Shubha Poonja: ಬಿಗ್​ ಬಾಸ್​ ಮನೆಯಲ್ಲಿ ಕಣ್ಣೀರಿಟ್ಟು ತನ್ನನ್ನು ಜೋಕರ್​ಗೆ ಹೋಲಿಸಿಕೊಂಡ ಶುಭಾ ಪೂಂಜಾ..!

ಸ್ಯಾಂಡಲ್​ವುಡ್ ಗ್ಲಾಮರ್​ ಗೊಂಬೆ ಶುಭಾ ಪೂಂಜಾ ಬಿಗ್​ ಬಾಸ್​ ಮನೆಯಲ್ಲಿ ಎಲ್ಲರನ್ನೂ ನಗಿಸುತ್ತಾ, ಪ್ರೇಕ್ಷಕರಿಗೆ ಸಖತ್​ ಮನರಂಜನೆ ನೀಡಲಿದ್ದಾರೆ ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.

ಆದರೆ ಅಭಿಮಾನಿಗಳ ನಿರೀಕ್ಷೆ ವಿರುದ್ಧವಾಗಿ ನಟಿ ಶುಭಾ ಪೂಂಜಾ ಬಿಗ್​ ಬಾಸ್​ ಮನೆಗೆ ಕಾಲಿಟ್ಟ ಎರಡನೇ ದಿನಕ್ಕೆ ಕಣ್ಣೀರಿಟ್ಟಿದ್ದಾರೆ.

ಅಷ್ಟಕ್ಕೂ ಶುಭಾ ಪೂಂಜಾ ಕಣ್ಣೀರಿಡುವಂತದ್ದು ಏನಾಯಿತು ಅನ್ನೋ ಅನುಮಾನ ನಿಮ್ಮನ್ನು ಕಾಡೋದು ಸಹಜ. ಯಾರಾದರೂ ಅವರ ಮನಸ್ಸಿಗೆ ನೋವು ಮಾಡಿದ್ರಾ ಅಂತ ಅನಿಸಬಹುದು.

ಬಿಗ್​ ಬಾಸ್​ ಮನೆಯಲ್ಲಿ ಎಲ್ಲರೊಂದಿಗೂ ಬೆರೆಯುತ್ತಾ ಕಾಲ ಕಳೆಯುತ್ತಿರುವ ಶುಭಾ ಹಾಗೂ ಇತರೆ ಸ್ಪರ್ಧಿಗಳಿಗೆ ನಿನ್ನೆ ಬಿಗ್​ ಬಾಸ್​ ಮನೆಯಲ್ಲಿ ಒಂದು ಟಾಸ್ಕ್​ ನೀಡಲಾಗಿತ್ತು.

ಈ ಟಾಸ್ಕ್​ನಲ್ಲಿ ನಿಧಿ ಸುಬ್ಬಯ್ಯ, ಬ್ರೋ ಗೌಡ, ಧನುಶ್ರೀ, ಶುಭಾ ಪೂಂಜಾ ಹಾಗೂ ನಿರ್ಮಲಾ ಭಾಗವಹಿಸಿದ್ದರು.

ಬಿಗ್​ ಬಾಸ್​ ಮನೆಯಲ್ಲಿ ಈ ಸೀಸನ್​ನ ಮೊದಲ ಕ್ಯಾಪ್ಟನ್ಸಿಗಾಗಿ ನಡೆದ ಟಾಸ್ಕ್​ನಲ್ಲಿ ಬ್ರೋ ಗೌಡ ವಿಜೇತರಾದರೆ, ಉಳಿದವರು ಸೋಲನ್ನು ಅನುಭವಿಸುತ್ತಾರೆ.

ಇದರಿಂದಾಗಿ ನಂತರ ಬಿಗ್​ ಬಾಸ್​ ಸೋತರ ಧನುಶ್ರೀ, ನಿಧಿ ಸುಬ್ಬಯ್ಯ, ಶುಭಾ ಪುಂಜಾ ಹಾಗೂ ನಿರ್ಮಲಾ ಅವರಲ್ಲಿ ಯಾರಾದರೂ ಒಬ್ಬರನ್ನು ತೀರಾ ಕಳಪೆ ಪ್ರದರ್ಶನ ನೀಡಿದವರು ಎಂದು ಆಯ್ಕೆ ಮಾಡುವಂತೆ ಅವರಿಗೆ ಹೇಳುತ್ತಾರೆ.

ಒಲ್ಲದ ಮನಸ್ಸಿನಿಂದ ಕಡೆಗೆ ಈ ನಾಲ್ವರು ನಿರ್ಮಲಾ ಅವರನ್ನು ಕಳಪೆ ಪ್ರದರ್ಶನ ನೀಡಿದವರು ಎಂದು ಆಯ್ಕೆ ಮಾಡುತ್ತಾರೆ. ಆದರೆ ಈ ನಿರ್ಧಾರದಿಂದ ನಿಧಿ ಸುಬ್ಬಯ್ಯ ಹಾಗೂ ಶುಭಾ ಪೂಂಜಾ ಖುಷಿಯಾಗಿರುವುದಿಲ್ಲ.

ನಿರ್ಮಲಾ ಅವರ ಹೆಸರನ್ನು ಹೇಳುತ್ತಿದ್ದಂತೆಯೇ ಬಿಗ್​ ಬಾಸ್​ ಅವರನ್ನು ಈ ವಾರ ಮನೆಯಿಂದ ಹೊರ ಹೋಗುವ ಸ್ಪರ್ಧಿಯಾಗಿ ನೇರವಾಗಿ ನಾಮಿನೇಟ್​ ಮಾಡುತ್ತಾರೆ.

ಬಿಗ್​ ಬಾಸ್​ ತೆಗೆದುಕೊಂಡ ನಿರ್ಧಾರದಿಂದ ಶುಭ ಪೂಂಜಾ ಕಣ್ಣೀರಿಡುತ್ತಾರೆ. ಬಿಗ್​ ಬಾಸ್​ ಬಳಿ ನಿರ್ಧಾರ ಬದಲಿಸುವಂತೆ ಮನವಿ ಸಹ ಮಾಡುತ್ತಾರೆ. ಆದರೆ ಯಾವುದೇ ಪ್ರಯೋಜನವಾಗುವುದಿಲ್ಲ.

ಇನ್ನು ಪೂಂಜಾ ನಾಮಿನೇಷನ್​ ಮಾಡುವ ಸಮಯ ಬಂದಾಗ ಮಾಡುವ ಒಂದು ಪುಟ್ಟ ಎಡವಟ್ಟಿನಿಂದ ತಮ್ಮನ್ನ ತಾವು ಜೋಕರ್ ಎಂದು ಕರೆದುಕೊಳ್ಳುತ್ತಾರೆ.

ನಾಮಿನೇಟ್​ ಮಾಡಲು ಬರುವ ಶುಭಾ ಪೂಂಜಾ ಮೈಕ್​ ಅನ್ನು ಸರಿಯಾಗಿ ಹಾಕಿಕೊಂಡಿರುವುದಿಲ್ಲ.

ಆಗ ಬಿಗ್ ಬಾಸ್​ ಶುಭ ಅವರಿಗೆ ಮೈಕ್ ವಿಷಯ ಹೇಳಲು ಹೋಗುತ್ತಾರೆ.

ಬಿಗ್​ ಬಾಸ್​ ಮಾತು ಆರಂಭಿಸುವ ಮೊದಲೇ ಗಾಬರಿಗೊಂಡ ಶುಭ ತಡವಡಿಸುತ್ತಾರೆ. ಶುಭ ಆಡುವುದನ್ನು ಕಂಡ ಇತೆರೆ ಸ್ಪರ್ಧಿಗಳು ನಗಲಾರಂಭಿಸುತ್ತಾರೆ. ಅದಕ್ಕೆ ತನ್ನನ್ನ ತಾನು ಜೋಕರ್​ಗೆ ಹೋಲಿಸಿಕೊಳ್ಳುತ್ತಾರೆ ಶೂಭ ಪೂಂಜಾ.