• Home
  • »
  • News
  • »
  • breaking-news
  • »
  • Beauty Parlour Stroke: ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ತಡೆಯೋದು ಹೇಗೆ? ತಜ್ಞರ ಸಲಹೆ ಹೀಗಿದೆ ನೋಡಿ

Beauty Parlour Stroke: ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ತಡೆಯೋದು ಹೇಗೆ? ತಜ್ಞರ ಸಲಹೆ ಹೀಗಿದೆ ನೋಡಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Beauty Parlour Stroke Syndrome: ಸಾಮಾನ್ಯವಾಗಿ ಬ್ಯೂಟಿ ಪಾರ್ಲರ್ ಗಳಲ್ಲಿ ಹೇರ್ ವಾಶ್ ಮಾಡುವಾಗ ಕುತ್ತಿಗೆಯನ್ನು ವಾಶ್ ಬೇಸಿನ್ ಕಡೆಗೆ ಸಂಪೂರ್ಣವಾಗಿ ಬಾಗಿಸಲಾಗುತ್ತದೆ. ಇದು ಕುತ್ತಿಗೆಯಲ್ಲಿನ ರಕ್ತ ಪರಿಚಲನೆಗೆ ಅಡ್ಡಿಪಡಿಸುತ್ತದೆ.

  • Share this:

ಹೇರ್‌ ಕಟ್‌ (Hair Cut), ಹೇರ್‌ ಸ್ಪಾ (Hair Spa), ಹೇರ್‌ ವಾಶ್‌ (Hair wash) ಅಂತೆಲ್ಲಾ ಈ ಎಲ್ಲಾ ಬ್ಯೂಟಿ ಮಂತ್ರಗಳನ್ನು ಅನುಸರಿಸಲು ಮಹಿಳೆಯರು ಸಾಮಾನ್ಯವಾಗಿ ಬ್ಯೂಟಿ ಪಾರ್ಲರ್‌ಗಳಿಗೆ ಹೋಗುತ್ತಾರೆ. ಅಲ್ಲಿ ತಮಗೆ ಬೇಕಾದ ಬ್ಯೂಟಿ ಕೇರ್‌ ಅನ್ನು ಅಚ್ಚುಕಟ್ಟಾಗಿ ಮಾಡಿಸಿಕೊಂಡು ಬರುತ್ತಾರೆ. ಮತ್ತು ಇದು ಅವರ ಸೌಂದರ್ಯಕ್ಕೆ ಮತ್ತು ವಿಶ್ರಾಂತಿ ಪಡೆಯಲು ಸಹಕಾರಿಯಾಗಿದೆ. ಆದರೆ ಇಂತಹ ಚಿಕಿತ್ಸೆಗಳು ಸದ್ಯ ಈಗ ಬಹಳ ಡೇಂಜರಸ್‌ ಆಗುತ್ತಿವೆ. ಮೊನ್ನೆ ತಾನೇ 50 ವರ್ಷದ ಮಹಿಳೆಗೆ ಬ್ಯೂಟಿ ಪಾರ್ಲರ್​ನಲ್ಲಿ ಪಾರ್ಶ್ವವಾಯು ಆದ ಆಘಾತಕಾರಿ ಘಟನೆ ವರದಿಯಾಗಿದೆ. ಅಪೋಲೋ ಆಸ್ಪತ್ರೆಯ ಹಿರಿಯ ಸಲಹೆಗಾರ ನರರೋಗ ತಜ್ಞ ಡಾ ಸುಧೀರ್ ಕುಮಾರ್, ಜುಬಿಲಿ ಹಿಲ್ಸ್, ಹೈದರಾಬಾದ್, ಈ ಅಪರೂಪದ ಸ್ಥಿತಿಯ ಬಗ್ಗೆ ಜಾಗೃತಿ ಮೂಡಿಸಲು ಈ ಪ್ರಕರಣದ ಕುರಿತು ಟ್ವೀಟ್ ಮಾಡಿದ್ದಾರೆ, ಅಂಗವೈಕಲ್ಯವನ್ನು ತಡೆಗಟ್ಟಲು ಈ ರೋಗಲಕ್ಷಣಗಳನ್ನು ನಿರ್ಲಕ್ಷಿಸಬಾರದು ಎಂದು ಹೇಳಿದ್ದಾರೆ.


"ಬ್ಯೂಟಿ ಪಾರ್ಲರ್‌ನಲ್ಲಿ ಶಾಂಪೂ ಹೇರ್ ವಾಶ್ ಮಾಡುವಾಗ ವರ್ಟೆಬ್ರೊ-ಬೇಸಿಲಾರ್ ಅಪಧಮನಿ ಪ್ರದೇಶದ ಮೇಲೆ ಪರಿಣಾಮ ಬೀರುವ ಪಾರ್ಶ್ವವಾಯು ಸಂಭವಿಸಬಹುದು, ವಿಶೇಷವಾಗಿ ಇತರ ಅಪಧಮನಿಕಾಠಿಣ್ಯದ ಅಪಾಯಕಾರಿ ಅಂಶಗಳು ಮತ್ತು ಪತ್ತೆಹಚ್ಚದ ಕಶೇರುಕ ಹೈಪೋಪ್ಲಾಸಿಯಾ ಹೊಂದಿರುವ ಮಹಿಳೆಯರಲ್ಲಿ ಈ ಅಪಾಯದ ತ್ವರಿತ ಗುರುತಿಸುವಿಕೆ ಮತ್ತು ಚಿಕಿತ್ಸೆಯು ಅಂಗವೈಕಲ್ಯವನ್ನು ತಡೆಯಬಹುದು," ಎಂದು ಡಾ. ಕುಮಾರ್ ಹೇಳಿದ್ದಾರೆ.


ಬ್ಯೂಟಿ ಪಾರ್ಲರ್ ಸಿಂಡ್ರೋಮ್ ಎಂದರೇನು
ಬ್ಯೂಟಿ ಪಾರ್ಲರ್ ಸಿಂಡ್ರೋಮ್ ಕುರಿತು ಮತ್ತಷ್ಟು ವಿವರಿಸಿದ, ಡಾ. ತರುಣ್ ಶರ್ಮಾ ಸಲೂನ್ ಸ್ಟ್ರೋಕ್ ಅಥವಾ ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ಅಪರೂಪದ ಘಟಕವಾಗಿದೆ, ಇದು ಕುತ್ತಿಗೆ ಕುಶಲತೆ ಅಥವಾ ಮಸಾಜ್ ಕೊರತೆಯಿಂದಾಗಿ ಇದ್ದಕ್ಕಿದ್ದಂತೆ ಸಂಭವಿಸಬಹುದು ಎಂದು ಹೇಳಿದರು. ಸಾಮಾನ್ಯವಾಗಿ ಬ್ಯೂಟಿ ಪಾರ್ಲರ್ ಗಳಲ್ಲಿ ಹೇರ್ ವಾಶ್ ಮಾಡುವಾಗ ಕುತ್ತಿಗೆಯನ್ನು ವಾಶ್ ಬೇಸಿನ್ ಕಡೆಗೆ ಸಂಪೂರ್ಣವಾಗಿ ಬಾಗಿಸಲಾಗುತ್ತದೆ. ಇದು ಕುತ್ತಿಗೆಯಲ್ಲಿನ ರಕ್ತ ಪರಿಚಲನೆಗೆ ಅಡ್ಡಿಪಡಿಸುತ್ತದೆ.


ಇದನ್ನೂ ಓದಿ: ಮಗುವಿಗೆ ಜೋಗುಳ ಹಾಡಿ ಮಲಗಿಸಿದ್ರೆ ಬೆಳವಣಿಗೆಗೆ ಬಹಳ ಒಳ್ಳೆಯದಂತೆ


ಕುತ್ತಿಗೆಯನ್ನು ಹಿಂದಕ್ಕೆ ಬಾಗಿಸಿದಾಗ ಮೆದುಳಿಗೆ ರಕ್ತವನ್ನು ಪೂರೈಸುವ ರಕ್ತನಾಳ ಒತ್ತಿ ಮೆದುಳಿಗೆ ಹಾನಿಯಾಗಬಹುದು. ಅದೇ ವೇಳೆ ಕುತ್ತಿಗೆ ಮಸಾಜ್ ಮತ್ತು ತಣ್ಣನೆಯ ನೀರನ್ನು ತಲೆ ಮತ್ತು ಕತ್ತಿನ ಪ್ರದೇಶದ ಮೇಲೆ ಹಠಾತ್ ಆಗಿ ಹಾಕುವುದು ಕೂಡ ಸ್ಟ್ರೋಕ್‌ಗೆ ಕಾರಣವಾಗಿದೆ. ಸೆರೆಬೆಲ್ಲಮ್ನಲ್ಲಿ ಮತ್ತು ಕತ್ತಿನ ಹಿಂಭಾಗದಲ್ಲಿರುವ ಪ್ರಮುಖ ಅಪಧಮನಿಯಲ್ಲಿ ಹೆಪ್ಪುಗಟ್ಟುವಿಕೆ ಸಂಭವಿಸಿದರೆ ಇಂತಹ ಘಟನೆಗಳು ಸಂಭವಿಸುತ್ತವೆ" ಎಂದು ಡಾ ಶರ್ಮಾ ಹೇಳುತ್ತಾರೆ .


ಬ್ಯೂಟಿ ಪಾರ್ಲರ್ ಸ್ಟ್ರೋಕ್: ಯಾರಿಗೆ ಹೆಚ್ಚು ಅಪಾಯ?
ಮಧುಮೇಹ, ಅಧಿಕ ರಕ್ತದೊತ್ತಡ, ಬಾಹ್ಯ ನಾಳೀಯ ಕಾಯಿಲೆ, ಮೆದುಳಿನ ಸ್ಟ್ರೋಕ್ ಅಥವಾ ಹೃದ್ರೋಗದಂತಹ ಮೊದಲೇ ಅಸ್ತಿತ್ವದಲ್ಲಿರುವ ಕಾಯಿಲೆಗಳನ್ನು ಹೊಂದಿರುವವರು ಈ ಘಟನೆಗೆ ಹೆಚ್ಚು ಒಳಗಾಗುತ್ತಾರೆ. ಅಂದ ಮಾತ್ರಕ್ಕೆ ಆರೋಗ್ಯವಂತರು ಇದನ್ನು ನಿರ್ಲಕ್ಷಿಸಬಾರದು ಏಕೆಂದರೆ ಯುವ ವಯಸ್ಕರಲ್ಲಿಯೂ ಈಗ ಸ್ಟ್ರೋಕ್ ಸಂಭವಿಸುತ್ತಿದೆ. ಬೊಜ್ಜು ಅಥವಾ ಭಾರೀ ಧೂಮಪಾನಿಗಳಾಗಿದ್ದರೆ ಅಂತವರಲ್ಲೂ ಈ ಅಪಾಯದ ಸಾಧ್ಯತೆ ಹೆಚ್ಚಿದೆ ಎನ್ನುತ್ತಾರೆ ವೈದ್ಯರು.




ಬ್ಯೂಟಿ ಪಾರ್ಲರ್ ಸ್ಟ್ರೋಕ್: ಇದು ನಿಯಮಿತ ಸ್ಟ್ರೋಕ್‌ಗಿಂತ ಭಿನ್ನವಾಗಿದೆಯೇ?
ರೋಗಶಾಸ್ತ್ರದ ಮೂಲವು ಕುತ್ತಿಗೆಯ ನಾಳಗಳಲ್ಲಿ ಮಾತ್ರ ಇರುವುದರಿಂದ ಈ ಪಾರ್ಶ್ವವಾಯು ಇತರ ಸ್ಟ್ರೋಕ್‌ಗಳಿಗಿಂತ ಭಿನ್ನವಾಗಿದೆ ಎಂದು ಡಾ ಶರ್ಮಾ ಹೇಳುತ್ತಾರೆ. "ಮೆಕ್ಯಾನಿಕಲ್ ಕಂಪ್ರೆಷನ್ ಅಥವಾ ಕುತ್ತಿಗೆಯಲ್ಲಿನ ರಕ್ತನಾಳಗಳ ಒತ್ತಡ ಅದನ್ನು ಉಂಟುಮಾಡಬಹುದು ಇತರ ಮೆದುಳಿನ ಪಾರ್ಶ್ವವಾಯುಗಳಲ್ಲಿ ರಕ್ತ ಹೆಪ್ಪುಗಟ್ಟುವಿಕೆಯು ಹೃದಯದ ಪ್ರಮುಖ ರಕ್ತನಾಳಗಳಲ್ಲಿ ಬರುತ್ತದೆ" ಎಂದು ಡಾ.ಶರ್ಮಾ ತಿಳಿಸಿದ್ದಾರೆ.


ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ಅನ್ನು ತಡೆಯುವುದು ಹೇಗೆ?
ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ಅನ್ನು ತಪ್ಪಿಸಲು ಡಾ ಶರ್ಮಾ ಈ ಕೆಳಗಿನ ಮುನ್ನೆಚ್ಚರಿಕೆಗಳನ್ನು ತಿಳಿಸಿದ್ದಾರೆ


- ತಲೆ ತೊಳೆಯುವಾಗ ಅಥವಾ ಸಲೂನ್‌ನಲ್ಲಿ ಮಸಾಜ್ ಮಾಡುವಾಗ ಹಠಾತ್ ಮತ್ತು ಅತಿಯಾದ ಕುತ್ತಿಗೆ ಒತ್ತಡವನ್ನು ತಪ್ಪಿಸಿ.


ಇದನ್ನೂ ಓದಿ: ನಿಮ್ಮ ರೋಗನಿರೋಧಕ ಶಕ್ತಿ ಹೆಚ್ಚಿಸುತ್ತವೆ ಈ ಸೂಪರ್‌ಫುಡ್‌ಗಳು


- ಹೇರ್‌ ವಾಶ್‌ ಮಾಡುವಾಗ ಯಾವಾಗಲೂ ಉಗುರುಬೆಚ್ಚನೆಯ ನೀರನ್ನು ಬಳಸಿ.
- ಕೂದಲು ತೊಳೆಯುವಾಗ ನಿಮಗೆ ತಲೆತಿರುಗುವಿಕೆ ಕಂಡುಬಂದರೆ, ತಕ್ಷಣ ಮಲಗಿಕೊಳ್ಳಿ. ವಾಕರಿಕೆ, ತಲೆಸುತ್ತು ಯಾವುದೇ ಲಕ್ಷಣ ಕಂಡುಬಂದರೆ ವ್ಯಕ್ತಿಯನ್ನು ತಕ್ಷಣ ವೈದ್ಯರ ಬಳಿಗೆ ಕರೆದೊಯ್ಯಬೇಕು


- ಅನಾರೋಗ್ಯದಂತಹ ಪರಿಸ್ಥಿತಿ ಹೊಂದಿರುವ ಜನರು ಹೆಚ್ಚು ಜಾಗರೂಕರಾಗಿರಬೇಕು.

Published by:Sandhya M
First published: