Parking Vastu: ಈ ದಿಕ್ಕಿಗೆ ನಿಮ್ಮ ಕಾರನ್ನು ಪಾರ್ಕ್ ಮಾಡಿದ್ರೆ ಆಕ್ಸಿಡೆಂಟ್​ ಆಗೋದೇ ಇಲ್ವಂತೆ, ಟ್ರೈ ಮಾಡಿ ವರ್ಕ್ ಆಗಬಹುದು!

ಹಳೆ ಕಾಲದಲ್ಲಿ ಊರಿಗೆ ಒಂದು ಕಾರ್‌ ಇದ್ರೆ ಅದೇ ದೊಡ್ಡ ವಿಷ್ಯ ಆಗಿತ್ತು. ಆದ್ರೆ ಈಗ ಮನೆಗೆ ಒಂದು ಕಾರ್‌ (Car) ಇದ್ದೆ ಇರುತ್ತದೆ. ಕಾರು ಕೊಳ್ಳುವಾಗ, ಕಾರನ್ನು ಮನೆಯಲ್ಲಿ ಪಾರ್ಕ್‌ (Park) ಮಾಡುವಾಗ, ಕಾರಿನ ಬಣ್ಣ (Colour) ಆರಿಸುವಾಗ ವಾಸ್ತುವನ್ನು (Vastu) ನಂಬುವವರು ಜ್ಯೋತಿಷಿಗಳ ವಾಸ್ತು ಅನುಸಾರ ಕೆಲವು ಸಲಹೆಗಳನ್ನು ಅನುಸರಿಸುತ್ತಾರೆ. ಉತ್ತಮ ವಾಸ್ತು ಧನಾತ್ಮಕ ಶಕ್ತಿಯನ್ನು ನೀಡುತ್ತದೆ. ನೀವು ಯಾವುದೇ ಭಯವಿಲ್ಲದೇ ಸುಖಕರವಾದ ಪ್ರಯಾಣವನ್ನು ಮಾಡಬಹುದು. ವಾಹನದ ವಾಸ್ತು ನಿರ್ಲಕ್ಷಿಸಿದರೆ ನಕಾರಾತ್ಮಕತೆ ಉಂಟಾಗುತ್ತದೆ.

ಕೆಲವೊಮ್ಮೆ ಸರಿಯಾದ ವಾಹನವು ವಾಸ್ತು ಇಲ್ಲದೇ ಹೋದರೆ, ಆ ವಾಹನಗಳು ಅಪಘಾತವಾಗುವ ಸಂಭವ ಕೂಡ ಹೆಚ್ಚು ಅಥವಾ ಅವಸರದ ಹೊತ್ತಿನಲ್ಲಿ ಕೈ ಕೊಡಬಹುದು. ಅಂಥಹ ಸನ್ನಿವೇಶ ಒದಗಬಾರದು ಎಂದಿದ್ದರೆ, ನಿಮಗಾಗಿ ವಾಹನ ಕೊಳ್ಳುವಾಗ ಈ ಕೆಳಗಿನ ವಾಸ್ತು ಸಲಹೆಗಳನ್ನು ಪಾಲಿಸಿ.

ಆಧುನಿಕ ಕಾಲದಲ್ಲಿ ಕಾರ್‌ ಮತ್ತು ಸ್ಕೂಟರ್‌ಗಳು ಟ್ರಾವೆಲಿಂಗ್‌ನಲ್ಲಿ ಪ್ರಮುಖ ಪಾತ್ರವನ್ನು ವಹಿಸುತ್ತವೆ. ನಾವೆಲ್ಲರೂ ವಾಹನವನ್ನು ಖರೀದಿಸಿದ ತಕ್ಷಣ ಪೂಜೆ ಮಾಡಿಸುತ್ತೇವೆ. ಇದಲ್ಲದೇ, ವಾಸ್ತು ಶಾಸ್ತ್ರದ ಪ್ರಕಾರ ಪಾರ್ಕಿಂಗ್ ಸ್ಥಳವನ್ನು ಸಹ ನಿಗದಿಪಡಿಸುತ್ತೇವೆ. ಇದನ್ನೇ ಸಾಮಾನ್ಯ ಭಾಷೆಯಲ್ಲಿ ಕಾರ್ ಪಾರ್ಕಿಂಗ್ ವಾಸ್ತು ಎನ್ನಲಾಗುತ್ತದೆ.

