Hero MotoCorp: ಬೈಕ್ ಖರೀದಿದಾರರಿಗೆ ಬಿಗ್ ಶಾಕ್! ಜುಲೈ 1 ರಿಂದ ಬೆಲೆ ಜಾಸ್ತಿ ಆಗುತ್ತೆ ಗುರೂ

ತಾನೂ ಕಷ್ಟ ಪಟ್ಟು ದುಡಿದು ಒಂದು ಬೈಕ್ (Bike)​ ತೆಗೆದುಕೊಂಡು ಪ್ರತಿನಿತ್ಯ ಅದರಲ್ಲಿ ಓಡಾಡಬೇಕು ಎಂದು ಅದೆಷ್ಟೋ ಯುವಕರು ಕನಸು ಕಾಣುತ್ತಿರುತ್ತಾರೆ. ಅವರಿಗೆಲ್ಲ ಕಾಸ್ಟ್ಲಿ ಬೈಕ್ (Costly Bike)​ ಕೊಂಡುಕೊಳ್ಳಬೇಕೆಂಬ ಆಸೆ ಇರುವುದಿಲ್ಲ. ತಮ್ಮ ರೇಂಜ್​ಗೆ ತಕ್ಕಂತೆ ಬೈಕ್​ ತಗೋಬೇಕು ಎಂಬ ಆಸೆ ಅವರಿಗೆ ಇರುತ್ತೆ. ಅಂಥವರ ಆಸೆ ಪೂರೈಸಲು ಬಂದಿದ್ದೆ ಹೀರೋ ಕಂಪೆನಿ (Hero Company) . ಹೌದು, ಹೀರೋ ಕಂಪೆನಿ ಕಡಿಮೆ ಬೆಲೆಯಲ್ಲಿ ಅದ್ಭುತ ಪರ್ಫಾಮೆನ್ಸ್​  (Performance) ನೀಡುವ ಬೈಕ್​ಗಳನ್ನು ಬಿಡುಗಡೆ ಮಾಡಿ ಯಶಸ್ವಿಯಾದರು. ಆದರೆ, ಇದೀಗ ಹೊಸ ಬೈಕ್ (New Bike) ಖರೀದಿಸಲು ಬಯಸುವವರಿಗೆ ಹೀರೋ ಮೋಟೋಕಾರ್ಪ್ (Hero MotoCorp) ಶಾಕ್ ನೀಡಿದೆ. ಭಾರತದಲ್ಲಿ ಅತಿ ದೊಡ್ಡ ದ್ವಿಚಕ್ರ ವಾಹನ ಉತ್ಪಾದನಾ ಕಂಪನಿ ಎಂದು ಹೆಸರಿಸಲಾಗಿರುವ ಕಂಪನಿಯು ತನ್ನ ಎಲ್ಲಾ ಉತ್ಪನ್ನಗಳ ಬೆಲೆಯನ್ನು ಜುಲೈ 1 ರಿಂದ ಹೆಚ್ಚಿಸುವುದಾಗಿ ಘೋಷಿಸಿದೆ.

ಹೀರೋ ಸ್ಕೂಟರ್,​ ಬೈಕ್ ಬೆಲೆಯಲ್ಲಿ ಏರಿಕೆ​

ಹೀರೋ ಮೋಟೋಕಾರ್ಪ್ ಕಂಪನಿಯ ಎಲ್ಲಾ ಶ್ರೇಣಿಯ ಮೋಟಾರ್ ಬೈಕ್‌ಗಳು ಮತ್ತು ಸ್ಕೂಟರ್‌ಗಳ ಬೆಲೆ ರೂ. 3,000ಕ್ಕೆ ಹೆಚ್ಚಿಸಲಾಗುವುದು ಎಂದು ಹೇಳಿದೆ. ಸರಕುಗಳ ಬೆಲೆಗಳು ಸೇರಿದಂತೆ ಸ್ಥಿರವಾಗಿ ಏರುತ್ತಿರುವ ವೆಚ್ಚದ ಹಣದುಬ್ಬರದ ಪರಿಣಾಮವನ್ನು ತಡೆದುಕೊಳ್ಳಲು ಬೆಲೆಗಳು ಏರಿಕೆಯಾಗತ್ತಿರುವುದು ಇದಕ್ಕೆ ಕಾರಣ ಎಂದು ಹೀರೋ ಮೋಟೋಕಾರ್ಪ್​ ತಿಳಿಸಿದೆ. ಮಾದರಿ ಮತ್ತು ಮಾರುಕಟ್ಟೆಯನ್ನು ಆಧರಿಸಿ ಹೆಚ್ಚಳವಾಗಲಿದೆ ಎಂದು ಕಂಪನಿ ತಿಳಿಸಿದೆ. ಈ ಸಂದರ್ಭದಲ್ಲಿ ಬಿಡುಗಡೆ ಮಾಡಿದ ಹೇಳಿಕೆಯಲ್ಲಿ, "ಸರಕು ಬೆಲೆಗಳು ಸೇರಿದಂತೆ ಸ್ಥಿರವಾಗಿ ಏರುತ್ತಿರುವ ಒಟ್ಟಾರೆ ವೆಚ್ಚದ ಹಣದುಬ್ಬರವನ್ನು ಸರಿದೂಗಿಸಲು ನಾವು ಬೆಲೆಗಳನ್ನು ಹೆಚ್ಚಿಸಬೇಕಾಗಿದೆ" ಎಂದು ಹೇಳಿದೆ.

ವರ್ಷದ ಆರಂಭದಲ್ಲೂ ಏರಿಕೆಯಾಗಿದ್ದ ಬೆಲೆಗಳು!

ಹೀರೋ ಮೊಟೊಕಾರ್ಪ್ ಕೂಡ ಈ ವರ್ಷದ ಆರಂಭದಲ್ಲಿ ಬೆಲೆಗಳನ್ನು ಏರಿಸಿತ್ತು. ಹೊಸ ಬೆಲೆಗಳು ಏಪ್ರಿಲ್ 5 ರಿಂದ ಜಾರಿಗೆ ಬಂದವು. ಆಗಲೂ ಏರುತ್ತಿರುವ ವಸ್ತುಗಳ ಬೆಲೆಯ ಪರಿಣಾಮವನ್ನು ಸರಿದೂಗಿಸಲು ಉತ್ಪನ್ನದ ಬೆಲೆಗಳನ್ನು ಏರಿಸುತ್ತಿರುವುದಾಗಿ ಘೋಷಿಸಿತು. ಈ ಹಿಂದೆ ವಿವಿಧ ಬೈಕ್ ಮತ್ತು ಸ್ಕೂಟರ್ ಗಳು ರೂ. 2,000ಕ್ಕೆ ಬೆಲೆ ಏರಿಕೆಯಾಗಿದೆ. Hero MotoCars ಪ್ರವೇಶ ಮಟ್ಟದ HF100 ಮೋಟಾರ್‌ಸೈಕಲ್‌ನಿಂದ ವಿವಿಧ ಮಾದರಿಗಳನ್ನು ಮಾರಾಟ ಮಾಡುತ್ತದೆ. ಇದರ ಬೆಲೆ ರೂ. 51,450 ರಿಂದ ಪ್ರಾರಂಭವಾಗುತ್ತದೆ. Hero Xpulse 200 4Vಬೈಕ್ಬೆಲೆ ರೂ. 1.32 ಲಕ್ಷ ಆಗಿದೆ.

ಇದನ್ನೂ ಓದಿ: Bengaluru ನಲ್ಲಿ ಬದುಕೋಕೆ ವರ್ಷಕ್ಕೆ 1 ಕೋಟಿ ಸಂಬಳ ಇದ್ರೂ ಸಾಲಲ್ವಂತೆ! ವೈರಲ್ ಆಯ್ತು ವ್ಯಕ್ತಿಯೊಬ್ಬ ಕೇಳಿದ್ದ ಪ್ರಶ್ನೆ

ವಿಶ್ವದ ಅತಿದೊಡ್ಡ ತಯಾರಕ ಕಂಪನಿ!

Hero MotoCorp ಮೋಟಾರು ಸೈಕಲ್‌ಗಳು ಮತ್ತು ಸ್ಕೂಟರ್‌ಗಳ ವಿಶ್ವದ ಅತಿದೊಡ್ಡ ತಯಾರಕ. ಕಂಪನಿಯು ಮೇ 2022 ರಲ್ಲಿ 4,86,704 ಯುನಿಟ್‌ಗಳನ್ನು ಮಾರಾಟ ಮಾಡಿದೆ. ಈ ವರ್ಷದ ಏಪ್ರಿಲ್‌ನಲ್ಲಿ ಕಂಪನಿಯು 418,622 ಯುನಿಟ್‌ಗಳನ್ನು ಮಾರಾಟ ಮಾಡಿದೆ. ಅಂದರೆ ಒಂದು ತಿಂಗಳಲ್ಲಿ ಮಾರಾಟವು 16 ಪ್ರತಿಶತದಷ್ಟು ಬೆಳೆದಿದೆ. ಕಳೆದ ವರ್ಷ ಇದೇ ತಿಂಗಳಲ್ಲಿ ಕಂಪನಿಯು ಕೇವಲ 1,83,044 ಯುನಿಟ್‌ಗಳನ್ನು ಮಾರಾಟ ಮಾಡಿತ್ತು. ಕೋವಿಡ್-19 ಪ್ರಕರಣಗಳ ಹೆಚ್ಚಳ ಮತ್ತು ಆ ಸಮಯದಲ್ಲಿ ಮಾರಾಟದ ಮೇಲೆ ಲಾಕ್‌ಡೌನ್‌ಗಳ ಪರಿಣಾಮ ಬೀರಿತ್ತು.

ಇದನ್ನೂಓದಿ: ಜುಲೈ 1ರಿಂದ ಹೊಸ ನಿಯಮ ಜಾರಿ, ಬ್ಯಾಂಕ್​ ಗ್ರಾಹಕರೇ ಒಮ್ಮೆ ಇತ್ತ ಗಮನಿಸಿ

ಎಲೆಕ್ಟ್ರಿಕ್​ ವಿಭಾಗಕ್ಕೂ ಕಾಲಿಟ್ಟಿ ಹೀರೋ!

Hero MotoCorp ಇತ್ತೀಚೆಗೆ ಎಲೆಕ್ಟ್ರಿಕ್ ವಿಭಾಗಕ್ಕೆ ತನ್ನ ಪ್ರವೇಶವನ್ನು ಘೋಷಿಸಿತು. EV ವೆಂಚರ್ ಚಲನಶೀಲತೆ ಪರಿಹಾರಗಳಿಗಾಗಿ ಹೊಚ್ಚಹೊಸ ಗುರುತನ್ನು ಸ್ಥಾಪಿಸಿದೆ, ಇದರಲ್ಲಿ  (EV ಗಳು) 'ವಿಡಾ - ಪವರ್ಡ್ ಬೈ ಹೀರೋ' ಎಂಬ ಹೆಸರಿನಲ್ಲಿ ಎಲೆಕ್ಟ್ರಿಕ್ ವಾಹನಗಳನ್ನು ಪರಿಚಯಿಸಲಿದೆ . ಹೀರೋ ಕಂಪನಿಯು ಜುಲೈ 1, 2022 ರಂದು ಮೊದಲ ಎಲೆಕ್ಟ್ರಿಕ್ ವಾಹನವನ್ನು ಅಧಿಕೃತವಾಗಿ ಅನಾವರಣಗೊಳಿಸಲಿದೆ. ಎಮೆರಿಟಸ್ ಅಧ್ಯಕ್ಷ ಡಾ.ಬ್ರಿಜ್ಮೋಹನ್ ಮೋಹನ್ ಅವರ ಜನ್ಮದಿನದ ಸಂದರ್ಭದಲ್ಲಿ ಕಂಪನಿಯು ಈ ದಿನಾಂಕವನ್ನು ಆಯ್ಕೆ ಮಾಡಿದೆ. ಹೀರೋ ಬ್ರಾಂಡ್ ಹೆಸರನ್ನು ಉಳಿಸಿಕೊಳ್ಳುವ ಕುರಿತು ಹೀರೋ ಎಲೆಕ್ಟ್ರಿಕ್ ಜೊತೆಗಿನ ವಿವಾದದ ನಂತರ ಹೀರೋ ಮೋಟೋಕಾರ್ಪ್ ಹೊಸ ಬ್ರಾಂಡ್ ಹೆಸರನ್ನು ಪರಿಚಯಿಸಲು ನಿರ್ಧರಿಸಿದೆ.