Zodiac Sign: ನಿಮ್ಮ ರಾಶಿಗನುಗುಣವಾಗಿ ಮನೆಯನ್ನ ವಿನ್ಯಾಸಗೊಳಿಸಿದ್ರೆ ಏನೆಲ್ಲಾ ಲಾಭಗಳಿವೆ ಗೊತ್ತಾ?

Vastu Tips: ಮನೆ ನೆಮ್ಮದಿ ನೀಡುವ ಸ್ಥಳ. ಹೀಗಾಗಿ ಮನೆಯ (House) ಸ್ವಚ್ಛವಾಗಿ, ಸುಂದರವಾಗಿ ಶಾಂತಿಯುತವಾಗಿದ್ದರೆ ಅದರಷ್ಟು ಸಮಾಧಾನ ನೀಡುವ ಸ್ಥಳ ಬೇರೊಂದಿಲ್ಲ. ಮನೆಯೆಂದ ಮೇಲೆ ಅದರ ಅಲಂಕಾರ (House Decoration) ಬಹಳ ಮುಖ್ಯವಾಗಿರುತ್ತದೆ. ಮನೆಯ ಅಲಂಕಾರದಲ್ಲಿ ವಿಶಿಷ್ಟವಾಗಿ ಬದಲಾವಣೆಯನ್ನು ತರಲು ನೀವು ಬಯಸಿದರೆ ನೀವು ನಿಮ್ಮದೇ ಆದಂತಹ ವಿನ್ಯಾಸಗಳನ್ನು (House Design) ರೂಪಿಸಬಹುದು. ಆದ್ರೆ ನೀವು ಇನ್ನೂ ಹೆಚ್ಚಿನದನ್ನು ಹುಡುಕುತ್ತಿದ್ದರೆ ನೀವು ನಿಮ್ಮ ರಾಶಿಚಕ್ರ ಚಿಹ್ನೆಯ (Zodiac Sign) ಪ್ರಕಾರ ನಿಮ್ಮ ಮನೆಯನ್ನು ವಿನ್ಯಾಸಗೊಳಿಸಬಹುದು.

ಪ್ರಸಿದ್ಧ ಆಸ್ಟ್ರೋ ಆರ್ಕಿಟೆಕ್ಟ್‌ ನೀತಾ ಸಿನ್ಹಾ ಅವರು ಪ್ರತಿಯೊಂದು ಮನೆಗೂ ತನ್ನದೇ ಆದ ಜಾತಕವಿದೆ ಎನ್ನುತ್ತಾರೆ.

"ಮೂರು ದಶಕಗಳ ಹಿಂದೆ ಕಂಡುಹಿಡಿಯಲಾದ, ಆಸ್ಟ್ರೋ-ವಾಸ್ತುಶಿಲ್ಪವು ಅಥವಾ ಜ್ಯೋತಿಷ್ಯಶಾಸ್ತ್ರದ ವಾಸ್ತುಶಿಲ್ಪವು ಒಂದು ಸ್ಥಳದ ಜಾತಕವನ್ನು ಸಮತೋಲನಗೊಳಿಸಲು ಮತ್ತು ಅದರ ಅಲಂಕಾರವನ್ನು ಹೆಚ್ಚಿಸಲು ರಚಿಸುವಂಥದ್ದಾಗಿದೆ. ಮನೆಯ ನಿವಾಸಿಗಳ ಹೆಸರು, ಅವರ ಸಂಬಂಧಗಳ ಸ್ವರೂಪವು ಅದರ ವೈಯಕ್ತಿಕ ಶಕ್ತಿಯನ್ನು ನಿರ್ಧರಿಸುತ್ತದೆ" ಎಂದು ಅವರು ಹೇಳುತ್ತಾರೆ.

ಸಾಕಷ್ಟು ಸೆಲೆಬ್ರಿಟಿ ಗ್ರಾಹಕರನ್ನೂ ಹೊಂದಿರುವ ನೀತಾ ಸಿನ್ಹಾ ಬಾಲಿವುಡ್‌ ನಟರಾದ ಅಮಿತಾಭ್ ಬಚ್ಚನ್‌, ಅಕ್ಷಯ್‌ ಕುಮಾರ್‌ ಅಂಥವರಿಗೂ ಆಸ್ಟ್ರೋ ಆರ್ಕಿಟೆಕ್ಟ್‌ ಆಗಿ ಸಲಹೆ ನೀಡಿದ್ದಾರೆ.

ಮನೆ ವಿನ್ಯಾಸದ ಸಲಹೆಗಳು

ಇನ್ನು ಮನೆಯೊಳಗೆ ಪ್ರತಿ ರಾಶಿಚಕ್ರದ ವ್ಯಕ್ತಿತ್ವವನ್ನು ಪ್ರತಿಧ್ವನಿಸಲು ಮನೆಯನ್ನು ಹೇಗೆ ವಿನ್ಯಾಸಗೊಳಿಸಬೇಕು ಎಂಬ ಬಗ್ಗೆ ಅವರು ಸಲಹೆಗಳನ್ನು ನೀಡಿದ್ದಾರೆ.

ಇದು ಮನೆಯವರ ವೈಯಕ್ತಿಕ ಮತ್ತು ವೃತ್ತಿಪರ ಜೀವನವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ ಎನ್ನಲಾಗುತ್ತದೆ. ಹಾಗಿದ್ರೆ ನಿಮ್ಮ ರಾಶಿಚಕ್ರ ಚಿಹ್ನೆಯ ಪ್ರಕಾರ ನಿಮ್ಮ ಮನೆಯನ್ನು ಹೇಗೆ ವಿನ್ಯಾಸಗೊಳಿಸುವುದು? ಯಾವ ರಾಶಿಗೆ ಯಾವ ಬಣ್ಣ? ಹೇಗೆ ವಿನ್ಯಾಸ ಮಾಡಬಹುದು? ಯಾವುದು ಎಲ್ಲಿರಬೇಕು? ಎಲ್ಲಿರಬಾರದು ಎಂಬ ಬಗ್ಗೆ ನೀತಾ ಸಿನ್ಹಾ ಸಲಹೆಗಳನ್ನು ನೀಡಿದ್ದಾರೆ.

ಸಾಂದರ್ಭಿಕ ಚಿತ್ರ

ಮೇಷ ರಾಶಿ: ಮೇಷರಾಶಿಯವರಿಗೆ ಕೆಂಪು ಬಣ್ಣ ಹೆಚ್ಚು ಆಕ್ರಮಣಶೀಲತೆಯ ಭಾವನೆಗಳನ್ನು ಉಂಟುಮಾಡಬಹುದು. ಆದರೆ ಇದನ್ನು ಮನೆಯ ದಕ್ಷಿಣ ಭಾಗದಲ್ಲಿ ಬಳಸಬಹುದು.

ಪಶ್ಚಿಮಕ್ಕೆ ಎದುರಾಗಿರುವ ಭಾಗದ ಸಂಪೂರ್ಣ ಗೋಡೆಗೆ ಪ್ರಕಾಶಮಾನವಾದ ಹಳದಿ ಬಣ್ಣವನ್ನು ಹಚ್ಚಬಹುದು. ಆದರೆ ಮನೆಯ ಪೂರ್ವ ಭಾಗದಲ್ಲಿ ಕನ್ನಡಿ ಮತ್ತು ನೀರಿನ ಕಾರಂಜಿಗಳನ್ನು ಯಾವಾಗಲೂ ತಪ್ಪಿಸಿದರೆ ಒಳ್ಳೆಯದು.

ವೃಷಭ ರಾಶಿ: ಆಹಾರ ಪ್ರೇಮಿಗಳಾದ ವೃಷಭ ರಾಶಿಯವರಿಗೆ ಅಡುಗೆ ಮನೆಯು ನೆಚ್ಚಿನ ಸ್ಥಳವಾಗಿದೆ. ಅದಕ್ಕಾಗಿ ಕಿಚನ್‌ ಹೆಚ್ಚು ಅನುಕೂಲಕರವಾಗಿರಬೇಕು.

ಈ ರಾಶಿಯು ಶುಕ್ರದಿಂದ ಹೆಚ್ಚು ಆಳಲ್ಪಡುವುದರಿಂದ, ಐಷಾರಾಮಿ ಮತ್ತು ಗುಣಮಟ್ಟದ ಅಲಂಕಾರಿಕ ವಸ್ತುಗಳಿಗೆ ಆಕರ್ಷಿತವಾಗಿದೆ. ಹಾಸಿಗೆಗಳು ಮತ್ತು ಆಸನ ಸ್ಥಳಗಳನ್ನು ಪೂರ್ವ ಮತ್ತು ನೈಋತ್ಯ ದಿಕ್ಕಿನಲ್ಲಿ ಇರಿಸಬಾರದು.

ಚಂದ್ರನು ತಮ್ಮ ಚಿಹ್ನೆಯಲ್ಲಿ ನೆಲೆಗೊಂಡಿರುವುದರಿಂದ ವೃಷಭ ರಾಶಿಯವರು ಬಿಳಿ ಬಣ್ಣದ ಹಲಗೆಗಳೊಂದಿಗೆ ಜೋಡಿಯಾಗಿರುವ ಪ್ರಕೃತಿಯ ಅಂಶಗಳನ್ನು ಮನೆಯಲ್ಲಿರಿಸಿದರೆ ಹೆಚ್ಚು ಅಭಿವೃದ್ಧಿ ಕಾಣುತ್ತಾರೆ.

ಮಿಥುನ ರಾಶಿ: ತಮ್ಮ ಜೀವನದಲ್ಲಿ ದೀರ್ಘಕಾಲದ ಮಹತ್ವಾಕಾಂಕ್ಷೆ ಹೊಂದಿರುವ ಈ ರಾಶಿಯವರು ಕ್ರಿಯಾತ್ಮಕ ಮತ್ತು ಗೊಂದಲವಿಲ್ಲದ ಸ್ಥಳಗಳಿಗೆ ಆದ್ಯತೆ ನೀಡುತ್ತಾರೆ.

ಪ್ರತಿ ಕೋಣೆಯಲ್ಲಿ ಬಹಳಷ್ಟು ಅಲಂಕಾರಿಕ ತುಣುಕುಗಳ ಸಂಗ್ರಹ ಮಾಡುವ ಬದಲು ಅತ್ಯುತ್ತಮ ಗುಣಮಟ್ಟದ ಒಂದೇ ವಸ್ತುಗಳನ್ನಿಡಿ. ಹಸಿರು ಬಣ್ಣವು ಮಿಥುನ ರಾಶಿಯವರಿಗೆ ಹೊಂದುವ ಬಣ್ಣವಾಗಿದೆ. ಅಲ್ಲದೇ, ಕನ್ನಡಿಗಳು ಮನೆಯ ಸುತ್ತಲೂ ಸಮತೋಲನವನ್ನು ಒದಗಿಸುತ್ತವೆ.

ಕರ್ಕಾಟಕ ರಾಶಿ: ಈ ರಾಶಿಯವರು ಚಂದ್ರ ಮತ್ತು ನೀರಿನಿಂದ ಆಳಲ್ಪಡುವುದರಿಂದ, ಅವರು ಹಿತವಾದ ಮತ್ತು ಭಾವನಾತ್ಮಕ ವಸ್ತುಗಳಿಂದ ವಿನ್ಯಾಸ ಮಾಡಲಾಗುವ ಮನೆಗಳಲ್ಲಿ ಹೆಚ್ಚು ಸಂತೋಷವಾಗಿರುತ್ತಾರೆ.

ಅವರು ಭವಿಷ್ಯದಲ್ಲಿ ಆರಾಮದಾಯಕ ಜೀವನಕ್ಕಾಗಿ ಉಳಿತಾಯ ಮಾಡುವ ಬಗ್ಗೆ ಹೆಚ್ಚು ಯೋಚಿಸುತ್ತಾರೆ. ಕರ್ಕಾಟಕ ರಾಶಿಯವರಿಗೆ ಅತ್ಯಂತ ಮಂಗಳಕರ ಸ್ಥಳವೆಂದರೆ ಈಶಾನ್ಯ ದಿಕ್ಕು.

ಸಾಂದರ್ಭಿಕ ಚಿತ್ರ

ಅದೃಷ್ಟಕ್ಕಾಗಿ, ಮನೆಯ ಪೂರ್ವ ಭಾಗದಲ್ಲಿ ಕೆಂಪು ಬಣ್ಣವನ್ನು ಸೇರಿಸಿ. ಒಟ್ಟಾರೆಯಾಗಿ, ಈ ಚಿಹ್ನೆಯನ್ನು ಶಾಂತಗೊಳಿಸಲು ನೀಲಿಬಣ್ಣದ ಬಣ್ಣಗಳನ್ನು ಶಿಫಾರಸ್ಸು ಮಾಡಲಾಗುತ್ತದೆ.

ಸಿಂಹ ರಾಶಿ: ಸಿಂಹ ರಾಶಿಯವರು ಸಾಂಪ್ರದಾಯಿಕ ಮನೆಗಳ ಬಗ್ಗೆ ಬಲವಾದ ಆಕರ್ಷಣೆಯನ್ನು ಹೊಂದಿರುತ್ತಾರೆ. ವಿಂಟೇಜ್ ಪುಸ್ತಕಗಳು, ಛಾಯಾಚಿತ್ರಗಳು, ಪೂರ್ವಜರ ವರ್ಣಚಿತ್ರಗಳು ಮತ್ತು ಪ್ರಯಾಣದ ಸ್ಮಾರಕಗಳು ಅವರ ಸಂಸ್ಕೃತಿ ಮತ್ತು ಪರಂಪರೆಯನ್ನು ಪ್ರತಿಧ್ವನಿಸುವಂಥ ವಸ್ತುಗಳನ್ನು ಇಷ್ಟಪಡುತ್ತಾರೆ.

ಹಳದಿ, ಕಿತ್ತಳೆ ಹೀಗೆ ಚಿನ್ನದ ಬಣ್ಣದ ಸಾಂಪ್ರದಾಯಿಕ ಅಲಂಕಾರಿಕ ವಸ್ತುಗಳು ಇವರಿಗೆ ಉತ್ತಮ ಎನ್ನಲಾಗುತ್ತದೆ.

ಕನ್ಯಾರಾಶಿ: ಈ ಚಿಹ್ನೆಯು ಪರಿಪೂರ್ಣತೆಯನ್ನು ಹುಡುಕುವಲ್ಲಿ ಪ್ರಸಿದ್ಧವಾಗಿದೆ. ಹಾಗಾಗಿ ಈ ರಾಶಿಯವರು ಎಲ್ಲ ಕೆಲಸಗಳೂ ಪರಿಪೂರ್ಣವಾಗಿರಬೇಕೆಂದು ಆಶಿಸುತ್ತಾರೆ.

ಸರಳ ಪೀಠೋಪಕರಣಗಳು ಮತ್ತು ಖಾಲಿ ಗೋಡೆಗಳನ್ನು ಹೊಂದಿರುವುದು ಅವರಿಗೆ ಸರಿಬರುವುದಿಲ್ಲ. ಅವುಗಳನ್ನು ಅಪೂರ್ಣವೆಂದು ಭಾವಿಸಬಹುದು.

ಇದನ್ನು ತಡೆಯಲು, ಪ್ರತಿ ಕೋಣೆಯ ಪ್ರತಿಯೊಂದು ಮೂಲೆಯಲ್ಲಿ ಸಾಂಕೇತಿಕ ಅಥವಾ ಭಾವನಾತ್ಮಕತೆಯನ್ನು ಬಿಂಬಿಸುವಂಥೆ ವಿನ್ಯಾಸ ಮಾಡಬೇಕು. ನೇರಳೆ ಬಣ್ಣ ಈ ರಾಶಿವರಿಗೆ ಉತ್ತಮ.

ತುಲಾ ರಾಶಿ: ಕಲಾತ್ಮಕ ಚಿಹ್ನೆ ಎಂದು ಪರಿಗಣಿಸಲಾಗುವ ಈ ರಾಶಿಚಕ್ರವನ್ನು ಶುಕ್ರನು ಹೆಚ್ಚು ಆಳುತ್ತಾನೆ. ಅವರು ಮನೆಯಲ್ಲಿ ಸಮತೋಲವನ್ನು ನೋಡಲು ಬಯಸುತ್ತಾರೆ. ಅವರು ಸುತ್ತಲೂ ಅದ್ದೂರಿ ಅಲಂಕಾರಿಕ ವಸ್ತುಗಳನ್ನು ಹೊಂದಿರುವುದನ್ನು ಬಯಸುತ್ತಾರೆ.

ಜನರ ಗಮನವನ್ನು ಸೆಳೆಯುವ ಸುಂದರವಾದ ವಸ್ತುಗಳಿಗೆ ಆಕರ್ಷಿತರಾಗಿಗುತ್ತಾರೆ. ಆದ್ದರಿಂದ ಮನೆಯ ಪ್ರವೇಶದ್ವಾರದಲ್ಲಿ ಗಮನ ಸೆಳೆಯುವ ಕೇಂದ್ರಬಿಂದು ಇರಲಿ. ಅಲಂಕಾರದಲ್ಲಿ ಕೆಂಪು ಬಣ್ಣದ ಹೆಚ್ಚು ಉಪಯೋಗಿಸಿ.

ವೃಶ್ಚಿಕ ರಾಶಿ: ಈ ರಾಶಿಯವರಿಗೆ ಆಕರ್ಷಕವಾದ ಮನೆಯ ಅಗತ್ಯವಿದೆ. ಈ ರಾಶಿಯವರು ತಮ್ಮ ಮನೆಯಲ್ಲಿ ದಪ್ಪ ಸ್ಟೇಟ್‌ಮೆಂಟ್ ತುಣುಕುಗಳೊಂದಿಗೆ ಜೋಡಿಸಲಾದ ಉತ್ತಮ ಗುಣಮಟ್ಟದ ಪೀಠೋಪಕರಣಗಳನ್ನು ಹೆಮ್ಮೆಯಿಂದ ತೋರಿಸಲು ಇಷ್ಟಪಡುತ್ತಾರೆ.

ಈ ರಾಶಿ ಮಂಗಳದಿಂದ ವಿರೋಧಿಸಲ್ಪಟ್ಟಿರುವುದರಿಂದ, ಒಂದು ಜಾಗದಲ್ಲಿ ಸಣ್ಣದೊಂದು ಅಪೂರ್ಣತೆ ಕೂಡ ಇರಬಾರದು ಎನ್ನಲಾಗುತ್ತದೆ.

ಧನು ರಾಶಿ: ಧನು ರಾಶಿಯವರು ಸರಳವಾದ ಸ್ಥಳಗಳಿಗೆ ಆದ್ಯತೆ ನೀಡುವ ಅತ್ಯಂತ ನೇರವಾದ ಜನರಾಗಿರುತ್ತಾರೆ. ಮನೆಯ ಅಲಂಕಾರದ ವಿಷಯದಲ್ಲಿ ಸಾಂಪ್ರದಾಯಿಕ ನಿಯಮಗಳನ್ನು ಮುರಿಯಲು ಇಷ್ಟಪಡುವುದಿಲ್ಲ.

ಸೂರ್ಯೋದಯ ಮತ್ತು ಸೂರ್ಯಾಸ್ತದ ಬಣ್ಣಗಳು ಅವರಿಗೆ ಧನಾತ್ಮಕತೆಯನ್ನು ಹಾಗೂ ಸ್ಫೂರ್ತಿಯನ್ನು ನೀಡುತ್ತದೆ. ಸರಳವಾದ, ಪ್ರಕೃತಿ-ಪ್ರೇರಿತ ವಿನ್ಯಾಸ, ಹೂವುಗಳ ತಾಜಾ ಹೂದಾನಿ, ಪ್ರಕೃತಿ ಸ್ನೇಹಿ ಅಲಂಕಾರಿಕ ವಸ್ತುಗಳನ್ನು ಅವರು ಇಷ್ಟಪಡುತ್ತಾರೆ.

ಮಕರ ರಾಶಿ: ಮಕರ ರಾಶಿ ತಮ್ಮ ಮನೆಗಳಲ್ಲಿ ಸಾಂಪ್ರದಾಯಿಕ ವಿನ್ಯಾಸಗಳನ್ನು ಇಷ್ಟಪಡುತ್ತದೆ. ಚರ್ಮದ ಮಂಚಗಳು, ಘನ-ಮರದ ಹೆಣಿಗೆಗಳು, ಹಳೆಯ ಗಡಿಯಾರಗಳು ಮತ್ತು ಸಂಕೀರ್ಣವಾದ ನೇಯ್ದ ರಗ್ಗುಗಳು ಇಂಥವುಗಳಿಂದ ಅಲಂಕರಿಸಲು ಇಷ್ಟಪಡುತ್ತಾರೆ.

ಶನಿಯ ಪ್ರಭಾವದಿಂದ, ಅವರ ನೆಚ್ಚಿನ ಬಣ್ಣಗಳು ಆಳವಾದ ನೀಲಿ ಬಣ್ಣದಿಂದ ಕಪ್ಪು ಬಣ್ಣದವರೆಗೆ ಇರುತ್ತದೆ. ಆದಾಗ್ಯೂ ಅಲಂಕಾರಕ್ಕಾಗಿ ಬೂದು ಮತ್ತು ತಿಳಿ ನೀಲಿ ಬಣ್ಣಗಳನ್ನು ನೀವು ಬಳಸಬಹುದು.

ಆದ್ರೆ ಎರಡು ಪ್ರತಿಫಲಿತ ವಸ್ತುಗಳನ್ನು ಪರಸ್ಪರ ವಿರುದ್ಧವಾಗಿ ಇರಿಸುವುದನ್ನು ತಪ್ಪಿಸಿ. ಜೊತೆಗೆ ಯಾವುದೇ ಮಿತಿಮೀರಿದ ಶಕ್ತಿಯನ್ನು ಹೀರಿಕೊಳ್ಳಲು ಮರದ ದೊಡ್ಡ ಪೀಠೋಪಕರಣಗಳ ಪಕ್ಕದಲ್ಲಿ ಕನ್ನಡಿಯನ್ನು ಇರಿಸಿದರೆ ಉತ್ತಮ.

ಕುಂಭ ರಾಶಿ: ಕುಂಭರಾಶಿಯು ಪೀಠೋಪಕರಣಗಳ ನಿಯೋಜನೆ ಮತ್ತು ನೀರಿನ ಅರ್ಥವನ್ನು ಹೊಂದಿರುವಂಥ ಶೈಲಿಯನ್ನು ಪ್ರೀತಿಸುತ್ತದೆ. ಆದ್ದರಿಂದ ಮನೆಯ ಸುತ್ತಲಿನ ಪ್ರತಿಯೊಂದು ಪೀಠೋಪಕರಣಗಳು ಅನುಕೂಲವಾಗುವಂತಿರಲಿ.

ಮನಸ್ಸು ಬಂದಾಗಲೆಲ್ಲ ಅವುಗಳನ್ನು ಮರುಹೊಂದಿಸಲು ಸಹಕಾರಿಯಾಗುವಂತಿರಬೇಕು. ಇದು ಕುಂಭ ರಾಶಿಯವರಿಗೆ ಎಲ್ಲಾ ಸಮಯದಲ್ಲೂ ಶಾಂತಿ ಮತ್ತು ನಿರಾಳ ಭಾವನೆಯನ್ನು ನೀಡುತ್ತದೆ. ನೀಲಿ ಬಣ್ಣವು ಅವರ ಬಣ್ಣವಾಗಿದೆ. ಗಾಜು ಮತ್ತು ಉಕ್ಕಿನ ಅಂಶಗಳು ಈ ಚಿಹ್ನೆಗೆ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತವೆ.

ಇದನ್ನೂ ಓದಿ:  Zodiac Signs: ಸ್ವಲ್ಪ ನಿಧಾನ, ಆದ್ರೆ ತುಂಬಾ ಸ್ಟ್ರಾಂಗ್! ಈ ರಾಶಿಯವರು ಒಳ್ಳೆಯ ಸಂಗಾತಿಯಾಗ್ತಾರಂತೆ!

ಮೀನ ರಾಶಿ : ಮೀನ ರಾಶಿಯವರು ಊಟದ ಮೇಜಿನ ಪಕ್ಕದ ಉಪಹಾರ ಮೂಲೆಯಿಂದ ಹಿಡಿದು, ಕಿಂಗ್‌ಸೈಜ್‌ ಹಾಸಿಗೆಯ ಪಕ್ಕದಲ್ಲಿರುವ ಸೆಟ್‌ವರೆಗೆ ತಮ್ಮ ಮನೆಗೆ ಹೊಂದಿಕೊಳ್ಳುವ ಎಲ್ಲವನ್ನೂ ಬಯಸುತ್ತಾರೆ.

ಜೊತೆಗೆ ಪ್ರತಿ ಋತುವಿನಲ್ಲಿ ಸಣ್ಣ ಬಿಡಿಭಾಗಗಳು ಮತ್ತು ಪೀಠೋಪಕರಣಗಳ ಜಾಗ ಬದಲಾವಣೆ ಮಾಡುವುದು ಮನೆಯಲ್ಲಿ ವೈವಿಧ್ಯತೆಯನ್ನು ತರುತ್ತದೆ. ಈ ಚಿಹ್ನೆಯು ಹಗಲುಗನಸುಗಳನ್ನು ಪ್ರೀತಿಸುವುದರಿಂದ, ಲಿನಿನ್ ಮತ್ತು ರೇಷ್ಮೆಯಂಥವು ಅವರಿಗೆ ಹೆಚ್ಚು ಶಾಂತಿ ನೀಡುತ್ತವೆ.

ಸಾಂದರ್ಭಿಕ ಚಿತ್ರ

ಒಟ್ಟಾರೆ, ಜ್ಯೋತಿಷ್ಯವನ್ನು ನಂಬುವುದು ಬಿಡುವುದು ಅವರವರಿಗೆ ಬಿಟ್ಟಿದ್ದು. ಆದರೆ ಇದರಲ್ಲಿ ನಂಬಿಕೆ ಉಳ್ಳವರು ಈ ಸಲಹೆಗಳನ್ನು ಪಾಲಿಸಬಹುದು.

ರಾಶಿಚಕ್ರದ ಪ್ರಕಾರ ಮನೆಯನ್ನು ವಿನ್ಯಾಸಗೊಳಿಸಿದರೆ ಒಳ್ಳೆಯದಾಗುತ್ತದೆ ಎಂಬ ನಂಬಿಕೆಯಿದ್ದರೆ ಈ ಅಂಶಗಳನ್ನು ಗಮನದಲ್ಲಿರಿಸಿಕೊಳ್ಳಬಹುದು.

ಅದರಲ್ಲೂ ನಾವು ಹೆಚ್ಚು ಹೊತ್ತು ಕಳೆಯುವುದು ಮನೆಯಲ್ಲಿ. ಹಾಗಾಗಿ ನೆಮ್ಮದಿ ನೀಡುವ ಇಂಥ ಜಾಗವು ರಾಶಿ ಚಕ್ರಗಳಿಗೆ ಹೊಂದಿಕೆಯಾಗುವ ವಿನ್ಯಾಸದೊಂದಿಗೆ ಇದ್ದರೆ ಹೆಚ್ಚು ಅಭಿವೃದ್ಧಿ ಕಾಣುತ್ತದೆ ಎಂಬ ನಂಬಿಕೆ ಹಲವರದ್ದು.