Success Story: ಯೂಟ್ಯೂಬ್ ನೋಡಿ ಬಲ್ಬ್​ ತಯಾರಿಕೆ ಕಲಿತ ಬೀದರ್ ಮಹಿಳೆ! ಬದುಕು ಅರಳಿತು ನೋಡಿ

ಬೀದರ್: ಲಾಕ್​ಡೌನ್​ನಿಂದ (Covid Lockdown) ಸಮಸ್ಯೆ ಯಾರಿಗೆ ಆಗಿಲ್ಲ ಹೇಳಿ, ಪ್ರತಿಯೊಬ್ಬರೂ ಲಾಕ್​ಡೌನ್​ನಿಂದ ಕಷ್ಟಪಟ್ಟಿದ್ದಾರೆ. ಆದರೆ ಆ ಕಷ್ಟಗಳಿಗೆ ಕೆಲವರು ಪರಿಹಾರವನ್ನು ಸಹಾ ಕಂಡುಕೊಂಡಿದ್ದಾರೆ. ಇಂದು ನಾವು ಹೇಳ ಹೊರಟಿರುವುದು ಸಹ ಕೂಡ ಲಾಕ್​ಡೌನ್​ ಸಮಸ್ಯೆ ದೂರ ಮಾಡಿಕೊಂಡ ಜೀವನದಲ್ಲಿ ಸಕ್ಸಸ್ ಕಂಡ (Success Story) ಮಹಿಳೆಯೋರ್ವರ ಯಶೋಗಾಥೆ.

ಬೀದರ್ ಜಿಲ್ಲೆಯ ಕಮಲ ನಗರ ತಾಲೂಕಿನ ಕೊರೆಕಲ್ ಗ್ರಾಮದ ಅಂಬಿಕಾ ಎಂಬ ಮಹಿಳೆಯ ಕಥೆಯಿದು. ಸ್ವಯಂ ಉದ್ಯೋಗ ಸೃಷ್ಟಿಸಿಕೊಂಡು ಜನಪ್ರಿಯತೆಯನ್ನು ಪಡೆದ ಈ ಮಹಿಳೆ ಮನೆಯಲ್ಲಿ ಎಲ್​ಇಡಿ ಬಲ್ಬ್ ತಯಾರಿಸುತ್ತಾರೆ.

ಮನೆಯಲ್ಲೇ ಬಲ್ಬ್ ತಯಾರಿ
ಕಳೆದ ಎರಡು ವರ್ಷಗಳಿಂದ ಎಲ್​ಇಡಿ ಬಲ್ಬ್ ತಯಾರಿಕೆ ಮಾಡಿ ಅಂಬಿಕಾ ಅವರು ಮನೆ ನಡೆಸುತ್ತಿದ್ದಾರೆ. ಇವರ ಗಂಡ ತಯಾರಾದ ಬಲ್ಬ್​ಗಳನ್ನು ಮಾರಾಟ ಮಾಡುತ್ತಾರೆ.

ಇದನ್ನೂ ಓದಿ: Jaggery Success Story: ಬೀದರ್ ಬೆಲ್ಲದ ಸಿಹಿ ಇನ್ನಷ್ಟು ಹೆಚ್ಚಾಯ್ತು! ರೈತರ ನೆಮ್ಮದಿಯೂ ದುಪ್ಪಟ್ಟಾಯ್ತು

ಯೂಟ್ಯೂಬ್ ನೋಡಿ ಕಲಿಕೆ!
ಪ್ರತಿ ದಿನ 50 ರಿಂದ 100 ಬಲ್ಬ್ ಗಳನ್ನು ತಯಾರಿಸುವ ಅಂಬಿಕಾ ಅವರು 9 ವ್ಯಾಟ್ 12 ವ್ಯಾಟ್ 15 ಹಾಗೂ 18 ವ್ಯಾಟ್ ಗಳ ಎಲ್​ಇಡಿ ಬಲ್ಬ್ ತಯಾರಿಸುತ್ತಾರೆ. ಕಲಿಕೆಯಲ್ಲಿ
ಬಿಎ ಪದವಿಯನ್ನು ಪಡೆದಿರುವ ಅಂಬಿಕಾ ಅವರು ಯೂಟ್ಯೂಬ್ ನೋಡಿ ಸ್ವತಃ ಉದ್ಯೋಗ ಬಲ್ಬ್ ತಯಾರಿ ಕಲಿತಿದ್ದಾರೆ.

ಇದನ್ನೂ ಓದಿ: Kannada: ಕನ್ನಡ ತಾಯಿಯ ತೇರು ಹೊರಟಿತು, ಆಹಾ! ವೈಭವ ನೋಡಿ

ಗಂಡನ ಸಾಥ್!
ಮಧ್ಯಪ್ರದೇಶದಿಂದ ಕಚ್ಚಾ ವಸ್ತುಗಳು ತಂದು ಬಲ್ಬ್ ತಯಾರಿಕೆ ಮಾಡುತ್ತಾರೆ. ಅಂಬಿಕಾಗೆ ಪತಿ ವೆಂಕಟ್ ಅವರು ಸಾಥ್ ನೀಡುತ್ತಿದ್ದಾರೆ, ಈ ಮೂಲಕ ತಮ್ಮದೇ ಆದ ಸ್ವಂತ ಉದ್ಯೋಗ ಸೃಷ್ಟಿಸಿಕೊಂಡ ಅಂಬಿಕಾ ಅವರು ಎಲ್ಲರಿಗೂ ಮಾದರಿಯಾಗಿದ್ದಾರೆ.