ಕಾರ್‌ ಪಾರ್ಕಿಂಗ್‌ ವಾಸ್ತು ನಮ್ಮ ವಾಹನಗಳಿಗೆ ಭದ್ರತೆಯನ್ನು ಒದಗಿಸುವುದು ಮಾತ್ರವಲ್ಲದೆ ಅದನ್ನು ಡ್ರೈವ್‌ ಮಾಡೋವಾಗ ನಮಗೆ ಸುರಕ್ಷತೆಯನ್ನು ಸಹ ಒದಗಿಸುತ್ತದೆ. ಆದ್ದರಿಂದ, ಕಾರ್‌ ಪಾರ್ಕಿಂಗ್‌ ವಾಸ್ತು ಸಲಹೆಗಳು ವಾಸ್ತು ಕ್ಷೇತ್ರದಲ್ಲಿ ಬಹಳಷ್ಟು ಮಹತ್ವವನ್ನು ಪಡೆದಿದೆ. ಆದ್ದರಿಂದ ನಿಮಗಾಗಿ ಕೆಲವು ಕಾರ್‌ ಪಾರ್ಕಿಂಗ್‌ ವಾಸ್ತು ಸಲಹೆಗಳು ಇಲ್ಲಿವೆ.

ಇದನ್ನೂ ಓದಿ: Money Mantra: ಈ ರಾಶಿಯವರಿಗೆ ಎಲ್ಲವೂ ಮಂಗಳಕರ, ಸೋಲು ನಿಮ್ಮ ಹತ್ತಿರ ಕೂಡ ಸುಳಿಯಲ್ಲ!

ಕಾರ್ ಪಾರ್ಕಿಂಗ್‌ಗಾಗಿ ವಾಸ್ತು ಸಲಹೆಗಳು ಇಂತಿವೆ:

ಹೊಸ ವಾಹನವನ್ನು ಖರೀದಿಸಿದ ನಂತರ, ನಾವು ನಮ್ಮ ರಕ್ಷಣೆಗಾಗಿ ಎಲ್ಲಾ ರೀತಿಯ ಸುರಕ್ಷತಾ ಕ್ರಮಗಳನ್ನು ಬಳಸುತ್ತೇವೆ. ಅದರಲ್ಲಿ ಪ್ರಮುಖವಾಗಿ ಕಾರ್‌ ಪಾರ್ಕಿಂಗ್‌ ವಾಸ್ತು ಅಳವಡಿಸಿಕೊಳ್ಳುವುದರಿಂದ ನಾವು ವಾಹನ ಅಪಘಾತ, ಕಳ್ಳತನ ಇತ್ಯಾದಿಗಳಿಂದ ದೂರವಿರಬಹುದು.

• ಹೊಸ ವಾಹನವನ್ನು ಖರೀದಿಸಿದ ನಂತರ ಮಾಡಬೇಕಾದ ಮೊದಲ ಪ್ರಮುಖ ವಿಷಯವೆಂದರೆ ಅದರ ಸುರಕ್ಷತೆ ಮತ್ತು ದೀರ್ಘಾಯುಷ್ಯಕ್ಕಾಗಿ ಕಾರ್ ಪೂಜೆ (ವಾಹನ ಪೂಜೆ) ಮಾಡುವುದು.


• ಕಾರ್ ಪಾರ್ಕಿಂಗ್ ವಾಸ್ತುವಿನಲ್ಲಿ ಹೇಳುವ ಪ್ರಕಾರ, ಮನೆಯ ವಾಯುವ್ಯ ದಿಕ್ಕಿನಲ್ಲಿ ಕಾರ್ ಗ್ಯಾರೇಜ್ ಅನ್ನು ಕಟ್ಟುವುದು ಉತ್ತಮವಾಗಿದೆ. ಇದಲ್ಲದೆ, ನಿಮ್ಮ ವಾಹನಗಳನ್ನು ಪೂರ್ವ ಅಥವಾ ಉತ್ತರ ದಿಕ್ಕಿನಲ್ಲಿ ನಿಲ್ಲಿಸುವುದರಿಂದ ವಾಹನಗಳ ಸುರಕ್ಷತೆಯ ಅಂಶವು ಹೆಚ್ಚು ಪಾಸಿಟಿವ್‌ನಿಂದ ಕೂಡಿರುತ್ತದೆ ಎಂದು ಹೇಳಲಾಗುತ್ತದೆ.


• ವ್ಯಾಪಾರಸ್ಥರು ತಮ್ಮ ವಾಹನಗಳನ್ನು ಉತ್ತರ ದಿಕ್ಕಿಗೆ ಮುಖ ಮಾಡಿ ನಿಲ್ಲಿಸುವುದರಿಂದ ಅವರ ವ್ಯಾಪಾರ ವ್ಯವಹಾರಗಳು ಲಾಭದಿಂದ ನಡೆಯುತ್ತವೆ ಎಂಬ ಅಂಶವನ್ನು ವಾಸ್ತು ತಜ್ಞರು ನೀಡುತ್ತಾರೆ.


• ಕಾರ್‌ ನಿಲ್ಲಿಸುವ ಶೆಡ್ ಮತ್ತು ಜಾಗವನ್ನು ಅದರ ಇಳಿಜಾರು ಪೂರ್ವ ಅಥವಾ ಉತ್ತರ ದಿಕ್ಕಿಗೆ ಇರುವ ರೀತಿಯಲ್ಲಿ ನಿರ್ಮಿಸಬೇಕು.


• ಕಾರ್‌ ಪಾರ್ಕಿಂಗ್‌ಗೆ ವಾಯುವ್ಯ ದಿಕ್ಕು ಹೆಚ್ಚು ಅನುಕೂಲವಾಗಿದ್ದರೂ ಸಹ ಆಗ್ನೇಯ ದಿಕ್ಕು ಎರಡನೇ ಅತ್ಯುತ್ತಮ ಆಯ್ಕೆಯಾಗಿದೆ ಎಂದು ವಾಸ್ತು ತಜ್ಞರು ಹೇಳುತ್ತಾರೆ.


• ಕಾರ್ ಗ್ಯಾರೇಜ್‌ನ ವಾಸ್ತು ಪ್ರಕಾರ, ಪಾರ್ಕಿಂಗ್ ಜಾಗದ ಗೇಟ್ ಉತ್ತರ ಅಥವಾ ಪೂರ್ವ ದಿಕ್ಕಿನಲ್ಲಿರಬೇಕು ಮತ್ತು ಅದರ ಎತ್ತರವು ಮುಖ್ಯ ಗೇಟ್‌ಗಿಂತ ಕಡಿಮೆಯಿರಬೇಕು.


• ಕಾರ್‌ ಗ್ಯಾರೇಜ್‌ನಲ್ಲಿ ನಡೆದಾಡಲು ಕನಿಷ್ಠ ಎರಡರಿಂದ ಮೂರು ಅಡಿಗಳಷ್ಟು ಜಾಗವಿದೆಯಾ ಎಂದು ನೋಡಿಕೊಳ್ಳಬೇಕು. ಏಕೆಂದರೆ ಈ ರೀತಿ ಜಾಗವನ್ನು ಬಿಡುವುದು ಆ ಪ್ರದೇಶದ ಸುತ್ತಲೂ ಧನಾತ್ಮಕ ಶಕ್ತಿಗಳನ್ನು ಹರಿಯುವಂತೆ ಮಾಡುತ್ತದೆ ಮತ್ತು ನಕಾರಾತ್ಮಕ ಶಕ್ತಿಗಳನ್ನು ದೂರವಿರಿಸುತ್ತದೆ.


• ಕಾರ್‌ ಗ್ಯಾರೇಜ್ ನಿರ್ಮಿಸಲು ಸ್ಥಳಾವಕಾಶವಿಲ್ಲದಿದ್ದರೆ, ವಾಹನಗಳನ್ನು ಯಾವಾಗಲೂ ಉತ್ತರ ಅಥವಾ ವಾಯುವ್ಯ ದಿಕ್ಕಿಗೆ ಮುಖ ಮಾಡಿ ನಿಲ್ಲಿಸಬಹುದು.

ಕಾರ್ ಪಾರ್ಕಿಂಗ್ ವಾಸ್ತು ಪ್ರಕಾರ ತಪ್ಪಿಸಬೇಕಾದ ಕೆಲವು ವಿಷಯಗಳು

• ನಿಮ್ಮ ವಾಹನವನ್ನು ದಕ್ಷಿಣ ಅಥವಾ ಪಶ್ಚಿಮಕ್ಕೆ ಮುಖ ಮಾಡಿ ನಿಲ್ಲಿಸಬೇಡಿ. ಇದರಿಂದ ನಿಮ್ಮ ವಾಹನಗಳು ಬೆಂಕಿ ಅವಘಡಕ್ಕೆ ತುತ್ತಾಗುವ ಸಂಭವ ಹೆಚ್ಚು.


• ಇದರ ಜೊತೆಗೆ ನಿಮ್ಮ ಕಾರ್‌ ಅಥವಾ ಸ್ಕೂಟರ್‌ನ್ನು ನೈಋತ್ಯ ದಿಕ್ಕಿನಲ್ಲಿ ನಿಲ್ಲಿಸುವುದನ್ನು ನಿಲ್ಲಿಸಿ ಏಕೆಂದರೆ ಇದು ನಿಮ್ಮ ವಾಹನಗಳನ್ನು ಮತ್ತೆ ಮತ್ತೆ ರಿಪೇರಿಗೆ ತಳ್ಳುವ ಸಾಧ್ಯತೆ ಹೆಚ್ಚಿರುತ್ತದೆ.


• ಇದರೊಂದಿಗೆ ನಿಮ್ಮ ಕಾರಿನ ಪ್ರಯಾಣದಲ್ಲಿ ಯಾವುದೇ ರೀತಿಯ ನೆಗೆಟಿವ್‌ ಸಮಸ್ಯೆಗಳು ಕಂಡುಬಂದರೆ, ಕಾರಿನ ಡ್ಯಾಶ್‌ಬೋರ್ಡ್‌ನಲ್ಲಿ ಗೋಲ್ಡನ್ ಲೇಪಿತ ವಾಸ್ತು ಯಂತ್ರವನ್ನು ಇರಿಸಿಕೊಳ್ಳಬಹುದು. ಇದರಿಂದ ನಕಾರಾತ್ಮಕ ಶಕ್ತಿ ಮತ್ತು ಯಾವುದೇ ವಾಸ್ತು ದೋಷದಿಂದ ದೂರವಿರಬಹುದು.

-ಕಾರು ಮತ್ತು ಬೈಕ್ ಪಾರ್ಕಿಂಗ್‌ಗಾಗಿ ವಾಸ್ತು ಅನುಸರಿಸುವುದು ಹೊಸ ವಿಷಯವೇನಲ್ಲ ಇವೆಲ್ಲ ನಮ್ಮ ಪೂರ್ವಜರು ಅನುಸರಿಸುತ್ತಿದ್ದ ವಾಸ್ತು ಸಲಹೆಗಳೇ ಆಗಿವೆ.

ನೀವು ಕೂಡ ಈ ಕಾರ್‌ ಪಾರ್ಕಿಂಗ್‌ ವಾಸ್ತು ಸಲಹೆಗಳನ್ನು ಫಾಲೋ ಮಾಡಿ ನಿಮ್ಮ‌ ನಿಮ್ಮ ಪ್ರಯಾಣವನ್ನು ಮತ್ತಷ್ಟು ಆನಂದಮಯಗೊಳಿಸಿಕೊಳ್ಳಬಹುದು.