Belagavi News: ಕೀಟಬಾಧೆಯಿಂದ ಸುಲಭವಾಗಿ ಬೆಳೆ ರಕ್ಷಿಸಿ; ಇಲ್ಲಿದೆ ಡೀಟೆಲ್ಸ್

ಕೀಟ ಬಾಧೆ ಎದುರಿಸುತ್ತಿರುವ ಸೋಯಾ, ಅವರೆ ಬೆಳೆಗಳನ್ನು ಯಾವ ರೀತಿ ರಕ್ಷಿಸಿಕೊಳ್ಳಬಹುದು ಅನ್ನೋ ಕುರಿತು ಕೃಷಿ ಇಲಾಖೆಯು ಮಾಹಿತಿಯನ್ನು ನೀಡಿದೆ. ಸಾರ್ವಜನಿಕರು ಈ ಮಾಹಿತಿ ಆಧರಿಸಿ ಕೀಟಗಳ ಕಾಟದಿಂದ ಬೆಳೆಗಳನ್ನು ರಕ್ಷಿಸಿಕೊಳ್ಳಬಹುದಾಗಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಬೆಳಗಾವಿ : ಜಿಲ್ಲೆಯಲ್ಲಿ ಪ್ರಸ್ತುತ ಮುಂಗಾರು ಹಂಗಾಮಿನಲ್ಲಿ ಪ್ರಮುಖ ಎಣ್ಣೆಕಾಳು ಬೆಳೆಯಾದ ಸೋಯಾ, ಅವರೆ ಬಿತ್ತನೆ ಬೆಳೆಯು ವಿವಿಧ ಹಂತದಲ್ಲಿದೆ. ಆದರೆ ಕೀಟ ಬಾಧೆಯಿಂದ ರೈತರು ಹೆಚ್ಚು ಫಲ ನಿರೀಕ್ಷಿಸುವಂತಿಲ್ಲ ಅನ್ನೋ ಪರಿಸ್ಥಿತಿ ಹಲವು ವರ್ಷಗಳಿಂದ ರೈತರಿಗೆ ಎದುರಾಗುತ್ತಲೇ ಇದೆ. ಹೀಗಾಗಿ ಎಷ್ಟೇ ಕಷ್ಟಪಟ್ಟು ಬೆಳದರೂ ಫಲ ಸಿಗೋ ಹೊತ್ತಿಗೆ ಲಾಭ ನಿರೀಕ್ಷಿಸುವಂತಿಲ್ಲ ಅನ್ನೋ ಹಂತಕ್ಕೆ ತಲುಪಿರುತ್ತದೆ. ಹೀಗಾಗಿ ಕೀಟ ಬಾಧೆ ನಿವಾರಿಸುವುದೇ ರೈತರಿಗೆ ಪ್ರಮುಖ ಸವಾಲಾಗಿರುತ್ತದೆ. ಹೀಗಾಗಿ ಕೃಷಿ ಇಲಾಖೆಯು ಕೀಟ, ನೊಣ ಬಾಧೆಯಿಂದ ತಮ್ಮ ಬೆಳೆಗಳನ್ನು ಹೇಗೆ ರಕ್ಷಿಸಬಹುದು ಅನ್ನೋದರ ಮಾಹಿತಿಯನ್ನು ಬೆಳಗಾವಿ (Belagavi) ಜಿಲ್ಲೆಯ ರೈತರಿಗಾಗಿ ಹಂಚಿಕೊಂಡಿದೆ.

    ಏನೆಲ್ಲ ಸಮಸ್ಯೆ?
    ಅಲ್ಲಲ್ಲಿ ಬೆಳೆಗೆ ಕಾಂಡ ಕೊರೆಯುವ ನೊಣದ ಬಾಧೆ ಎದುರಾಗುವುದರಿಂದ ಕುಡಿ ಎಲೆಗಳು ಒಣಗುವ ಲಕ್ಷಣ ಕಂಡು ಬರುತ್ತದೆ. ಗಿಡವನ್ನು ಸೀಳಿದಾಗ ಕಾಂಡದ ಬಿಳಿಭಾಗ ಕಪ್ಪಾಗಿರುವುದು ಸಾಮಾನ್ಯವಾಗಿ ಕಾಣಲು ಸಾಧ್ಯವಾಗುತ್ತದೆ.

    ಸಮಸ್ಯೆಗೆ ಪರಿಹಾರ

    1. ಬೆಳೆಯನ್ನು ಕಾಡುವ ಕೀಟಗಳ ನಿಯಂತ್ರಣಕ್ಕಾಗಿ 0.2 ಮಿ.ಲೀ. ಇಮಿಡಾಕ್ಲೋಪ್ರಿಡ್ 17.8 ಎಸ್.ಎಲ್ ಅಥವಾ 0.3 ಗ್ರಾಂ ಥೈಯೊಮಿಥಾಕ್ಸಾಮ್ 25 ಡಬ್ಲೂಜಿ ಕೀಟನಾಶಕವನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು .

    2. ಸೋಯಾ, ಅವರೆ ಬೆಳೆಗೆ ತುದಿ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಿ ನಂಜಾಣು ರೋಗವು ಕಂಡು ಬರುತ್ತಿದ್ದು, ಈ ರೋಗವು ಕಂಡ ತಕ್ಷಣ ಭಾದಿತ ಗಿಡಗಳನ್ನು ಕಿತ್ತು ಸುಡಬೇಕು. ಈ ರೋಗ ವೃದ್ಧಿಯಾಗಲು ಕಾರಣವಾಗುವ ಬಿಳಿನೊಣ / ಹಸಿರುಜಿಗಿ / ಶ್ರೀಪ್ಪ ಕೀಟಗಳ ನಿಯಂತ್ರಣಕ್ಕಾಗಿ 1.5 ಮಿ.ಲೀ ಆಕ್ಸಿಡೆಮೆಟಾನ ಮಿಥೈಲ್ 25 ಇ.ಸಿ ಅಥವಾ 1.5 ಮಿ.ಲೀ ಟ್ರೈಜೋಪಾಸ್ 40 ಇ.ಸಿ ಪ್ರತಿ ಲೀ ನೀರಿಗೆ ಬೆರೆಸಿ ಸಿಂಪಡಿಸಬೇಕು.

    3. ಸೋಯಾ ಅವರೆ ಬಿತ್ತುವ ರೈತರು ಪ್ರತಿ ಕಿ.ಗ್ರಾಂ ಬೀಜಕ್ಕೆ 3.0 ಗ್ರಾಂ ಥೈರಾಮ್ 75 ಡಬ್ಲೂ ಪಿ ಅಥವಾ 2.0 ಗ್ರಾಂ ಕಾರ್ಬಾಕ್ಸಿನ್ 75 ಡಬ್ಲೂ.ಪಿ ನಿಂದ ಬೀಜೋಪಚಾರ ಮಾಡಬೇಕು.

    ಇದನ್ನೂ ಓದಿ: Kittur Rani Chennamma Zoo: ಬೆಳಗಾವಿ ರಾಣಿ ಚೆನ್ನಮ್ಮ ಮೃಗಾಲಯದಲ್ಲಿ ಹುಲಿ ಸಫಾರಿ! ವಿಡಿಯೋ ನೋಡಿ

    4. ಬೆಳೆಯು 30 ದಿನಗಳಿದ್ದಾಗಿನಿಂದ ಎಲೆಯ ಮೇಲೆ ತುಕ್ಕು / ಬಂಡಾರ ರೋಗದ ಭಾದೆಯ ಲಕ್ಷಣಗಳನ್ನು ವೀಕ್ಷಿಸಬೇಕು ಮತ್ತು ಮುಂಜಾಗ್ರತೆಯಾಗಿ ಪ್ರತಿ ಲೀಟರ್ ನೀರಿಗೆ ಶಿಲೀಂದ್ರನಾಶಕ 1 ಮೀಲಿ ಪೋಪಿಕೋನಾಜೋಲ್ 25 ಇ.ಸಿ ಅಥವಾ 10 ಮೀಲಿ ಬೇವಿನ ಎಣ್ಣೆ ಬೆರೆಸಿ ಸಿಂಪಡಿಸಬೇಕು. ರೋಗದ ತೀವ್ರತೆಗನುಗುಣವಾಗಿ 15 ದಿನಗಳ ಅಂತರದಲ್ಲಿ ಮತ್ತೊಮ್ಮೆ ಶಿಲೀಂದ್ರನಾಶಕ ಸಿಂಪಡಿಸಬೇಕು.

    Vijayapura: ಪ್ಲಾಸ್ಟಿಕ್, ಮದ್ಯದ ಬಾಟಲಿ ಹೆಕ್ಕಿದ ಸ್ವಾಮೀಜಿ! ವಿಡಿಯೋ ನೋಡಿ

    ಹೆಚ್ಚಿನ ಮಾಹಿತಿಗಾಗಿ
    ರೈತರು ಇಂತಹ ಬೆಳೆ ನಾಶಗಳ ಪರಿಸ್ಥಿತಿಯನ್ನು ಎದುರಿಸುತ್ತಿದ್ದರೆ ಹೆಚ್ಚಿನ ಮಾಹಿತಿಗಾಗಿ ಕೂಡಲೇ ಹತ್ತಿರದ ರೈತ ಸಂಪರ್ಕ ಕೇಂದ್ರ ಹಾಗೂ ಸಹಾಯಕ ಕೃಷಿ ನಿರ್ದೇಶಕರ ಕಚೇರಿಗಳನ್ನು ಸಂಪರ್ಕಿಬಹುದು ಎಂದು ಜಂಟಿ ಕೃಷಿ ನಿರ್ದೇಶಕ ತಿಳಿಸಿದ್ದಾರೆ.

    ವರದಿ: ಪ್ರಶಾಂತ ಮಲಗಾವಿ, ಬೆಳಗಾವಿ
    Published by:guruganesh bhat
    First published: