• Home
  • »
  • News
  • »
  • breaking-news
  • »
  • Supertails: ಇಲ್ಲಿ ಯಾರೇ ಹೂಡಿಕೆ ಮಾಡಿದ್ರೂ ಡಬಲ್ ಫ್ರಾಪಿಟ್​! ದೀಪಿಕಾ ಪಡುಕೋಣೆಗೂ ಸಿಕ್ತು ಕೋಟಿ ಕೋಟಿ ಲಾಭ!

Supertails: ಇಲ್ಲಿ ಯಾರೇ ಹೂಡಿಕೆ ಮಾಡಿದ್ರೂ ಡಬಲ್ ಫ್ರಾಪಿಟ್​! ದೀಪಿಕಾ ಪಡುಕೋಣೆಗೂ ಸಿಕ್ತು ಕೋಟಿ ಕೋಟಿ ಲಾಭ!

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಸೇರಿ ದೊಡ್ಡ ದೊಡ್ಡ ಹೂಡಿಕೆದಾರರು ಬಂಡವಾಳ ಹೂಡಿರುವ ಈ ಸ್ಟಾರ್ಟ್‌ಅಪ್‌ ಪ್ರಸ್ತುತ ಇಕ್ವಿಟಿ ಮತ್ತು ಸಾಲ ಮತ್ತು ಡೆಬ್ಟ್ ವಿಭಾಗದ ಸರಣಿ A ಫಂಡಿಂಗ್ ಸುತ್ತಿನಲ್ಲಿ $10 ‌ಮಿಲಿಯನ್ ಅನ್ನು ಪಡೆದುಕೊಂಡಿದೆ

  • Trending Desk
  • 5-MIN READ
  • Last Updated :
  • Share this:

ಪಶುವೈದ್ಯಕೀಯ ಆರೈಕೆ (Veterinary Care) , ಸಾಕುಪ್ರಾಣಿಗಳ ಆಹಾರ (Pets Food) ಮತ್ತು ಸರಬರಾಜುಗಳಿಗೆ ಡಿಜಿಟಲ್‌ (Digital) ವೇದಿಕೆಯಾಗಿರುವ ಸೂಪರ್‌ಟೇಲ್ಸ್ ಇಕ್ವಿಟಿ ಮತ್ತು ಡೆಬ್ಟ್ (Supertiles  Equity and Debt) ವಿಭಾಗದ ಸರಣಿ A ನಿಧಿ ಸಂಗ್ರಹಣಾ ಸುತ್ತಿನಲ್ಲಿ 10 ಮಿಲಿಯನ್‌ ಡಾಲರ್ ಅನ್ನು ಪಡೆದುಕೊಂಡಿದೆ. ಸಾಕು ಪ್ರಾಣಿಗಳ ಪೋಷಕ ಸಮುದಾಯವನ್ನು ಬೆಂಬಲಿಸುವ ಈ ಸ್ಟಾರ್ಟಪ್ (Startup) ಸಂಪೂರ್ಣ ಡಿಜಿಟಲ್ ಟೆಲಿ-ಹೆಲ್ತ್ ಸಮಾಲೋಚನೆ ಸೇವೆ ಒದಗಿಸುತ್ತಿದ್ದು, ಹೆಚ್ಚು ಅನುಭವಿ ಆಂತರಿಕ ಪಶುವೈದ್ಯರ ತಂಡ ಹೊಂದಿದೆ. ದೇಶಾದ್ಯಂತ ಸಾಕು ಪ್ರಾಣಿಗಳಾಧಾರಿತ ಸೇವೆಗಳನ್ನು ಮನೆ ಬಾಗಿಲಿಗೆ ತಲುಪಿಸುವ ಕೆಲಸ ಮಾಡುತ್ತದೆ.


ಬಾಲಿವುಡ್‌ ನಟಿ ದೀಪಿಕಾ ಪಡುಕೋಣೆ ಸೇರಿ ದೊಡ್ಡ ದೊಡ್ಡ ಹೂಡಿಕೆದಾರರು ಬಂಡವಾಳ ಹೂಡಿರುವ ಈ ಸ್ಟಾರ್ಟ್‌ಅಪ್‌ ಪ್ರಸ್ತುತ ಇಕ್ವಿಟಿ ಮತ್ತು ಸಾಲ ಮತ್ತು ಡೆಬ್ಟ್ ವಿಭಾಗದ ಸರಣಿ A ಫಂಡಿಂಗ್ ಸುತ್ತಿನಲ್ಲಿ $10 ‌ಮಿಲಿಯನ್ ಅನ್ನು ಪಡೆದುಕೊಂಡಿದೆ. $9 ಮಿಲಿಯನ್ ಈಕ್ವಿಟಿ ಫಂಡಿಂಗ್ ಫೈರ್‌ಸೈಡ್ ವೆಂಚರ್ಸ್ ನಿಂದ ಬಂದೊದಗಿದರೆ, ಆಲ್ಟೇರಿಯಾ ಕ್ಯಾಪಿಟಲ್ $1 ಮಿಲಿಯನ್ ಒದಗಿಸಿದಿಸಿದೆ.


ಡಿಜಿಟಲ್ ಪೆಟ್ ಕೇರ್ ಪ್ಲಾಟ್‌ಫಾರ್ಮ್: 


ಮೊದಲ ಬಾರಿಗೆ ಸಾಕುಪ್ರಾಣಿ ಮಾಲೀಕರ ಅಗತ್ಯಗಳನ್ನು ಪರಿಹರಿಸಲು, ಸದನಾ, ಅಮನ್ ಟೆಕ್ರಿವಾಲ್ ಮತ್ತು ವಿನೀತ್ ಖನ್ನಾ ಅವರು 2021 ರಲ್ಲಿ ಸೂಪರ್‌ಟೇಲ್‌ಗಳನ್ನು ಸ್ಥಾಪಿಸಿದರು. ಈ ಸ್ಟಾರ್ಟಪ್ ಆನ್‌ಲೈನ್ ಪೆಟ್‌ಕೇರ್-ಕೇಂದ್ರಿತ ಇ ಕಾಮರ್ಸ್ ಮಾರುಕಟ್ಟೆಯನ್ನು ನಿರ್ವಹಿಸುತ್ತದೆ. ಅದು ಸಾಕುಪ್ರಾಣಿಗಳ ಸರಬರಾಜು, ಆನ್‌ಲೈನ್ ಸಮಾಲೋಚನೆಗಳು ಮತ್ತು ಭಾರತದಾದ್ಯಂತ ಆನ್‌ಲೈನ್ ಪೆಟ್ ತರಬೇತಿಯನ್ನು ನೀಡುತ್ತದೆ.


ಸ್ಟಾರ್ಟ್‌ಅಪ್ ತನ್ನ ಟೆಕ್ ಇನ್‌ಫ್ರಾವನ್ನು ನಿರ್ಮಿಸಲು, ಅದರ ಮೊಬೈಲ್ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಲು ಮತ್ತು ಹೊಸದಾಗಿ ಪ್ರಾರಂಭಿಸಲಾದ D2C ಬ್ರ್ಯಾಂಡ್ ಹೆನ್ಲೋವನ್ನು ವಿಸ್ತರಿಸಲು ಈ ಬಂಡವಾಳವನ್ನು ಬಳಸಲು ಯೋಜಿಸಿದೆ. ಇದು ತನ್ನ ಕೊಡುಗೆಗಳನ್ನು ವಿಸ್ತರಿಸಲು, ಲಾಜಿಸ್ಟಿಕ್ಸ್ ಮತ್ತು ಮಾರಾಟದ ನಂತರದ ಅನುಭವವನ್ನು ಬಲಪಡಿಸಲು ಹಣವನ್ನು ನಿಯೋಜಿಸುತ್ತದೆ.


$12.5 ಮಿಲಿಯನ್ ಡಾಲರ್ ಮೊತ್ತ ಸಂಗ್ರಹ!


ಪ್ರಸ್ತುತ ನಿಧಿಸಂಗ್ರಹವನ್ನು ಒಳಗೊಂಡಂತೆ ಇಲ್ಲಿಯವರೆಗೆ $12.5 ಮಿಲಿಯನ್ ಡಾಲರ್ ಮೊತ್ತ ಸಂಗ್ರಹಿಸಿದೆ. 2021ರಲ್ಲಿ, ಇದು ತನ್ನ ಪ್ರಿ-ಸೀರೀಸ್ A ಫಂಡಿಂಗ್ ಸುತ್ತಿನಲ್ಲಿ $2.6 Mn ಅನ್ನು ಪಡೆದುಕೊಂಡಿತ್ತು. ಇದು ತನ್ನ ಹೂಡಿಕೆದಾರರಲ್ಲಿ ಬಾಲಿವುಡ್ ನಟಿ ದೀಪಿಕಾ ಪಡುಕೋಣೆ, ಟೈಟಾನ್ ಕ್ಯಾಪಿಟಲ್ ಮತ್ತು ವೈಟ್‌ಬೋರ್ಡ್ ಕ್ಯಾಪಿಟಲ್ ಅವರುಗಳನ್ನು ಹೂಡಿಕೆದಾರರನ್ನಾಗಿ ಒಳಗೊಂಡಿದೆ.


ಸಾಕುಪ್ರಾಣಿಗಳ ಮಾಲೀಕರೊಂದಿಗೆ ಬಾಂಧವ್ಯವನ್ನು ಬಲಪಡಿಸಲು ಕ್ರಮ


ಭಾರತವು ಸಾಕುಪ್ರಾಣಿ-ಕೇಂದ್ರಿತ ಪರಿಸರ ವ್ಯವಸ್ಥೆಯನ್ನು ಹೊಂದಿಲ್ಲ ಎಂದು ಬಲವಾಗಿ ನಂಬಿರುವ ಸೂಪರ್‌ಟೇಲ್ಸ್, ಮೊದಲ ಬಾರಿಗೆ ಸಾಕುಪ್ರಾಣಿಗಳ ಮಾಲೀಕರ ಅನುಮಾನಗಳು ಮತ್ತು ಪ್ರಶ್ನೆಗಳಿಗೆ ಉತ್ತರಿಸಲು ಸ್ಟಾರ್ಟ್‌ಅಪ್ 'ಪೆಟ್ ರಿಲೇಶನ್‌ಶಿಪ್ ಮ್ಯಾನೇಜರ್' ಪರಿಕಲ್ಪನೆಯನ್ನು ಪರಿಚಯಿಸಿದೆ.


ಇದನ್ನೂ ಓದಿ: ಎಲಾನ್​ ಮಸ್ಕ್​ ತಲೆ ಸರಿ ಇಲ್ಲ, ಹುಚ್ಚನ ರೀತಿ ಕೆಲಸ ಕೊಡ್ತಿದ್ದಾರೆ ಎಂದ ಟ್ವಿಟರ್​ ಉದ್ಯೋಗಿ!


ಭಾರತದ ಪೆಟ್ ಕೇರ್ ಮಾರುಕಟ್ಟೆಯನ್ನು 2022ರಲ್ಲಿ 74,000 ಕೋಟಿಗೆ ನಿಗದಿಪಡಿಸಲಾಗಿದೆ ಮತ್ತು 2032 ರ ವೇಳೆಗೆ ಇದು 210 ಸಾವಿರ ಕೋಟಿಗೆ ತಲುಪಬಹುದು ಎಂದು ಅಂದಾಜಿಸಲಾಗಿದೆ. ವರದಿಯ ಪ್ರಕಾರ, ಉದ್ಯಮವು 2032 ರ ವೇಳೆಗೆ 19.2% CAGR ಅನ್ನು ವರದಿ ಮಾಡುವ ನಿರೀಕ್ಷೆಯಿದೆ.


