LIC Dhan Varsha: ಈ ಯೋಜನೆಯಲ್ಲಿ ಹೂಡಿಕೆ ಮಾಡಿದ್ರೆ ಸಿಗುತ್ತೆ 10 ಪಟ್ಟು ಲಾಭ! ಇಲ್ಲಿದೆ ಎಲ್​ಐಸಿ ಹೊಸ ಪ್ಲ್ಯಾನ್

ಎಲ್‌ಐಸಿ (LIC ) ತನ್ನ ಗ್ರಾಹಕರ ಅಗತ್ಯತೆಗಳನ್ನು ಗಮನದಲ್ಲಿಟ್ಟುಕೊಂಡು ಹೊಸ ಹೊಸ ಜೀವ ವಿಮಾ ಯೋಜನೆಗಳನ್ನು ಬಿಡುಗಡೆ ಮಾಡುತ್ತಿರುತ್ತದೆ. ಹಾಗೆಯೇ ಇತ್ತೀಚೆಗೆ ಒಂದು ಹೊಚ್ಚಹೊಸ ವಿಮಾ ಯೋಜನೆಯನ್ನು LIC ಪರಿಚಯಿಸಿದೆ. ಆ ಪಾಲಿಸಿಯ ಹೆಸರು ಧನ್ ವರ್ಷ (Dhan Varsha) ಯೋಜನೆ. ಈ LIC ಯೋಜನೆಯಲ್ಲಿ 10 ಲಕ್ಷಗಳನ್ನು ಹೂಡಿಕೆ ಮಾಡಿ 10 ಪಟ್ಟು ಲಾಭವನ್ನು ಪಡೆಯಬಹುದಾಗಿದೆ. ಹೌದು, LIC ಈ ಹೊಸ ಯೋಜನೆಯ ವಿಶಿಷ್ಟವಾಗಿದೆ. ಏಕೆಂದರೆ ಇದು ಪಾವತಿಸಿದ ಪ್ರೀಮಿಯಂಗಳ ಮೊತ್ತಕ್ಕಿಂತ 10 ಪಟ್ಟು ಹೆಚ್ಚಿನ ಮೊತ್ತವನ್ನು ನಿಮಗೆ ನೀಡುತ್ತದೆ. ಈ ಪಾಲಿಸಿಗಾಗಿ ಹೂಡಿಕೆದಾರರು ಒಂದೇ ಪ್ರೀಮಿಯಂನಲ್ಲಿ ಠೇವಣಿ ಇಟ್ಟರೆ ಸಾಕು. ಅದರ ವಿಮಾ ಮೊತ್ತವು 10 ಪಟ್ಟು ಹೆಚ್ಚಾಗಿರುತ್ತದೆ.

ಏನಿದು ಧನ್ ವರ್ಷ ಯೋಜನೆ?

ಸದ್ಯ ಆಫ್‌ ಲೈನ್‌ ನಲ್ಲಿ ಮಾತ್ರ ಲಭ್ಯವಿರುವ LIC ಯ ಧನ್ ವರ್ಷ ಯೋಜನೆಯು ವೈಯಕ್ತಿಕ ವಿಮಾ ಯೋಜನೆಯಾಗಿದೆ. ಇದು ನಿಮ್ಮಲ್ಲಿ ಉಳಿತಾಯವನ್ನು ಉತ್ತೇಜಿಸುತ್ತದೆ. ಈ ಮಧ್ಯೆ ಪಾಲಿಸಿದಾರನು ಮೆಚ್ಯೂರಿಟಿಯ ಮೊದಲು ಮರಣ ಹೊಂದಿದರೆ, ಅವನ ಕುಟುಂಬವು ವಿಮೆಯ ಎರಡರಷ್ಟು ಮೊತ್ತವನ್ನು ಪಡೆಯುತ್ತದೆ. LIC ಯ ಧನ್ ವರ್ಷ ಯೋಜನೆಯಲ್ಲಿ 2 ಆಯ್ಕೆಗಳಿವೆ. ಅವುಗಳು ಯಾವವು ಅನ್ನೋದನ್ನು ನೋಡೋದಾದ್ರೆ,

ಮೊದಲ ಆಯ್ಕೆ: ಧನ್ ವರ್ಷ ಯೋಜನೆಯು ಹೂಡಿಕೆ ಮಾಡಿದ ಪ್ರೀಮಿಯಂನ 1.25 ಪಟ್ಟು ಲಾಭವನ್ನು ನಿಮಗೆ ನೀಡುತ್ತದೆ. ನೀವು ಒಂದೇ ಪ್ರೀಮಿಯಂನಲ್ಲಿ 10 ಲಕ್ಷ ರೂಪಾಯಿ ಪಾವತಿಸಿದ್ದು, ಮೆಚ್ಯುರಿಟಿಗೂ ಮುನ್ನ ಮರಣ ಹೊಂದಿದರೆ ಆ ಕುಟುಂಬ ವಿಮಾ ಮೊತ್ತವಾಗಿ 12.5 ಲಕ್ಷ ರೂಗಳ ಖಾತರಿ ಬೋನಸ್‌ ಪಡೆಯುತ್ತದೆ.

