• Home
  • »
  • News
  • »
  • business
  • »
  • Cardamom Market: ಗ್ವಾಟೆಮಾಲಾ ಪಾಲಾಗಿದ್ದ ಸಣ್ಣ ಏಲಕ್ಕಿ ಮಾರುಕಟ್ಟೆ! ರಾಜೀವ್ ಗಾಂಧಿ ಸರ್ಕಾರ ಮರಳಿ ಪಡೆದುಕೊಂಡಿದ್ದು ಹೇಗೆ?

Cardamom Market: ಗ್ವಾಟೆಮಾಲಾ ಪಾಲಾಗಿದ್ದ ಸಣ್ಣ ಏಲಕ್ಕಿ ಮಾರುಕಟ್ಟೆ! ರಾಜೀವ್ ಗಾಂಧಿ ಸರ್ಕಾರ ಮರಳಿ ಪಡೆದುಕೊಂಡಿದ್ದು ಹೇಗೆ?

ಗ್ವಾಟೆಮಾಲಾ ಏಲಕ್ಕಿ ಮತ್ತು ಚಂದ್ರಶೇಖರ್ ಅವರ ಪುಸ್ತಕ

ಗ್ವಾಟೆಮಾಲಾ ಏಲಕ್ಕಿ ಮತ್ತು ಚಂದ್ರಶೇಖರ್ ಅವರ ಪುಸ್ತಕ

'ಆ್ಯಸ್​ ಗುಡ್ ಆ್ಯಸ್ ಮೈ ವರ್ಡ್' ನಲ್ಲಿ, ಸರ್ಕಾರವು ತನ್ನ ಏಲಕ್ಕಿ ರಫ್ತುಗಳನ್ನು ಸುಧಾರಿಸಿದೆ ಮತ್ತು ಮಾರುಕಟ್ಟೆಯಲ್ಲಿ ಬಹಳಷ್ಟು ಮುಂಚೂಣಿಯಲ್ಲಿರುವ ಮಲೇಷ್ಯಾಕ್ಕೆ ಪ್ರತಿಸ್ಪರ್ಧಿಯಾಗಿದೆ ಎಂದು ಕೆಎಂ ಚಂದ್ರಶೇಖರ್ ಉಲ್ಲೇಖಿಸಿದ್ದಾರೆ.

  • Trending Desk
  • Last Updated :
  • New Delhi, India
  • Share this:

    ಸಾರ್ವಜನಿಕ ಸೇವೆಯಲ್ಲಿ (Public Service) ನಲವತ್ತು ವರ್ಷಗಳ ಕಾಲ ಸುದೀರ್ಘವಾದ ಸೇವೆ ಸಲ್ಲಿಸಿರುವ ಕೇಂದ್ರ ಕ್ಯಾಬಿನೆಟ್ ಕಾರ್ಯದರ್ಶಿ ಕೆ.ಎಂ. ಚಂದ್ರಶೇಖರ್, ರಾಜ್ಯ ಸರ್ಕಾರ, ಕೇಂದ್ರ ಮತ್ತು ಸಾರ್ವಜನಿಕ ವಲಯದ ಸಂಸ್ಥೆಗಳಲ್ಲಿ ವ್ಯಾಪಕ ಶ್ರೇಣಿಯ ಉನ್ನತ ಹುದ್ದೆಗಳನ್ನು ಅಲಂಕರಿಸಿದ ಅಪರೂಪದ ಐಎಎಸ್ ಅಧಿಕಾರಿಗಳಲ್ಲಿ ಒಬ್ಬರಾಗಿದ್ದಾರೆ. ಆ್ಯಸ್ ಗುಡ್ ಆ್ಯಸ್ ಮೈ ವರ್ಡ್ ಪುಸ್ತಕದಲ್ಲಿ (As Good As My Word Book) ತಮ್ಮ ಅಧಿಕಾರಾವಧಿಯ ಕೆಲವೊಂದು ಪ್ರಮುಖಾಂಶಗಳು, ಘಟನಾವಳಿಗಳನ್ನು ತಿಳಿಸಿದ್ದು, ಭಾರತದ ಶ್ರೀಮಂತ ಪರಂಪರೆ ಹಾಗೂ ಸಂಪ್ರದಾಯವನ್ನು ಇನ್ನಷ್ಟು ವಿಸ್ತಾರವಾಗಿ ಅರಿತುಕೊಳ್ಳಲು ಸಾಧ್ಯವಾಗಿಸಿದೆ. ಜೊತೆಗೆ ರಾಜೀವ್ ಗಾಂಧಿ (Rajeev Gandhi ಸರಕಾರವು ಭಾರತದ ಕೈಬಿಟ್ಟು ಹೋಗಿದ್ದ ಏಲಕ್ಕಿ ಹಾಗೂ ಕರಿಮೆಣಸು ಮಾರುಕಟ್ಟೆಯನ್ನು ಹೇಗೆ ಮರಳಿಪಡೆದುಕೊಂಡಿತು ಎಂಬುದನ್ನು ತಿಳಿಸಿದ್ದಾರೆ.


    'ಆ್ಯಸ್​ ಗುಡ್ ಆ್ಯಸ್ ಮೈ ವರ್ಡ್' ನಲ್ಲಿ, ಸರ್ಕಾರವು ತನ್ನ ಏಲಕ್ಕಿ ರಫ್ತುಗಳನ್ನು ಸುಧಾರಿಸಿದೆ ಮತ್ತು ಮಾರುಕಟ್ಟೆಯಲ್ಲಿ ಬಹಳಷ್ಟು ಮುಂಚೂಣಿಯಲ್ಲಿರುವ ಮಲೇಷ್ಯಾಕ್ಕೆ ಪ್ರತಿಸ್ಪರ್ಧಿಯಾಗಿದೆ ಎಂದು ಕೆಎಂ ಚಂದ್ರಶೇಖರ್ ಉಲ್ಲೇಖಿಸಿದ್ದಾರೆ.


    ಏಲಕ್ಕಿ ಮಂಡಳಿಯ ಅಧ್ಯಕ್ಷರಾಗಿದ್ದ ಚಂದ್ರಶೇಖರ್


    1985 ರಲ್ಲಿ ಏಲಕ್ಕಿ ಮಂಡಳಿಯ ಅಧ್ಯಕ್ಷನಾಗಿ ಕೇಂದ್ರ ಸರ್ಕಾರಕ್ಕೆ ನಿಯೋಜನೆಯೊಂದಿಗೆ ಚಂದ್ರಶೇಖರ್ ಅವರ ಐದು ವರ್ಷಗಳ ಸುದೀರ್ಘ ಅಧಿಕಾರಾವಧಿ ಕೊನೆಗೊಂಡಾಗ ಇದು ಅವರ ಸುದೀರ್ಘ ಅವಧಿಯಾಗಿತ್ತು ಎಂಬುದಾಗಿ ಸ್ಮರಿಸಿಕೊಂಡಿದ್ದಾರೆ. ಸಣ್ಣ ಏಲಕ್ಕಿಗಾಗಿ ಜಾಗತಿಕ ಮಾರುಕಟ್ಟೆಯು ಮಧ್ಯಪ್ರಾಚ್ಯ ಮತ್ತು ಸೌದಿ ಅರೇಬಿಯಾದಲ್ಲಿನ ಖರೀದಿದಾರರು ಪ್ರಾಬಲ್ಯ ಹೊಂದಿತ್ತು ಹಾಗೂ ಸೌದಿ ಅರೇಬಿಯಾದವರು ಏಲಕ್ಕಿಯನ್ನು ಹೆಚ್ಚು ಖರೀದಿಸುತ್ತಿದ್ದರು ಇಲ್ಲಿನ ಜನರು ಕಾಫಿ ಹಾಗೂ ಏಲಕ್ಕಿಯನ್ನು ಸಮಾನ ಪ್ರಮಾಣದಲ್ಲಿ ಬೆರೆಸಿ ತಯಾರಿಸಿದ ಕಹ್ವಾ ಎಂಬ ಪಾನೀಯ ಸೇವಿಸುತ್ತಿದ್ದರು.


