Passport Online: ಆನ್​ಲೈನ್​ನಲ್ಲಿ ಹೀಗೆ ಪಾಸ್​ಪೋರ್ಟ್​ಗೆ ಅಪ್ಲೈ ಮಾಡಿ!

ಕೊರೊನಾ (Corona) ಬಂದು ಹೋದಮೇಲೆ ಎಲ್ಲವೂ ಮೊದಲಿನಂತೆ ನಾರ್ಮಲ್ (Normal) ಆಗ್ತಿದೆ. ಕೊರೊನಾ ಸಮಯದಲ್ಲಿ ದೇಶ ಬಿಟ್ಟು ದೇಶಕ್ಕೆ ಹೋಗುವುದಿರಲಿ, ಮನೆ ಬಿಟ್ಟು ಪಕ್ಕದ ಮನೆಗೂ ಜನರು ಹೋಗುತ್ತಿರಲಿಲ್ಲ. ಈಗ ಎಲ್ಲವೂ ಕಳೆದಿದೆ. ಹೀಗಾಗಿ ಜನರು ಮತ್ತೆ ಹೊರ ದೇಶಗಳಿಗೆ ಹೋಗುಲು ಇಷ್ಟ ಪಡುತ್ತಿದ್ದಾರೆ. ಭಾರತದಿಂದ (India) ಹೊರಗೆ ಹೋಗುವ ಅಥವಾ ಹೋಗಲು ಉದ್ದೇಶಿಸಿರುವ ಭಾರತೀಯ ನಾಗರಿಕರಿಗೆ ಪಾಸ್‌ಪೋರ್ಟ್ ಅಗತ್ಯವಿದೆ. ಪಾಸ್‌ಪೋರ್ಟ್ (Passport) ಕಾಯಿದೆ 1967 ರ ಅಡಿಯಲ್ಲಿ, ಭಾರತ ಸರ್ಕಾರವು ಸಾಮಾನ್ಯ ಪಾಸ್‌ಪೋರ್ಟ್‌ಗಳು, ರಾಜತಾಂತ್ರಿಕ ಪಾಸ್‌ಪೋರ್ಟ್‌ಗಳು (Diplomatic Passport) ಮತ್ತು ಅಧಿಕೃತ ಪಾಸ್‌ಪೋರ್ಟ್‌ಗಳಂತಹ (Official Passport) ವಿವಿಧ ರೀತಿಯ ಪಾಸ್‌ಪೋರ್ಟ್‌ಗಳನ್ನು ನೀಡುತ್ತದೆ. 

ಆನ್​ಲೈನ್​ನಲ್ಲಿ ಪಾಸ್​ಪೋರ್ಟ್ ಪಡೆಯುವುದು ಹೇಗೆ?

ಪಾಸ್​ಪೋರ್ಟ್​ ಮಾಡಿಸುವ ಮೊದಲು ಅದರ ಸಂಪೂರ್ಣ ನಿಯಮಗಳನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ. ಇದರಿಂದ ಈ ಕೆಲಸವನ್ನು ಸುಲಭವಾಗಿ ಮಾಡಬಹುದು.  ಪಾಸ್‌ಪೋರ್ಟ್ ಪಡೆಯಲು ಕೆಲವು ಪ್ರಮುಖ ದಾಖಲೆಗಳು ಅಗತ್ಯವಿದೆ. ಅದರ ಸಹಾಯದಿಂದ  ಪಾಸ್‌ಪೋರ್ಟ್ ಅನ್ನು ಸುಲಭವಾಗಿ ತಯಾರಿಸಬಹುದು.

ವಿಳಾಸ ಮತ್ತು ಜನನ ಪ್ರಮಾಣಪತ್ರವು ಪಾಸ್‌ಪೋರ್ಟ್ ಪಡೆಯಲು ಪ್ರಮುಖ ದಾಖಲೆಗಳಾಗಿದೆ. ಅದರ ಆಧಾರದ ಮೇಲೆ ಪರಿಶೀಲನೆ ಕಾರ್ಯವು ಶೀಘ್ರದಲ್ಲೇ ಪ್ರಾರಂಭವಾಗುತ್ತದೆ. ಎಲ್ಲವೂ ಸರಿಯಾಗಿ ನಡೆದರೆ ಈಗ ಒಂದು ವಾರದೊಳಗೆ ಪಾಸ್‌ಪೋರ್ಟ್ ಸಿದ್ಧವಾಗುತ್ತೆ. ಮೊದಲನೆಯದಾಗಿ ಜನನ ಪ್ರಮಾಣಪತ್ರ ಮತ್ತು ವಿಳಾಸಕ್ಕಾಗಿ ಅಗತ್ಯವಿರುವ ದಾಖಲೆಗಳನ್ನು ತಿಳಿದುಕೊಳ್ಳುವುದು ಮುಖ್ಯವಾಗಿದೆ.

ಜನನ ಪ್ರಮಾಣಪತ್ರಕ್ಕಾಗಿ ಈ ದಾಖಲೆಗಳು ಅಗತ್ಯವಿದೆ

-ನಗರ ಪಾಲಿಕೆ ಮತ್ತು ಮುನ್ಸಿಪಲ್ ಕಾರ್ಪೊರೇಷನ್ ನೀಡಿದ ಜನನ ಪ್ರಮಾಣಪತ್ರ

- ಶಾಲೆಯಿಂದ ನೀಡಲಾದ ಪ್ರವೇಶ ಪತ್ರ

- ಯಾವುದೇ ಸರ್ಕಾರಿ ಕಂಪನಿಯ ಜೀವ ವಿಮಾ ಪಾಲಿಸಿ ಅಥವಾ ಬಾಂಡ್

- ಪಿಂಚಣಿದಾರರಾಗಿದ್ದರೆ ಪ್ರಮಾಣೀಕೃತ ಸೇವಾ ದಾಖಲೆ

-ಆಧಾರ್ ಕಾರ್ಡ್ ಅಥವಾ ಇ-ಆಧಾರ್ ಕಾರ್ಡ್

- ಮತದಾರರ ಗುರುತಿನ ಚೀಟಿ

- ಪ್ಯಾನ್ ಕಾರ್ಡ್

- ಚಾಲನಾ ಪರವಾನಿಗೆ

ಇದನ್ನೂ ಓದಿ: ಮಾರ್ಚ್ 1 ರಿಂದ ಎಚ್​-1ಬಿ ವೀಸಾ ನೋಂದಣಿ ಆರಂಭ, ಆನ್​ಲೈನ್​ನಲ್ಲಿ ನೋಂದಣಿ ಮಾಡಿಕೊಳ್ಳುವುದೇಗೆ?

ವಿಳಾಸಕ್ಕಾಗಿ ಈ ದಾಖಲೆಗಳು ಅಗತ್ಯವಿದೆ

- ಪುರಸಭೆ ನೀಡಿದ ನೀರಿನ ಬಿಲ್

- ವಿದ್ಯುತ್ ಬಿಲ್

-ಆದಾಯ ತೆರಿಗೆ ಮೌಲ್ಯಮಾಪನ ಆದೇಶ

- ಮತದಾರರ ಗುರುತಿನ ಚೀಟಿ

- ಗ್ಯಾಸ್ ಸಂಪರ್ಕ ಪುಸ್ತಕ

- ಆಧಾರ್ ಕಾರ್ಡ್

- ಬ್ಯಾಂಕ್ ಪಾಸ್​ಬುಕ್​

- ಬಾಡಿಗೆ ಒಪ್ಪಂದ

ಪಾಸ್​​ಪೋರ್ಟ್​ ಬೇಕು ಅಂದ್ರೆ ಏನ್​ ಮಾಡ್ಬೇಕು?

ಈ ಪಾಸ್‌ಪೋರ್ಟ್ ತುರ್ತಾಗಿ ಪಾಸ್‌ಪೋರ್ಟ್ ಅಗತ್ಯವಿರುವವರಿಗೆ ಪಾಸ್‌ಪೋರ್ಟ್ ಕಚೇರಿಯು ತಕ್ಷಣವೇ ಪಾಸ್‌ಪೋರ್ಟ್ ನೀಡಬೇಕೆ ಎಂದು ನಿರ್ಧರಿಸುತ್ತದೆ. ಎರಡು ವಿಧದ ತ್ವರಿತ ಪಾಸ್‌ಪೋರ್ಟ್‌ಗಳಿವೆ, ಒಂದಕ್ಕೆ ಪೊಲೀಸ್ ಪರಿಶೀಲನೆ ಅಗತ್ಯವಿರುತ್ತದೆ ಮತ್ತು ಇನ್ನೊಂದು ಪೊಲೀಸ್ ಪರಿಶೀಲನೆ ಅಗತ್ಯವಿರುವುದಿಲ್ಲ. ಪೊಲೀಸ್ ತನಿಖೆ ಅಗತ್ಯವಿಲ್ಲದಿದ್ದರೆ ಪಾಸ್‌ಪೋರ್ಟ್ ಅರ್ಜಿ ಸಲ್ಲಿಸಿದ ಒಂದು ದಿನದ ನಂತರ ಪಾಸ್‌ಪೋರ್ಟ್ ನೀಡಲಾಗುತ್ತದೆ. ಪೊಲೀಸ್ ತನಿಖೆ ಅಗತ್ಯವಿದ್ದರೆ, ತನಿಖೆ ಮುಗಿದ ಮೂರು ದಿನಗಳ ನಂತರ ಪಾಸ್​ಪೋರ್ಟ್​ ನೀಡಲಾಗುತ್ತದೆ.

ಮಾರ್ಚ್ 1 ರಿಂದ ವೀಸಾ ಪ್ರಕ್ರಿಯೆ ಆರಂಭ

ಈ ವರ್ಷ ನೀಡಲಾದ H1-B ವೀಸಾಗಳ ನೋಂದಣಿ ಪ್ರಕ್ರಿಯೆಯು ಮಾರ್ಚ್ 1 ರಿಂದ ಪ್ರಾರಂಭವಾಗಲಿದೆ ಎಂದು ಅಮೆರಿಕಾ ಸಿಟಿಜನ್​ಶಿಪ್ ಆಂಡ್ ಇಮಿಗ್ರೇಷನ್ ಸರ್ವೀಸಸ್​ (UCIS) ಹೇಳಿಕೆಯಲ್ಲಿ ತಿಳಿಸಿದೆ. ಮಾರ್ಚ್ 17 ರಂದು ನೋಂದಣಿ ಕೊನೆಗೊಳ್ಳುತ್ತದೆ. ಪ್ರತಿ ನೋಂದಾಯಿತ ವ್ಯಕ್ತಿಗೆ ದೃಢೀಕರಣ ಸಂಖ್ಯೆಯನ್ನು ನೀಡಲಾಗುತ್ತದೆ. ಅದರ ಆಧಾರದ ಮೇಲೆ ನೋಂದಣಿಯನ್ನು ಟ್ರ್ಯಾಕಿಂಗ್ ಮಾಡಬಹುದು ಎಂದು ತಿಳಿಸಿದೆ.