Vehicle Population: ಬೆಂಗಳೂರಲ್ಲಿ ಎಷ್ಟು ಕಾರ್​, ಬೈಕ್​ಗಳಿವೆ? ಲೆಕ್ಕ ತಿಳಿದ್ರೆ ಶಾಕ್ ಆಗ್ತೀರಿ!

1/ 8

ಬೆಂಗಳೂರು ಹಿಂದೆಂದಿಗಿಂತಲೂ ದಿನೇ ದಿನೇ ವೇಗವಾಗಿ ಬೆಳೆಯುತ್ತಿದೆ. ಟ್ರಾಫಿಕ್ ಸಮಸ್ಯೆ ಬೆಂಬಿಡದೇ ರಾಜ್ಯ ರಾಜಧಾನಿಯನ್ನು ಕಾಡುತ್ತಿದೆ. ಇಷ್ಟೊಂದು ಟ್ರಾಫಿಕ್ ಇರುವ ಬೆಂಗಳೂರಿನಲ್ಲಿ ಎಷ್ಟು ವಾಹನಗಳಿರಬಹುದು ಎಂಬ ಪ್ರಶ್ನೆ ಕಾಡದೇ ಇರದು. (ಸಾಂದರ್ಭಿಕ ಚಿತ್ರ)

ಬೆಂಗಳೂರಿನಲ್ಲಿ ಎಷ್ಟು ವಾಹನಗಳಿವೆ ಎಂಬ ಕುರಿತು ಕರ್ನಾಟಕ ಸಾರಿಗೆ ಇಲಾಖೆ ಅಂಕಿ ಅಂಶ ಬಿಡುಗಡೆಗೊಳಿಸಿದೆ.  (ಸಾಂದರ್ಭಿಕ ಚಿತ್ರ)

ಬೆಂಗಳೂರು ನಗರದಲ್ಲಿ 2013-2014ರ ವೇಳೆಗೆ 13.0 ಲಕ್ಷ ಕಾರುಗಳಿದ್ದವು. 37.8 ಲಕ್ಷ ದ್ವಿಚಕ್ರ ವಾಹನಗಳಿದ್ದವು. ಆ ವೇಳೆ ಬೆಂಗಳೂರಿನಲ್ಲಿ ಇದ್ದ ಒಟ್ಟು ವಾಹನಗಳ ಸಂಖ್ಯೆ 58.9 ಲಕ್ಷವಾಗಿತ್ತು.  (ಸಾಂದರ್ಭಿಕ ಚಿತ್ರ)

2014-15ರಲ್ಲಿ ಬೆಂಗಳೂರಿನಲ್ಲಿ ದ್ವಿಚಕ್ರ ವಾಹನಗಳ ಸಂಖ್ಯೆ 41.7 ಲಕ್ಷಕ್ಕೇರಿತು. ಜೊತೆಗೆ ಕಾರುಗಳ ಸಂಖ್ಯೆ 14.2 ಲಕ್ಷಕ್ಕೇರಿ ಒಟ್ಟು ವಾಹನಗಳ ಸಂಖ್ಯೆ 64. 4 ಲಕ್ಷಕ್ಕೆ ಏರಿಕೆಯಾಯಿತು.  (ಸಾಂದರ್ಭಿಕ ಚಿತ್ರ)

2015-16ರಲ್ಲೂ ವಾಹನಗಳ ಸಂಖ್ಯೆಯಲ್ಲಿ ವೇಗವಾಗಿಯೇ ಏರಿಕೆಯಾಯಿತು. ಆ ವರ್ಷ 45.8 ಲಕ್ಷ ದ್ವಿಚಕ್ರವಾಹನ, 15.2 ಲಕ್ಷ ಕಾರುಗಳು ಬೆಂಗಳೂರಲ್ಲಿ ಇದ್ದವು ಎಂದು ಸಾರಿಗೆ ಇಲಾಖೆಯ ಅಂಕಿ ಅಂಶಗಳಲ್ಲಿ ಬಹಿರಂಗಗೊಂಡಿದೆ.  (ಸಾಂದರ್ಭಿಕ ಚಿತ್ರ)

ಇನ್ನು ಮುಂದಿನ ವರ್ಷವೂ ಬೆಂಗಳೂರಿನ ವಾಹನಗಳ ಸಂಖ್ಯೆಯಲ್ಲಿ ಹೆಚ್ಚಳ ಮುಂದುವರೆಯಿತು. ಈ ವರ್ಷ ಬೆಂಗಳೂರಿನಲ್ಲಿ ದ್ವಿಚಕ್ರವಾಹನಗಳ ಸಂಖ್ಯೆ ಅರ್ಧ ಕೋಟಿಗೇರಿತು. ಅಂದರೆ  50. 1 ಲಕ್ಷ ದ್ವಿಚಕ್ರವಾಹನಗಳಿದ್ದರೆ, 16.4 ಲಕ್ಷ ಕಾರುಗಳಿದ್ದವು.  (ಸಾಂದರ್ಭಿಕ ಚಿತ್ರ)

ಇನ್ನು ಇತ್ತೀಚಿನ ಮಾಹಿತಿ ನೋಡುವುದಾದರೆ 2022-23ರ ಫೆಬ್ರವರಿ ತಿಂಗಳವರೆಗೆ ಬೆಂಗಳೂರಿನಲ್ಲಿ 73.06 ಲಕ್ಷ ದ್ವಿಚಕ್ರವಾಹನಗಳಿವೆ. ಜೊತೆಗೆ 22.2 ಲಕ್ಷ ಕಾರುಗಳಿವೆ. ಅಂದರೆ ಬೆಂಗಳೂರಿನಲ್ಲಿ ಕಾರ್, ಬೈಕ್​ಗಳನ್ನು ಸೇರಿಸಿ 1.08 ಕೋಟಿ ವಾಹನಗಳಿವೆ ಎಂದು ಸಾರಿಗೆ ಇಲಾಖೆ ಮಾಹಿತಿ ಬಿಡುಗಡೆ ಮಾಡಿದೆ.  (ಸಾಂದರ್ಭಿಕ ಚಿತ್ರ)

ಒಟ್ಟಾರೆ ಬೆಂಗಳೂರಿನಲ್ಲಿ ಹೆಚ್ಚುತ್ತಿರುವ ವಾಹನಗಳ ಸಂಖ್ಯೆ ಟ್ರಾಫಿಕ್​ ಸಮಸ್ಯೆಯನ್ನು ತಂದೊಡ್ಡುತ್ತಿದೆ. ಜೊತೆಗೆ ಹವಾಮಾನ ವೈಪರೀತ್ಯಕ್ಕೂ ಕಾರಣವಾಗುತ್ತಿದೆ.  (ಸಾಂದರ್ಭಿಕ ಚಿತ್ರ)