    ಇದನ್ನೂ ಓದಿ: ಪಾಕ್ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಮಾಜಿ ಪತ್ನಿ ರೆಹಾಮ್ ಈಗ ಯಾರ ಪತ್ನಿ ಗೊತ್ತಾ?


    ಏಲಕ್ಕಿ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಿದ್ದ ಭಾರತ


    ಈ ಪಾನೀಯಕ್ಕೆ ಇತರ ಮಸಾಲೆಗಳು, ಕೇಸರಿ, ಬಾದಾಮಿ, ಗುಲಾಬಿ ದಳಗಳು ಮತ್ತು ಜೇನುತುಪ್ಪ ಸೇರಿಸಿ ತಯಾರಿಸುತ್ತಿದ್ದರು. ಭಾರತ ಹಲವು ವರ್ಷಗಳ ಕಾಲ ಏಲಕ್ಕಿ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಿತ್ತು.


    ಈ ಸಮಯದಲ್ಲಿ ಗ್ವಾಟೆಮಾಲೆ ಏಲಕ್ಕಿ ಮಾರುಕಟ್ಟೆಯನ್ನು ಪ್ರವೇಶಿಸಿತು ಹಾಗೂ ಭಾರತೀಯ ಉತ್ಪಾದಕರನ್ನು ತಗ್ಗಿಸಿದ್ದು ಮಾತ್ರವಲ್ಲದೆ ಮಾರುಕಟ್ಟೆಯನ್ನು ಮುನ್ನಡೆಸಿತು. ಅರಬ್ ಖರೀದಿದಾರರು ರುಚಿಯ ಕಾರಣದಿಂದ ಭಾರತದ ಏಲಕ್ಕಿಯನ್ನು ಖರೀದಿಸುತ್ತಿದ್ದರು ಆದರೆ ಬೆಲೆ ಏರಿಕೆಯ ಕಾರಣದಿಂದ ಅರ ಗ್ವಾಟೆಮಾಲೆ ಏಲಕ್ಕಿಯನ್ನು ಖರೀದಿಸಲು ಆರಂಭಿಸಿದರು. ಸಣ್ಣ ಏಲಕ್ಕಿಯನ್ನು ಹರಾಜು ಮೂಲಕ ಮಾರಾಟ ಮಾಡಲಾಯಿತು. ಸಣ್ಣ ಏಲಕ್ಕಿಯನ್ನು ಬೆಳೆಯುವ ಪ್ರಮುಖ ಪ್ರದೇಶವಾಗಿ ಕೇರಳದ ಇಡುಕ್ಕಿ ಜಿಲ್ಲೆಯನ್ನು ಗುರುತಿಸಲಾಗಿದೆ. ಇನ್ನು ಕರ್ನಾಟಕದ ಕೊಡಗಿನಲ್ಲಿ ಸಣ್ಣ ಏಲಕ್ಕಿಯನ್ನು ಬೆಳೆಯಲಾಗುತ್ತಿತ್ತು.


    ಹರಾಜಿನಲ್ಲಿ ಕುಸಿದ ಏಲಕ್ಕಿ ಬೆಲೆ


    ಮೊದಲ ಹರಾಜಿನಲ್ಲಿ, ಬೆಲೆಗಳು ಕುಸಿಯಿತು ಮತ್ತು ನಂತರ ಎಂದಿಗೂ ಚೇತರಿಸಿಕೊಳ್ಳಲಿಲ್ಲ. ಈ ಸಮಯದಲ್ಲಿ ಏಲಕ್ಕಿ ಮಂಡಳಿಯವರು ಹಾಗೂ ಬೆಳೆಗಾರರು ಚಂದ್ರಶೇಖರ್ ವಿರುದ್ಧ ಕೋಪಗೊಂಡಿದ್ದರು ಹಾಗೂ ಅವರ ಕಚೇರಿಯ ಮುಂದೆ ಪ್ರತಿಭಟನೆಗಳನ್ನು ನಡೆಸಿದರು ಹೀಗೆ ಸಣ್ಣ ಏಲಕ್ಕಿ ಬೆಳೆಗಾರರು ಹಾಗೂ ಚಂದ್ರಶೇಖರ್ ನಡುವಿನ ಸಂಬಂಧವು ಅವರ ಅಧಿಕಾರಾವಧಿಯವರೆಗೂ ಅಹಿತರಕವಾಗಿಯೇ ಇತ್ತು ಎಂಬುದನ್ನು ನೆನಪಿಸಿಕೊಂಡಿದ್ದಾರೆ.


    ಆರೋಗ್ಯ ಯೋಜನೆಗಳನ್ನು ಪರಿಚಯಿಸಿದ ಚಂದ್ರಶೇಖರ್


    ಮಾರುಕಟ್ಟೆಯಲ್ಲಿ ಸಣ್ಣ ಏಲಕ್ಕಿಯ ಬೆಲೆ ಕುಸಿತವನ್ನು ಚೇತರಿಸುವಂತೆ ಮಾಡಲು ಎರಡು ಆರೋಗ್ಯ ಯೋಜನೆಗಳನ್ನು ಚಂದ್ರಶೇಖರ್ ಹಾಗೂ ಸಮಿತಿಯವರು ಜಾರಿಗೆ ತಂದರು. ನೀರನ್ನು ಕುದಿಸುವಾಗ ಪರಿಮಳಕ್ಕಾಗಿ ಏಲಕ್ಕಿಯನ್ನು ಸೇರಿಸುವುದು ಹಾಗೂ ಧೂಮಪಾನದ ನಂತರ ಬಾಯಿಯ ವಾಸನೆಯನ್ನು ತಡೆಗಟ್ಟಲು ಏಲಕ್ಕಿಯನ್ನು ಅಗೆಯುವುದು ಹೀಗೆ ಈ ಎರಡು ಯೋಜನೆಗಳು ಅಭೂತಪೂರ್ವ ಯಶಸ್ಸನ್ನು ತಂದುಕೊಟ್ಟಿತು. ಅಳಿವಿನ ಅಂಚಿನಲ್ಲಿರುವ ಉದ್ಯಮವು ಉಳಿದುಕೊಂಡಿತು.


    ಕರಿಮೆಣಸು ರಫ್ತುದಾರರಿಗೆ ಕಂಟಕವಾಗಿದ್ದ US ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್


    1987 ರಲ್ಲಿ, US ಫುಡ್ ಅಂಡ್ ಡ್ರಗ್ ಅಡ್ಮಿನಿಸ್ಟ್ರೇಷನ್ (USFDA) US ಮಾರುಕಟ್ಟೆಗಳಲ್ಲಿ ಕರಿಮೆಣಸನ್ನು ಸ್ವಯಂಚಾಲಿತವಾಗಿ ತಡೆಹಿಡಿಯುವುದರೊಂದಿಗೆ ಕರಿಮೆಣಸು ರಫ್ತುದಾರರನ್ನು ತೀವ್ರವಾಗಿ ಬಾಧಿಸಿತು. US ನಲ್ಲಿ FDA ಅನುಮೋದಿಸಿದ ಪ್ರಯೋಗಾಲಯದಿಂದ ಅನುಮತಿಯಿಲ್ಲದೆ ಭಾರತದ ಕರಿಮೆಣಸು ಯುಎಸ್ ಮಾರುಕಟ್ಟೆಗಳಿಗೆ ಪ್ರವೇಶಿಸುವಂತಿಲ್ಲ ಎಂದಾಗಿದೆ. ಇದು ರಫ್ತುದಾರರಿಗೆ ಹೆಚ್ಚಿನ ವೆಚ್ಚಕ್ಕೆ ಕಾರಣವಾಯಿತು ಹಾಗೂ ಭಾರತದ ಪ್ರತಿಸ್ಪರ್ಧಿಗಳಾದ ಬ್ರೆಜಿಲ್, ಮಲೇಷ್ಯಾ ಮತ್ತು ಇಂಡೋನೇಷ್ಯಾದಿಂದ ಕರಿಮೆಣಸು ರಫ್ತು ಮಾಡುವವರಿಗೆ ಅನನುಕೂಲತೆಯನ್ನುಂಟುಮಾಡಿತು.


    ಸಮಸ್ಯೆ ಪರಿಹರಿಸಿದ ಚಂದ್ರಶೇಖರ್ ಮುಂದಾಳತ್ವದ ಮಂಡಳಿ


    ಈ ಸಮಸ್ಯೆಯನ್ನು ಪರಿಹರಿಸುವ ನಿಟ್ಟಿನಲ್ಲಿ ಚಂದ್ರಶೇಖರ್ ಹಾಗೂ ಸಹಚರರ ನಿಯೋಗವು ಅಲ್ಲಿನ ಅಧಿಕಾರಿಗಳು ಹಾಗೂ ಆಮದುದಾರರನ್ನು ಭೇಟಿ ಮಾಡಲು US ಗೆ ತೆರಳಿತು ಹಾಗೂ ಮಂಡಳಿಯ ಅಧ್ಯಕ್ಷರಾಗಿ ಚಂದ್ರಶೇಖರ್ ನೇಮಕಗೊಂಡಿದ್ದರು. ಈ ಸಮಯದಲ್ಲಿ ಸರಕಾರದ ಜಂಟಿ ಕಾರ್ಯದರ್ಶಿ ಎಂ.ಆರ್ ಶಿವರಾಮನ್ ನೇತೃತ್ವದಲ್ಲಿ ಕೆಲಸ ಮಾಡುವ ಸುಯೋಗ ಒದಗಿತು ಎಂಬುದನ್ನು ಚಂದ್ರಶೇಖರ್ ನೆನಪಿಸಿಕೊಂಡಿದ್ದಾರೆ. ಶಿವರಾಮನ್ ತಮ್ಮ ಆಡಳಿತದಲ್ಲಿ ಶಿಸ್ತು ಹಾಗೂ ಕರ್ತವ್ಯಪರತೆಗೆ ಹೆಸರುವಾಸಿಯಾಗಿದ್ದರು ಹಾಗೂ ಚಂದ್ರಶೇಖರ್‌ಗೆ ವಹಿಸಿದ್ದ ಕೆಲಸದ ಆಳವಾದ ವಿವರವನ್ನು ಪಡೆದುಕೊಂಡಿದ್ದರು


    ಅಮೆರಿಕನ್ನರ ವರ್ತನೆ ಭಾರತೀಯರಿಗಿಂತ ಭಿನ್ನ


    ಈ ಸಮಯದಲ್ಲಿ ಅಲ್ಲಿನ ಕೆಲವೊಬ್ಬರು ಆಮದುದಾರರು ತುಂಬಾ ಅಸಭ್ಯವಾಗಿ ನಡೆದುಕೊಂಡರು ಎಂಬುದನ್ನು ತಿಳಿಸಿರುವ ಚಂದ್ರಶೇಖರ್ ಅವರ ವಿಚಾರದಲ್ಲಿ ಭಾರತವು ಮೂರನೇ ಬಡರಾಷ್ಟ್ರವಾಗಿತ್ತು. ಈ ಸಮಯದಲ್ಲಿ ಅಮೆರಿಕನ್ನರ ವರ್ತನೆಯನ್ನು ಅರಿತುಕೊಂಡ ಚಂದ್ರಶೇಖರ್, ಅವರ ಸಂಸ್ಕೃತಿ ಹಾಗೂ ನಾಗರಿಕತೆ ಭಾರತದಿಂದ ಭಿನ್ನವಾಗಿದೆ ಹಾಗೂ ಅದನ್ನು ಅರಿತುಕೊಳ್ಳಲು ಸಮಯ ಬೇಕು ಎಂದು ತಿಳಿಸಿದ್ದಾರೆ. ವಾಣಿಜ್ಯ ಹಾಗೂ ರಾಜಕೀಯ ಲಾಭ ಇರುವವರೊಂದಿಗೆ ಹೆಚ್ಚು ಎಚ್ಚರಿಕೆಯಿಂದ ವ್ಯವಹರಿಸುತ್ತಾರೆ ಎಂಬುದಾಗಿ ತಿಳಿಸಿದ್ದಾರೆ.

    Published by:Prajwal B
    First published: