Vastu Tips: ಮರೆಯಬೇಡಿ, ಮನೆ ವಿನ್ಯಾಸ ಮಾಡುವಾಗ ಈ ವಾಸ್ತು ಸಲಹೆಗಳ ಬಗ್ಗೆ ಇರಲಿ ಗಮನ!

ಯಾರಿಗೆ ತಾನೇ ತಾವು ತಮ್ಮ ಇಷ್ಟಕ್ಕೆ ಅನುಸಾರವಾಗಿ ಕಟ್ಟಿಸಿಕೊಂಡ ಮನೆಯಲ್ಲಿ (Home Design) ಕುಟುಂಬದ ಸದಸ್ಯರೊಡನೆ ಸಂತೋಷವಾಗಿ ಮತ್ತು ನೆಮ್ಮದಿಯಿಂದ ಇರಬೇಕು ಅಂತ ಅನ್ನಿಸುವುದಿಲ್ಲ ಹೇಳಿ? ಹೌದು, ಮನೆಯಲ್ಲಿ ಬಂದು ಕೂತರೆ ಮನಸ್ಸಿಗೆ ಒಂದು ರೀತಿಯ ಶಾಂತಿ ಮತ್ತು ನೆಮ್ಮದಿ ಸಿಗಬೇಕು ಅನ್ನೋದು ಅನೇಕರ ಬಯಕೆ (Vastu Tips) ಆಗಿರುತ್ತದೆ. ಮನೆಯ ಹೊರಗೆ ಮತ್ತು ಮನೆಯ ಒಳಗೆ ಇರುವ ವಿನ್ಯಾಸಗಳು ವಾಸ್ತು ಶಾಸ್ತ್ರದ ಪ್ರಕಾರವಾಗಿ ಇರಬೇಕು ಅನ್ನೋದು ವಾಸ್ತು ತಜ್ಞರು (Vastu Experts) ಹೇಳುತ್ತಾರೆ.

ನಮ್ಮದೇ ಆದ ಒಳಾಂಗಣ ವಿನ್ಯಾಸ ಶೈಲಿಯನ್ನು ರೂಪಿಸುವುದರ ಜೊತೆಗೆ, ಫೆಂಗ್ ಶೂಯಿ ಸಲಹೆಗಳನ್ನು ಅನ್ವಯಿಸುವುದು ನಿಜವಾಗಿಯೂ ನಿಮ್ಮ ಮನೆಯ ಒಳಾಂಗಣವನ್ನು ವಾಸ್ತು ಶಾಸ್ತ್ರದ ಪ್ರಕಾರವಾಗಿ ವಿನ್ಯಾಸಗೊಳಿಸಲು ಸಹಾಯ ಮಾಡುತ್ತದೆ ಅಂತ ಹೇಳಬಹುದು.

ಸಕಾರಾತ್ಮಕ ಶಕ್ತಿ ಹೆಚ್ಚುತ್ತೆ
ನಮ್ಮ ಮನೆಯ ಒಳಾಂಗಣವನ್ನು ವಾಸ್ತು ಶಾಸ್ತ್ರದ ಪ್ರಕಾರ ಡಿಸೈನ್ ಮಾಡುವುದಷ್ಟೇ ಅಲ್ಲದೇ, ಎಲ್ಲವೂ ಸರಿಯಾದ ದಿಕ್ಕಿನಲ್ಲಿ ಇದೆಯೇ ಅಂತ ನೋಡಿಕೊಳ್ಳುವುದು ತುಂಬಾನೇ ಮುಖ್ಯವಾಗುತ್ತದೆ. ಇದರಿಂದ ನಮ್ಮ ಮನೆಗಳಲ್ಲಿ ಸಕಾರಾತ್ಮಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಬಹುದು. ಯೋಗಕ್ಷೇಮದ ಪ್ರಜ್ಞೆಯನ್ನು ಸಹ ಇದು ಉತ್ತೇಜಿಸಬಹುದು.

ಉತ್ತಮ ಜೀವನಕ್ಕೆ ಅವಕಾಶ
'ವಾಸ್ತು ಶಾಸ್ತ್ರದ ಪ್ರಕಾರ ನಿಮ್ಮ ಮನೆಯನ್ನು ಸರಿಹೊಂದಿಸುವ ಮೂಲಕ, ನೀವು ಸಕಾರಾತ್ಮಕ ಶಕ್ತಿಯನ್ನು ಮನೆಯೊಳಗೆ ತಂದುಕೊಳ್ಳಬಹುದು. ಉತ್ತಮ ಜೀವನವನ್ನು ನಡೆಸಬಹುದು' ಎಂದು ‘ಮಿನಿಸ್ಟ್ರಿ ಆಫ್ ಕ್ಲೀನಿಂಗ್’ ನ ಸ್ವಚ್ಛತಾ ತಜ್ಞೆ ಪ್ರೇರಣಾ ಜೈನ್ ವಿವರಿಸುತ್ತಾರೆ. ಪ್ರೇರಣಾ ಭಾರತದಲ್ಲಿ ಬೆಳೆದವರು, ಅವರು ವಾಸ್ತು ಶಾಸ್ತ್ರದ ಬಗ್ಗೆ ತುಂಬಾನೇ ತಿಳಿದುಕೊಂಡವರಾಗಿದ್ದಾರೆ. ಮನೆಯಲ್ಲಿ ಪೀಠೋಪಕರಣಗಳನ್ನು ಮರುಹೊಂದಿಸುವುದು ಹೇಗೆ ಎಂಬುದರ ಬಗ್ಗೆ ಇವರಿಗೆ ತುಂಬಾನೇ ಜ್ಞಾನವಿದೆ.

ವಾಸ್ತು ವಿನ್ಯಾಸಕ್ಕೆ ಪ್ರಮುಖವಾದ ಐದು ಅಂಶಗಳು ಇವು:

• ಪೃಥ್ವಿ


• ಜಲ


• ಅಗ್ನಿ


• ವಾಯು


• ಆಕಾಶ

ಪ್ರಕಾಶಮಾನವಾದ ಬಣ್ಣಗಳನ್ನು ಬಳಸಿ
ಮನೆಯ ಒಳಗಿನ ಗೋಡೆಗಳು ನೋಡಲು ತುಂಬಾನೇ ಸುಂದರವಾಗಿ ಕಾಣುವಂತೆ ಅವುಗಳಿಗೆ ಬಣ್ಣವನ್ನು ಬಳಿಯುತ್ತೇವೆ. ಪ್ರಕಾಶಮಾನವಾದ ಬಣ್ಣಗಳು ಅದಕ್ಕೆ ಬಳಸುವುದರಿಂದ ಇಡೀ ಮನೆಯ ಒಳಾಂಗಣವನ್ನು ನಾವು ಆಕರ್ಷಕವಾಗಿ ಕಾಣುವಂತೆ ಮಾಡಬಹುದು. ಕೋಣೆಯನ್ನು ಅವಲಂಬಿಸಿ ವಿಭಿನ್ನ ಸ್ಯಾಚುರೇಶನ್ ಗಳ ಮನಸ್ಥಿತಿಯನ್ನು ಹೆಚ್ಚಿಸುವ ಬಣ್ಣಗಳನ್ನು ಪ್ರೇರಣಾ ಅವರು ಶಿಫಾರಸು ಮಾಡುತ್ತಾರೆ.

ಮಲಗುವ ಕೋಣೆಯಲ್ಲಿ ನೀಲಿ ಬಣ್ಣ
ಕೆಲಸ ಮಾಡುವ ಕೋಣೆಯಲ್ಲಿ ಪ್ರಕಾಶಮಾನವಾದ ಮತ್ತು ರೋಮಾಂಚಕ ಬಣ್ಣಗಳು ಶಕ್ತಿ ಮತ್ತು ಸೃಜನಶೀಲತೆಯನ್ನು ಉತ್ತೇಜಿಸುತ್ತವೆ. ಆದರೆ ವಿಶ್ರಾಂತಿ ಪೂರಕವಾದ ಬೆಳಕು ಮತ್ತು ನೀಲಿ ಬಣ್ಣಗಳು ಮಲಗುವ ಕೋಣೆಯಲ್ಲಿ ಹೊಂದಿಕೊಳ್ಳುತ್ತವೆ. ಅಂತೆಯೇ, ನೈಸರ್ಗಿಕ ಬೆಳಕಿನ ಬಳಕೆಯನ್ನು ಶಿಫಾರಸು ಮಾಡಲಾಗಿದೆ. ಏಕೆಂದರೆ ಇದು ಗಾಳಿಯನ್ನು ಶುದ್ಧೀಕರಿಸುತ್ತದೆ ಮತ್ತು ಸಕಾರಾತ್ಮಕ ಶಕ್ತಿಯ ಹರಿವನ್ನು ಹೆಚ್ಚಿಸುತ್ತದೆ ಎಂದು ನಂಬಲಾಗಿದೆ ಎಂದು ಪ್ರೇರಣಾ ಹೇಳುತ್ತಾರೆ.

ನಿಮ್ಮ ಮನೆಯ ಕೇಂದ್ರ ಭಾಗವನ್ನು ಗೊಂದಲ ಮುಕ್ತವಾಗಿರಿಸಿಕೊಳ್ಳಿ
ಪ್ರೇರಣಾ ನಿಮ್ಮ ಮನೆಯ ಕೇಂದ್ರ ಭಾಗಕ್ಕೆ ಹೆಚ್ಚಿನ ಗಮನ ಹರಿಸಲು ಶಿಫಾರಸು ಮಾಡುತ್ತಾರೆ. ಉದಾಹರಣೆಗೆ, ಬ್ರಹ್ಮಸ್ಥಾನ ಎಂದು ಕರೆಯಲ್ಪಡುವ ಮನೆಯ ಕೇಂದ್ರ ಭಾಗವನ್ನು ತೆರೆದಿಡಬೇಕು. ಏಕೆಂದರೆ ಅದು ಸಕಾರಾತ್ಮಕ ಶಕ್ತಿಯ ಮೂಲವನ್ನು ಪ್ರತಿನಿಧಿಸುತ್ತದೆ. "ಹಳ್ಳಿಗಳ ಮನೆಗಳಲ್ಲಿ ಮನೆಯ ಮಧ್ಯ ಭಾಗದಲ್ಲಿ ಒಂದು ದೊಡ್ಡ ವರಾಂಡಾ ಇರುತ್ತಿತ್ತು, ಆಗ ಕುಟುಂಬದವರು ಅದನ್ನು ಕುಳಿತು ಹರಟೆ ಹೊಡೆಯಲು ಬಳಸುತ್ತಿದ್ದರು" ಎಂದು ಅವರು ಹೇಳುತ್ತಾರೆ.

ಅದೃಷ್ಟ ತರುವ ಕಲಾಕೃತಿಗಳನ್ನು ಗೋಡೆಗೆ ನೇತು ಹಾಕಿ
ವಾಸ್ತು ಪ್ರಕಾರ ಪ್ರಕೃತಿ, ಅಮೂರ್ತ ಕಲೆ ಅಥವಾ ಓಂನಂತಹ ಆಧ್ಯಾತ್ಮಿಕ ಸಂಕೇತಗಳನ್ನು ಚಿತ್ರಿಸುವ ವರ್ಣಚಿತ್ರಗಳನ್ನು ಅದೃಷ್ಟವೆಂದು ಪರಿಗಣಿಸಲಾಗುತ್ತದೆ. ನಿಮ್ಮ ವಾಸಸ್ಥಳದ ಶಕ್ತಿಯ ಹರಿವಿನ ಮೇಲೆ ಧನಾತ್ಮಕ ಪರಿಣಾಮ ಬೀರುವುದು ನಮ್ಮ ಗುರಿಯಾಗಿದೆ. ಪ್ರಕೃತಿಗೆ ಸಂಬಂಧಿಸಿದ ವರ್ಣಚಿತ್ರಗಳು ಶಾಂತ ಮತ್ತು ವಿಶ್ರಾಂತಿಯ ಪ್ರಜ್ಞೆಯನ್ನು ಉತ್ತೇಜಿಸುತ್ತವೆ ಮತ್ತು ಒತ್ತಡ ಮತ್ತು ಆತಂಕವನ್ನು ಕಡಿಮೆ ಮಾಡುತ್ತವೆ.

ಕುಟುಂಬ ಭಾವಚಿತ್ರಗಳು ಏಕತೆ ಮತ್ತು ಸಾಮರಸ್ಯದ ಪ್ರಜ್ಞೆಯನ್ನು ಉತ್ತೇಜಿಸುತ್ತವೆ ಎಂದು ಪ್ರೇರಣಾ ವಿವರಿಸುತ್ತಾರೆ. ಅಂತೆಯೇ, ಆಧ್ಯಾತ್ಮಿಕ ಚಿಹ್ನೆಗಳನ್ನು ಹೊಂದಿರುವ ವರ್ಣಚಿತ್ರಗಳು ನಮ್ಮ ಮಾನಸಿಕ ಮತ್ತು ಭಾವನಾತ್ಮಕ ಯೋಗಕ್ಷೇಮದ ಮೇಲೆ ಸಕಾರಾತ್ಮಕ ಪರಿಣಾಮ ಬೀರುತ್ತವೆ ಎಂದು ನಂಬಲಾಗಿದೆ.

ಹಿಂಸಾಚಾರ, ಯುದ್ಧ, ದುಃಖ ಅಥವಾ ಒಂಟಿತನವನ್ನು ತೋರಿಸುವ ವರ್ಣಚಿತ್ರಗಳು ನಕಾರಾತ್ಮಕತೆಯನ್ನು ಸೃಷ್ಟಿಸಬಹುದು ಎಂದು ಆರ್ಸೈಟ್ ಒಳಾಂಗಣ ವಿನ್ಯಾಸ ಸ್ಟುಡಿಯೋದ ಒಳಾಂಗಣ ವಿನ್ಯಾಸಕ ಆರ್ಟೆಮ್ ಕ್ರೊಪೊವಿನ್ಸ್ಕಿ ಹೇಳುತ್ತಾರೆ. ಬದಲಾಗಿ, ಅವರು ಪರ್ವತಗಳು, ಜಲಪಾತಗಳು, ನದಿಗಳು, ಸರೋವರಗಳು ಅಥವಾ ಉದ್ಯಾನಗಳ ವರ್ಣಚಿತ್ರಗಳನ್ನು ಶಿಫಾರಸು ಮಾಡುತ್ತಾರೆ.

ದಿಕ್ಕುಗಳ ಬಗ್ಗೆ ಗಮನ ಹರಿಸಿ
ವಾಸ್ತುಶಾಸ್ತ್ರದ ಪ್ರಕಾರ ಮನೆಯ ಮುಖ್ಯ ಪ್ರವೇಶದ್ವಾರವು ಪೂರ್ವ, ಉತ್ತರ ಅಥವಾ ಈಶಾನ್ಯಕ್ಕೆ ಮುಖ ಮಾಡಬೇಕು. ಏಕೆಂದರೆ ಇದು ಸಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ ಮತ್ತು ಸಮೃದ್ಧಿಯನ್ನು ಉತ್ತೇಜಿಸುತ್ತದೆ ಎಂದು ನಂಬಲಾಗಿದೆ.

ಇದನ್ನೂ ಓದಿ: Guru-Shukra: ಗುರು-ಶುಕ್ರ ಇಬ್ಬರಿಂದ ಈ 3 ರಾಶಿಗೆ ಬಂಪರ್ ಲಾಟರಿ, ಬೇಡ ಬೇಡ ಅಂದ್ರೂ ಐಶ್ವರ್ಯ ಕೊಡ್ತಾರೆ!

ರಿಯಲ್ ಎಸ್ಟೇಟ್ ಮಾರುಕಟ್ಟೆಯಲ್ಲಿ ದಿಕ್ಕಿನ ಜೋಡಣೆಯ ತತ್ವವನ್ನು ವ್ಯಾಪಕವಾಗಿ ಅಳವಡಿಸಿಕೊಳ್ಳಲಾಗಿದೆ ಎಂದು ಪ್ರೇರಣಾ ಹೇಳುತ್ತಾರೆ, ಅನೇಕ ಸಂಭಾವ್ಯ ಮನೆ ಖರೀದಿದಾರರು ಈ ಅಂಶವನ್ನು ನೋಡುತ್ತಾರೆ. ತಪ್ಪು ದಿಕ್ಕಿನಲ್ಲಿ ಬಾಗಿಲು ಇರುವ ಮತ್ತು ಮಾರ್ಗ ಇರುವ ಮನೆಗಳಲ್ಲಿ ಪೀಠೋಪಕರಣಗಳನ್ನು ಸರಿಯಾದ ದಿಕ್ಕಿನಲ್ಲಿ ಜೋಡಿಸಿಕೊಳ್ಳಬಹುದು.

ನಿಮ್ಮ ಮನೆಯಲ್ಲಿ ಚೆನ್ನಾಗಿ ಗಾಳಿಯಾಡಬೇಕು
ವಾಸ್ತು ಪ್ರಕಾರ ನಿಮ್ಮ ಮನೆಯನ್ನು ಅಲಂಕರಿಸಲು ಸುಲಭವಾದ ಮತ್ತು ಉತ್ತಮ ಮಾರ್ಗವೆಂದರೆ ಕೊಠಡಿಗಳನ್ನು ಚೆನ್ನಾಗಿ ಗಾಳಿಯಾಡುವಂತೆ.  ಆದ್ದರಿಂದ ನಿಮ್ಮ ಮನೆಯಲ್ಲಿ ಸಕಾರಾತ್ಮಕ ಶಕ್ತಿಯನ್ನು ಸುಧಾರಿಸುವುದು ಕಿಟಕಿಗಳನ್ನು ಆಗಾಗ್ಗೆ ಸ್ವಚ್ಛಗೊಳಿಸುತ್ತಿರಬೇಕು. ಧೂಳು ಮತ್ತು ಜೇಡ ಬಲೆಗಳನ್ನು ಆದಷ್ಟು ಕಟ್ಟದಂತೆ ನೋಡಿಕೊಳ್ಳಿ.

ಇದನ್ನೂ ಓದಿ: Zodiac Signs: ಈ ರಾಶಿಯವರು ಚಿನ್ನದ ಉಂಗುರ ಧರಿಸಿದ್ರೆ ಅದೃಷ್ಟವೋ ಅದೃಷ್ಟ! ಶ್ರೀಮಂತರಾಗುವುದು ಗ್ಯಾರಂಟಿ

ಮನೆಯ ಒಳಾಂಗಣದಲ್ಲಿ ಆರೋಗ್ಯ ಮತ್ತು ಯೋಗಕ್ಷೇಮದ ಪ್ರಜ್ಞೆಯನ್ನು ಉತ್ತೇಜಿಸಲು, ವಿಶೇಷವಾಗಿ ನೀವು ಸಾಕುಪ್ರಾಣಿಗಳನ್ನು ಹೊಂದಿದ್ದರೆ, ಅತ್ಯುತ್ತಮ ಏರ್ ಪ್ಯೂರಿಫೈಯರ್ ಬಳಸುವುದರೊಂದಿಗೆ ಗಾಳಿಯ ಗುಣಮಟ್ಟವನ್ನು ಸುಧಾರಿಸಬಹುದು.

ಮನೆಯಲ್ಲಿ ಸಸ್ಯಗಳು ಮತ್ತು ವಿಂಡ್ ಚೈಮ್ ಗಳನ್ನು ಬಳಸಿ
ಪ್ರೇರಣಾ ಅವರು ಮನೆಯ ಒಳಾಂಗಣದಲ್ಲಿ ಸಸ್ಯಗಳನ್ನು ಇಡಲು ಸಲಹೆ ನೀಡುತ್ತಾರೆ. ಹೀಗೆ ಇಡುವುದರಿಂದ ಇದು ನಿಮ್ಮ ಮನೆಯ ಪರಿಸರವನ್ನು ಶಕ್ತಿಯುತಗೊಳಿಸುತ್ತದೆ. ಅತ್ಯುತ್ತಮ ಒಳಾಂಗಣ ಸಸ್ಯಗಳು ತ್ವರಿತ ವಿನ್ಯಾಸ, ಆಕಾರ ಮತ್ತು ಬಣ್ಣವನ್ನು ತರುತ್ತವೆ. ಇದರ ಜೊತೆಗೆ ಲೋಹದ ವಿಂಡ್ ಚೈಮ್ ಗಳನ್ನು ಸಹ ನೇತು ಹಾಕುವುದು ಮನೆಗೆ ಒಳ್ಳೆಯದು ಎಂದು ಹೇಳಲಾಗುತ್ತದೆ.