• Home
  • »
  • News
  • »
  • business
  • »
  • Budget 2023: ಈ ಬಾರಿ ಬಜೆಟ್​ನಲ್ಲಿ ಮಧ್ಯಮ ವರ್ಗಕ್ಕೆ ಬಂಪರ್, ಸುಳಿವು ಕೊಟ್ಟ ನಿರ್ಮಲಾ ಸೀತಾರಾಮನ್!

Budget 2023: ಈ ಬಾರಿ ಬಜೆಟ್​ನಲ್ಲಿ ಮಧ್ಯಮ ವರ್ಗಕ್ಕೆ ಬಂಪರ್, ಸುಳಿವು ಕೊಟ್ಟ ನಿರ್ಮಲಾ ಸೀತಾರಾಮನ್!

ನಿರ್ಮಲಾ ಸೀತಾರಾಮನ್​

ನಿರ್ಮಲಾ ಸೀತಾರಾಮನ್​

ಮಧ್ಯಮ ವರ್ಗದವರು ಬಜೆಟ್‌ನಲ್ಲಿ ದೊಡ್ಡ ಉಡುಗೊರೆಗಳನ್ನು ಪಡೆಯಬಹುದು, ತೆರಿಗೆ ವಿನಾಯಿತಿ ಸೇರಿದಂತೆ ಈ ಘೋಷಣೆಗಳನ್ನು ಮಾಡಬಹುದು.

  • Share this:

ಕೇಂದ್ರದಿಂದ ಇನ್ನು ಎರಡು ವಾರಗಳಲ್ಲಿ ಪ್ರಸಕ್ತ ಆರ್ಥಿಕ ವರ್ಷ 2023ರ ಬಜೆಟ್ (Union Budget) ಮಂಡಿಸಲಾಗುತ್ತಿದೆ. ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ (Nirmala Seetharaman) ಪ್ರಸ್ತುತ ಐದನೇ ಬಾರಿಗೆ ಆಯವ್ಯಯ ಪತ್ರವನ್ನು ಮಂಡಿಸಲಿದ್ದಾರೆ. ಮುಂದಿನ ವರ್ಷ ಅಂದರೆ 2024 ರಲ್ಲಿ ಲೋಕಸಭೆ ಚುನಾವಣೆ (Lok Sabha Election) ಜರುಗಲಿದ್ದು ಪ್ರಸ್ತುತ ಸರ್ಕಾರದ ಪೂರ್ಣ ಪ್ರಮಾಣದ ಈ ವರ್ಷದ ಬಜೆಟ್ ಅನ್ನು ಮಂಡಿಸಲು ಇನ್ನೂ ಮೂರೇ ವಾರಗಳು ಬಾಕಿ ಇವೆ. ಹಾಗಾಗಿ ಈ ವರ್ಷದ ಬಜೆಟ್ ಕೇಂದ್ರ ಸರ್ಕಾರದ ಪಾಲಿಗೆ ಸಾಕಷ್ಟು ಮಹತ್ವವಾಗಿದೆ ಎಂದು ಹೇಳಬಹುದು.  ಮಧ್ಯಮ ವರ್ಗದವರು ಬಜೆಟ್‌ನಲ್ಲಿ ದೊಡ್ಡ ಉಡುಗೊರೆಗಳನ್ನು ಪಡೆಯಬಹುದು, ತೆರಿಗೆ ವಿನಾಯಿತಿ ಸೇರಿದಂತೆ ಈ ಘೋಷಣೆಗಳನ್ನು ಮಾಡಬಹುದು.


ಮಧ್ಯಮ ವರ್ಗದವರಿಗೆ ಸಿಗುತ್ತಾ ರಿಲೀಫ್?


ಮಧ್ಯಮ ವರ್ಗದವರನ್ನು ಸಮಾಧಾನಪಡಿಸುವುದು ಬಜೆಟ್ ಸಭೆಯ ಪ್ರಮುಖ ಕೇಂದ್ರವಾಗಿದೆ. ತೆರಿಗೆ ದರಗಳನ್ನು ಕಡಿಮೆ ಮಾಡಬೇಕೆಂಬ ಅವರ ಬಹುಕಾಲದ ಬೇಡಿಕೆಯನ್ನು ಈ ವರ್ಷದ ಬಜೆಟ್‌ನಲ್ಲಿ ಈಡೇರಿಸುವ ಸಾಧ್ಯತೆಯಿದೆ. ಇದೇ ಸಮಯದಲ್ಲಿ, ಮಧ್ಯಮ ವರ್ಗವು ಬಜೆಟ್‌ನಲ್ಲಿ ತಮಗಾಗಿ ಇನ್ನೂ ಅನೇಕ ರಿಯಾಯಿತಿಗಳನ್ನು ಎದುರುನೋಡಬಹುದು.


ಮಧ್ಯಮ ವರ್ಗದವರಿಗೆ ಏನೆಲ್ಲಾ ಸಿಗಬಹುದು?


ಮೂಲಗಳಿಂದ ಬಂದಿರುವ ಮಾಹಿತಿ ಪ್ರಕಾರ, ಅಧಿಕಾರಿಗಳಲ್ಲಿ ಬಜೆಟ್ ಕುರಿತು ನಡೆಯುತ್ತಿರುವ ಸಭೆಗಳಲ್ಲಿ ಮಧ್ಯಮ ವರ್ಗದವರಿಗೆ ವಿಶೇಷ ಒತ್ತು ನೀಡಲಾಗಿದೆ. ಈ ಸಭೆಗಳಲ್ಲಿ ಮಧ್ಯಮ ವರ್ಗದವರಿಗೆ ಪರಿಹಾರ ನೀಡಲು ವಿವಿಧ ಆಯ್ಕೆಗಳನ್ನು ಪರಿಗಣಿಸಲಾಗಿದೆ. ಮೂಲಗಳ ಪ್ರಕಾರ, ಪ್ರಸ್ತುತ ಆದಾಯ ತೆರಿಗೆಯಲ್ಲಿ ಪರಿಹಾರ ನೀಡುವುದು ಸರ್ಕಾರದ ಮೊದಲ ಆದ್ಯತೆಯಾಗಿದೆ.


ತೆರಿಗೆಯಲ್ಲಿ ಸಿಗಲಿದೆಯಂತೆ ಪರಿಹಾರ!


ಹೊಸ ಆದಾಯ ತೆರಿಗೆ ಪದ್ಧತಿಯಲ್ಲಿ ತೆರಿಗೆ ದರಗಳಲ್ಲಿ ಇಳಿಕೆಯಾಗಬಹುದು. ಇದರೊಂದಿಗೆ ಹಳೆಯ ಆದಾಯ ತೆರಿಗೆಗೆ ಸಮನಾಗಿ ಹೊಸ ಆದಾಯ ತೆರಿಗೆಯನ್ನು ತರಲು ಪ್ರಯತ್ನಿಸಬಹುದು. ಮನೆ ಖರೀದಿದಾರರಿಗೆ ಪರಿಹಾರ ನೀಡುವ ಸಲುವಾಗಿ, ಬಜೆಟ್‌ನಲ್ಲಿ ಗೃಹ ಸಾಲಗಳಿಗೆ ಸಂಬಂಧಿಸಿದ ಪರಿಹಾರವನ್ನು ಹೆಚ್ಚಿಸುವ ಬಗ್ಗೆಯೂ ಸರ್ಕಾರ ಪರಿಗಣಿಸಬಹುದು ಎಂದು ಮೂಲಗಳು ತಿಳಿಸಿವೆ. ತಾವು ಮಧ್ಯಮ ವರ್ಗದ ಕುಟುಂಬದಿಂದ ಬಂದವರು ಮತ್ತು ಮಧ್ಯಮ ವರ್ಗದವರ ಸಮಸ್ಯೆಗಳನ್ನು ಚೆನ್ನಾಗಿ ಅರ್ಥ ಮಾಡಿಕೊಂಡಿದ್ದಾರೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಸೋಮವಾರ ಹೇಳಿಕೆ ನೀಡಿದ್ದರು.


ಇದನ್ನೂ ಓದಿ: ಈ ಬಜೆಟ್​ ಅನ್ನೋ ಪದ ಎಲ್ಲಿಂದ ಬಂತು ಗೊತ್ತಿದ್ಯಾ? ಇಂಗ್ಲಿಷ್​ ವರ್ಡ್​ ಅಂತೂ ಅಲ್ವೇ ಅಲ್ಲ!


ಉದ್ಯೋಗವನ್ನು ಹೆಚ್ಚಿಸುವತ್ತ ಗಮನಹರಿಸಿ!


ಉದ್ಯೋಗಾವಕಾಶಗಳನ್ನು ಹೆಚ್ಚಿಸುವ ಸಲುವಾಗಿ, ಸರ್ಕಾರವು ಈ ಬಜೆಟ್‌ಗಳಲ್ಲಿ ಅನೇಕ ಘೋಷಣೆಗಳನ್ನು ಮಾಡಬಹುದು. ಸರ್ಕಾರವು ವಲಯ ಅಥವಾ ಕಂಪನಿಗಳಿಗೆ ಅಂತಹ ರಿಯಾಯಿತಿಗಳನ್ನು ಘೋಷಿಸಬಹುದು, ಇದರಿಂದಾಗಿ ಹೊಸ ಉದ್ಯೋಗಗಳ ಸಂಖ್ಯೆ ಹೆಚ್ಚಾಗುತ್ತದೆ. ಫೆಬ್ರವರಿ 1 ರಂದು ಬಜೆಟ್ ಮಂಡನೆಯಾಗಲಿದ್ದು, ಇದು ಸರ್ಕಾರದ ಪ್ರಸ್ತುತ ಅವಧಿಯ ಕೊನೆಯ ಪೂರ್ಣ ಬಜೆಟ್ ಆಗಿದೆ.


ಫ್ರೆಂಚ್​ ಮೂಲದ ಪದ ಈ ಬಜೆಟ್​!


ಬಜೆಟ್ ಎಂಬುದು ಫ್ರೆಂಚ್ ಮೂಲದ ಪದವಾಗಿದೆ. ಬಜೆಟ್ ಎಂಬ ಪದವು ಬುಜೆ ಎಂಬ ಪದದಿಂದ ಬಂದಿದೆ. ಬುಜೆ ಎಂದರೆ ಚಿಕ್ಕ ಚೀಲ. 1733 ರಲ್ಲಿ, ಇಂಗ್ಲೆಂಡ್‌ನ ಮಾಜಿ ಕುಲಪತಿಯಾಗಿದ್ದ ಸರ್ ರಾಬರ್ಟ್ ವಾಲ್ಪೋಲ್ ಅವರು ತಮ್ಮ ಬಜೆಟ್ ಪ್ರಸ್ತಾವನೆ ಪತ್ರಗಳನ್ನು ಒಂದು ಚೀಲದಿಂದ ಸದನಕ್ಕೆ ತಂದರು. ಅಲ್ಲಿದ್ದವರೊಬ್ಬರು ಚೀಲದಲ್ಲಿ ಏನಿದೆ ಎಂದು ಕೇಳಿದರು. ಆಗ ಉತ್ತರಿಸಿದ ಅವರು, ಇದು ನಿಮಗೆ ಬಜೆಟ್ ಆಗಿದೆ ಅಂದಿನಿಂದ ಬಜೆಟ್ ಎಂಬ ಪದ ಬಳಕೆಗೆ ಬಂತು.


ವರ್ಷಕ್ಕೆ 500,000 ರೂಪಾಯಿಗಳಿಂದ 750,000 ರೂಪಾಯಿಗಳನ್ನು ಗಳಿಸುವವರು ಹಳೆಯ ನಿಯಮಗಳ ಅಡಿಯಲ್ಲಿ ಅನ್ವಯವಾಗುವ 20% ದರದ ವಿರುದ್ಧ ಹೊಸ ಯೋಜನೆಯಡಿಯಲ್ಲಿ 10% ತೆರಿಗೆಯನ್ನು ಪಾವತಿಸುತ್ತಾರೆ. ಆದರೆ 1.5 ಮಿಲಿಯನ್ ರೂಪಾಯಿಗಳಿಗಿಂತ ಹೆಚ್ಚಿನ ವಾರ್ಷಿಕ ಆದಾಯವು 30% ರಷ್ಟು ತೆರಿಗೆಯನ್ನು ಹೊಂದಿದೆ.

Published by:ವಾಸುದೇವ್ ಎಂ
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು