Krishi Pandit Award: ರೈತರೇ, ತಡಮಾಡದೇ ಕೃಷಿ ಪಂಡಿತ ಪ್ರಶಸ್ತಿಗೆ ಈಗಲೇ ಅರ್ಜಿ ಹಾಕಿ; ಇಲ್ಲಿದೆ ವಿವರ

ಸೃಜನಶೀಲ ಅತ್ಯುತ್ತಮ ಕೃಷಿಕರನ್ನು ಗೌರವಿಸಲು ಎಂದೇ ಕರ್ನಾಟಕ ಸರ್ಕಾರ ಕೃಷಿ ಪಂಡಿತ ಮತ್ತು ಕೃಷಿ ಪ್ರಶಸ್ತಿಗೆ ಅರ್ಜಿ ಆಹ್ವಾನಿಸಿದೆ. ಈ ಪ್ರಶಸ್ತಿಗೆ ಅರ್ಜಿ ಸಲ್ಲಿಸುವ ಪ್ರಕ್ರಿಯೆ ಹೇಗೆ? ಸಂಪೂರ್ಣ ವಿವರ ಇಲ್ಲಿದೆ.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
    ಕೃಷಿಕರಿಗೆ ಎಂದೇ ಒಂದಲ್ಲಾ ಒಂದು ಯೋಜನೆಗಳನ್ನು ಘೋಷಿಸಿ ಕೃಷಿ ಸಮುದಾಯವನ್ನು ಉನ್ನತ ಹಂತಕ್ಕೆ ತರುವ ಪ್ರಯತ್ನ ನಡೆಸಲಾಗುತ್ತದೆ. ವಿವಿಧ ಸಬ್ಸಿಡಿಗಳು ಮೂಲಕ ರೈತರಿಗೆ ಆರ್ಥಿಕ ಚೈತನ್ಯ (Farmers Economy Growth) ನೀಡುವ ಪ್ರಯತ್ನಗಳನ್ನೂ ಸಹ ಸರ್ಕಾರಗಳು ಮಾಡುತ್ತಲೇ ಇರುತ್ತವೆ. ಕೃಷಿ ಇಲಾಖೆಯಂತೂ (Agriculture Department) ಒಂದಲ್ಲಾ ಒಂದು ಯೋಜನೆಗಳ ಮೂಲಕ ಕೃಷಿಕರಿಗೆ ಆಧುನಿಕ ಸಲಕರಣೆಗಳನ್ನು ಬಳಸಲು ಟ್ರೇನಿಂಗ್ ನೀಡುತ್ತಲೇ ಇರುತ್ತದೆ. ಇಂತಹ ಯೋಜನೆಗಳ ಕುರಿತು ತಿಳಿದುಕೊಂಡು ಕೃಷಿಯಲ್ಲಿ ಪರಿಣಿತಿ ಪಡೆಯುವ ಉತ್ಸಾಹ ಹಲವರಿಗೆ ಇರುತ್ತದೆ. ಅಂತವರೇ ತಮ್ಮ ಪ್ರಯತ್ನಗಳ ಮೂಲಕ ಪ್ರಗತಿಪರ ಕೃಷಿಕರು ಎನಿಸಿಕೊಂಡು ಹೆಸರು ಗಳಿಸುತ್ತಾರೆ. ಇಂತಹ ಪರಿಣಿತ ರೈತರನ್ನು ಪುರಸ್ಕರಿಸಲು ಎಂದೇ ಕರ್ನಾಟಕ ಸರ್ಕಾರ (Karnataka Government) ಕೃಷಿ ಪಂಡಿತ ಪ್ರಶಸ್ತಿಗೆ (Krishi Pandit Award) ಅರ್ಜಿ ಆಹ್ವಾನಿಸಿದೆ.

