• Home
  • »
  • News
  • »
  • business
  • »
  • Ford Company Cars: ರಸ್ತೆ ಮೇಲೆ ಕಂಡು ಬಂದ ಫೋರ್ಡ್ ಕಂಪನಿಯ ಇಕೋಸ್ಪೋರ್ಟ್ ಕಾರು; ಭಾರತದಲ್ಲಿ ಮತ್ತೆ ಬಿಡುಗಡೆಯಾಗುತ್ತಾ?

Ford Company Cars: ರಸ್ತೆ ಮೇಲೆ ಕಂಡು ಬಂದ ಫೋರ್ಡ್ ಕಂಪನಿಯ ಇಕೋಸ್ಪೋರ್ಟ್ ಕಾರು; ಭಾರತದಲ್ಲಿ ಮತ್ತೆ ಬಿಡುಗಡೆಯಾಗುತ್ತಾ?

ಫೋರ್ಡ್​ ಕಂಪನಿ ಕಾರ್​

ಫೋರ್ಡ್​ ಕಂಪನಿ ಕಾರ್​

ಕಳೆದ 10 ವರ್ಷಗಳಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ 2 ಶತಕೋಟಿ ಡಾಲರ್’ಗಳಿಗಿಂತಲೂ ಅಧಿಕ ನಷ್ಟ ಅನುಭವಿಸಿದ ಬಳಿಕ ಅಮೇರಿಕ ಮೂಲದ ಕಾರು ತಯಾರಿಕಾ ಕಂಪನಿ ಫೋರ್ಡ್ ಭಾರತದಲ್ಲಿ ಕಳೆದ ವರ್ಷ ಸ್ಥಗಿತಗೊಂಡಿದೆ. ಈ ಕಂಪನಿ ಭಾರತದಲ್ಲಿ ಸ್ಥಗಿತಗೊಂಡ ವರದಿ ಬೆನ್ನಲ್ಲೇ ಕಂಪನಿಯ ಫೋರ್ಡ್ ಇಕೋಸ್ಪೋರ್ಟ್ ಕಾರೊಂದು ರಸ್ತೆ ಮೇಲೆ ಕಂಡು ಬಂದಿದೆ.

ಮುಂದೆ ಓದಿ ...
  • Share this:

    ಭಾರತದಲ್ಲಿ (India) ಅನೇಕ ಕಾರು (Car Company) ಉತ್ಪಾದನಾ ಕಂಪನಿಗಳಿವೆ. ಆದರೂ ದೇಶದಲ್ಲಿ ಹಲವಾರು ವಿದೇಶೀಯ ಕಂಪನಿಯಿಂದ ಬಿಡುಗಡೆಯಾದಂತಹ ಕಾರುಗಳೇ ಮಾರಾಟವಾಗುತ್ತಿದೆ. ಕಳೆದ 10 ವರ್ಷಗಳಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ 2 ಶತಕೋಟಿ ಡಾಲರ್​​ಗಿಂತಲೂ ಅಧಿಕ ನಷ್ಟ ಅನುಭವಿಸಿದ ಬಳಿಕ, ಅಮೇರಿಕ (America) ಮೂಲದ ಕಾರು ತಯಾರಿಕಾ ಕಂಪನಿ ಫೋರ್ಡ್ (Ford) ಭಾರತದಲ್ಲಿ ಕಳೆದ ವರ್ಷ ಸ್ಥಗಿತಗೊಂಡಿದೆ. ಈ ಕಂಪನಿ ಭಾರತದಲ್ಲಿ ಸ್ಥಗಿತಗೊಂಡ ವರದಿ ಬೆನ್ನಲ್ಲೇ ಕಂಪನಿಯ ಫೋರ್ಡ್ ಇಕೋಸ್ಪೋರ್ಟ್ ಕಾರೊಂದು ರಸ್ತೆ ಮೇಲೆ ಕಂಡು ಬಂದಿದೆ.


    ಇದೀಗ ಫೋರ್ಡ್​ ಕಂಪನಿಯ ಕಾರುಗಳ ಉತ್ಪಾದನೆ ಸದ್ಯಕ್ಕೆ ಭಾರತದಲ್ಲಿ ನಿಲ್ಲಿಸಲಾಗಿತ್ತು. ಆದರೆ ಸದ್ದಿಲ್ಲದೆ ಕಂಪನಿಯ ಕಾರು ರಸ್ತೆ ಮೇಲೆ ಕಂಡು ಬಂದಿದ್ದು, ಇದು ಫೋರ್ಡ್​ ಇಕೋಸ್ಪೋರ್ಟ್​​ ಎಂಬ ಹೆಸರನ್ನು ಹೊಂದಿದೆ.


    ಫೋರ್ಡ್‌ ಕಂಪನಿಯ ಕಾರು ಬಿಡುಗಡೆಯಾಗುತ್ತಾ?


    ಭಾರತದಲ್ಲಿ ಕಾರುಗಳನ್ನು ತಯಾರಿಸುವುದನ್ನು ನಿಲ್ಲಿಸುವ ಮೊದಲು, ಫೋರ್ಡ್ ಕಂಪನಿ ಇಕೋಸ್ಪೋರ್ಟ್‌ಗಾಗಿ ಫೇಸ್‌ಲಿಫ್ಟ್ ಅನ್ನು ಪರಿಚಯಿಸಲು ಯೋಜಿಸಿತ್ತು. ಈಗ ಅದೇ ಯೋಜನೆಯಂತೆ ರಸ್ತೆಗಳಲ್ಲಿ ಟೆಸ್ಟ್‌ ಡ್ರೈವ್‌ ನಡೆಸಲಾದ ಫೋರ್ಡ್‌ ಕಂಪನಿಯ ಕಾಂಪ್ಯಾಕ್ಟ್ ಎಸ್‌ಯುವಿಯ ಫೇಸ್‌ಲಿಫ್ಟೆಡ್ ಆವೃತ್ತಿಯು ಬಿಡುಗಡೆಗೆ ಸಿದ್ಧವಾಗಿದೆ ಎಂದು ವರದಿಗಳು ಹೇಳುತ್ತಿವೆ.


    ಇದನ್ನೂ ಓದಿ: ಹೊಸ ವರ್ಷಕ್ಕೆ ಇಂಡಿಗೋ ಬಂಪರ್​ ಗಿಫ್ಟ್​, ಟಿಕೆಟ್ ಬೆಲೆ ಜಸ್ಟ್​ 2023 ರೂಪಾಯಿ ಮಾತ್ರ!


    ಫೋರ್ಡ್ ಇಕೋಸ್ಪೋರ್ಟ್ ಕಾರಿನ ಚಿತ್ರವನ್ನು ಫೇಸ್‌ಬುಕ್‌ನಲ್ಲಿ ಫೋರ್ಡ್ ಇಕೋಸ್ಪೋರ್ಟ್ ಕ್ಲಬ್ ಇಂಡಿಯಾ ಹಂಚಿಕೊಂಡಿದೆ. ಒಂದು ವರ್ಷದ ಹಿಂದೆ ಕಾರಿನ ಬಗ್ಗame ವರದಿಗಳು ಬಂದಂತೆ ಇದೀಗ ಫೋಟೋಗಳು ಸದ್ಯ ವರದಿಗಳನ್ನು ನಿಜವಾಗಿಸಿದೆ.


    ಕಾರಿನಲ್ಲಿ ಹೊಸತೇನಿದೆ?


    ಹಿಂದಿನ ಮಾದರಿಗಿಂತ ಕೊಂಚ ಭಿನ್ನವಾಗಿರುವ ಫೋರ್ಡ್ ಇಕೋಸ್ಪೋರ್ಟ್‌ನ ಗ್ರಿಲ್ ಭಾಗ ಸಾಕಷ್ಟು ವಿಶಾಲವಾಗಿದೆ ಮತ್ತು ಮಧ್ಯದಲ್ಲಿ ಫೋರ್ಡ್ ಲೋಗೋದೊಂದಿಗೆ ಕಪ್ಪಾಗಿದೆ.


    ಹೆಡ್‌ಲ್ಯಾಂಪ್‌ಗಳು ಉತ್ತಮವಾಗಿದ್ದು, ಫಾಗ್ ಲ್ಯಾಂಪ್ ಹೌಸಿಂಗ್ ಸಹ ಉತ್ತಮ ಫೀಚರ್‌ ಹೊಂದಿದೆ. ಹೊಸ ಫೀಚರ್‌ಗಳ ಜೊತೆ ಕೆಲವು ಹಳೆಯ ಫೀಚರ್‌ಗಳು ಸಹ ಕಾರಿನಲ್ಲಿ ಮಿಶ್ರಣವಾಗಿವೆ.


    ಖಾಸಗಿ ಖರೀದಿದಾರರಿಗೆ ಮಾರಾಟವಾಗಿದೆಯೇ?


    ಬಿಡುಗಡೆ ಮಾಡಿರುವ ಚಿತ್ರದಲ್ಲಿ ಈ ಕಾಂಪ್ಯಾಕ್ಟ್ SUV ರಿಜಿಸ್ಟರ್‌ ಬೋರ್ಡ್‌ ಅನ್ನು ಸಹ ಹೊಂದಿದೆ, ಹೀಗಾಗಿ ಇದನ್ನು ಅದಾಗ್ಲೇ ಖಾಸಗಿ ಖರೀದಿದಾರರಿಗೆ ಮಾರಾಟ ಮಾಡಲಾಗಿದೆ ಎಂದು ಕೆಲವರು ಊಹೆ ಮಾಡಿದ್ದಾರೆ.


    ಫೋರ್ಡ್ ಇಕೋಸ್ಪೋರ್ಟ್ ಕಾರಿನ ವಿಶೇಷತೆಗಳು


    • ಪವರ್‌ಟ್ರೇನ್ ಆಯ್ಕೆಗಳು 120 hp ಮತ್ತು 149 Nm ಗೆ ಉತ್ತಮವಾದ 1.5-ಲೀಟರ್ ಪೆಟ್ರೋಲ್ ಎಂಜಿನ್ ಅನ್ನು ಒಳಗೊಂಡಿದೆ ಮತ್ತು 1.5-ಲೀಟರ್ ಡೀಸೆಲ್ ಎಂಜಿನ್ ಕ್ರಮವಾಗಿ 100 hp ಮತ್ತು 215 Nm ಗರಿಷ್ಠ ಶಕ್ತಿ ಮತ್ತು ಟಾರ್ಕ್ ಅನ್ನು ನೀಡುತ್ತದೆ.

    •  5-ಸ್ಪೀಡ್ ಮ್ಯಾನುವಲ್ ಅಥವಾ 6-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‌ಬಾಕ್ಸ್ ಆಯ್ಕೆಗಳಿವೆ.

    • ಈ ಫೇಸ್‌ಲಿಫ್ಟ್ ಮಾದರಿಯು ಪೂರ್ವ-ಫೇಸ್‌ಲಿಫ್ಟ್ ಮಾದರಿಗಳಂತೆಯೇ ಪವರ್‌ಟ್ರೇನ್ ಅನ್ನು ಒಳಗೊಂಡಿರುವ ಸಾಧ್ಯತೆಯಿದೆ.

    • ಟಚ್‌ಸ್ಕ್ರೀನ್ ಇನ್ಫೋಟೈನ್‌ಮೆಂಟ್ ಸಿಸ್ಟಮ್ ಅನ್ನು ಸ್ವಯಂಚಾಲಿತ ಕ್ಲೈಮೇಟ್ ಕಂಟ್ರೋಲ್ ಸಿಸ್ಟಮ್, ಮೌಂಟೆಡ್ ಕಂಟ್ರೋಲ್‌ಗಳೊಂದಿಗೆ ಮಲ್ಟಿ-ಫಂಕ್ಷನಲ್ ಸ್ಟೀರಿಂಗ್ ವೀಲ್, ಸೆಮಿ-ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್ ಜೊತೆಗೆ ಬರಬಹುದು ಎಂದು ನೀರೀಕ್ಷಿಸಲಾಗಿದೆ.

    •  ಕಾರು ತಲೆಕೆಳಗಾದ ಎಲ್-ಆಕಾರದ ಎಲ್ಇಡಿ ಡಿಆರ್ಎಲ್ಗಳನ್ನು ಹೊಂದಿದೆ, ಆದರೆ ಬಂಪರ್ನ ಕೆಳಗೆ ಫಾಕ್ಸ್ ಸ್ಕಿಡ್ ಪ್ಲೇಟ್ ಇದೆ. ಹೊಸ ಮಿಶ್ರಲೋಹದ ಚಕ್ರಗಳು ಸಹ ಪ್ಯಾಕೇಜ್‌ನ ಭಾಗವಾಗಿದೆ.

    • ಇವುಗಳ ಹೊರತಾಗಿ, EcoSport ಫೇಸ್‌ಲಿಫ್ಟ್‌ನಲ್ಲಿ ಹೆಚ್ಚಿನ ಬಾಹ್ಯ ಬದಲಾವಣೆಗಳನ್ನು ನಿರೀಕ್ಷಿಸಲಾಗಿಲ್ಲ


    ಭಾರತದಲ್ಲಿ ಕಳೆದ ವರ್ಷ ನಿರ್ಗಮಿಸಿದ ಫೋರ್ಡ್‌ ಕಂಪನಿ


    ಭಾರತದಲ್ಲಿ ಫೋರ್ಡ್‌ ಕಂಪನಿ ಕಾರು ಉತ್ಪಾದನೆ ಮತ್ತು ಮಾರಾಟವನ್ನು ಸ್ಥಗಿತಗೊಳಿಸಿ ಅದಾಗ್ಲೇ ವರ್ಷಗಳು ಉರುಳಿವೆ. 2020ರ ವೇಳೆಗೆ 5 ಮಿಲಿಯನ್ ಕಾರು ಉತ್ಪಾದನಾ ಗುರಿ ಸಾಧಿಸಿ ಅಮೇರಿಕ ಚೀನಾ ಬಳಿಕ ಮೂರನೇ ಸ್ಥಾನಕ್ಕೆ ಏರುವ ನಿರೀಕ್ಷೆ ಹೊಂದಿದ್ದ ಭಾರತ ಕೋವಿಡ್ ಕಾರಣ ಕೇವಲ 3 ಮಿಲಿಯನ್ ಕಾರು ಉತ್ಪಾದನೆಗೆ ಸೀಮಿತವಾಯಿತು.


    ಫೋರ್ಡ್ ಗುಜರಾತ್ ಹಾಗು ಚೆನ್ನೈನಲ್ಲಿರುವ ಉತ್ಪಾದನಾ ಘಟಕಗಳನ್ನು ಮುಚ್ಚಿದ್ದು, ಸುಮಾರು 4000 ಮಂದಿ ಉದ್ಯೋಗವನ್ನು ಕಳೆದುಕೊಂಡಿದ್ದಾರೆ. ಫೋರ್ಡ್ ಭಾರತದಲ್ಲಿ ಸುಮಾರು 391 ಶೋರೂಮ್ ಮತ್ತು 170 ಡೀಲರ್‌ಗಳನ್ನು ಹೊಂದಿತ್ತು.

    Published by:Prajwal B
    First published: