• Home
  • »
  • News
  • »
  • astrology
  • »
  • Palmistry: ಅಂಗೈಯಲ್ಲಿರುವ ಹೃದಯ ರೇಖೆಯನ್ನು ಹೀಗೆ ತಿಳಿದುಕೊಳ್ಳಿ

Palmistry: ಅಂಗೈಯಲ್ಲಿರುವ ಹೃದಯ ರೇಖೆಯನ್ನು ಹೀಗೆ ತಿಳಿದುಕೊಳ್ಳಿ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

How To Read Your Palm Heart Line: ಅಂಗೈಗಳ ಮೇಲಿನ ನಿರ್ದಿಷ್ಟ ರೇಖೆ ಮತ್ತು ರಚನೆಗಳನ್ನು ವಿಶ್ಲೇಷಿಸುವುದನ್ನು ಈ ಶಾಸ್ತ್ರ ಒಳಗೊಂಡಿರುತ್ತದೆ. ಅಂಗೈ ರೇಖೆಗಳಲ್ಲಿ ಗಮನ ಸೆಳೆಯುವ ರೇಖೆಯೆಂದರೆ ಹೃದಯದ ರೇಖೆಯಾಗಿದೆ.

  • Trending Desk
  • 3-MIN READ
  • Last Updated :
  • Share this:

ಹಸ್ತ ಸಾಮುದ್ರಿಕಾ ಶಾಸ್ತ್ರ(hast samudrika shastra)  ಅಥವಾ ಅಂಗೈ ರೇಖೆ ನೋಡಿ ಭವಿಷ್ಯ (Future) ಹೇಳುವ ಪದ್ಧತಿ ಅನಾದಿ ಕಾಲದಿಂದಲೂ ರೂಢಿಯಲ್ಲಿದೆ. ಹೆಚ್ಚಿನ ಜ್ಯೋತಿಷಿಗಳು ಈ ವಿದ್ಯೆಯಲ್ಲಿ ಪರಿಣಿತಿಯನ್ನು ಹೊಂದಿದ್ದು ಹಸ್ತವನ್ನು ನೋಡಿ ಯಥಾವತ್ತಾಗಿ ವಿವರಗಳನ್ನು ಹೇಳಬಲ್ಲವರಾಗಿದ್ದಾರೆ. ಅಂಗೈಗಳ ಮೇಲಿನ ನಿರ್ದಿಷ್ಟ ರೇಖೆ ಮತ್ತು ರಚನೆಗಳನ್ನು ವಿಶ್ಲೇಷಿಸುವುದನ್ನು ಈ ಶಾಸ್ತ್ರ ಒಳಗೊಂಡಿರುತ್ತದೆ. ಅಂಗೈ ರೇಖೆಗಳಲ್ಲಿ ಗಮನ ಸೆಳೆಯುವ ರೇಖೆಯೆಂದರೆ ಹೃದಯದ ರೇಖೆಯಾಗಿದೆ. ಇದು ಹೃದಯ (Heart) ರೇಖೆಯಾಗಿರುವುದರಿಂದ ನಿಮ್ಮ ಆಂತರಿಕ ಭಾವನೆಗಳು, ಇತರರ ಮೇಲೆ ನಿಮಗಿರುವ ಪ್ರತಿಕ್ರಿಯೆ ಹೀಗೆ ಆಂತರ್ಯದ ಆರೋಗ್ಯಕ್ಕೆ (Health) ಸಂಬಂಧಿಸಿದ ಮಾಹಿತಿಗಳನ್ನು ತಿಳಿಸುತ್ತದೆ. ಈ ಕುರಿತು ಮತ್ತಷ್ಟು ವಿವರಗಳನ್ನು ತಿಳಿದುಕೊಳ್ಳೋಣ


ಹೃದಯದ ರೇಖೆ ಏನನ್ನು ತಿಳಿಸುತ್ತದೆ?


ನಿಮ್ಮ ಅಂಗೈಯಲ್ಲಿ ಈ ರೇಖೆಯು ಅಡ್ಡಲಾಗಿರುತ್ತದೆ ಹಾಗೂ ಅತ್ಯಂತ ಮೇಲ್ಭಾಗದಲ್ಲಿರುತ್ತದೆ. ಕಿರುಬೆರಳಿನ ಭಾಗದಲ್ಲಿ ಅಂಗೈಯ ಅಂಚಿನಲ್ಲಿ ಪ್ರಾರಂಭವಾಗುತ್ತದೆ ಹಾಗೂ ತೋರುಬೆರಳು ಅಥವಾ ಮಧ್ಯದ ಬೆರಳಿನ ಕಡೆಗೆ ಚಲಿಸುತ್ತದೆ.


ಹಸ್ತಸಾಮುದ್ರಿಕ ಶಾಸ್ತ್ರದ ಲೇಖಕರಾದ ಕಸ್ಸಂಡ್ರಾ ಈಸನ್ ಪ್ರಕಾರ ಹಸ್ತರೇಖೆಯ ಬಗ್ಗೆ ತಿಳಿದುಕೊಳ್ಳುವಾಗ ಮೊದಲಿಗೆ ಈ ರೇಖೆಯ ಬಗ್ಗೆ ತಿಳಿದುಕೊಳ್ಳಲಾಗುತ್ತದೆ ಎಂದು ತಿಳಿಸಿದ್ದಾರೆ.


ಈ ರೇಖೆ ನಮ್ಮ ಸಂಬಂಧಗಳ ಬಗೆಗೆ ಅಂದರೆ ನಮ್ಮನ್ನು ಕುರಿತು, ಪ್ರೇಮಿಗಳು ಹಾಗೂ ಸ್ನೇಹಿತರ ವಿವರಗಳನ್ನು ನೀಡುತ್ತದೆ. ನಮ್ಮ ಸಾಮರ್ಥ್ಯ, ವೈಯಕ್ತಿಕ ಬೆಳವಣಿಗೆಯ ಬಗ್ಗೆಯೂ ಮಾಹಿತಿ ನೀಡುತ್ತದೆ. ಆಧ್ಯಾತ್ಮಿಕ ಜೀವನ ಹಾಗೂ ಆಂತರಿಕ ಪ್ರಪಂಚವನ್ನು ಸಮೀಪಿಸುವ ಬಗೆಗೆ ವಿವರನ್ನು ನೀಡುತ್ತದೆ.


ಇದನ್ನೂ ಓದಿ: ನಿಮ್ಮ ದೇಹದ ಈ ಭಾಗದಲ್ಲಿ ಮಚ್ಚೆ ಇದೆಯಾ? ಹಾಗಿದ್ರೆ ನೀವೇ ಸಖತ್ ಲಕ್ಕಿ ಬಿಡಿ!


ನಮ್ಮ ಬಗ್ಗೆ, ಇತರರ ಬಗ್ಗೆ ಹಾಗೂ ನಮ್ಮ ಜೀವನದ ಕುರಿತು ನಾವು ಏನು ಭಾವಿಸುತ್ತೇವೆ ಎಂಬುದನ್ನು ಈ ರೇಖೆ ತಿಳಿಸುತ್ತದೆ ಎಂದು ಕಸ್ಸಂಡ್ರಾ ಈಸನ್ ತಿಳಿಸಿದ್ದಾರೆ. ಹೃದಯದ ರೇಖೆಯು ಆಳವಾಗಿದ್ದಷ್ಟೂ ನಮ್ಮ ಪ್ರೀತಿ ಹಾಗೂ ವಾತ್ಸಲ್ಯ ಅಷ್ಟೇ ಆಳವಾಗಿರುತ್ತದೆ.


ಹೃದಯ ರೇಖೆಯನ್ನು ನೋಡುವುದು ಹೇಗೆ ಮತ್ತು ತಿಳಿದುಕೊಳ್ಳುವುದು ಹೇಗೆ


ನಿಮ್ಮ ಎಡಗೈಯ ಹೃದಯ ರೇಖೆಯು ನೈಸರ್ಗಿಕ ಹಾಗೂ ಸ್ವಯಂ ಸಾಮರ್ಥ್ಯವನ್ನು ಸಂಕೇತಿಸುತ್ತದೆ. ಹಾಗೂ ಬಲಗೈಯಲ್ಲಿರುವ ಹೃದಯ ರೇಖೆಯು ಸ್ವಾಧೀನಪಡಿಸಿಕೊಂಡ ಜೀವನ ಅಂದರೆ ಇದು ನೀವು ಜೀವನದಲ್ಲಿ ಪಡೆದುಕೊಂಡ ಅನುಭವ ಹಾಗೂ ಭೇಟಿಯಾಗುವ ವ್ಯಕ್ತಿಗಳಿಂದ ರೂಪುಗೊಂಡಿದೆ ಎಂಬುದಾಗಿ ಈಸನ್ ವಿವರಿಸಿದ್ದಾರೆ.


  • ರೇಖೆಯು ಬೆರಳುಗಳ ಕಡೆಗೆ ವಕ್ರಗೊಳ್ಳದಿದ್ದರೆ ನಿಮ್ಮದು ಅತಿ ಸೂಕ್ಷ್ಮ ವ್ಯಕ್ತಿತ್ವ ಹಾಗೂ ಸದಾ ಪ್ರೀತಿಯನ್ನು ಬಯಸುವ ನಿಮ್ಮ ಸ್ವಭಾವವನ್ನು ಸಂಕೇತಿಸುತ್ತದೆ.

  • ರೇಖೆಯು ಉದ್ದವಾಗಿದ್ದು ಹಾಗೂ ನೇರವಾಗಿದ್ದರೆ ಹಾಗೂ ತೋರುಬೆರಳಿನ ಕಡೆಗೆ ಕೊನೆಗೊಂಡರೆ ನೀವು ಇತರರೆಡೆಗೆ ಸಹಾನುಭೂತಿ ಹೊಂದಿರುವಿರಿ ಹಾಗೂ ನಿಮ್ಮಲ್ಲಿರುವ ಬಲವಾದ ಅಂತಃಪ್ರಜ್ಞೆಯನ್ನು ಸೂಚಿಸುತ್ತದೆ

  • ಈ ರೇಖೆ ಎರಡು ಭಾಗಗಳಾಗಿ ವಿಭಜನೆಗೊಂಡಿದ್ದರೆ ನೀವು ಇತರರ ಮೇಲೆ ಒಲವು ತೋರುವ ಹೃದಯವಂತರು ಎಂಬುದನ್ನು ತಿಳಿಸುತ್ತದೆ.

  • ನಿಮ್ಮ ರೇಖೆಯು ಕ್ಷೀಣವಾಗಿದ್ದರೆ, ನಿಮ್ಮ ಶಕ್ತಿಯು ಸೂಕ್ಷ್ಮವಾಗಿದೆ ಮತ್ತು ನೀವು ಸುಲಭವಾಗಿ ಇತರರಿಂದ ಪ್ರಭಾವಿತರಾಗಬಹುದು ಮತ್ತು ಹಿಂಸೆಗೆ ಒಳಗಾಗಬಹುದು ಎಂಬುದನ್ನು ಸಂಕೇತಿಸುತ್ತದೆ.

  • ಒರಟಾದ ಕಣ ಕಣವಾಗಿರುವ ಹೃದಯ ರೇಖೆಗಳನ್ನು ಹೊಂದಿರುವವರು ವಿಶೇಷವಾಗಿ ಭಾವೋದ್ರಿಕ್ತ ಮತ್ತು ಇಂದ್ರಿಯಾಸಕ್ತರು ಎಂಬುದನ್ನು ಸೂಚಿಸುತ್ತದೆ.

  • ಹೃದಯ ರೇಖೆಯನ್ನು ದಾಟುವ ಸಾಕಷ್ಟು ಸಣ್ಣ ಗೆರೆಗಳು ಇದ್ದರೆ, ಇದು ಭಾವನಾತ್ಮಕ ಆಘಾತವನ್ನು ಸೂಚಿಸುತ್ತದೆ.

  • ಹೃದಯ ರೇಖೆಯಲ್ಲಿ ಹಲವಾರು ವಿಭಜನೆಗಳು ಹಾಗೂ ಸಣ್ಣ ಸಣ್ಣ ಗೆರೆಗಳಿದ್ದರೆ ಸಂಬಂಧಗಳು ಆರಂಭದಲ್ಲಿ ತೀವ್ರವಾಗಿದ್ದು ನಂತರ ಕ್ಷಣಿಕಗೊಳ್ಳುವ ಸಂಕೇತವನ್ನು ತೋರ್ಪಡಿಸುತ್ತದೆ.


ಇದನ್ನೂ ಓದಿ: ಈ ಸಂಖ್ಯೆಯವರಿಗೆ ದೇಶ ರಕ್ಷಣೆ ಮಾಡುವ ಅವಕಾಶ ಸಿಗಲಿದೆ, ನ್ಯೂಮರಾಲಜಿ ಈ ಬಗ್ಗೆ ಏನ್ ಹೇಳುತ್ತೆ?

  • ತಮ್ಮ ಭಾವನೆಗಳನ್ನು ಮತ್ತು ಅಗತ್ಯಗಳನ್ನು ಚೆನ್ನಾಗಿ ವ್ಯಕ್ತಪಡಿಸಬಲ್ಲವರು ತಮ್ಮ ಹೃದಯ ರೇಖೆಯ ಕೊನೆಯಲ್ಲಿ ಹೆಚ್ಚು ಸ್ಪಷ್ಟವಾದ ವಕ್ರರೇಖೆಯನ್ನು ಹೊಂದಿರುತ್ತಾರೆ.

  • ಹೃದಯ ರೇಖೆಯು ತ್ರಿಶೂಲ ರೂಪದಲ್ಲಿ ಕವಲುಗಳಾಗಿದ್ದರೆ ಪ್ರೀತಿ ಹಾಗೂ ಅದೃಷ್ಟವನ್ನು ಸೂಚಿಸುತ್ತದೆ.

  • ಹೃದಯದ ರೇಖೆಯು ಹೆಚ್ಚು ಉದ್ದವಾಗಿದ್ದರೆ ಸಂಘರ್ಷದ ಭಾವನೆಗಳನ್ನು ಸೂಚಿಸುತ್ತದೆ ಮತ್ತು ಅದೇ ಸಮಯದಲ್ಲಿ ಒಂದಕ್ಕಿಂತ ಹೆಚ್ಚು ಪ್ರೀತಿಯ ಆಸಕ್ತಿಯನ್ನು ಸೂಚಿಸುತ್ತದೆ.

  • ಚಪ್ಪಟೆ ಹಾಗೂ ವಿಶಾಲ ಹೃದಯ ರೇಖೆಯನ್ನು ಹೊಂದಿರುವವರು ಭಾವುಕರು ಹಾಗೂ ಶಾಂತಸ್ವಭಾವದವರು ಎಂಬುದನ್ನು ಸಂಕೇತಿಸುತ್ತದೆ.

Published by:Sandhya M
First published: