆ ಸ್ಥಳದಲ್ಲಿ, ಕೆಲವೇ ಕಾರ್ಮಿಕರೊಂದಿಗೆ ಸಂಪೂರ್ಣ ಸಾವಯವ ಮೀನುಗಳನ್ನು ಹೆಚ್ಚಾಗಿ ಉತ್ಪಾದಿಸಬಹುದು. ಸಾಮಾನ್ಯವಾಗಿ 100 ಲೀಟರ್ ತೊಟ್ಟಿಯಲ್ಲಿ 1 ಕೆಜಿ ಮೀನುಗಳನ್ನು ಸಾಕಲಾಗುತ್ತದೆ. ಆದರೆ ಆರ್‌ಎಎಸ್ ತಂತ್ರಜ್ಞಾನದ ಮೂಲಕ 10 ಲೀಟರ್ ತೊಟ್ಟಿಯಲ್ಲಿ 1 ಕೆಜಿ ಮೀನುಗಳನ್ನು ಸುಲಭವಾಗಿ ಸಾಕಬಹುದು.




ಹೀಗಾಗಿ, ರಂಜಿತಾ 2020ರ ಸೆಪ್ಟೆಂಬರ್‌ ನಲ್ಲಿ ಆರ್‌ಎಎಸ್ ನೊಂದಿಗೆ ಅಧಿಕೃತವಾಗಿ ಮೀನು ಸಾಕಣೆಯನ್ನು ಪ್ರಾರಂಭಿಸಿದರು. ಪ್ರಸ್ತುತ ಅವರ ಬಳಿ 8 ಅಡಿ ಉದ್ದ, 5 ಅಡಿ ಆಳದ 8 ತೊಟ್ಟಿಗಳಿದ್ದು, ಇದರಲ್ಲಿ 6 ಲಕ್ಷ ಲೀಟರ್ ನೀರನ್ನು ಶೇಖರಿಸಿ ಕ್ವಿಂಟಾಲ್ಗಟ್ಟಲೇ ಮೀನುಗಳನ್ನು ಸಾಕಣೆ ಮಾಡುತ್ತಿದ್ದಾರೆ. ರಂಜಿತಾ ಅವರು ಕ್ವಿಂಟಾಲ್ ಇಂಡಿಯನ್ ಮೇಜರ್ ಕಾರ್ಬ್ (IMC) ಮೀನುಗಳಾದ ರೋಹು, ಕ್ಯಾಟ್ಲಾ ಕ್ಯಾಟ್‌ಫಿಶ್ (ಮಗೂರ್) ಫಾಸಿಲ್ ಕ್ಯಾಟ್ (ಸಿಂಘಿ) ಅನ್ನು ಉತ್ಪಾದಿಸುತ್ತಿದ್ದಾರೆ. ಪಂಗಾಸ್ ಕ್ಯಾಟ್‌ಫಿಶ್ (ಕೋಶ್), ಚೈನೀಸ್ ಪ್ರೊಮೊಫೆಟ್ (ರೂಪಚಂದ) ನಂತಹ ಹಲವು ಮೀನುಗಳನ್ನು ಇವರು ಸಾಕಣಿಕೆ ಮಾಡುತ್ತಿದ್ದಾರೆ.


''ಹೆಚ್ಚು ಔಷಧೀಯ ಮೌಲ್ಯದ ಮೀನುಗಳಿಗೆ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ನಾವು ಹೆಚ್ಚಾಗಿ ಜಾಗಿರೋಡ್, ಸೋನಾಪುರ್ ಮತ್ತು ಗುವಾಹಟಿಯಲ್ಲಿ ಕೆಲವು ಮೀನು ಮಾರುಕಟ್ಟೆಗಳನ್ನು ಗುರಿಯಾಗಿಸಿಕೊಂಡಿದ್ದೇವೆ, ಅಲ್ಲಿ ದಿನಕ್ಕೆ ಸರಾಸರಿ 10 ಕೆಜಿ ಮಾರಾಟವಾಗುತ್ತದೆ. ನಮ್ಮಲ್ಲಿ ಬೆರಳೆಣಿಕೆಯಷ್ಟು ಸಾಮಾನ್ಯ ಗ್ರಾಹಕರೂ ಇದ್ದಾರೆ. ಇದಲ್ಲದೆ, ಕೆಲವೊಮ್ಮೆ ನಾವು ಆರ್ಡರ್‌ ಪಡೆಯುವ ಪ್ರಕಾರ ಗುವಾಹಟಿಯ ವಿವಿಧ ಭಾಗಗಳಲ್ಲಿ ಹೋಮ್ ಡೆಲಿವರಿ ಮಾಡುತ್ತೇವೆ, ”ಎಂದು ಅವರು ಮಾಹಿತಿ ನೀಡುತ್ತಾರೆ.


RAS ನಲ್ಲಿ ಮೀನು ಸಾಕಣೆ ಒಂದು ಸವಾಲಿನ ಕೆಲಸವಾಗಿದೆ ಎಂಬುದರಲ್ಲಿ ಸಂದೇಹವಿಲ್ಲ, ಆದರೆ ಬಹುತೇಕ ಎಲ್ಲದರಲ್ಲೂ ರಾಸಾಯನಿಕಗಳನ್ನು ಹೊಂದಿರುವ ಯುಗದಲ್ಲಿ ಜನರಿಗೆ ತಾಜಾ, ರುಚಿಕರವಾದ ಮತ್ತು ಆರೋಗ್ಯಕರ ಮೀನುಗಳನ್ನು ಒದಗಿಸುವುದರಲ್ಲಿ ಹೆಚ್ಚು ತೃಪ್ತಿ ಇದೆ ಎಂದು ರಂಜಿತಾ ತಿಳಿಸಿದ್ದಾರೆ. ರಂಜಿತಾ ಅವರು ಗುವಾಹಟಿ ಬಳಿ ಸಂಪೂರ್ಣ ಸಾವಯವ ಜೀವಂತ ಮೀನು ಮಾರುಕಟ್ಟೆಯನ್ನು ಸ್ಥಾಪಿಸುವ ಕನಸು ಹೊಂದಿದ್ದು, ಈ ನಿಟ್ಟಿನಲ್ಲಿ ಕೆಲಸ ಮಾಡುತ್ತಿದ್ದಾರೆ.


ಎ ಗ್ರೇಟ್ ಮೆಂಟರ್
ಈ ಸುಧಾರಿತ ತಂತ್ರಜ್ಞಾನಕ್ಕೆ ಕಡಿಮೆ ಕಾರ್ಮಿಕರ ಅಗತ್ಯವಿರುವುದರಿಂದ ರಂಜಿತಾ ತನಗೆ ಸಹಾಯ ಮಾಡಲು ಇಬ್ಬರು ಉದ್ಯೋಗಿಗಳನ್ನು ನೇಮಿಸಿಕೊಂಡಿದ್ದಾರೆ. ಮೀನು ಪ್ಲಾಂಟ್‌ನಲ್ಲಿ ಕೆಲಸ ಮಾಡುತ್ತಿರುವ ರಂಜಿತಾ ಅವರ ಇಬ್ಬರು ಉದ್ಯೋಗಿಗಳಲ್ಲಿ ಒಬ್ಬರಾದ ತಿಲಕ್ ಸೋನೋವಾಲ್ ಮಾತನಾಡಿ, “ನಾನು ಕಳೆದ ಆರು ವರ್ಷಗಳಿಂದ ರಂಜಿತಾ ಜೊತೆ ಕೆಲಸ ಮಾಡುತ್ತಿದ್ದೇನೆ ಮತ್ತು ಅವಳು ನನ್ನ ಜೀವನವನ್ನು ಸಂಪೂರ್ಣವಾಗಿ ಬದಲಾಯಿಸಿದ್ದಾಳೆ.




ಈ ಹಿಂದೆ, ನಾನು ನನ್ನ ಹಳ್ಳಿಯಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಸಾಕಷ್ಟು ಬಡತನವನ್ನು ಅನುಭವಿಸುತ್ತಿದ್ದೆ. ಆದರೆ ಈಗ ನಾನು ಇಲ್ಲಿ ನಿಯಮಿತ ಆದಾಯವನ್ನು ಹೊಂದಿದ್ದೇನೆ ಅದು ನನ್ನ ಇಡೀ ಕುಟುಂಬಕ್ಕೆ ಯೋಗ್ಯ ಜೀವನ ನಡೆಸಲು ಸಹಾಯ ಮಾಡುತ್ತಿದೆ" ಎಂದು ರಂಜಿತಾ ಅವರನ್ನು ಹೊಗಳಿದ್ದಾರೆ.


ಇತರರಿಗೆ ತಂತ್ರಜ್ಞಾನ ಹಂಚುತ್ತಿರುವ ರಂಜಿತಾ
ಕ್ಷೇತ್ರದಲ್ಲಿ ಪ್ರವರ್ತಕರಾಗಿರುವ ರಂಜಿತಾ, ಈಗ ಮೀನು ಸಾಕಣೆ ಬಗ್ಗೆ ಸಾಕಷ್ಟು ತಿಳಿದುಕೊಂಡಿದ್ದಾರೆ. ಆಕೆಯ ಯಶೋಗಾಥೆಯು ಈ ಹೊಸ ತಂತ್ರಜ್ಞಾನವನ್ನು ಪ್ರಯತ್ನಿಸಲು ಅನೇಕರನ್ನು ಪ್ರೋತ್ಸಾಹಿಸುತ್ತಿದೆ ಎನ್ನಬಹುದು.


ಇದನ್ನೂ ಓದಿ:  Plant Based Meat: ಭಾರತದ ಮೊದಲ ಸಸ್ಯ ಆಧಾರಿತ ಮಾಂಸ ಗುಜರಾತ್‌ನಿಂದ ಅಮೆರಿಕಾಕ್ಕೆ ರಫ್ತು


ಈ ಉದ್ಯಮವನ್ನು ಆರಂಭಿಸುವವರಿಗೆ ಮಾಹಿತಿ, ಜ್ಞಾನ ಒದಗಿಸಿರುವ ರಂಜಿತಾ ಹಲವರಿಗೆ ಬೆಂಬಲವಾಗಿ ನಿಂತಿದ್ದಾರೆ. ಹಲವರು ಈಗಾಗ್ಲೇ ರಂಜಿತಾ ಅವರ ಮಾಹಿತಿಯ ಮೇರೆಗೆ ರಿಸರ್ಕ್ಯುಲೇಟಿಂಗ್ ಅಕ್ವಾಕಲ್ಚರ್ ಸಿಸ್ಟಮ್ (ಆರ್‌ಎಎಸ್) ತಂತ್ರಜ್ಞಾನವನ್ನು ಬಳಸಿಕೊಂಡು ಮೀನುಸಾಕಾಣಿಕೆ ಉದ್ಯಮ ಆರಂಭಿಸಿದ್ದಾರೆ.


ರಂಜಿತಾ ಅವರ ಆದಾಯ
“2021ರಲ್ಲಿ, ಮೀನು ಕೃಷಿಯ ಒಟ್ಟು ವಹಿವಾಟು 11.25 ಲಕ್ಷ ರೂಪಾಯಿಗಳಾಗಿದ್ದು, ಜೂನ್ 2022ರಲ್ಲಿ ಆದಾಯ 14.8 ಲಕ್ಷಕ್ಕೆ ಏರಿದೆ. ಈ ವರ್ಷದ ಅಂತ್ಯದ ವೇಳೆಗೆ 20 ಲಕ್ಷಕ್ಕೆ ಮುಟ್ಟುವ ಭರವಸೆ ಇದೆ' ಎಂದು ರಂಜಿತಾ ತಿಳಿಸಿದ್ದಾರೆ.

Published by:Ashwini Prabhu
First published: