Astro Tips: ನಿಮ್ಮ ಲೈಫ್​ನ ಸಮಸ್ಯೆಗಳಿಗೆ ಜ್ಯೋತಿಷ್ಯದಲ್ಲಿದೆ ಪರಿಹಾರ, ಇಷ್ಟು ಮಾಡಿ ಸಾಕು

ಜೀವನದಲ್ಲಿ (Life) ಹೇಗೆ? ಯಾವಾಗ? ಎಲ್ಲಿ? ಎಂತಹ ಸಮಸ್ಯೆ (Problem) ಎದುರಾಗುತ್ತದೆಯೋ ಗೊತ್ತಾಗುವುದಿಲ್ಲ ನೋಡಿ. ಇಂತಹ ಕಷ್ಟ ಅಥವಾ ಸಮಸ್ಯೆ ಎದುರಾಗಬಹುದು ಅಂತ ಒಂದು ಸಣ್ಣ ಊಹೆಯನ್ನು ಸಹ ಮಾಡುವುದಕ್ಕೆ ಆಗುವುದಿಲ್ಲ ನೋಡಿ. ಕೆಲವರು ಈ ರೀತಿಯ ಸಮಸ್ಯೆಗಳನ್ನು ತುಂಬಾನೇ ತಾಳ್ಮೆಯಿಂದ (Patient) ಮತ್ತು ಧೈರ್ಯದಿಂದ (Courage) ಸಮರ್ಥವಾಗಿ ಎದುರಿಸಿ ಪರಿಹಾರವನ್ನು ಕಂಡುಕೊಳ್ಳುತ್ತಾರೆ. ಇನ್ನೂ ಕೆಲವರು ಏನು ಮಾಡುವುದು ಅಂತ ತೋಚದೆ ಕಕ್ಕಾಬಿಕ್ಕಿಯಾಗಿ ಬಿಡುವುದನ್ನು ಸಹ ನಾವು ನೋಡಿರುತ್ತೇವೆ ಅಂತ ಹೇಳಬಹುದು. ಆದರೆ ಈ ಸಮಸ್ಯೆಗಳನ್ನು ಎದುರಿಸಲು ನಮಗೆ ಜ್ಯೋತಿಷ್ಯ (Astrology) ಸಹ ಸಹಾಯ ಮಾಡುತ್ತಂತೆ. ಅರೇ..ಅದು ಹೇಗೆ ಜ್ಯೋತಿಷ್ಯವು ಸಮಸ್ಯೆಯನ್ನು ಪರಿಹರಿಸುತ್ತದೆ ಅಂತ ನೀವು ಕೇಳಬಹುದು.

ಜ್ಯೋತಿಷ್ಯದಲ್ಲಿ ಕೆಲವು ಮಂತ್ರಗಳಿವೆ, ಅವುಗಳನ್ನು ಪಠಣೆ ಮಾಡುವುದರಿಂದ ಮತ್ತು ಸ್ವಲ್ಪ ವಿಧಿ ವಿಧಾನಗಳನ್ನು ಅನುಸರಿಸುವುದರಿಂದ ಎಂತಹದೇ ಸಮಸ್ಯೆಯಿಂದ ಸಹ ನಾವು ಪಾರಾಗಬಹುದು ಅಂತ ಕೆಲವರ ನಂಬಿಕೆಯಾಗಿದೆ. ಇಲ್ಲಿ ಕೆಲವು ರೀತಿಯ ಸಮಸ್ಯೆಗಳಿಗೆ ಪರಿಹಾರವನ್ನು ಸೂಚಿಸಿದ್ದಾರೆ ನೋಡಿ.

ಆರೋಗ್ಯ ಸಮಸ್ಯೆಗಳು ಎದುರಾದಾಗ ಹೀಗೆ ಮಾಡಿ

ನೀವು ನಿರಂತರವಾಗಿ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುತ್ತಿದ್ದರೆ, ಮನೆಯಲ್ಲಿ ರುದ್ರ-ಅಭಿಷೇಕ ಮಾಡಿಸಿ. ಇದನ್ನು ಮಾಡಲು, ರುದ್ರ ಗಾಯತ್ರಿ, "ತತ್ ಪುರುಷಾಯ ವಿದ್ಮಹೆ, ಮಹಾದೇವಾಯ ಧಿಮಹಿ, ತನ್ನೋ ರುದ್ರ ಪ್ರಚೋದಯತ್" ಎಂದು ಪಠಿಸಿ ಮತ್ತು ವಾರದ ಯಾವುದೇ ದಿನದಂದು ಶಿವಲಿಂಗಕ್ಕೆ ಪವಿತ್ರ ಸ್ನಾನವನ್ನು 11 ವಾರಗಳ ಕಾಲ ನಿರಂತರವಾಗಿ ಅರ್ಪಿಸಿ.

ದೀರ್ಘಕಾಲದವರೆಗೆ ನಿಮ್ಮ ಕಾಯಿಲೆ ಗುಣವಾಗದಿದ್ದರೆ, ಒಂದು ದಿನದ ಔಷಧಿಗಳನ್ನು ಹೊರಕ್ಕೆ ಎಸೆದು ಹೊಸ ಔಷಧಿಗಳನ್ನು ಖರೀದಿಸಿ ಮತ್ತು ಹುಣ್ಣಿಮೆಯ ದಿನದಂದು ಅಥವಾ ಪಂಚಮಿ, ಷಷ್ಠಿ, ಸಪ್ತಮಿ, ಅಷ್ಟಮಿ ಅಥವಾ ತ್ರಯೋದಶಿಯಂದು ಹೊಸ ಔಷಧಿಗಳನ್ನು ಖರೀದಿಸಿ.

ಇದನ್ನೂ ಓದಿ: ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ವೃತ್ತಿ ಜೀವನದಲ್ಲಿ ಯಶಸ್ಸನ್ನು ಸಾಧಿಸುವುದು ಹೇಗೆ? ತಪ್ಪದೇ ಓದಬೇಕಾದ ಸುದ್ದಿ!

ಸಣ್ಣ ಕಾಯಿಲೆಗಳು ನಿಮ್ಮನ್ನು ಪದೇ ಪದೇ ಕಾಡುತ್ತಿದ್ದರೆ, ಅಂಗೈಯಲ್ಲಿ ಕೆಲವು ಹಳದಿ ಸಾಸಿವೆ ಬೀಜಗಳನ್ನು ಹಿಡಿದು ಗುರುವಾರ 1008 ಬಾರಿ 'ಓಂ ಗಣಪತಯೇ ನಮಃ' ಎಂದು ಪಠಿಸಿ. ಪಠಿಸಿದ ನಂತರ, ಈ ಬೀಜಗಳನ್ನು ಹಳದಿ ಬಟ್ಟೆಯಲ್ಲಿ ಸುತ್ತಿ ಮತ್ತು ನಿಮ್ಮ ಕುತ್ತಿಗೆಗೆ ಕಟ್ಟಿಕೊಳ್ಳಿ.

ಹೀಗೆ ಮಾಡಿದರೆ ನಿಮ್ಮ ವೃತ್ತಿಜೀವನದ ಸಮಸ್ಯೆಗಳು ಪರಿಹಾರವಾಗುತ್ತೆ!

ನಿಮಗೆ ಕೆಲಸ ಸಿಗದಿದ್ದರೆ, 41 ದಿನಗಳವರೆಗೆ ನಿರಂತರವಾಗಿ ಸೂರ್ಯ ದೇವರಿಗೆ ಒಂದು ಚಮಚ ಸಾಸಿವೆ ಬೀಜಗಳನ್ನು ಅರ್ಪಿಸಿ. ಭಾನುವಾರದಂದು ನೀರನ್ನು ದಾನ ಮಾಡಲು ವ್ಯವಸ್ಥೆ ಮಾಡಿ ಮತ್ತು ಬಾಯಾರಿದ ಜನರಿಗೆ ನೀವು ಹುಟ್ಟಿದ ಸ್ಥಳದಲ್ಲಿ ಉಚಿತ ವಾಟರ್ ಡಿಸ್ಪೆನ್ಸರ್ ಸೌಲಭ್ಯ ಕಲ್ಪಿಸಿ.

ನಿಮ್ಮ ವೃತ್ತಿಜೀವನವು ಆಗಾಗ್ಗೆ ಸಮಸ್ಯೆಗಳು ಮತ್ತು ವರ್ಗಾವಣೆಗಳೊಂದಿಗೆ ಅಸ್ಥಿರವಾಗಿದ್ದರೆ, ಐದು ತಾಮ್ರದ ಪಾತ್ರೆಗಳನ್ನು ಬೇಸನ್ ಹಿಟ್ಟಿನಿಂದ ಮಾಡಿದ ಸಿಹಿತಿಂಡಿಗಳಿಂದ ತುಂಬಿಸಿ ಮತ್ತು ಭಾನುವಾರ ದಾನ ಮಾಡಿ ಮತ್ತು ಕನಿಷ್ಠ 11 ಭಾನುವಾರಗಳವರೆಗೆ ಇದನ್ನು ಹಾಗೆಯೇ ಮುಂದುವರಿಸಿ.

ವಿವಾಹದಲ್ಲಿನ ಸಮಸ್ಯೆಗಳನ್ನು ಪರಿಹರಿಸಲು ಹೀಗೆ ಮಾಡಿ

ನಿಮ್ಮ ಮದುವೆ ವಿಳಂಬವಾದರೆ, "ಓಂ ಜವಾಲ್ ಶುಲಾನಿ, ದುಷ್ಟಗ್ರಹನ್, ಹುನ್ ಫಟ್ ಸ್ವಾಹಾ" ಎಂಬ ಮಂತ್ರವನ್ನು ಬೆಳಗ್ಗೆ ಮತ್ತು ಸಂಜೆ 10 ನಿಮಿಷಗಳ ಕಾಲ ಪಠಿಸಿ ಮತ್ತು ವಿಶೇಷವಾಗಿ ಅಷ್ಟಮಿ ದಿನದಂದು ದುರ್ಗಾ ದೇವಿಯ ಫೋಟೋ ಮುಂದೆ ಇದನ್ನು ಮಾಡಿ.

ಯಾವುದೇ ಸಂಬಂಧ ಇಷ್ಟವಾಗದೆ ಹೋದರೆ ರಾತ್ರಿ ವೇಳೆಯಲ್ಲಿ ಚಂದ್ರನ ಮುಂದೆ ನಿಂತು ಕೈಮುಗಿದು "ಓಂ ಶ್ರಮ್ ಶ್ರೀಂ ಶ್ರೋಮ್ ಸಹ ಚಂದ್ರಮಾಸೆ ನಮಃ" ಎಂಬ ಮಂತ್ರವನ್ನು ಒಂದು ವರ್ಷದವರೆಗೆ ಪ್ರತಿದಿನ ಹೇಳಿ.

ಪ್ರೇಮ ಜೀವನದಲ್ಲಿ ಸಮಸ್ಯೆ ಎದುರಿಸಿದರೆ ಏನು ಮಾಡೋದು?

ನಿಮ್ಮ ಮತ್ತು ನಿಮ್ಮ ಪ್ರಿಯತಮೆ ನಡುವೆ ಆಗಾಗ್ಗೆ ಜಗಳವಾಗುತ್ತಿದ್ದರೆ, ಗುರುವಾರದಂದು ಅಕ್ಕಿ ಮತ್ತು ಕಡಲೆಕಾಳನ್ನು ವಿಶೇಷವಾಗಿ ಸಾಧುಗಳು, ಫಕೀರರು ಅಥವಾ ಪುರೋಹಿತರಿಗೆ ದಾನ ಮಾಡಿ.

ನಿಮ್ಮ ಮತ್ತು ನಿಮ್ಮ ಸಂಗಾತಿಯ ನಡುವೆ ಆಗಾಗ್ಗೆ ಭಿನ್ನಾಭಿಪ್ರಾಯಗಳು ಮತ್ತು ಜಗಳಗಳಿದ್ದರೆ, ಶನಿವಾರ ತೈಲವನ್ನು ದಾನ ಮಾಡಿ ಮತ್ತು ಕಪ್ಪು ಬಟ್ಟೆಗಳನ್ನು ಧರಿಸಬೇಡಿ. ಸಂಜೆ ಸೂರ್ಯಾಸ್ತದ ನಂತರ ಪೂರ್ವ ದಿಕ್ಕಿಗೆ ಮುಖ ಮಾಡಿ "ಓಂ ಪ್ರಮ್ ಪ್ರೀಮ್ ಪ್ರೋಮ್ ಸಹ ಶನಿಶ್ಚರಾಯ ನಮಃ" ಎಂಬ ಮಂತ್ರವನ್ನು ಪಠಿಸಿ.