Agriculture: ಅಧಿಕ ತಾಪಮಾನದಲ್ಲಿಯೂ ಗೋಧಿ ಬೆಳೆಯಬಹುದು, ICAR ನೀಡಿರುವ ಸಲಹೆ ಹೀಗಿದೆ

ಅಧಿಕ ತಾಪಮಾನವು (Heat) ಮನುಷ್ಯರ (Human) ಮೇಲೆ ಪರಿಣಾಮವನ್ನುಂಟು ಮಾಡುವುದಲ್ಲದೆ ಪಶು ಪಕ್ಷಿಗಳು (Birds) ಅಂತೆಯೇ ಧಾನ್ಯಗಳ (Crops) ಮೇಲೆ ಕೂಡ ಪ್ರತೀಕೂಲ ಪರಿಣಾಮವನ್ನು ಬೀರುತ್ತವೆ. ಇಂತಹ ಧಾನ್ಯಗಳಲ್ಲಿ ಗೋಧಿ ಬೆಳೆ ಕೂಡ ಒಂದು. ಹೀಗಾಗಿ ತಾಪಮಾನ ಹೆಚ್ಚಳದಿಂದ ಉಂಟಾಗುವ ಪರಿಸ್ಥಿತಿ ಮತ್ತು ಗೋಧಿ ಬೆಳೆಯ ಮೇಲೆ ಬೀರುವ ಯಾವುದೇ ರೀತಿಯ ಪ್ರಭಾವವನ್ನು ಮೇಲ್ವಿಚಾರಣೆ ಮಾಡಲು ಸಮಿತಿಯನ್ನು ರಚಿಸಿದೆ ಎಂದು ಕೇಂದ್ರ ಕೃಷಿ ಸಚಿವಾಲಯ ತಿಳಿಸಿದೆ.

ಗೋಧಿ ಶೇಖರಣೆಯಲ್ಲಿ ಕುಸಿತ

ಗೋಧಿ ಅಥವಾ ಆಟಾ (ಹಿಟ್ಟು) ಎಂದೇ ಕರೆಯಲಾದ ಬೆಳೆಯ ಗ್ರಾಹಕ ಮೌಲ್ಯವು ವಾರ್ಷಿಕ ಶೇಕಡಾ 25.05 ರಷ್ಟು ಹೆಚ್ಚಳವನ್ನು ದಾಖಲಿಸಿದೆ ಇದರ ಬೆನ್ನಲ್ಲೇ ಕೃಷಿ ಸಚಿವಾಲಯ ಸಮಿತಿಯನ್ನು ರಚಿಸಿರುವುದಾಗಿ ಘೋಷಿಸಿದೆ. ಸರಕಾರ ಗೋದಾಮುಗಳಲ್ಲಿರುವ ಗೋಧಿ ಸಂಗ್ರಹಣೆಯ ಪರಿಸ್ಥಿತಿ ತೀರಾ ಹದಗೆಟ್ಟಿರುವುದಾಗಿ ವರದಿ ತಿಳಿಸಿದ್ದು, ಫೆಬ್ರವರಿ 1 ರಲ್ಲಿ 154.44 ಲಕ್ಷ ಟನ್‌ಗಳಾಗಿದ್ದು, ಕಳೆದ ಆರು ವರ್ಷಗಳಲ್ಲಿ ಈ ದಿನಾಂಕದಲ್ಲಿ ಶೇಖರಣೆಯಾದ ಗೋಧಿ ಪ್ರಮಾಣದಲ್ಲಿ ಈ ಅಂಕಿಅಂಶ ಅತ್ಯಂತ ಕಡಿಮೆ ಎಂದೆನಿಸಿದೆ.

ಬಿತ್ತನೆ ಸಮಯ ಮುಂದೂಡುವ ಸಲಹೆ ನೀಡಿದ ವಿಜ್ಞಾನಿಗಳು

ಗೋಧಿಯ ಕೊಯ್ಲನ್ನು ರೈತರು ಏಪ್ರಿಲ್ ತಿಂಗಳಲ್ಲೇ ಮಾಡುವ ಕಾರಣ ಗೋಧಿ ದಾಸ್ತಾನಿನ ಪ್ರಮಾಣ ಕಡಿಮೆಯಾಗಲು ಇದೂ ಒಂದು ಕಾರಣವಾಗಿದೆ. ತಾಪಮಾನ ಏರಿಕೆ ಬೆಳೆಯ ಮೇಲೆ ಹಾನಿಯನ್ನುಂಟು ಮಾಡಿದ್ದು, ಉತ್ಪಾದನೆಯಲ್ಲಿ ಗಮನಾರ್ಹ ಕುಸಿತಕ್ಕೆ ಕಾರಣವಾಯಿತು ಮತ್ತು ಸರ್ಕಾರದ ಸಂಗ್ರಹಣೆಯಲ್ಲಿ ಗಮನಾರ್ಹ ಇಳಿಕೆಗೆ ಕಾರಣವಾಯಿತು.

ಇದೇ ರೀತಿಯ ಹವಾಮಾನ ವೈಪರೀತ್ಯ ಈ ಬಾರಿಯೂ ಪುನರಾವರ್ತನೆಯಾಗುವ ಆತಂಕವಿದ್ದು, ಗೋಧಿ ಬೆಳೆಯುವ ಹಲವು ಪ್ರದೇಶಗಳಲ್ಲಿ ಈಗಾಗಲೇ ಗರಿಷ್ಠ ಹಾಗೂ ಕನಿಷ್ಠ ತಾಪಮಾನ ಸಾಮಾನ್ಯಕ್ಕಿಂತ 3-5 ಡಿಗ್ರಿ ಸೆಲ್ಸಿಯಸ್‌ ಹೆಚ್ಚಿದೆ. ಅಧಿಕ ತಾಪಮಾನ ಸಮಸ್ಯೆಗೆ ಇಂಡಿಯನ್ ಕೌನ್ಸಿಲ್ ಆಫ್ ಅಗ್ರಿಕಲ್ಚರಲ್ ರಿಸರ್ಚ್ (ICAR) ವಿಜ್ಞಾನಿಗಳು ಒಂದು ತತ್ವವನ್ನು ಮಂಡಿಸಿದ್ದು ಬಿತ್ತನೆಯ ಸಮಯವನ್ನು ಮುಂದೂಡುವ ಸಲಹೆಯನ್ನು ನೀಡಿದ್ದಾರೆ.

ವಿಜ್ಞಾನಿಗಳು ತಿಳಿಸಿರುವ ಸೂತ್ರವೇನು?

ಗೋಧಿ ಬೆಳೆ ಸಾಮಾನ್ಯವಾಗಿ ನವೆಂಬರ್‌ನಲ್ಲಿ ಹೆಚ್ಚಾಗಿ ನೆಡಲಾಗುವ 140-145 ದಿನಗಳ ಬೆಳೆಯಾಗಿದೆ. ತಿಂಗಳ ಮಧ್ಯಭಾಗದ ಮೊದಲು ಪಂಜಾಬ್, ಹರಿಯಾಣ, ರಾಜಸ್ಥಾನ ಮತ್ತು ಮಧ್ಯಪ್ರದೇಶದಲ್ಲಿ (ಭತ್ತ, ಹತ್ತಿ ಮತ್ತು ಸೋಯಾಬೀನ್ ಕೊಯ್ಲು ಮಾಡಿದ ನಂತರ) ಮತ್ತು ಉತ್ತರ ಪ್ರದೇಶದಲ್ಲಿ ಮತ್ತು ಬಿಹಾರದಲ್ಲಿ ದ್ವಿತೀಯಾರ್ಧದ ನಂತರ (ಕಬ್ಬು ಮತ್ತು ಭತ್ತದ ನಂತರ) ಬೆಳೆಯಲಾಗುವ ಬೆಳೆಯಾಗಿದೆ.

ಬಿತ್ತನೆಯನ್ನು ಪೂರ್ವಭಾವಿಯಾಗಿ ಅಂದರೆ ಅಕ್ಟೋಬರ್ 20 ರಿಂದ ಪ್ರಾರಂಭಿಸಿದರೆ, ಬೆಳೆಯು ಅಧಿಕ ತಾಪಮಾನಕ್ಕೆ ಒಳಗಾಗುವುದಿಲ್ಲ ಅಂತೆಯೇ ಮಾರ್ಚ್ ಮೂರನೇ ವಾರದೊಳಗೆ ಧಾನ್ಯ ಬೆಳವಣಿಗೆ ಕೂಡ ಮುಕ್ತಾಯಗೊಳ್ಳುತ್ತದೆ ಹಾಗಾಗಿ ತಿಂಗಳ ಅಂತ್ಯದ ವೇಳೆಗೆ ಬೆಳೆಯನ್ನು ಕೊಯ್ಲುಮಾಡಬಹುದು ಎಂಬುದು ವಿಜ್ಞಾನಿಗಳ ಅಭಿಪ್ರಾಯವಾಗಿದೆ.

ಸಮಸ್ಯೆ ಏನು?

ಆದರೆ ಈ ಪ್ರಕ್ರಿಯೆಯಲ್ಲೂ ಸಮಸ್ಯೆಗಳಿದ್ದು ನವೆಂಬರ್ ಆರಂಭದಲ್ಲಿ ಬಿತ್ತಲಾದ ಗೋಧಿ ಕೂಡ ಅಕಾಲಿಕ ಹೂಬಿಡುವಿಕೆಗೆ ಒಳಗಾಗುತ್ತದೆ. ಈ ಸಮಸ್ಯೆಯನ್ನು ಪರಿಹರಿಸಿಕೊಂಡು ಬೀಜ ಬಿತ್ತನೆ ಮಾಡಬೇಕು ಏಕೆಂದರೆ ನವೆಂಬರ್ ಮೊದಲಾರ್ಧದಲ್ಲಿ ಬಿತ್ತನೆ ಮಾಡಿದ ಬೆಳೆ ಸಾಮಾನ್ಯವಾಗಿ 80-95 ದಿನಗಳನ್ನು ತೆಗೆದುಕೊಳ್ಳುತ್ತದೆ. ಆದರೆ ರೈತರು ಅಕ್ಟೋಬರ್‌ನಲ್ಲಿ ಬಿತ್ತಿದರೆ ಬೆಳೆಯು 10-20 ದಿನಗಳ ಕಡಿಮೆ ಸಮಯಾವಕಾಶವನ್ನು ಪಡೆಯುತ್ತದೆ ಹಾಗೂ 70-75 ದಿನಗಳಲ್ಲಿ ಕೊಯ್ಲಿಗೆ ಬರುತ್ತದೆ ಎಂದು ICAR ನ ನವದೆಹಲಿ ಮೂಲದ ಭಾರತೀಯ ಕೃಷಿ ಸಂಶೋಧನಾ ಸಂಸ್ಥೆಯ (IARI) ಪ್ರಧಾನ ವಿಜ್ಞಾನಿ ಮತ್ತು ಗೋಧಿ ತಳಿಗಾರ ರಾಜಬೀರ್ ಯಾದವ್ ತಿಳಿಸಿದ್ದಾರೆ.

ಇದನ್ನೂ ಓದಿ: ತೆಂಗಿನ ಚಿಪ್ಪಿನ ಕಲಾಕೃತಿ, ಮಹಿಳೆಯರು ಮನಸ್ಸು ಮಾಡಿದ್ರೆ ಆದಾಯ ಕೈ ಹಿಡಿಯೋದು ಪಕ್ಕಾ!

IARI ಸಸ್ಯ ಪ್ರಭೇದಗಳ ರಕ್ಷಣೆ ಮತ್ತು ರೈತರ ಹಕ್ಕುಗಳ ಪ್ರಾಧಿಕಾರದಲ್ಲಿ (PPVFRA) HD-3385 ಅನ್ನು ನೋಂದಾಯಿಸಿದೆ. ಇದು ಬಹು-ಸ್ಥಳ ಪ್ರಯೋಗಗಳು ಮತ್ತು ಬೀಜ ಅಭಿವೃದ್ಧಿಯನ್ನು ಕೈಗೊಳ್ಳಲು DCM ಶ್ರೀರಾಮ್ ಲಿಮಿಟೆಡ್-ಮಾಲೀಕತ್ವದ ಬಯೋಸೀಡ್‌ಗೆ ವೈವಿಧ್ಯತೆಯನ್ನು ಪರವಾನಗಿ ನೀಡಿದೆ. PPVFRA ನೊಂದಿಗೆ ವೈವಿಧ್ಯತೆಯನ್ನು ನೋಂದಾಯಿಸುವ ಮೂಲಕ, ನಾವು ನಮ್ಮ ಬೌದ್ಧಿಕ ಆಸ್ತಿ ಹಕ್ಕುಗಳ ಸಂಪೂರ್ಣ ರಕ್ಷಣೆಯನ್ನು ಖಾತ್ರಿಪಡಿಸಿಕೊಳ್ಳುತ್ತೇವೆ ಎಂದು IARI ಯ ನಿರ್ದೇಶಕ ಎ.ಕೆ. ಸಿಂಗ್ ತಿಳಿಸಿದ್ದಾರೆ.