ಪ್ರಬಲ ಪ್ರತಿಸ್ಪರ್ಧಿಯಾದ ʼಸೂಪರ್‌ಟೇಲ್ಸ್ʼ


ಸೂಪರ್‌ಟೇಲ್ಸ್, ಆಫ್‌ಲೈನ್ ಮಾರುಕಟ್ಟೆಯಲ್ಲಿ ಸುಮಾರು 3,500 ಪೆಟ್‌ ಮಳಿಗೆಗಳಿಗೆ ಪ್ರತಿಸ್ಫರ್ಧಿಯಾದರೆ, ಆನ್‌ಲೈನ್ ಪೆಟ್‌ಕೇರ್ ವಿಭಾಗದಲ್ಲಿ, ಇದು ಜಸ್ಟ್‌ಡಾಗ್ಸ್ ಮತ್ತು ಹೆಡ್ಸ್ ಅಪ್ ಫಾರ್ ಟೇಲ್ಸ್‌ನೊಂದಿಗೆ ಸ್ಪರ್ಧಿಸುತ್ತದೆ. D2C ವಿಭಾಗದಲ್ಲಿ, ಇದು ಡಾಗ್‌ಸ್ಪಾಟ್, ನಟ್ಸ್ ಓವರ್ ಮಟ್ಸ್, ಡಾಗ್‌ಸೀ ಚೆವ್ ಮುಂತಾದವುಗಳಿಗೆ ಪ್ರಬಲ ಕಾಂಪಿಟೇಟರ್‌ ಆಗಿದೆ.


50 ಕೋಟಿ ವಾರ್ಷಿಕ ಆದಾಯ ಗಳಿಸಿದ ಸ್ಟಾರ್ಟ್‌ಅಪ್


ಹೊಸ ನಿಧಿಯೊಂದಿಗೆ, ಸ್ಟಾರ್ಟಪ್ ತನ್ನ D2C ಬ್ರ್ಯಾಂಡ್ ಹೆನ್ಲೋ ಅಡಿಯಲ್ಲಿ ಹೆಚ್ಚಿನ ಉತ್ಪನ್ನಗಳನ್ನು ಪ್ರಾರಂಭಿಸುವ ಗುರಿಯನ್ನು ಹೊಂದಿದೆ ಮತ್ತು ಮುಂಬರುವ ತಿಂಗಳುಗಳಲ್ಲಿ ಆನ್‌ಲೈನ್ ಪೆಟ್ ಫಾರ್ಮಸಿ ಸೇರಿದಂತೆ ಹೊಸ ವಿಭಾಗಗಳನ್ನು ಪರಿಚಯಿಸಲು ಸಿದ್ಧವಾಗಿದೆ. ಇದು ಕಳೆದ 18 ತಿಂಗಳುಗಳಲ್ಲಿ 50 ಕೋಟಿ ವಾರ್ಷಿಕ ಆದಾಯದ ದರವನ್ನು ಗಳಿಸಿದೆ ಮತ್ತು 2023 ರ ವೇಳೆಗೆ 100 ಕೋಟಿ ವಾರ್ಷಿಕ ಆದಾಯವನ್ನು ಸಾಧಿಸುವ ಗುರಿಯನ್ನು ಹೊಂದಿದೆ.


ಇದನ್ನೂ ಓದಿ: ಹೀಗೊಂದು ಬ್ಯುಸಿನೆಸ್ ಐಡಿಯಾ ಸ್ಪರ್ಧೆ- ವಿಜೇತರಿಗೆ 5 ಲಕ್ಷ ರೂ. ಬಹುಮಾನ


ಡಾಗ್‌ಸೀ ಚೆವ್, ರಾಯಲ್ ಕ್ಯಾನಿನ್ ಮತ್ತು ಒರಿಜೆನ್ ಸೇರಿದಂತೆ 200 ಕ್ಕೂ ಹೆಚ್ಚು ಬ್ರಾಂಡ್‌ಗಳೊಂದಿಗೆ ಪಾಲುದಾರಿಕೆ ಹೊಂದಿದೆ ಮತ್ತು ಪ್ರಸ್ತುತ 100 ಸಾವಿರಕ್ಕೂ ಹೆಚ್ಚಿನ ಗ್ರಾಹಕರನ್ನು ಹೊಂದಿದೆ ಎಂದು ಸ್ಟಾರ್ಟಪ್ ಹೇಳಿದೆ. ‌

Published by:ವಾಸುದೇವ್ ಎಂ
First published: