• Home
  • »
  • News
  • »
  • astrology
  • »
  • Makara Sankranti 2023: ಸಂಕ್ರಾಂತಿ ದಿನ ಈ ವಸ್ತುಗಳನ್ನು ದಾನ ಮಾಡಿದ್ರೆ ಇರೋಬರೋ ದೋಷಗಳೆಲ್ಲಾ ನಿವಾರಣೆಯಾಗುತ್ತೆ

Makara Sankranti 2023: ಸಂಕ್ರಾಂತಿ ದಿನ ಈ ವಸ್ತುಗಳನ್ನು ದಾನ ಮಾಡಿದ್ರೆ ಇರೋಬರೋ ದೋಷಗಳೆಲ್ಲಾ ನಿವಾರಣೆಯಾಗುತ್ತೆ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

Makara Sankranti 2023: ಮಕರ ಸಂಕ್ರಾಂತಿಯ ದಿನ ದಾನ ಮಾಡುವುದರಿಂದ ಬಹಳ ಒಳ್ಳೆಯದಾಗುತ್ತದೆ ಎಂದು ಹಿರಿಯರು ಹೇಳುತ್ತಾರೆ. ಈ ದಿನ ದಾನ ಮಾಡುವುದರಿಂದ ಅನೇಕ ಪುಣ್ಯ ಫಲ ಪ್ರಾಪ್ತಿಯಾಗುತ್ತದೆ ಎನ್ನುವ ನಂಬಿಕೆ ಇದೆ.

  • Share this:

ಈ ವರ್ಷ 2023 ರಲ್ಲಿ, ಮಕರ ಸಂಕ್ರಾಂತಿ (Makara Sankranti) ಹಬ್ಬವನ್ನು ಜನವರಿ 15 ರ ಭಾನುವಾರದಂದು (Sunday) ಆಚರಿಸಲಾಗುತ್ತದೆ. ಆದರೆ ಕೆಲವೆಡೆ ಜನವರಿ 14ರಂದು ಸಹ ಹಬ್ಬವನ್ನು (Festival) ಆಚರಿಸಲಾಗುತ್ತದೆ.  ಈ ದಿನ ಸೂರ್ಯನು (Sun) ಮಕರ ರಾಶಿಯನ್ನು ಪ್ರವೇಶಿಸುತ್ತದೆ ಹಾಗೂ ದಕ್ಷಿಣಾಯಣ ಮುಗಿದು ಉತ್ತರಾಯಣ ಪ್ರಾರಂಭವಾಗುತ್ತದೆ. ಮಕರ ಸಂಕ್ರಾಂತಿಯ ಸಂದರ್ಭದಲ್ಲಿ ಜನರು ವಿಭಿನ್ನ ರೀತಿ ಆಚರಣೆಗಳನ್ನು ಮಾಡುತ್ತಾರೆ. ಉತ್ತರ ಭಾರತದಲ್ಲಿ (North India) ನದಿಯಲ್ಲಿ ಅಥವಾ ಗಂಗಾಜಲ ಹಾಕಿದ ನೀರಿನಲ್ಲಿ ಸ್ನಾನ ಮಾಡುತ್ತಾರೆ. ನಂತರ ಸೂರ್ಯ ದೇವರನ್ನು ಪೂಜಿಸಲಾಗುತ್ತದೆ ಹಾಗೂ ಗಾಳಿಪಟ ಹಾರಿಸುವ ಆಚರಣೆ ಇರುತ್ತದೆ. ಆದರೆ ದಕ್ಷಿಣ ಭಾರತದಲ್ಲಿ (South India) ಈ ದಿನ ಪೊಂಗಲ್ ಎಂಬ ಆಹಾರವನ್ನು ಮಾಡಲಾಗುತ್ತದೆ ಹಾಗೂ ಎಳ್ಳು-ಬೆಲ್ಲ ಹಂಚಲಾಗುತ್ತದೆ.


ಇನ್ನು ಮಕರ ಸಂಕ್ರಾಂತಿಯ ದಿನ ದಾನ ಮಾಡುವುದರಿಂದ ಬಹಳ ಒಳ್ಳೆಯದಾಗುತ್ತದೆ ಎಂದು ಹಿರಿಯರು ಹೇಳುತ್ತಾರೆ. ಈ ದಿನ ದಾನ ಮಾಡುವುದರಿಂದ ಅನೇಕ ಬಾರಿ ಪುಣ್ಯ ಫಲ ಪ್ರಾಪ್ತಿಯಾಗುತ್ತದೆ ಎನ್ನುವ ನಂಬಿಕೆ ಇದೆ. ಮಕರ ಸಂಕ್ರಾಂತಿಯಂದು ದಾನ ಮಾಡುವುದರಿಂದ ಸೂರ್ಯ, ಶನಿ ಸೇರಿದಂತೆ 6 ಗ್ರಹಗಳಿಗೆ ಸಂಬಂಧಿಸಿದ ದೋಷಗಳು ನಿವಾರಣೆಯಾಗುತ್ತದೆ ಎನ್ನುತ್ತಾರೆ. ಸಂಕ್ರಾಂತಿಯಂದು ಯಾವ ವಸ್ತುಗಳನ್ನು ದಾನ ಮಾಡಬೇಕು ಎಂಬುದು ಇಲ್ಲಿದೆ.


ಎಳ್ಳನ್ನು ದಾನ
ಮಕರ ಸಂಕ್ರಾಂತಿಯ ಸಂದರ್ಭದಲ್ಲಿ, ಪ್ರತಿಯೊಬ್ಬ ವ್ಯಕ್ತಿಯು ಸ್ನಾನದ ನಂತರ ಎಳ್ಳನ್ನು ದಾನ ಮಾಡಬೇಕು. ಸಾಧ್ಯವಾದರೆ ಈ ದಿನ ಕಪ್ಪು ಎಳ್ಳನ್ನು ದಾನ ಮಾಡಿ. ಕಪ್ಪು ಎಳ್ಳು ಇಲ್ಲದಿದ್ದರೆ ಬಿಳಿ ಎಳ್ಳನ್ನು ಸಹ ದಾನ ಮಾಡಬಹುದು. ಹೀಗೆ ಮಾಡುವುದರಿಂದ ಸೂರ್ಯದೇವನ ಕೃಪೆಯಿಂದ ಸಂಪತ್ತು ಮತ್ತು ಆರೋಗ್ಯ ವೃದ್ಧಿಯಾಗಿ ಶನಿದೋಷವೂ ದೂರವಾಗುತ್ತದೆ. ಮಕರ ಸಂಕ್ರಾಂತಿಯಂದು ಸೂರ್ಯ ದೇವನು ಶನಿದೇವನ ಮನೆಗೆ ತಲುಪಿದಾಗ, ಶನಿದೇವನು ಅವನನ್ನು ಕಪ್ಪು ಎಳ್ಳಿನಿಂದ ಸ್ವಾಗತಿಸಿದನೆಂದು ಹೇಳಲಾಗುತ್ತದೆ. ಹಾಗಾಗಿ ಈ ದಿನ ಕಪ್ಪು ಎಳ್ಳು ದಾನ ಮಾಡುವುದು ಶ್ರೇಷ್ಠ.


ಬೆಲ್ಲ


ಮಕರ ಸಂಕ್ರಾಂತಿಯ ದಿನದಂದು ಬೆಲ್ಲವನ್ನು ದಾನ ಮಾಡಲು ಮರೆಯಬಾರದಂತೆ. ಈ ಒಂದು ದಾನದಿಂದ ನಿಮ್ಮ ಮೂರು ಗ್ರಹಗಳಾದ ಸೂರ್ಯ, ಗುರು ಮತ್ತು ಶನಿಯ ದೋಷಗಳು ನಿವಾರಣೆಯಾಗುತ್ತದೆ. ನಿಮ್ಮ ಜಾತಕದಲ್ಲಿ ಸೂರ್ಯನ ಶಕ್ತಿ ಬಲಪಡಿಸಲು ಬೆಲ್ಲವನ್ನು ಸಹ ದಾನ ಮಾಡಲಾಗುತ್ತದೆ. ಮಕರ ಸಂಕ್ರಾಂತಿಯ ದಿನದಂದು ಬೆಲ್ಲ ಮತ್ತು ಕಪ್ಪು ಎಳ್ಳಿನಿಂದ ಮಾಡಿದ ಲಡ್ಡುಗಳನ್ನು ದಾನ ಮಾಡುವುದು ಇನ್ನೂ ಉತ್ತಮ.


ಇದನ್ನೂ ಓದಿ: ಮುಂದಿನ 20 ದಿನ ಈ 3 ರಾಶಿಯವರಷ್ಟು ಅದೃಷ್ಟವಂತರು ಬೇರಾರೂ ಇಲ್ಲ


ಕಂಬಳಿ ದಾನ ಮಾಡಿ 


ಮಕರ ಸಂಕ್ರಾಂತಿಯಂದು ಪೂಜೆಯ ನಂತರ ನಿಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಕಂಬಳಿ ಮತ್ತು ಬೆಚ್ಚನೆಯ ಬಟ್ಟೆಗಳನ್ನು ಅವಶ್ಯಕತೆ ಇರುವವರಿಗೆ ದಾನ ಮಾಡಬೇಕು. ಹೀಗೆ ಮಾಡಿದರೆ ನಿಮ್ಮ ಜಾತಕದಲ್ಲಿ ರಾಹು ಗ್ರಹಕ್ಕೆ ಸಂಬಂಧಿಸಿದ ದೋಷಗಳು ನಿವಾರಣೆಯಾಗಿ ಅದರಿಂದ ಒಳ್ಳೆಯ ಲಾಭ ಬರುತ್ತದೆ ಎನ್ನುತ್ತಾರೆ ಹಿರಿಯರು.




ಖಿಚಡಿ


ಮಕರ ಸಂಕ್ರಾಂತಿಯ ದಿನ  ಕಪ್ಪು ಎಳ್ಳಿನ ಉಂಡೆ ಅಥವಾ ಹೆಸರು ಬೇಳೆ ಮತ್ತು ಅಕ್ಕಿಯಿಂದ ಮಾಡಿದ ಖಿಚಡಿ ದಾನ ಮಾಡಿದರೆ ಶನಿ, ಗುರು, ಬುಧ ಗ್ರಹಕ್ಕೆ ಸಂಬಂಧಿಸಿದ ದೋಷಗಳು ನಿವಾರಣೆಯಾಗುತ್ತವೆ. ಕಪ್ಪು ಎಳ್ಳು ಶನಿಗೆ ಸಂಬಂಧಿಸಿದ್ದಾಗಿದ್ದು, ಹೆಸರುಬೇಳೆ ಬುಧಕ್ಕೆ ಸಂಬಂಧಿಸಿದೆ ಎನ್ನಲಾಗುತ್ತದೆ. ಖಿಚಡಿಯಲ್ಲಿ, ನೀವು ಅರಿಶಿನವನ್ನು ಬಳಸುತ್ತೀರಿ, ಇದು ಗುರು ಗ್ರಹಕ್ಕೆ ಸಂಬಂಧಿಸಿದೆ. ಹಾಗಾಗಿ ಇದು ಎಲ್ಲಾ ಗ್ರಹಗಳ ದೋಷಗಳ ನಿವಾರಣೆಯೊಂದಿಗೆ, ನಿಮ್ಮ ಅದೃಷ್ಟವು ಬದಲಾಯಿಸುತ್ತದೆ. ಕೆಲಸದಲ್ಲಿ ಯಶಸ್ಸು ಸಿಗುವ ಸಾಧ್ಯತೆ ಹೆಚ್ಚುತ್ತದೆ.


ಅಕ್ಕಿ ದಾನ ಮಾಡಿ


ನೀವು ಮಕರ ಸಂಕ್ರಾಂತಿಯಂದು ಅಕ್ಕಿಯನ್ನು ದಾನ ಮಾಡಿದರೆ ಒಳ್ಳೆಯದಾಗುತ್ತದೆ. ಅಕ್ಕಿ ಚಂದ್ರನ ಸಂಕೇತವಾಗಿದೆ. ಇದು ಚಂದ್ರನ ಸ್ಥಾನವನ್ನು ಬಲಪಡಿಸುತ್ತದೆ ಮತ್ತು ಜೀವನದಲ್ಲಿ ಸಂತೋಷ ಮತ್ತು ಸಮೃದ್ಧಿಯನ್ನು ಹೆಚ್ಚಿಸುತ್ತದೆ. ಹಾಗೆಯೇ ಅನ್ನ ಅಥವಾ ಅಕ್ಕಿ ದಾನದಿಂದ ಚಂದ್ರ ದೋಷವೂ ನಿವಾರಣೆಯಾಗುತ್ತದೆ.


ಇದನ್ನೂ ಓದಿ: ಅಬ್ಬಬ್ಬಾ ಈ ರಾಶಿಗೆ ಶನಿ ಕಾಟ, ಸಾಡೇಸಾತಿ ಎಫೆಕ್ಟ್​ ಅಂದ್ರೆ ಸುಮ್ನೆನಾ?


Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ

Published by:Sandhya M
First published: