Dream Meaning: ನಿಮಗೆ ಪದೇ ಪದೇ ಈ ಕನಸುಗಳು ಬೀಳ್ತಿದ್ರೆ ಏನ್ ಅರ್ಥ ಗೊತ್ತಾ?

ಕೆಲವೊಮ್ಮೆ ನಮಗೆ ಒಂದೇ ರೀತಿಯ ಕನಸುಗಳು (Dreams)ಪದೇ ಪದೇ ಬೀಳುತ್ತಿರುತ್ತವೆ ಅಂತ ಹೇಳಬಹುದು ಮತ್ತು ಕೆಲವೊಮ್ಮೆ ಹಾಗೆ ಬಿದ್ದ ಕನಸುಗಳು ಸಂಪೂರ್ಣವಾಗಿ ನೆನಪಿನಲ್ಲಿರುತ್ತವೆ. ಇನ್ನೂ ಕೆಲವೊಮ್ಮೆ ಕನಸು ಬಿದ್ದಿದೆ ಅಂತ ಅಷ್ಟೇ ಗೊತ್ತಿರುತ್ತದೆ, ಅದರಲ್ಲಿ ಏನಿತ್ತು ಅಂತ ಅಸ್ಪಷ್ಟವಾಗಿರುತ್ತದೆ ಅಂತ ಹೇಳಿದರೆ ತಪ್ಪಾಗುವುದಿಲ್ಲ. ಹೆಚ್ಚಾಗಿ ಜನರು(People) ವೈಯುಕ್ತಿಕ ವಿವರಗಳನ್ನು ಮತ್ತು ಸನ್ನಿವೇಶಗಳನ್ನು ಒಳಗೊಂಡ ಕನಸುಗಳನ್ನು ಕಾಣುತ್ತಾರೆ. ನಮಗೆ ಸಾಮಾನ್ಯವಾಗಿ ಬೀಳುವ ಕನಸಿನ ಅರ್ಥವಾದರೂ ಏನು ಅಂತ ಎಂದಾದರೂ ಯೋಚಿಸಿದ್ದೀರಾ?

ಯಾರು ಈ ಕೆಲ್ಲಿ ಸುಲ್ಲಿವಾನ್ ವಾಲ್ಡೆನ್?

ಕೆಲ್ಲಿ ಸುಲ್ಲಿವಾನ್ ವಾಲ್ಡೆನ್ 20 ವರ್ಷಗಳಿಂದ ಈ ಕನಸುಗಳನ್ನು ವಿಶ್ಲೇಷಿಸುತ್ತಿದ್ದಾರೆ ಮತ್ತು ಅವರ ಇತ್ತೀಚಿನ ‘ದಿ ಹೀರೋಸ್ ಜರ್ನಿ ಡ್ರೀಮ್ ಒರಾಕಲ್’ ಸೇರಿದಂತೆ ಏಳು ಹೆಚ್ಚು ಮಾರಾಟವಾದ ಕನಸಿನ ಬಗ್ಗೆ ಬರೆದ ಪುಸ್ತಕಗಳು ಮತ್ತು ಎರಡು ಒರಾಕಲ್ ಕಾರ್ಡ್ ಡೆಕ್ ಗಳ ಲೇಖಕರಾಗಿದ್ದಾರೆ.

ಕೆಲ್ಲಿ ನಿಮ್ಮ ಕನಸನ್ನು ಡಿಕೋಡ್ ಮಾಡಬೇಕೆಂದು ನೀವು ಬಯಸಿದರೆ, Kelly@KellySullivanWalden.com ಗೆ ಇ-ಮೇಲ್ ಮಾಡಿ ಅಥವಾ ಫೇಸ್ಬುಕ್ ನಲ್ಲಿ ಅವರಿಗೆ ಸಂದೇಶ ಕಳುಹಿಸಿ. ಕನಸಿನ ತಜ್ಞ ಕೆಲ್ಲಿ ಸುಲ್ಲಿವಾನ್ ವಾಲ್ಡೆನ್ ನಿಮಗೆ ಬೀಳುವ 4 ಸಾಮಾನ್ಯ ಕನಸಿನ ಅರ್ಥಗಳನ್ನು ಬಿಡಿಸಿ ಹೇಳಿದ್ದಾರೆ ನೋಡಿ.

ಇದನ್ನೂ ಓದಿ: Money: ಈ ಮನಿ ಪ್ಲಾಂಟ್​ಗಳು ನಿಮ್ಮ ಮನೆಯಲ್ಲಿದ್ರೆ ಅದೃಷ್ಟ ಹುಡುಕಿ ಬರುತ್ತೆ

ಕನಸಿನಲ್ಲಿ ನೀವು ಮತ್ತೆ ಹದಿಹರೆಯದವರಾಗಿರುವುದು..

ನೀವು 60 ರ ವಯಸ್ಸಿನಲ್ಲಿದ್ದು, ನೀವು ಕಾಡಿನಲ್ಲಿ ನಿಧಿ ಬೇಟೆಯಲ್ಲಿ ಹದಿಹರೆಯದವರ ತರಹ ಕನಸು ಕಾಣುತ್ತೀರಿ ಎಂದಾಗ ಇದರ ಅರ್ಥವನ್ನು ಕೆಲ್ಲಿ ಇಲ್ಲಿ ಹೇಳಿದ್ದಾರೆ ನೋಡಿ.

"ಕಾಡಿನಲ್ಲಿ ನಿಧಿಯನ್ನು ಹುಡುಕುವುದು ಪ್ರಕೃತಿಯು ನಿಮ್ಮ ಜೀವನದಲ್ಲಿ ಪುನರುಜ್ಜೀವನಗೊಳಿಸುವ ಶಕ್ತಿಯಾಗಿದೆ ಎಂದು ಸೂಚಿಸುತ್ತದೆ ಮತ್ತು ನಿಮ್ಮ ಕನಸು ಹೊರಾಂಗಣದಲ್ಲಿ ಹೆಚ್ಚು ಪುನರುಜ್ಜೀವನಗೊಳಿಸುವ ಸಮಯವನ್ನು ಕಳೆಯಲು ನಿಮ್ಮನ್ನು ಪ್ರೇರೇಪಿಸುತ್ತದೆ".

ಹದಿಹರೆಯದವರಾಗಿ ನಿಮ್ಮ ಮಹತ್ವಾಕಾಂಕ್ಷೆಗಳ ಬಗ್ಗೆ ಯೋಚಿಸಲು ಈ ಕನಸು ನಿಮ್ಮನ್ನು ಪ್ರೋತ್ಸಾಹಿಸುತ್ತಿದೆ ಎಂದು ಕೆಲ್ಲಿ ಹೇಳುತ್ತಾರೆ. ಒಟ್ಟಿನಲ್ಲಿ ಈ ಕನಸು ನಿಮ್ಮನ್ನು ಮಗುವಿನಂತೆ ಭಾವಿಸುವ ಮತ್ತು ನಿಮ್ಮ ಸಂತೋಷವನ್ನು ಹೆಚ್ಚಿಸುವ ಭಾವೋದ್ರೇಕಗಳನ್ನು ಮರುಶೋಧಿಸಲು ನಿಮಗೆ ಸಹಾಯ ಮಾಡುತ್ತದೆ ಎಂದು ಹೇಳುತ್ತಾರೆ.

ಕನಸಿನಲ್ಲಿ ನೀವು ಕೋಳಿ ಮರಿಗಳಿಗೆ ಸಹಾಯ ಮಾಡುತ್ತಿರುವಿರಿ..

ಕನಸಿನಲ್ಲಿ ನಿಮ್ಮ ಮುಂದೆ ಡಜನ್ ಗಟ್ಟಲೆ ಮೊಟ್ಟೆಗಳಿವೆ ಮತ್ತು ನೀವು ನಿಮ್ಮ ಕೈಗಳನ್ನು ಚಾಚಿದಾಗ ಒಂದು ಅದ್ಭುತವಾದ ಶಕ್ತಿಯು ನಿಮ್ಮ ಮೂಲಕ ಹರಿಯುತ್ತದೆ, ಇದರಿಂದಾಗಿ ಮೊಟ್ಟೆಗಳು ಬಿರುಕು ಬಿಡುತ್ತವೆ ಮತ್ತು ಅದರಿಂದ ಪುಟ್ಟ ಮರಿಗಳು ಹೊರ ಬರುತ್ತವೆ.

ಈ ಕನಸಿನ ಅರ್ಥ "ಮೊಟ್ಟೆಗಳು ಹೊಸ ಆರಂಭಗಳ ಭರವಸೆ ಮತ್ತು ಉತ್ಸಾಹವನ್ನು ಸಂಕೇತಿಸುತ್ತವೆ ಮತ್ತು ನಿಮ್ಮ ಆಸಕ್ತಿಗಳು ಮತ್ತು ಬಯಕೆಗಳಿಗೆ ನೀವು ನೇರ ವಿಧಾನವನ್ನು ತೆಗೆದುಕೊಂಡಾಗ ನೀವು ಎಷ್ಟು ಶಕ್ತಿಶಾಲಿ ಎಂಬುದನ್ನು ನಿಮ್ಮ ಕನಸು ನಿಮಗೆ ತೋರಿಸುತ್ತದೆ ಎಂದು ಕೆಲ್ಲಿ ಹೇಳುತ್ತಾರೆ.

ನಿಮಗೆ ನಿಜವಾಗಿಯೂ ಏನು ಬೇಕು ಎಂಬುದರ ಮೇಲೆ ನೀವು ನಿಮ್ಮ ಗಮನವನ್ನು ಕೇಂದ್ರೀಕರಿಸಿದರೆ, ನಿಮ್ಮ ಕನಸುಗಳು ಜೀವಂತವಾಗುತ್ತವೆ.

ಇದನ್ನೂ ಓದಿ: Lakshmi Narayan Yoga: ಕೆಲವೇ ದಿನದಲ್ಲಿ ಈ ರಾಶಿಗಳ ಲಕ್ಕೇ ಚೇಂಜ್, ಫುಲ್ ದುಡ್ಡೇ ದುಡ್ಡು

ನಮ್ಮ ಗುರಿಗಳು ಎಷ್ಟು ಸೂಕ್ಷ್ಮವಾಗಿರಬಹುದು ಮತ್ತು ಅವುಗಳನ್ನು ಪೋಷಿಸುವುದು ನಮಗೆ ಎಷ್ಟು ಮುಖ್ಯ ಎಂಬುದನ್ನು ಈ ಮೊಟ್ಟೆಗಳ ದುರ್ಬಲತೆಯು ಪ್ರತಿನಿಧಿಸುತ್ತದೆ ಎನ್ನುತ್ತಾರೆ ಕೆಲ್ಲಿ.

ಯಾರೋ ನಿಮ್ಮ ಕಾರನ್ನು ಕದ್ದಿರುವ ಕನಸು ಕಂಡರೆ..

ಕನಸಿನಲ್ಲಿ ನೀವು ಇತ್ತೀಚೆಗೆ ನಷ್ಟವನ್ನು ಅನುಭವಿಸಿದ್ದೀರಿ ಮತ್ತು ಈಗ ನೀವು ಕಳೆದುಕೊಂಡ ಕಾರನ್ನು ಕಂಡುಕೊಳ್ಳಲು ಸಾಧ್ಯವಾಗುತ್ತಿಲ್ಲ ಎಂಬ ಕನಸನ್ನು ಕಂಡರೆ "ಕಾರುಗಳು ನಮ್ಮ'ಗೆಟಪ್-ಅಂಡ್-ಗೋ' ನ ಪ್ರಬಲ ಸಂಕೇತಗಳಾಗಿವೆ ಮತ್ತು ನಿಮ್ಮ ನಷ್ಟದ ನಂತರ, ನಿಮ್ಮ ಉತ್ಸಾಹವನ್ನು ನಿಮ್ಮಿಂದ ಕದಿಯಲ್ಪಟ್ಟಿದೆ ಎಂದು ನೀವು ಭಾವಿಸುತ್ತೀರಿ ಎಂದು ಸಂಪೂರ್ಣವಾಗಿ ಅರ್ಥಮಾಡಿಕೊಳ್ಳಬಹುದು.

ನಮ್ಮ ದೇಹದ ಸಾಂಕೇತಿಕ ವಿಸ್ತರಣೆಗಳು ನಮಗೆ ಸುತ್ತಲು ಮತ್ತು ನಮ್ಮ ಸ್ವಾತಂತ್ರ್ಯವನ್ನು ಚಲಾಯಿಸಲು ಸಹಾಯ ಮಾಡುತ್ತವೆ, ಕಾರುಗಳು ಸಹ ನಮ್ಮ ಸ್ವಯಂ ಪ್ರಜ್ಞೆಯನ್ನು ಪ್ರತಿನಿಧಿಸುತ್ತವೆ ಎಂದು ಕೆಲ್ಲಿ ಹೇಳುತ್ತಾರೆ.

ಈ ಕಷ್ಟದ ಸಮಯದಲ್ಲಿ ಸ್ನೇಹಿತರು ಮತ್ತು ಪ್ರೀತಿಪಾತ್ರರ ಮೇಲೆ ಅವಲಂಬಿತರಾಗಲು ನಿಮ್ಮನ್ನು ಅನುಮತಿಸಿ, ಏಕೆಂದರೆ ಅವರು ನಿಮಗೆ ಬೆಂಬಲವಾಗಿ ನಿಲ್ಲುತ್ತಾರೆ. ನಿಮ್ಮ ಕಳೆದು ಹೋದ ಉತ್ಸಾಹವನ್ನು ಮರಳಿ ಪಡೆಯುವುದರ ಮೂಲಕ ಜೀವನದ ಹಾದಿಗೆ ಮರಳಲು ಸಿದ್ಧರಾಗುತ್ತೀರಿ ಎಂಬುದು ಕೆಲ್ಲಿಯವರ ಸಲಹೆಯಾಗಿದೆ.

ಕನಸಿನಲ್ಲಿ ನಿಮ್ಮ ಇ-ಮೇಲ್ ಹಾಗೆಯೇ ಸಂಗ್ರಹವಾಗುತ್ತಿವೆ..

ಕನಸಿನಲ್ಲಿ ನೀವು ನಿಮ್ಮ ಇ-ಮೇಲ್ ಗಳನ್ನು ನೋಡಲು ಮರೆಯುತ್ತಲೇ ಇರುತ್ತೀರಿ ಮತ್ತು ನೀವು ಅಂತಿಮವಾಗಿ ಇನ್ಬಾಕ್ಸ್ ಗೆ ಬಂದಾಗ, ಅದು ತೆರೆಯುವುದಿಲ್ಲ ಏಕೆಂದರೆ ಅದು ಈಗಾಗಲೇ ತುಂಬಿರುತ್ತದೆ.

ಇದರ ಅರ್ಥ ಏನೆಂದರೆ "ನಿಮ್ಮ ಇ-ಮೇಲ್ ಅನ್ನು ಮರೆಯುವ ಕನಸು ಕಾಣುವುದು ಎಂದರೆ ಬ್ರಹ್ಮಾಂಡವು ನಿಮಗೆ ಕಳುಹಿಸಲು ಪ್ರಯತ್ನಿಸುತ್ತಿರುವ ಪ್ರಮುಖ ಸಂದೇಶವನ್ನು ಸ್ವೀಕರಿಸದಂತೆ ನಿಮ್ಮನ್ನು ತಡೆಯುವ ಅಡೆತಡೆ ಇದೆ" ಎಂದರ್ಥ.

ಎಂದರೆ ಯಾರಾದರೂ ನಿಮ್ಮೊಂದಿಗೆ ಅವರ ಒಳನೋಟವನ್ನು ಹಂಚಿಕೊಳ್ಳಲಿದ್ದಾರೆ ಎಂದು ಕೆಲ್ಲಿ ಹೇಳುತ್ತಾರೆ. ಅದು ನಿಮ್ಮ ಸಂಪೂರ್ಣ ಗಮನವನ್ನು ಬಯಸುತ್ತದೆ, ಆದರೆ ನೀವು ಆ ಮಾಹಿತಿಯನ್ನು ಮತ್ತು ಅದರಿಂದ ಪ್ರಯೋಜನ ಪಡೆಯಲು ನಿಮ್ಮ ಕಣ್ಣುಗಳನ್ನು ತೆರೆಯುವುದು ಮುಖ್ಯ" ಎಂದು ಹೇಳುತ್ತಾರೆ.