H-1B Visa Registration: ಮಾರ್ಚ್ 1 ರಿಂದ ಎಚ್​-1ಬಿ ವೀಸಾ ನೋಂದಣಿ ಆರಂಭ, ಆನ್​ಲೈನ್​ನಲ್ಲಿ ನೋಂದಣಿ ಮಾಡಿಕೊಳ್ಳುವುದೇಗೆ?

ಅಮೆರಿಕಾದಲ್ಲಿ (America) ಉದ್ಯೋಗ ಪಡೆಯಬೇಕೆಂಬುದು ಅನೇಕ ಯುವಕ ಯುವತಿಯರ ಕನಸಾಗಿದೆ. ಐಟಿ, ಇಂಜಿನಿಯರಿಂಗ್, ಆರ್ಕಿಟೆಕ್ಚರ್ ಮತ್ತು ಫೈನಾನ್ಸ್ ಕ್ಷೇತ್ರಗಳಲ್ಲಿರುವ ಜನರು ಹೆಚ್ಚಾಗಿ ಯುಎಸ್​ನಲ್ಲಿ ಕೆಲಸ ಮಾಡಲು ಬಯಸುತ್ತಾರೆ. ಯುಎಸ್​ನಲ್ಲಿ ಕೆಲಸ ಮಾಡಲು ಬರುವ ವಿದೇಶಿಯರಿಗೆ (Foreign Workers) ಅಲ್ಲಿನ ಸರ್ಕಾರ ಎಚ್​-1ಬಿ ವೀಸಾಗಳನ್ನು (H-1B Visa) ನೀಡುತ್ತದೆ. ಇದನ್ನು ಮೂರು ವರ್ಷಗಳ ಅವಧಿಗೆ ನೀಡಲಾಗುತ್ತದೆ. ಆ ನಂತರ ಇನ್ನೂ ಮೂರು ವರ್ಷ ವಿಸ್ತರಿಸುವ ಸಾಧ್ಯತೆ ಇರುತ್ತದೆ. 2024 ರ H1-B ವೀಸಾ ಪ್ರಕ್ರಿಯೆಯು ಮಾರ್ಚ್​ 1ರಿಂದ (ನಾಳೆ) ಪ್ರಾರಂಭವಾಗಲಿದೆ ಎಂದು ಯುಎಸ್​ಸಿಐಎಸ್ ( US Citizenship and Immigration Services)​ ಪ್ರಕಟಣೆ ಹೊರಡಿಸಿದೆ.

H-1B ಮಾದರಿಯ ವೀಸಾವು ಅಮೆರಿಕಾದ ಕಂಪನಿಗಳಿಗೆ ವಿದೇಶಿ ಉದ್ಯೋಗಿಗಳನ್ನು ವಿಶೇಷ ಸ್ಥಾನಗಳಿಗೆ ತಾತ್ಕಾಲಿಕವಾಗಿ ನೇಮಿಸಿಕೊಳ್ಳಲು ಇರುವ ಏಕೈಕ ಮಾರ್ಗವಾಗಿದೆ. ಹೆಚ್ಚಾಗಿ, H-1B ಪ್ರಕಾರದ ವೀಸಾ ಹೊಂದಿರುವವರು ಗ್ರೀನ್ ಕಾರ್ಡ್‌ಗೆ ಅರ್ಹತೆಯನ್ನು ಪಡೆಯುತ್ತಾರೆ. ಪ್ರತಿ ವರ್ಷ, ಅಮೆರಿಕಾ H-1B ವೀಸಾಕ್ಕಾಗಿ ಉದ್ಯೋಗದಾತರಿಂದ ವರ್ಷಕ್ಕೆ ಸುಮಾರು 65,000 ಕ್ಕೂ ಹೆಚ್ಚು ಅರ್ಜಿಗಳನ್ನು ಸ್ವೀಕರಿಸಲಾಗುತ್ತದೆ.

ಮಾರ್ಚ್ 1 ರಿಂದ ವೀಸಾ ಪ್ರಕ್ರಿಯೆ ಆರಂಭ

ಈ ವರ್ಷ ನೀಡಲಾದ H1-B ವೀಸಾಗಳ ನೋಂದಣಿ ಪ್ರಕ್ರಿಯೆಯು ಮಾರ್ಚ್ 1 ರಿಂದ ಪ್ರಾರಂಭವಾಗಲಿದೆ ಎಂದು ಅಮೆರಿಕಾ ಸಿಟಿಜನ್​ಶಿಪ್ ಆಂಡ್ ಇಮಿಗ್ರೇಷನ್ ಸರ್ವೀಸಸ್​ (UCIS) ಹೇಳಿಕೆಯಲ್ಲಿ ತಿಳಿಸಿದೆ. ಮಾರ್ಚ್ 17 ರಂದು ನೋಂದಣಿ ಕೊನೆಗೊಳ್ಳುತ್ತದೆ. ಪ್ರತಿ ನೋಂದಾಯಿತ ವ್ಯಕ್ತಿಗೆ ದೃಢೀಕರಣ ಸಂಖ್ಯೆಯನ್ನು ನೀಡಲಾಗುತ್ತದೆ. ಅದರ ಆಧಾರದ ಮೇಲೆ ನೋಂದಣಿಯನ್ನು ಟ್ರ್ಯಾಕಿಂಗ್ ಮಾಡಬಹುದು ಎಂದು ತಿಳಿಸಿದೆ.

ಇದನ್ನೂ ಓದಿ:School: ಪರೀಕ್ಷಾ ಕೊಠಡಿಯಲ್ಲಿ ಕ್ಲಿಕ್ಕಿಂಗ್ ಪೆನ್‌ಗಳಿಗಿಲ್ಲ ಎಂಟ್ರಿ! ಬೆಂಗಳೂರಿನ ಶಾಲೆಗಳಲ್ಲಿ ಹೊಸ ರೂಲ್ಸ್

ಶೇ. 70 ರಷ್ಟು ಭಾರತೀಯ ಅಭ್ಯರ್ಥಿಗಳು

ಪ್ರತಿ ವರ್ಷ, ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಕೆಲಸ ಮಾಡಲು ವಿವಿಧ ಕ್ಷೇತ್ರಗಳಲ್ಲಿನ ವೃತ್ತಿಪರರಿಗೆ ಸರ್ಕಾರವು ಸೀಮಿತ ಸಂಖ್ಯೆಯ H-1B ವೀಸಾಗಳನ್ನು ನೀಡುತ್ತದೆ. ಪ್ರತಿ ವರ್ಷ ಸುಮಾರು 65 ಸಾವಿರ ವೀಸಾಗಳನ್ನು ನೀಡಲಾಗುತ್ತದೆ. ಇದರ ಜೊತೆಗೆ, ಅಮೆರಿಕಾದಲ್ಲಿ ಸ್ನಾತಕೋತ್ತರ ಪದವಿ ಪಡೆಯಲು ಬಯಸುವವರಿಗೆ 20,000 H1-B ವೀಸಾಗಳನ್ನು ಒದಗಿಸಲಾಗುತ್ತದೆ. ಈ ವೀಸಾಗಳಿಗೆ ಅರ್ಜಿ ಸಲ್ಲಿಸುವವರಲ್ಲಿ ಭಾರತ ಮತ್ತು ಚೀನಾದವರೇ ಹೆಚ್ಚಿನ ಸಂಖ್ಯೆಯಲ್ಲಿರುತ್ತಾರೆ. ಅಮೆರಿಕಾ ವಾರ್ಷಿಕವಾಗಿ ನೀಡುವ ಈ ವೀಸಾಗಳನ್ನು ಶೇ. 70 ಕ್ಕಿಂತ ಹೆಚ್ಚು ಭಾರತೀಯ ಅಭ್ಯರ್ಥಿಗಳೇ ಪಡೆದಿರುವುದು ಗಮನಾರ್ಹವಾಗಿದೆ.

ನೋಂದಣಿ ಪ್ರಕ್ರಿಯೆ ಹೇಗೆ? ಆನ್​ಲೈನ್​ಲ್ಲಿ H-1B ವೀಸಾಗಾಗಿ ನೋಂದಣಿಗಾಗಿ ಈ ರೀತಿ ಅರ್ಜಿ ಸಲ್ಲಿಸಿ

• ಅರ್ಜಿದಾರರು https://myaccount.uscis.gov/users/sign_up ಲಿಂಕ್ ಮೂಲಕ ನೋಂದಣಿಗಾಗಿ ಅರ್ಜಿ ಸಲ್ಲಿಸಲು myUSCIC ಖಾತೆಯನ್ನು ರಚಿಸಿ,  ಇದಕ್ಕೆ $10 ಮೊತ್ತವನ್ನು ಪಾವತಿಸಬೇಕಾಗುತ್ತದೆ.


• ತಮ್ಮ ಸ್ವಂತ ನೋಂದಣಿಗಳನ್ನು ಸಲ್ಲಿಸುತ್ತಿರುವವರು "ನೋಂದಣಿದಾರ" ಖಾತೆಯನ್ನು ಬಳಸಬೇಕಾಗುತ್ತದೆ.


• ಹೊಸ ಖಾತೆ ರಚನೆಯ ಪ್ರಕ್ರಿಯೆಯು ಫೆಬ್ರವರಿ 21 ರಂದು ಮಧ್ಯಾಹ್ನ ನಂತರ ಪ್ರಾರಂಭವಾಗಲಿದೆ. ಖಾತೆಯ ರಚನೆಯ ನಂತರ, ಪ್ರತಿನಿಧಿಗಳು ತಮ್ಮ ಖಾತೆಗಳಿಗೆ ಯಾವುದೇ ಸಮಯದಲ್ಲಿ ಕ್ಲೈಂಟ್​ಗಳನ್ನು ಸೇರಿಸಬಹುದು.


• ಫಲಾನುಭವಿಗಳ ವಿವರಗಳನ್ನು ನಮೂದಿಸಲು ಪ್ರತಿನಿಧಿಗಳು ಮತ್ತು ನೋಂದಣಿದಾರರು ಮಾರ್ಚ್ 1 ರವರೆಗೆ ಕಾಯಬೇಕಾಗುತ್ತದೆ.


•  ಫೈನಲ್ ಪೇಮೆಂಟ್​ ಆಗುವ ತನಕ ಖಾತೆಯ ಮೂಲಕ ಮಾಹಿತಿಯನ್ನು ಎಡಿಟ್ ಮಾಡಲು, ಮಾಹಿತಿಯನ್ನು ಸಂಗ್ರಹಿಸಲು ಅವಕಾಶವಿರುತ್ತದೆ.


• ಅಮೆರಿಕ ಸರ್ಕಾರವು ಮಾರ್ಚ್ 31 ರೊಳಗೆ ಅಂತಿಮ ಆಯ್ಕೆಗಳ ಬಗ್ಗೆ ಖಾತೆದಾರರಿಗೆ ತಿಳಿಸುತ್ತದೆ.


• ಅನುಮೋದನೆಯನ್ನು ಪಡೆದ ನಂತರ, ಅರ್ಜಿದಾರರು ತಮ್ಮ ವಿವರವಾದ H-1B ಅರ್ಜಿಗಳನ್ನು USCIS ಗೆ ಸಲ್ಲಿಸಬೇಕು, ಅದು 90 ದಿನಗಳಲ್ಲಿ ಪೂರ್ಣಗೊಳ್ಳಬೇಕು.


• ನಂತರ ಪ್ರಾಯೋಜಕ ಕಂಪನಿಯ ವಿವರಗಳನ್ನು,  ಲಿಂಗ , ಜನ್ಮ ದಿನಾಂಕ, ಹುಟ್ಟಿದ ದೇಶ ಮತ್ತು ಉದ್ಯೋಗಿಯ ಪೌರತ್ವವನ್ನು ಸೇರಿದಂತೆ ಅರ್ಜಿಯಲ್ಲಿ ಕೇಳುವ ದಾಖಲಾತಿಗಳನ್ನು ನಮೂದಿಸಬೇಕು.