Post Officeನ ಈ ಯೋಜನೆಯಲ್ಲಿ ಕೇವಲ 100 ರೂಪಾಯಿಯಿಂದ 5 ವರ್ಷದಲ್ಲಿ 20 ಲಕ್ಷ ಗಳಿಸಬಹುದು

Post Office Scheme: ಈ ಯೋಜನೆಯು ವಾರ್ಷಿಕವಾಗಿ 6.8 ಶೇಕಡಾ ಬಡ್ಡಿಯನ್ನು ಪಡೆಯುತ್ತಿದೆ. ಈ ಯೋಜನೆಯಡಿ, ಆದಾಯ ತೆರಿಗೆಯ ಸೆಕ್ಷನ್ 80 ಸಿ ಅಡಿಯಲ್ಲಿ ನೀವು ವಾರ್ಷಿಕವಾಗಿ 1.5 ಲಕ್ಷ ರೂಪಾಯಿಗಳ ತೆರಿಗೆ ವಿನಾಯಿತಿ ಪಡೆಯಬಹುದು. 

ಅಂಚೆ ಕಚೇರಿ

ಅಂಚೆ ಕಚೇರಿ

  • Share this:
National Saving Certificate: ಹಣಕಾಸಿನ ವಿಚಾರದಲ್ಲಿ ಸ್ವಾವಲಂಬಿಯಾಗಿರುವುದು ಎಲ್ಲರ ಆದ್ಯತೆ. ಸಂಪಾದನೆಯಲ್ಲಿ ಪ್ರತಿ ತಿಂಗಳು ಹಣ ಉಳಿಸುವುದು ಮಾತ್ರ ಒಳ್ಳೆಯ ಉಪಾಯವಲ್ಲ. ಉಳಿಸಿದ ಹಣ ಬೆಳೆಯುವಂತೆ ನೋಡಿಕೊಳ್ಳಬೇಕು.  ಉಳಿತಾಯದ ಹಣ ಮತ್ತಷ್ಟು ಹಣವನ್ನು ದುಡಿಯಬೇಕು. ಆಗ ಮಾತ್ರ ನಿಮ್ಮ ಉಳಿತಾಯ ಬೆಳೆಯುತ್ತಾ ಹೋಗುತ್ತೆ. ಜೀವನದಲ್ಲಿ ಎದುರಾಗುವ ಎಷ್ಟೋ ಹಣಕಾಸಿನ ತೊಂದರೆಗಳಿಗೆ, ನಿಮ್ಮ ಕನಸುಗಳಿಗೆ ನಿಮ್ಮ ಉಳಿತಾಯದ ಹಣ ಉಪಯೋಗಕ್ಕೆ ಬರುತ್ತೆ. ಹಣವನ್ನು ದುಪ್ಪಟ್ಟು ಮಾಡುವ ಆಸೆಯಲ್ಲಿ ತಪ್ಪಾದ ದಾರಿ ಆಯ್ಕೆ ಮಾಡುವು ಸಾಧ್ಯತೆಗಳು ಹೆಚ್ಚಿರುತ್ತದೆ. ಇಲ್ಲವೇ ನೀವು ಸುರಕ್ಷಿತ ಎಂದು ಆಯ್ಕೆ ಮಾಡಿದ ದಾರಿಯೇ ನಿಮ್ಮನ್ನು ದಾರಿ ತಪ್ಪಿಸಬಹುದು. ಹೀಗಾಗಿ ಹಣ ಹೂಡಿಕೆ ವಿಚಾರದಲ್ಲಿ ನಂಬಿಕೆಗೆ ಅರ್ಹವಾದ ಸರ್ಕಾರಿ ಯೋಜನೆಗಳ ಆಯ್ಕೆಯೇ ಹೆಚ್ಚು ಸೂಕ್ತ.

ಹಾಗಾದರೆ ನೀವು ಸುರಕ್ಷಿತ ಹೂಡಿಕೆ ಆಯ್ಕೆಯನ್ನು ಹುಡುಕುತ್ತಿದ್ದರೆ, ಅಂಚೆ ಕಚೇರಿ ಯೋಜನೆಗಳು ( Post Office Scheme)ನಿಮ್ಮ ಮೊದಲ ಆಯ್ಕೆ ಆಗಬೇಕು. ಅವುಗಳನ್ನು ಸಮಯಕ್ಕೆ ಸರಿಯಾಗಿ ಲಾಭ ಮತ್ತು ಒಂದು ರೀತಿಯಲ್ಲಿ ಸುರಕ್ಷಿತ ಹೂಡಿಕೆ ಯೋಜನೆಗಳಾಗಿವೆ. ನಿಮ್ಮ ಹಣವನ್ನು ಸುರಕ್ಷಿತವಾಗಿರಿಸಲು ಮತ್ತು ಇತರ ಯಾವುದೇ ಮೂಲಗಳಿಗಿಂತ ಹೆಚ್ಚಿನ ಪ್ರಯೋಜನಗಳನ್ನು ನೀಡಲು ಪೋಸ್ಟ್ ಆಫೀಸ್ ಅನೇಕ ಪ್ರಯೋಜನಕಾರಿ ಯೋಜನೆಗಳನ್ನು ನೀಡುತ್ತದೆ. ತಿಂಗಳಿಗೆ ಕೇವಲ 100 ರೂಪಾಯಿಗಳಷ್ಟು ಸಣ್ಣ ಉಳಿತಾಯವು ನಿಮ್ಮನ್ನು ಕೆಲವು ವರ್ಷಗಳಲ್ಲಿ ಮಿಲಿಯನೇರ್ ಮಾಡಬಹುದು. ಅದು ಹೇಗೆ ಅಂತ ಇಲ್ಲಿ ವಿವರಿಸಲಾಗಿದೆ ಓದಿ..

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ(National Saving Certificate)

ಇದು ಪೋಸ್ಟ್​​ ಆಫೀಸ್​​ ನೀಡುವ ಸಮಯ ಪರೀಕ್ಷಿತ ಯೋಜನೆ. ಈ ಯೋಜನೆಯಲ್ಲಿ ನೀವು ಕೆಲವು ವರ್ಷಗಳಲ್ಲಿ ದೊಡ್ಡ ಹಣವನ್ನು ಸೇರಿಸಬಹುದು. ನಿಮ್ಮ ಹಣ ಅಂಚೆ ಕಚೇರಿಯಲ್ಲಿ ಸಂಪೂರ್ಣವಾಗಿ ಸುರಕ್ಷಿತವಾಗಿರುತ್ತದೆ. ಆದ್ದರಿಂದ, ನೀವು ನಿಮ್ಮ ಹಣವನ್ನು ಯಾವುದೇ ಅಪಾಯವಿಲ್ಲದೆ ಹೂಡಿಕೆ ಮಾಡಬಹುದು ಮತ್ತು ನಿಮ್ಮ ಮತ್ತು ನಿಮ್ಮ ಕುಟುಂಬದ ಭವಿಷ್ಯವನ್ನು ಸುರಕ್ಷಿತವಾಗಿ ಮಾಡಬಹುದು.

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರದ ಪ್ರಯೋಜನಗಳು (Benefits of National Saving Certificate)

ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ ಯೋಜನೆಯ ಮುಕ್ತಾಯ ಅವಧಿಯನ್ನು 5 ವರ್ಷಗಳವರೆಗೆ ನಿಗದಿಪಡಿಸಲಾಗಿದೆ. ಆದಾಗ್ಯೂ, ಕೆಲವು ಷರತ್ತುಗಳೊಂದಿಗೆ 1 ವರ್ಷದ ನಂತರ ನೀವು ನಿಮ್ಮ ಖಾತೆಯಿಂದ ಹಣವನ್ನು ಹಿಂಪಡೆಯಬಹುದು. ಹಣಕಾಸು ವರ್ಷದ ಪ್ರತಿ ತ್ರೈಮಾಸಿಕದ ಆರಂಭದಲ್ಲಿ (3 ತಿಂಗಳುಗಳು) ಸರ್ಕಾರವು ಬಡ್ಡಿದರಗಳನ್ನು ನಿಗದಿಪಡಿಸುತ್ತದೆ. ಪ್ರಸ್ತುತ, ಯೋಜನೆಯು ವಾರ್ಷಿಕವಾಗಿ 6.8 ಶೇಕಡಾ ಬಡ್ಡಿಯನ್ನು ಪಡೆಯುತ್ತಿದೆ. ಈ ಯೋಜನೆಯಡಿ, ಆದಾಯ ತೆರಿಗೆಯ ಸೆಕ್ಷನ್ 80 ಸಿ ಅಡಿಯಲ್ಲಿ ನೀವು ವಾರ್ಷಿಕವಾಗಿ 1.5 ಲಕ್ಷ ರೂಪಾಯಿಗಳ ತೆರಿಗೆ ವಿನಾಯಿತಿ ಪಡೆಯಬಹುದು.

ನೀವು ಎಷ್ಟು ಹೂಡಿಕೆ ಮಾಡಬೇಕು? 

ಈ ಯೋಜನೆಯಲ್ಲಿ ನೀವು ತಿಂಗಳಿಗೆ 100 ರೂಪಾಯಿಯಂತೆ ಹೂಡಿಕೆ ಮಾಡಲು ಪ್ರಾರಂಭಿಸಬಹುದು.  ನಿಮಗೆ 20.85 ಲಕ್ಷ ಮೊತ್ತವು 5 ವರ್ಷಗಳ ನಂತರ 6.8 ರ ಬಡ್ಡಿದರದಲ್ಲಿ ಸಿಗುತ್ತದೆ. ಬೇಕಾದರೆ ನೀವು 5 ವರ್ಷಗಳಲ್ಲಿ 15 ಲಕ್ಷ ರೂಪಾಯಿಗಳ ಹೂಡಿಕೆಯನ್ನು ಮಾಡಬೇಕಾಗುತ್ತದೆ ಮತ್ತು ನೀವು ಬಡ್ಡಿಯಾಗಿ ಸುಮಾರು 6 ಲಕ್ಷ ಲಾಭವನ್ನು ಪಡೆಯುತ್ತೀರಿ.

ಇದನ್ನೂ ಓದಿ: PF Calculator: ಕೊನೆಗೆ ಎಷ್ಟು PF ಹಣ ನಿಮ್ಮ ಕೈ ಸೇರುತ್ತೆ.. ಬಡ್ಡಿ ಸಮೇತ ಈ ರೀತಿ ಸುಲಭವಾಗಿ ಲೆಕ್ಕ ಹಾಕಿ

ಇನ್ನೇಕೆ ತಡ ನಿಮ್ಮ ಹತ್ತಿರದ ಪೋಸ್ಟ್​ ಆಫೀಸ್​ಗೆ ಭೇಟಿ ನೀಡಿ ಮೇಲೆ ತಿಳಿಸಿದ ಯೋಜನೆ ಬಗ್ಗೆ ಅಂಚೆ ಕಚೇರಿಯ ಸಿಬ್ಬಂದಿಯ ಬಳಿ ವಿಚಾರಿಸಿ. ಸಂಪೂರ್ಣ ಮಾಹಿತಿ ಪಡೆದು ಪ್ರತಿ ತಿಂಗಳು ಕೇವಲ 100 ರೂಪಾಯಿ ಹೂಡಿಕೆ ಮಾಡುತ್ತಾ ಹೋಗಿ. ಐದೇ ವರ್ಷದಲ್ಲಿ ಬರೋಬ್ಬರಿ 20 ಲಕ್ಷ ರೂಪಾಯಿ ನಿಮ್ಮ ಕೈನಲ್ಲಿ ಇರುತ್ತೆ. 5 ವರ್ಷಗಳಲ್ಲಿ ನೀವು ಏನಾಗಬೇಕು ಎಂಬ ಪ್ರಶ್ನೆಗೆ ನಿಮ್ಮ ಅಂಚೆ ಕಚೇರಿ ಹೂಡಿಕೆ ಮೂಲಕ ಉತ್ತರ ಸಿಗಬಹುದು.
Published by:Kavya V
First published: