Vastu Tips: ನಿಮ್ಮ ಮನೆಯಲ್ಲಿ ಸಕಾರಾತ್ಮಕ ಶಕ್ತಿ ತುಂಬಲು ಈ 10 ವಾಸ್ತು ಟಿಪ್ಸ್​​​ಗಳನ್ನು ಫಾಲೋ ಮಾಡಿ

ನಾವು ಕಟ್ಟಿಸುವ ಮನೆಯ (Home) ರಚನೆ ಮತ್ತು ಗುಣಲಕ್ಷಣಗಳು ಭೂಮಿಯ ವಿದ್ಯುತ್ಕಾಂತೀಯ ಬಲಗಳು ಮತ್ತು ಇತರ ಗ್ರಹಗಳಿಂದ ಉತ್ಪತ್ತಿಯಾಗುವ ವಿಕಿರಣಕ್ಕೆ ನೇರವಾಗಿ ಸಂಬಂಧಿಸಿವೆ ಅಂತ ಹೇಳುತ್ತಾರೆ. ಆದ್ದರಿಂದ ವಾಸ್ತು (Vastu Tips) ಮತ್ತು ಜ್ಯೋತಿಷ್ಯವು (Astrology) ಪರಸ್ಪರ ಸಂಬಂಧ ಹೊಂದಿದೆ ಅಂತ ಹೇಳುತ್ತಾರೆ. ಜ್ಯೋತಿಷ್ಯವು ವಿಜ್ಞಾನವಲ್ಲದೆ ಬೇರೇನೂ ಅಲ್ಲ ಮತ್ತು ನಮ್ಮ ಮೇಲೆ ಈ ನಕ್ಷತ್ರಗಳು, ಗ್ರಹಗಳು ಮತ್ತು ಇತರ ಆಕಾಶಕಾಯಗಳ ಪರಿಣಾಮಗಳು ಇದ್ದೇ ಇರುತ್ತದೆ. ವಾಸ್ತು ನಮ್ಮ ವಾಸಸ್ಥಳಗಳ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ಆದ್ದರಿಂದ 9 ಗ್ರಹಗಳು, 27 ನಕ್ಷತ್ರಪುಂಜಗಳು ಮತ್ತು 12 ರಾಶಿಚಕ್ರ ಚಿಹ್ನೆಗಳು ನಮ್ಮ ಕೆಲಸ ಮತ್ತು ವಾಸಿಸುವ ಸ್ಥಳದ ಮೇಲೆ ಪ್ರಭಾವ ಬೀರುತ್ತವೆ ಎಂಬುದರಲ್ಲಿ ಯಾವುದೇ ಸಂದೇಹವಿಲ್ಲ.

ಹೀಗಿರುವಾಗ ನಾವು ಕೆಲಸ ಮಾಡುವ ಕಚೇರಿಗಳು ಮತ್ತು ವಾಸಿಸುವ ಮನೆಗಳ ವಾಸ್ತುಶಿಲ್ಪದ ಬಗ್ಗೆ ನಾವು ತುಂಬಾನೇ ಜಾಗರೂಕರಾಗಿರಬೇಕು.

ನಮ್ಮ ವಾಸಸ್ಥಳವನ್ನು ಹೆಚ್ಚು ಧನಾತ್ಮಕ ಮತ್ತು ಶಕ್ತಿಯುತವಾಗಿಸಲು ಮತ್ತು ಪಂಚತತ್ವದ (ಬಾಹ್ಯಾಕಾಶ, ಭೂಮಿ, ಗಾಳಿ, ಬೆಂಕಿ ಮತ್ತು ನೀರು) ಗರಿಷ್ಠ ಪ್ರಯೋಜನವನ್ನು ಪಡೆಯಲು ಕೆಲವು ವಾಸ್ತು ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.

1. ಮನೆಯ ಪೂರ್ವ ದಿಕ್ಕಿನಲ್ಲಿರುವ ಕಿಟಕಿಗಳು ಮನೆಗೆ ಸಮೃದ್ಧಿಯನ್ನು ತರುವ ರೀತಿಯಲ್ಲಿರಬೇಕು. ಕಾರಣ ಏನೆಂದರೆ ಸೂರ್ಯನು ಆತ್ಮಕಾರಕ ಮತ್ತು ಸಿಂಹ ರಾಶಿಯ ಅಧಿಪತಿ ಅಂತ ಹೇಳಲಾಗುತ್ತದೆ.


2. ಕೇತುವಿನ ಈಶಾನ್ಯ ದಿಕ್ಕಿನ ಪ್ರಕಾರ, ಮುಖ್ಯ ದ್ವಾರದ ಪ್ರವೇಶದ್ವಾರದ ಬಳಿ ಪ್ರಮುಖ ಮೆಟ್ಟಿಲುಗಳನ್ನು ಹೊಂದಿರುವುದು ಒಳ್ಳೆಯದು ಅಂತ ಪರಿಗಣಿಸಲಾಗುವುದಿಲ್ಲ. ಏಕೆಂದರೆ ಇದು ಭ್ರಮೆಯ ಸಂಕೇತವಾಗಿದೆ ಮತ್ತು ಕಡಿಮೆ ಅದೃಷ್ಟಶಾಲಿ ಎಂದು ಪರಿಗಣಿಸಲಾಗಿದೆ.


3. ಗುರುಗ್ರಹದ ದಿಕ್ಕಾಗಿರುವುದರಿಂದ ಪೂಜಾ ಕೋಣೆಗೆ ಈಶಾನ್ಯ ದಿಕ್ಕು ಹೆಚ್ಚು ಸೂಕ್ತವಾಗಿರುತ್ತದೆ.

ಇದನ್ನೂ ಓದಿ: ಹೊಸ ಹೊಸ ಅವಕಾಶಗಳು ಹುಡುಕಿ ಬರಲಿದೆ, ಮೈ ಮರೆಯದಿರಿ

1. ಪ್ರವೇಶ ದ್ವಾರಕ್ಕೆ ಉತ್ತರ ಮತ್ತು ಪೂರ್ವ ಎರಡೂ ದಿಕ್ಕುಗಳು ತುಂಬಾ ಸೂಕ್ತವಾಗಿರಬೇಕು ಮತ್ತು ಇಲ್ಲಿ ಚಪ್ಪಲಿ ಮತ್ತು ಶೂ ರ್‍ಯಾಕ್ ಗಳನ್ನು ಇಡುವುದು ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸಬಹುದು.


2. ಪ್ರವೇಶ ಸ್ಥಳವು ಮೂರಕ್ಕಿಂತ ಹೆಚ್ಚು ಬಾಗಿಲುಗಳನ್ನು ಹೊಂದಿರುವುದು ದುರದೃಷ್ಟಕರ, ಏಕೆಂದರೆ ಇದು ಅನೇಕ ಸಮಸ್ಯೆಗಳಿಗೆ ಆಹ್ವಾನ ನೀಡುತ್ತದೆ.


3. ಜ್ಯೋತಿಷಿ ಚಿರಾಗ್ ಸೂಚಿಸುವಂತೆ, ನದಿ ಅಥವಾ ಸಾಗರದ ರಮಣೀಯ ನೋಟದ ವರ್ಣಚಿತ್ರಗಳು ಅಥವಾ ಹರಿಯುವ ನೀರು ಮತ್ತು ಸಮುದ್ರದ ಚಿತ್ರವನ್ನು ಮನೆಯಲ್ಲಿ ಇಡುವುದರಿಂದ ಸಾಕಷ್ಟು ಅದೃಷ್ಟ ಬರುತ್ತದೆ.


4. ಅಗ್ನಿಯ ಅಧಿಪತಿ ಆಗ್ನೇಯ ದಿಕ್ಕಿನ ಮೇಲೆ ಆಳ್ವಿಕೆ ನಡೆಸುತ್ತಾನೆ ಮತ್ತು ಆದ್ದರಿಂದ ಅಡುಗೆಮನೆಯು ಇರಬೇಕಾದ ಸ್ಥಳವಾಗಿದೆ. ಅಡುಗೆ ಮಾಡುವ ವ್ಯಕ್ತಿಯು ಪೂರ್ವಕ್ಕೆ ಮುಖ ಮಾಡಿ ಅಡುಗೆ ಮಾಡಲು ಸಲಹೆ ನೀಡುತ್ತಾರೆ.

1. ಗುರುಗ್ರಹವು ಈಶಾನ್ಯ ದಿಕ್ಕನ್ನು ಆಳುತ್ತದೆ ಮತ್ತು ಆದ್ದರಿಂದ ದೇವಾಲಯವು ಈಶಾನ್ಯ ದಿಕ್ಕಿನಲ್ಲಿರಬೇಕು, ಆದರೆ ದೇವತೆಗಳು, ದೇವರುಗಳು ಮತ್ತು ಮೂರ್ತಿಗಳ ಫೋಟೋಗಳು ಪೂರ್ವ ದಿಕ್ಕಿಗೆ ಮುಖ ಮಾಡಿರಬೇಕು. ಮನೆಯಲ್ಲಿ ಅಗಲಿದ ಹಿರಿಯರ ಫೋಟೋಗಳನ್ನು ದೇವರ ಕೋಣೆಯಲ್ಲಿ ಇಡಬೇಡಿ.


2. ಮನೆಯಲ್ಲಿ ಹಿಂಸಾಚಾರವನ್ನು ಸೂಚಿಸುವ ಫೋಟೋಗಳನ್ನು ಇಡಬಾರದು, ಏಕೆಂದರೆ ಅದು ನಕ್ಷತ್ರಪುಂಜಗಳಿಂದ ನಕಾರಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತದೆ.


3. ಚಂದ್ರನು ವಾಯುವ್ಯ ದಿಕ್ಕನ್ನು ಆಳುತ್ತಾನೆ, ಆದ್ದರಿಂದ ಮನೆಯ ಆ ಬದಿಯನ್ನು ವ್ಯರ್ಥ ವಸ್ತುಗಳಿಂದ ತುಂಬಬಾರದು ಮತ್ತು ಹಾಗೆಯೇ ಈ ದಿಕ್ಕು ಕತ್ತಲೆಯಿಂದ ತುಂಬಿರಬಾರದು. ಹೀಗಿದ್ದಲ್ಲಿ ಮನೆಯಲ್ಲಿರುವ ಸ್ತ್ರೀಯರು ಆಗಾಗ್ಗೆ ಅನಾರೋಗ್ಯಕ್ಕೆ ಒಳಗಾಗಬಹುದು.

ಕುಟುಂಬ ಸದಸ್ಯರ ನಡುವಿನ ಜಗಳವನ್ನು ತಪ್ಪಿಸಲು ವರಾಂಡಾದಲ್ಲಿ ವಿಂಡ್ ಚೈಮ್ ಮತ್ತು ಮಲಗುವ ಕೋಣೆಯಲ್ಲಿ ಹರಳುಗಳನ್ನು ಬಳಸಿರಿ. ಕುಟುಂಬ ಸದಸ್ಯರ ರಾಶಿ ಚಿಹ್ನೆಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವುದರಿಂದ ಮನೆಗಳಲ್ಲಿ ಕೆಟ್ಟು ನಿಂತಿರುವ ಗಡಿಯಾರಗಳನ್ನು ತೆಗೆದು ಹಾಕಿ.