ಇದನ್ನೂ ಓದಿ: Digilocker: ಡ್ರೈವಿಂಗ್​ ಲೈಸೆನ್ಸ್ ಮನೆಯಲ್ಲೇ ಬಿಟ್ಟು ಪೊಲೀಸ್​ ಕೈಲಿ ಲಾಕ್​ ಆದ್ರಾ? ಈ ಕೆಲ್ಸ ಮಾಡಿದ್ರೆ ಫೈನ್​ ಕಟ್ಟೋ ಹಾಗಿಲ್ಲ!

ಎರಡನೆಯ ಆಯ್ಕೆ: ಇದರಲ್ಲಿ ಹೂಡಿಕೆದಾರರು 10 ಪಟ್ಟು ಅಪಾಯದ ರಕ್ಷಣೆಯನ್ನು ಪಡೆಯುತ್ತಾರೆ. ವಿಮಾ ರಕ್ಷಣೆಯನ್ನು ಖರೀದಿಸಿದ ನಂತರ ವ್ಯಕ್ತಿ ಮರಣಹೊಂದಿದರೆ ಈ ಸಂದರ್ಭದಲ್ಲಿ 10 ಪಟ್ಟು ಮರುಪಾವತಿಯನ್ನು ನೀಡಲಾಗುತ್ತದೆ.

ಇನ್ನು ನೀವೇನಾದರೂ ಇದರಲ್ಲಿ 10 ಲಕ್ಷ ಹೂಡಿಕೆ ಮಾಡಿದರೆ 1 ಕೋಟಿ ರೂ ಬೋನಸ್ ಪಡೆಯುತ್ತೀರಿ. ನಿಮ್ಮ ಅಗತ್ಯತೆಗಳನ್ನು ಅರಿತು ನೀವು ಯಾವುದನ್ನಾದರೂ ಆಯ್ಕೆ ಮಾಡಬಹುದು.

ಧನ್ ವರ್ಷ ಯೋಜನೆಯ ಬಗ್ಗೆ ಇತರ ವಿವರಗಳು:

1. ಈ ಧನ್‌ ವರ್ಷ ವಿಮೆಯನ್ನು ಆಫ್‌ಲೈನ್‌ನಲ್ಲಿ ಮಾತ್ರ ಖರೀದಿಸಬಹುದು.

2. ನೀವು ಅದನ್ನು 10 ಅಥವಾ 15 ವರ್ಷಗಳ ಅವಧಿಗೆ ಖರೀದಿಸಬಹುದು.

3. ನೀವು 15 ವರ್ಷಗಳ ಅವಧಿಯನ್ನು ಪಾಲಿಸಿ ಖರೀದಿಸಲು ಕನಿಷ್ಠ 3 ವರ್ಷ ವಯಸ್ಸಾಗಿರಬೇಕು. ಹಾಗೆಯೇ 10 ವರ್ಷದ ವಿಮೆ ಪಡೆಯಲು ಕನಿಷ್ಠ 8 ವರ್ಷ ವಯಸ್ಸಾಗಿರಬೇಕು.

ಇದನ್ನೂ ಓದಿ: PF Withdrawal: ಪಿಎಫ್ ಗ್ರಾಹಕರಿಗೆ ಬಿಗ್​ ರಿಲೀಫ್​, ಇವು ಇಪಿಎಫ್‌ಒ ಹೊಸ ನಿಯಮಗಳು!

4. ವಿಮೆಯನ್ನು ಖರೀದಿಸಲು ಮೊದಲ ಆಯ್ಕೆಯ ಗರಿಷ್ಠ ವಯಸ್ಸು 60 ವರ್ಷ. ಆದರೆ 10 ಪಟ್ಟು ಆದಾಯವನ್ನು ಹೊಂದಿರುವ ಪಾಲಿಸಿಗೆ ಗರಿಷ್ಠ ವಯಸ್ಸು 40 ವರ್ಷಗಳು.

5. 10 ಪಟ್ಟು ಮರು ಆದಾಯದೊಂದಿಗೆ 15-ವರ್ಷದ ಕವರೇಜ್ ಅನ್ನು 35 ನೇ ವಯಸ್ಸಿನಲ್ಲಿ ಮಾತ್ರ ಖರೀದಿಸಬಹುದು.

6. ಈ ಪಾಲಿಸಿಯ ಅಡಿಯಲ್ಲಿ ನೀವು ಸಾಲ ಮತ್ತು ವಿಮೆ ಎರಡನ್ನೂ ಹಿಂದಿರುಗಿಸುವ ಆಯ್ಕೆಯನ್ನು ಹೊಂದಿರುತ್ತೀರಿ.

7. ಪಾಲಿಸಿಯ ನಾಮಿನಿಯು ಹಣವನ್ನು ಕಂತುಗಳಲ್ಲಿ ಸ್ವೀಕರಿಸುವ ಆಯ್ಕೆಯನ್ನೂ ಹೊಂದಿರುತ್ತಾರೆ.

ಒಟ್ಟಾರೆ, LIC ಯ ಅನೇಕ ಯೋಜನೆಗಳಂತೆ ಧನ್‌ ವರ್ಷ ಯೋಜನೆ ಕೂಡ ಅನುಕೂಲಕಾರಿಯಾಗಿದ್ದು, ನಿಮ್ಮ ಅಗತ್ಯತೆ ಹಾಗೂ ಯೋಜನೆಯ ಅನುಕೂಲ - ಅನಾನುಕೂಗಳನ್ನು ಗಮನದಲ್ಲಿಟ್ಟುಕೊಂಡು ನೀವು ವಿಮೆಯನ್ನು ಕೊಳ್ಳಬಹುದು.