Cotton Crop: ನಕಲಿ ಬೀಜ, ಅಕಾಲಿಕ ಮಳೆ ಹೊಡೆತಕ್ಕೆ ನಲುಗಿದ ಆಂಧ್ರದ ಹತ್ತಿ ಬೆಳೆಗಾರರು!

ಬ್ರಿಟಿಷರ (British) ಕಾಲದಲ್ಲಿ ಎರಡನೇ ಮುಂಬೈ (Second Mumbai) ಎಂದೇ ಖ್ಯಾತಿ ಪಡೆದಿದ್ದ ಆಂಧ್ರಪ್ರದೇಶ (Andhra Pradesh) ದ ಆದೋನಿ (Adoni) ನಗರಕ್ಕೆ ಮತ್ತೊಮ್ಮೆ ಸಂಕಷ್ಟ ಎದುರಾಗಿದೆ. ಈ ವರ್ಷದ ಆರಂಭದ ತಿಂಗಳುಗಳಲ್ಲಿ ಹತ್ತಿ ಬೆಲೆ ದಾಖಲೆ ಮಟ್ಟಕ್ಕೆ ತಲುಪಿದಾಗ ಇಲ್ಲಿನ ರೈತರು ಲಾಟರಿ ಹೊಡೆದಿದ್ದರು. ಇದೀಗ ವರ್ಷಾಂತ್ಯವಾಗುತ್ತಿದ್ದಂತೆ ರೈತರ (Farmers) ಆಶಾಕಿರಣವೂ ಅಂತ್ಯಗೊಂಡಿದೆ. ಅಧಿಕ ಆದಾಯದ ಕನಸು ಕಾಣುತ್ತಿದ್ದ ರೈತರನ್ನು ಅಕಾಲಿಕ ಮಳೆ (Rain) ಮತ್ತು ನಕಲಿ ಬೀಜಗಳು (Fake Seeds) ಮತ್ತೊಮ್ಮೆ ರೈತರನ್ನು ಕಣ್ಣೀರಿನಲ್ಲಿ ಕೈ ತೊಳೆಯುವಂತೆ ಮಾಡಿದೆ. ಹೊಸ ವರ್ಷಕ್ಕೆ ಹೆಚ್ಚಿನ ಹಣ ಗಳಿಸುವ ಖುಷಿಯಲ್ಲಿದ್ದ ಅನ್ನದಾತರ ಮುಖದಲ್ಲಿ ಮಂದಹಾಸ ಮಾಯವಾಗಿದೆ.

ಆದೋನಿ ಅನ್ನದಾತರ ಕಣ್ಣೀರು!

ರಾಯಲಸೀಮಾ ಜಿಲ್ಲೆಗಳ ಅತಿದೊಡ್ಡ ವಾಣಿಜ್ಯ ಕೇಂದ್ರವಾದ ಕರ್ನೂಲ್ ಜಿಲ್ಲೆಯ ಆದೋನಿಯಲ್ಲಿ ಹತ್ತಿಯನ್ನು ಚಿನ್ನದಂತೆ ನೋಡಲಾಗುತ್ತದೆ. ಇಲ್ಲಿ ಈ ವರ್ಷ ರೈತರು ಹುಲ್ಲು ಹರಿದು ಸಂಪಾದಿಸಿದ್ದರು. ವರ್ಷದ ಮೊದಲ ನಾಲ್ಕು ತಿಂಗಳಲ್ಲಿ ಹತ್ತಿ ಬೆಲೆ ಕ್ವಿಂಟಲ್‌ಗೆ 12 ಸಾವಿರದ ಸಮೀಪ ತಲುಪಿತ್ತು. ಸಾರ್ವಕಾಲಿಕ ಹೆಚ್ಚಿನ ಬೆಲೆಗಳು ಇದ್ದವು. ಇದಕ್ಕೂ ಒಂದು ವರ್ಷದ ಹಿಂದೆ, ಬೆಲೆ ಅರ್ಧದಷ್ಟು ಇರಲಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ಬೆಲೆ ದಾಖಲೆ ಮಟ್ಟ ತಲುಪಿದ ಹಿನ್ನೆಲೆಯಲ್ಲಿ ಈ ಹಂಗಾಮಿನಲ್ಲೂ ಹತ್ತಿ ಬೆಳೆಗೆ ರೈತರು ದೊಡ್ಡ ಪಣತೊಟ್ಟಿದ್ದರು.

ಭಾರೀ ನಿರೀಕ್ಷೆಯಲ್ಲಿದ್ದ ರೈತರಿಗೆ ಶಾಕ್!

ಕಳೆದ ಹಂಗಾಮಿನಂತೆ ಈ ಬಾರಿಯೂ ಬಂಪರ್ ಗಳಿಕೆ ಸಿಗಲಿದೆ ಎಂಬ ನಿರೀಕ್ಷೆಯಲ್ಲಿದ್ದ ರೈತರು, ಭಾರಿ ಮಳೆಯಿಂದ ಈಗ ಹುಸಿ ಕಾಳುಗಳಿಂದ ನಿರೀಕ್ಷೆ ಹುಸಿಯಾಗಿದೆ. ವಾಸ್ತವವಾಗಿ, ಆಂಧ್ರಪ್ರದೇಶದ ಈ ಪ್ರದೇಶದಲ್ಲಿ ಈ ವರ್ಷ ಸಾಕಷ್ಟು ಮಳೆಯಾಗಿದೆ. ಇದರಿಂದ ಸಾಕಷ್ಟು ಬೆಳೆ ಹಾನಿಯಾಗಿದೆ. ಮಳೆಯಿಂದಾಗಿ ಹೇಗೋ ಬೆಳೆ ಉಳಿಸಿಕೊಂಡಿದ್ದ ರೈತರು ಈಗ ಹೊಲಗಳ ಸ್ಥಿತಿ ಕಂಡು ಕಣ್ಣೀರಿಟ್ಟಿದ್ದಾರೆ.

ಹತ್ತಿ ಬೆಳೆಯಲ್ಲಿ ರೈತರ ಆಸಕ್ತಿಯ ಲಾಭ ಪಡೆದ ಖಾಸಗಿ ಕಂಪನಿಗಳು ಗುಣಮಟ್ಟವಿಲ್ಲದ ಅಥವಾ ನಕಲಿ ಬೀಜಗಳನ್ನು ದೊಡ್ಡ ಪ್ರಮಾಣದಲ್ಲಿ ಅವರಿಗೆ ಹಸ್ತಾಂತರಿಸುತ್ತಿವೆ ಎಂದು ಆರೋಪಿಸಲಾಗಿದೆ. ಇದರಿಂದ ಅವರ ಬೆಳೆ ಹಾಳಾಗಿದೆ.

ಇದನ್ನೂ ಓದಿ: ಖರೀದಿದಾರರಿಗೆ ಶುಭ ಸುದ್ದಿ, ಆ ವಸ್ತುಗಳ ಮೇಲೆ ಶೂನ್ಯ GST!

ಸಂಕಷ್ಟದಲ್ಲಿ ನೂರಾರು ರೈತರ ಕುಟುಂಬಗಳು!

ಆದೋನಿ ಭಾಗದಲ್ಲಿ ನೂರಾರು ರೈತರು ಸಂಕಷ್ಟದಲ್ಲಿದ್ದಾರೆ. ಈ ಹಿಂದೆಯೂ ಸ್ಥಳೀಯ ಮಟ್ಟದಲ್ಲಿ ಪ್ರತಿಭಟನೆ ನಡೆಸಿದ್ದರು. ಕೂಡಲೇ ರಾಜ್ಯ ಸರಕಾರ ಈ ಬಗ್ಗೆ ಮಧ್ಯಪ್ರವೇಶಿಸಬೇಕು ಎಂದು ರೈತರ ನೇತೃತ್ವದ ಸ್ಥಳೀಯ ಸಮಿತಿ ಆಗ್ರಹಿಸಿದೆ. ರೈತರಿಗೆ 50 ಸಾವಿರ ಮಧ್ಯಂತರ ಅನುದಾನ ನೀಡಬೇಕು ಹಾಗೂ ತಪ್ಪಿತಸ್ಥ ಬೀಜ ಕಂಪನಿಗಳ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು.

ಭಾರೀ ನಷ್ಟದಿಂದ ರೈತರು ಕಂಗಾಲು!

ಆದೋನಿಯ ಮಾರುಕಟ್ಟೆಯಲ್ಲಿ ಹತ್ತಿ ಬೆಲೆಯಲ್ಲಿ ಭಾರೀ ಕುಸಿತವಾಗಿದೆ. ಕೆಲ ವಾರಗಳ ಹಿಂದೆ ಪ್ರತಿ ಕ್ವಿಂಟಲ್‌ಗೆ 9000 ರೂ. ಈಗ 8500 ರೂ.ಗೆ ಇಳಿದಿದೆ. ಅಷ್ಟೇ ಅಲ್ಲ ಕನಿಷ್ಠ ದರ 5500 ರೂ.ಗೆ ತಲುಪಿದೆ. ಹೀಗಿರುವಾಗ ಭಾರಿ ನಷ್ಟದ ಭೀತಿ ರೈತರನ್ನು ಕಾಡುತ್ತಿದೆ.

ಇದನ್ನೂ ಓದಿ: ಈ 12 ಕಾರುಗಳ ಮೇಲೆ ಭಾರೀ ರಿಯಾಯಿತಿ, ಇಂಥ ಆಫರ್ ಮುಂದೆ ಸಿಗೋದು ಡೌಟ್​!

ರೈತರ ವಿರೋಧದ ಹಿನ್ನೆಲೆಯಲ್ಲಿ ಸ್ಥಳೀಯಾಡಳಿತ ಅಧಿಕಾರಿಗಳು ಬೆಳೆ ನಷ್ಟದ ಸಮೀಕ್ಷೆ ಆರಂಭಿಸಿದ್ದಾರೆ. ರೈತರ ಸಮಸ್ಯೆಗಳನ್ನು ಸಮರ್ಪಕವಾಗಿ ಪರಿಹರಿಸಿ ಸರಕಾರದಿಂದ ಕೈಲಾದಷ್ಟು ನೆರವು ನೀಡುವುದಾಗಿ ಅಧಿಕಾರಿಗಳು ಭರವಸೆ ನೀಡಿದ್ದಾರೆ. ಈ ಪ್ರಕರಣದಲ್ಲಿ ತಪ್ಪಿತಸ್ಥರು ಯಾರೇ ಇದ್ದರೂ ಅವರ ವಿರುದ್ಧ ನಿಯಮಾನುಸಾರ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದ್ದಾರೆ.