    ಕೃಷಿ ಕ್ಷೇತ್ರದಲ್ಲಿ ಸೃಜನಾತ್ಮಕತೆ, ಆಧುನಿಕತೆ ಮುಂತಾದವುಗಳನ್ನು ರೂಢಿಸಿಕೊಳ್ಳುವ ಮೂಲಕ ಹೊಸ ರೀತಿಯಲ್ಲಿ ಕೃಷಿ ಮಾಡುವ ಹಲವು ರೈತರನ್ನು ನಾವು ಕಾಣುತ್ತೇವೆ. ಅಂತಹ ಪ್ರಗತಿಪರ ಕೃಷಿಕರು ತಮ್ಮ ಜೊತೆ ಇತರರನ್ನೂ ಅಭಿವೃದ್ಧಿಯ ಹಾದಿಯಲ್ಲಿ ಕರೆದೊಯ್ಯುತ್ತಾರೆ. ಇಂತಹ ಸೃಜನಶೀಲ ಅತ್ಯುತ್ತಮ ಕೃಷಿಕರನ್ನು ಗೌರವಿಸಲು ಎಂದೇ ಕರ್ನಾಟಕ ಸರ್ಕಾರ ಕೃಷಿ ಪಂಡಿತ ಮತ್ತು ಕೃಷಿ ಪ್ರಶಸ್ತಿಗೆ ಅರ್ಜಿ ಆಹ್ವಾನಿಸಿದೆ.

    ಕೃಷಿ ಪಂಡಿತ ಪ್ರಶಸ್ತಿಗೆ ಅರ್ಜಿ ಹಾಕಲು ಇರುವ ಮಾನದಂಡಗಳೇನು?
    ಕರ್ನಾಟಕ ಸರ್ಕಾರವು ಕೊಡಮಾಡುವ ಕೃಷಿ ಪಂಡಿತ ಪ್ರಶಸ್ತಿಗೆ ಅರ್ಜಿ ಹಾಕಲು ಇಚ್ಛಿಸಿರುವವರು ಕೃಷಿ ಕ್ಷೇತ್ರದಲ್ಲಿ ವಿನೂತನ ಸಾಧನೆ ಮಾಡಿರಬೇಕು. ಆಧುನಿಕ ಕೃಷಿಯನ್ನು ಅಳವಡಿಸಿಕೊಂಡು ಕೃಷಿ ಕ್ಷೇತ್ರದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿರಬೇಕು. ಕೃಷಿ ಕ್ಷೇತ್ರದಲ್ಲಿ ಅತ್ಯುತ್ತಮ ಸಾಧನೆ ಮಾಡಿದ್ದು ಉತ್ತಮ ಕೃಷಿಕರಾಗಿರಬೇಕು.

    ಕೃಷಿ ಕ್ಷೇತ್ರದಲ್ಲಿ ಹೊಸ ಅನ್ವೇಷಣೆ ಮಾಡಿರುವ ಕೃಷಿಕರಾದರೆ ಅತ್ಯುತ್ತಮ. ಕೃಷಿ ಸಂಶೋಧನೆ, ಅನ್ವೇಷಣೆ ಮಾಡಿದ ರೈತರಿಗೆ ಈ ಪ್ರಶಸ್ತಿಗೆ ಸರ್ಕಾರ ನೀಡುತ್ತದೆ.

    ಈ ಹಿಂದೆ ಪ್ರಶಸ್ತಿ ಪಡೆದವರಿಗೆ ಇಲ್ಲ ಅವಕಾಶ
    ಆದರೆ ಕರ್ನಾಟಕ ಸರ್ಕಾರ ಕೊಡಮಾಡುವ ಕೃಷಿ ಪಂಡಿತ ಪ್ರಶಸ್ತಿಯನ್ನು ಈ ಹಿಂದೆ ಒಮ್ಮೆ ಪಡೆದ ಯಾರೂ ಇನ್ನೊಮ್ಮೆ ಅರ್ಜಿ ಹಾಕುವಂತಿಲ್ಲ ಎಂಬ ನಿಯಮವಿದೆ ನೆನಪಿಡಿ.

    ಅರ್ಜಿ ಎಲ್ಲಿ ಸಲ್ಲಿಸಬೇಕು?
    ಅಷ್ಟೇ ಅಲ್ಲದೇ ಇನ್ನಷ್ಟು ಮುಖ್ಯವಾಗಿ ಕರ್ನಾಟಕ ಸರ್ಕಾರದ ಕೃಷಿ ಇಲಾಖೆಯು ಈಗಾಗಲೇ ನಿಗದಿಪಡಿಸಿರುವ ನಮೂನೆಯಲ್ಲಿ ಅಗತ್ಯ ಮಾಹಿತಿಯನ್ನು ಭರ್ತಿ ಮಾಡಿ ಕೃಷಿ ಇಲಾಖೆ ನಿಗದಿಪಡಿಸಿರುವ ಅಂತಿಮ ದಿನಾಂಕದ ಒಳಗೆ ಅರ್ಜಿಯನ್ನು ನಿಮ್ಮ ತಾಲೂಕಿನ ಕೃಷಿ ಇಲಾಖೆಯ ಕಚೇರಿಗೆ ಸಲ್ಲಿಸಬೇಕು.

    ಇದನ್ನೂ ಓದಿ: High Quality Seeds: ರೈತರೇ, ಗುಣಮಟ್ಟದ ಬೀಜ ಉತ್ಪಾದಿಸಲು ಹೀಗೆ ಮಾಡಿ! ನಕಲಿ ಕಂಪನಿಗಳಿಂದ ಮೋಸಹೋಗಬೇಡಿ

    ಪ್ರಶಸ್ತಿಯ ವಿವರಗಳು ಹೀಗಿವೆ
    ಕೃಷಿ ಪಂಡಿತ ಪ್ರಶಸ್ತಿಗೆ ಪುರಸ್ಕಾರವಾಗಿ ಕರ್ನಾಟಕ ಸರ್ಕಾರವು ಉತ್ತಮ ಮೊತ್ತವನ್ನೇ ನೀಡಿ ಗೌರವಿಸುತ್ತಿದೆ. 

    ಕೃಷಿ ಪಂಡಿತ –ಪ್ರಥಮ ಬಹುಮಾನ - 1,25,000

    ಕೃಷಿ ಪಂಡಿತ-ದ್ವಿತೀಯ ಬಹುಮಾನ - 1,00,000

    ಕೃಷಿ ಪಂಡಿತ-ತೃತೀಯ ಬಹುಮಾನ - 75,000

    ಕೃಷಿ ಪಂಡಿತ ಉದಯೋನ್ಮುಖ ಬಹುಮಾನ - ತಲಾ 50,000.

    ಹೀಗಿವೆ ನಿಯಮಗಳು
    ಇನ್ನೊಂದು ಮಹತ್ವದ ವಿಚಾರವೆಂದರೆ ಕೇಂದ್ರ ಅಥವಾ ಕರ್ನಾಟಕ ಸರ್ಕಾರಿ ಸೇವೆಯಲ್ಲಿರುವ ಯಾವುದೇ ಇಲಾಖೆಯ, ಅಥವಾ ವಿಶ್ವವಿದ್ಯಾಲಯದ ಅಥವಾ ಸರ್ಕಾರಿ ಸ್ವಾಮ್ಯದ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿರುವ ಸರ್ಕಾರಿ ನೌಕರರು ಮತ್ತು ಅವರ ಕುಟುಂಬದ ಸದಸ್ಯರು ಕೃಷಿ ಪಂಡಿತ ಪ್ರಶಸ್ತಿಗೆ ಅರ್ಜಿ ಹಾಕುವಂತಿಲ್ಲ.

    ಕೃಷಿ ಪಂಡಿತ ಮತ್ತು ಕೃಷಿ ಪ್ರಶಸ್ತಿಗೆ ಅರ್ಜಿ ಹಾಕುವ ಅಭ್ಯರ್ಥಿಗಳು ಸ್ವಯಂ ಬೇಸಾಯ ಮಾಡುತ್ತಿರಬೇಕು. ಪ್ರಸ್ತುತ ಕೃಷಿಯನ್ನೇ ಮಾಡುತ್ತಿರಬೇಕು.

    ಇದನ್ನೂ ಓದಿ: PM KISAN: ಗುಡ್ ನ್ಯೂಸ್, ಪ್ರಧಾನಿ ಕಚೇರಿಯಿಂದ ಪ್ರಮುಖ ಘೋಷಣೆ

    ಕೃಷಿ ಪಂಡಿತ ಅಥವಾ ಕೃಷಿ ಪ್ರಶಸ್ತಿಗೆ ಅರ್ಜಿ ಹಾಕುವವರು ಸ್ವಂತ ಜಮೀನು ಹೊಂದಿರಲೇಬೇಕು ಎಂಬ ಕಡ್ಡಾಯ ನಿಯಮವಿಲ್ಲ.  ಸಹಭಾಗಿತ್ವ ಅಥವಾ ಸಮುದಾಯದ ಜೊತೆಗೂಡಿ ಕೃಷಿ ಮಾಡುತ್ತಿರುವ ಕೃಷಿಕರು ಸಹ ಈ ಪ್ರಶಸ್ತಿಗಳಿಗೆ ಅರ್ಜಿ ಸಲ್ಲಿಸಬಹುದು.
    Published by:guruganesh bhat
    First published: