Discount Offer: ಬ್ರ್ಯಾಂಡೆಡ್ ಫುಡ್ಸ್​ ಮೇಲೆ ಭರ್ಜರಿ ಡಿಸ್ಕೌಂಟ್​, ಇದರ ಹಿಂದಿದೆ ಪರಿಸರ ಕಾಳಜಿ!

ಇವತ್ತು ಆಹಾರೋದ್ಯಮ ಎಂಬುದು ಸುಲಭವಾದ ಕ್ಷೇತ್ರವಲ್ಲ. ಗ್ರಾಹಕ ಪ್ರತಿ ವಸ್ತುವಿನ ಎಕ್ಸ್​​ಪೈರಿ ಡೇಟ್​ (Expiration Date) ನೋಡುತ್ತಾನೆ. ಅದರ ವಿವರ ತಿಳಿಯುತ್ತಾನೆ. ಬೇಡವೆಂದರೆ ಸುಲಭದಲ್ಲಿ ರಿಜೆಕ್ಟ್​ ಮಾಡುತ್ತಾನೆ. ಹೀಗೆ ತಿರಸ್ಕರಿಸಲ್ಪಟ್ಟ ಆಹಾರವು (Food) ನಿಧಾನಕ್ಕೆ ಭೂಮಿ ಸೇರಿ ಪರಿಸರ ಮಾಲಿನ್ಯಕ್ಕೆ ಕಾರಣವಾಗುತ್ತಿದೆ. ಇದಕ್ಕಿರೋ ಪರಿಹಾರವೇನು? ಇದನ್ನು ನಿಭಾಯಿಸುವುದು ಹೇಗೆ? ಎನ್ನುವ ಪ್ರಶ್ನೆಗೆ ಇಲ್ಲಿದೆ ಉತ್ತರ. ಕೊಲ್ಕತ್ತಾದ ಮಿಲಿಂದ್​ ಷಾ ಅವರು ಎಫ್​ಎಮ್​ಸಿಜಿ ವಲಯದಲ್ಲಿ ನಷ್ಟದ ಸಮಸ್ಯೆ ಪರಿಹರಿಸಲು ಗೌರಾ ಸಂಸ್ಥೆಯನ್ನು (Organisation) ಸ್ಥಾಪಿಸಿದ್ದಾರೆ. ಆ ಮೂಲಕ ಎಕ್ಸ್​​ಪೈರಿ ಡೇಟ್​ ತಲುಪುತ್ತಿರುವ, ಹಾನಿಗೊಳಗಾದ ಉತ್ಪನ್ನಗಳನ್ನು ರಿಯಾಯಿತಿ ದರದಲ್ಲಿ ಮಾರಾಟ ಮಾಡುತ್ತಿದ್ದಾರೆ.

ಇದರಿಂದ ಬಹುತೇಕ ಉತ್ಪನ್ನಗಳು ಭೂಮಿಯೊಳಗೆ ತ್ಯಾಜ್ಯವಾಗಿ ಹೊರೆಯಾಗದಂತೆ ನೋಡಿಕೊಳ್ಳುತ್ತಿದ್ದಾರೆ. ಆ ಮೂಲಕ ಆಹಾರ ಯಾರಿಗೂ ಕಾಯದೇ ಹಸಿದವರನ್ನು ಸೇರುತ್ತಿದೆ. ಒಂದೆಡೆ ಹಸಿವು ಮುಕ್ತ, ಮತ್ತೊಂದೆಡೆ ಪರಿಸರ ಸಂರಕ್ಷಣೆಗೆ ಮಿಲಿಂದ್ ಕಾರಣರಾಗಿದ್ದಾರೆ.

ಆಹಾರ ತ್ಯಾಜ್ಯವಾಗಿ ಭೂಮಿ ಸೇರುತ್ತಿದೆ

29 ವರ್ಷದ ಸಾಫ್ಟ್​ವೇರ್​ ಎಂಜಿನಿಯರ್​​​ ಮಿಲಿಂದ್​ ಶಾ ಕುಟುಂಬ ಕೊಲ್ಕಾತ್ತಾದಲ್ಲಿ ವಿತರಣೆಯ ವ್ಯಾಪಾರವನ್ನು ನಡೆಸುತ್ತಿದೆ. ಇದರಲ್ಲಿ ಸಾಕಷ್ಟು ಉತ್ಪನ್ನಗಳು ಹಲವಾರು ಕಾರಣಗಳಿಂದ ನಿರಾಕರಣೆಗೆ ಒಳಪಡುತ್ತವೆ.

ಈ ರೀತಿಯಾಗಿ ಪೂರೈಕೆ ಸರಪಳಿಯ ಅಸಮರ್ಪಕ ನಿರ್ವಹಣೆಯಿಂದ ಪ್ರತಿವರ್ಷ 69 ಮಿಲಿಯನ್ ಟನ್ ಆಹಾರ ತ್ಯಾಜ್ಯ ಭೂಮಿ ಸೇರುತ್ತಿದೆ ಎನ್ನುವ ಅಂಶವನ್ನು ಸಂಶೋಧನೆಗಳಿಂದ ತಿಳಿದುಕೊಂಡರು ಮಿಲಿಂದ್.

ಇದನ್ನೂ ಓದಿ: ಆರ್ಥಿಕ ಬಿಕ್ಕಟ್ಟಿನ ಮಧ್ಯೆಯೇ ಜನರಿಗೆ ಮತ್ತೆ ಶಾಕ್‌: ಪೆಟ್ರೋಲ್ ಬೆಲೆ ಮತ್ತೆ ₹10 ಹೆಚ್ಚಿಸಿದ ಪಾಕ್‌!

ಇನ್ನೊಂದೆಡೆ ಆಹಾರವಿಲ್ಲದೆ ಹಸಿವಿನಿಂದ ಇರುವವರು ಸಮಸ್ಯೆ ಬಗ್ಗೆ ಮಿಲಿಂದ್ ಅವರಿಗೆ ಅರಿವಿತ್ತು. ಇದಕ್ಕೆ ಪರಿಹಾರ ಹುಡುಕಲು ಕುಟುಂಬದ ಸದಸ್ಯರೊಟ್ಟಿಗೆ ಚರ್ಚಿಸಿದ್ದರು. ಈ ನಿಟ್ಟಿನಲ್ಲಿ ವಿತರಣಾ ಉದ್ಯಮದಲ್ಲಿ ತಮ್ಮ ತಂದೆ ಮತ್ತು ಸಹೋದರನೊಟ್ಟಿಗೆ ತಾವು ಸೇರ್ಪಡೆಯಾದರು.

ಶೇಕಡಾ 10 ರಷ್ಟ ಉತ್ಪನ್ನ ವ್ಯರ್ಥ

ವಿತರಿಕರಿಂದ ವ್ಯಾಪಾರಿಗಳಿಗೆ ಆಹಾರ ಉತ್ಪನ್ನವನ್ನು ತಲುಪಿಸುವಾಗ ಸಂಗ್ರಹಿಸುವ ಆಹಾರ ಉತ್ಪನ್ನದ ಶೆಲ್ಫ್​ ಲೈಫ್​ ಶೇಕಡಾ 50 ರಷ್ಟಿರಬೇಕು. ಅಂದ್ರೆ 'ಉತ್ಪನ್ನವನ್ನು ರಿಟೇಲರ್​​ ನಮ್ಮಿಂದ ತೆಗೆದುಕೊಳ್ಳುವಾಗ 2 ವರ್ಷ ಶೆಲ್ಫ್​ ಜೀವಿತಾವಧಿಯೂ 2 ವರ್ಷವಿದ್ದರೆ, ಕಡೆ ಪಕ್ಷ 1 ವರ್ಷವಾದರೂ ಅದರ ಶೆಲ್ಫ್​ ಇರುವಾಗ ತೆಗೆದುಕೊಳ್ಳಬೇಕು.

ಇಲ್ಲವಾದಲ್ಲಿ ಇದನ್ನು ನಿರಾಕರಿಸಲಾಗುತ್ತದೆ. ಈ ರೀತಿ ಶೇಕಡಾ 10 ರಷ್ಟ ಉತ್ಪನ್ನಗಳು ನಿರಾಕರಿಸಲ್ಪಡುತ್ತವೆ. ಈ ರೀತಿ ಆಹಾರ ಉತ್ಪನ್ನಗಳು ತ್ಯಾಜ್ಯವಾಗಿ ಪರಿವರ್ತನೆ ಹೊಂದುತ್ತವೆ' ಎನ್ನುತ್ತಾರೆ ಮಿಲಿಂದ್.

ಮಕ್ಕಳ ಆಹಾರ ಉತ್ಪನ್ನಕ್ಕೆ ಬೇಡಿಕೆ

ಈ ನಿಟ್ಟಿನಲ್ಲಿ ಮಕ್ಕಳ ಆಹಾರ ಉತ್ಪನ್ನಗಳು ಹೆಚ್ಚು ರಿಜೆಕ್ಟ್​ ಆಗುತ್ತವೆ. 400 ಗ್ರಾಂಗೆ 800 ರೂ ಇರುವ ಈ ಉತ್ಪನ್ನ ವ್ಯರ್ಥವಾಗಿ ಭೂಮಿಗೆ ಸೇರುತ್ತಿದೆ. ಜೊತೆಗೆ ಇನ್ನೊಂದೆಡೆ ಮಕ್ಕಳು ಹಸಿವಿನಿಂದ ನರಳುತ್ತಿದ್ದಾರೆ. ಈ ಘಟನೆ ಮಿಲಿಂದ್​ ಅವರಿಗೆ ಗೌರಾ ಆರಂಭಿಸಲು ಹಾದಿ ಮಾಡಿಕೊಟ್ಟಿತು.

ಗೌರಾದ ಕಾಳಜಿ

ಹೀಗೆ ತಿರಸ್ಕರಿಸಲ್ಪಟ್ಟ 2500 ಯುನಿಟ್​ಗಳ ವಿವಿಧ ಎಫ್​​ಎಂಸಿಜಿ ಉತ್ಪನ್ನಗಳನ್ನು 30 ಕ್ಕೂ ಹೆಚ್ಚಿನ ಜನರು ಗೌರಾ ವೇದಿಕೆ ಮೂಲಕ ಮಾರಾಟ ಮಾಡುತ್ತಿದ್ದಾರೆ.

ಇದನ್ನೂ ಓದಿ: Cadbury Bournvita ಬಗ್ಗೆ ತಪ್ಪು ಮಾಹಿತಿ ರವಾನೆ- ಇನ್​ಫ್ಲೂಯೆನ್ಸರ್​​ ರೇವಂತ್​ಗೆ ಲೀಗಲ್ ನೋಟೀಸ್

ಹೀಗೆ ವ್ಯಾಪಾರಿಗಳಿಂದ ತಿರಸ್ಕರಿಸಲ್ಪಟ್ಟ ಉತ್ಪನ್ನಳು ಗೌರಾ ಅವರ ಗೋದಾಮಿನಲ್ಲಿ ಸಂಗ್ರಹವಾಗಿರುತ್ತದೆ. ಆ ನಂತರ 30 ರಿಂದ 50 ಪರ್ಸೆಂಟ್​ವರೆಗೆ ರಿಯಾಯಿತಿಯನ್ನು ಉತ್ಪನ್ನಗಳ ಮೇಲೆ ನೀಡಲಾಗುತ್ತದೆ.

ಸ್ವಲ್ಪ ಡಿಫೆಕ್ಟ್​ ಆದ, ಕಡಿಮೆ ಅವಧಿಯಲ್ಲಿ ಮುಕ್ತಾಯದ ದಿನಾಂಕ ಹೊಂದಿರುವ ಪ್ರಾಡಕ್ಟ್​ಗಳು ಆನ್​ಲೈನ್​ನಲ್ಲಿ ಲಭ್ಯವಿದೆ. ಉಚಿತ ಶಿಪ್ಪಿಂಗ್, ಸುಲಭದಲ್ಲಿ ರಿಟರ್ನ್ ಅಲ್ಲದೇ ಕ್ಯಾಶ್​ ಆನ್​ ಡೆಲಿವರಿ ಸೌಲಭ್ಯವೂ ಇದೆ.

ವಿದೇಶದಲ್ಲಿ ಇದೆ ಈ ಪದ್ಧತಿ

ಈ ರೀತಿ ತಿರಸ್ಕರಿಸಲ್ಪಟ್ಟ ಉತ್ತನ್ನಗಳನ್ನು ವಿದೇಶದಲ್ಲಿ ಏನು ಮಾಡುತ್ತಾರೆ ಎನ್ನುವುದು ಮಿಲಿಂದ್​ ಅವರಿಗೆ ಕುತೂಹಲ ಹುಟ್ಟಿಸಿತು. ಅಮೆರಿಕಾದಲ್ಲಿ ಎಫ್​ಎಂಸಿಜಿ ಮಾತ್ರವಲ್ಲ ರೆಸ್ಟೊರೆಂಟ್​ ಮತ್ತು ಬೇಕರಿಗಳಲ್ಲಿ ಉಳಿದ ಉತ್ಪನ್ನವನ್ನು ಸಹ ರಿಯಾಯಿತಿ ದರದಲ್ಲಿ ಆನ್​ಲೈನ್​​ನಲ್ಲಿ ಮಾರಾಟಕ್ಕಿಡುತ್ತಾರೆ ಎನ್ನುವುದು ಅರಿವಿಗೆ ಬಂದಿತು. ಇದರ ಪ್ರೇರಣೆಯಿಂದಲೇ ಗೌರಾವನ್ನು ಸ್ಥಾಪಿಸಲಾಯಿತು.

ಆನ್​ಲೈನ್ ಮಾರಾಟ

ಹಿಂದೂಸ್ತಾನ್​ ಯೂನಿಲಿವರ್, ಹಲ್ದಿರಾಮ್​​ ಮುಂತಾದ ಉತ್ಪನ್ನವು ಫ್ಲಿಪ್​ಕಾರ್ಟ್​, ಅಮೆಜಾನ್​, ಸ್ವಿಗ್ಗಿ, ಇನ್​ಸ್ಟಾ ಮಾರ್ಟ್​​ನಂತಹ ಈ ಕಾಮರ್ಸ್​​ನಲ್ಲಿ ಲಭ್ಯವಿದೆ.

ಅಷ್ಟಕ್ಕೂ ಗೌರಾ ಪ್ರಾರಂಭಿಸಿದಾಗ ಆರಂಭದಲ್ಲಿ ಜನರನ್ನು ಒಪ್ಪಿಸುವುದು ಕಷ್ಟವಾಗಿತ್ತು. ಕಡಿಮೆ ಅವಧಿಯ ಉತ್ಪನ್ನಗಳು ಎಂದು ಜನರು ರಾಜಿ ಮಾಡಿಕೊಳ್ಳಲು ಮುಂದಾಗಲಿಲ್ಲಎನ್ನುತ್ತಾರೆ ಮಿಲಿಂದ್.

ದೀಪಾವಳಿ ನಂತರ ಉಳಿದುಕೊಂಡಿದ್ದ ಸೋಹನ್ ಪಾಪಡಿಯೂ ಕಡಿಮೆ ಶೆಲ್ಫ್​ ಲೈಫ್ ಹೊಂದಿತ್ತು. ಆದರೆ ಇದಕ್ಕೆ 55 ರಷ್ಟು ರಿಯಾಯಿತಿ ಘೋಷಿಸಿದ ಕೂಡಲೇ ಬೇಗನೇ ಮಾರಾಟವಾದ ಉದಾಹರಣೆಯನ್ನು ವಿವರಿಸುತ್ತಾರೆ ಮಿಲಿಂದ್.

ಇತರೆ ಉತ್ಪನ್ನ

ಅಲ್ಲದೇ ಜ್ಯೂಸ್​, ಕಾರ್ನ್​ಫ್ಲೇಕ್​ ಬ್ರ್ಯಾಂಡ್​, ವಾಷಿಂಗ್​ ಪೌಡರ್, ಗ್ರೂಮಿಂಗ್ ಉತ್ಪನ್ನಗಳು , ಸೌಂದರ್ಯವರ್ಧಕದಂತಹ ಅನೇಕ ವಸ್ತುಗಳು ಗೌರಾದಲ್ಲಿ ಲಭ್ಯವಿದೆ.